麵屋武蔵 武骨相傳 (朗豪坊)

营业中

休息中

今日食飯去咗朗豪坊，行過見到依間拉麵店，好似幾好，加上唔洗排隊直入，於是就去咗Try Try😗。坐底之後，店員就會提供QR Code，用佢嚟落單。-🍴二刀流拉麵🍜(香濃豚骨湯)($90)因為本人唔食蔥同荀，所以叫咗唔上🙊。二刀流包咗兩款唔同嘅肉，分別係豚角同叉燒，拉麵仲有半隻溏心蛋🥚。湯底都幾濃，餐牌上寫住選用咗大量豚骨、小魚乾🐟、貝柱同蔬菜而煮成，好足料🤓。溏心蛋亦都好好食😋，不過兩款肉類就麻麻地，首先叉燒雖然都幾厚身，不過正正因為厚身而令到有啲難咬，其次豚角望落幾靚，一層肥一層瘦，但係好鹹😐。-🍴相傳煎餃🥟($48)煎餃有5隻，味道正常，冇咩特別😂。

經過見到有新野。特製浪人蟹湯拉麵$88加流心蛋$10湯底是比較鹹，但蟹味係濃郁。拉麵及配料份量比較少，只有軟殼蟹同一點點菜。唯一好吃的是軟殼蟹，夠脆及炸粉醬唔太厚，好味拉麵冇口感，唔彈牙，普通。

係附近睇完醫生，諗住貪方便就揾左間拉麵食。呢到環境就正正常，少少嘈啫，不過話晒都係半開揚嘅舖位，咁都明白嘅。可能因為係平日午餐時間，所以入座就唔洗等嘅，不過個侍應態度少差咁。佢指我去某張枱（卡位），我咪過去，然後佢就話呢張留比四人坐，一個人坐二人枱（指），但個張枱本身比野擋住左，我睇唔到先以為佢叫我坐卡位，佢啲語氣小西。講下食物先，我睇餐牌見到有個期間限定嘅，就試下佢1️⃣牛肝菌雞白湯拉麵+蘋果汁$150（加一）老實講，味道唔係話好差，但我覺得好油同偏咸，如果你係重口味人士就應該接受嘅，但我麻麻地。拉麵口感就正正常常啦，但份量太細，食幾啖就突然發現食晒。配菜方面，啲雞肉同牛肝菌份量都足，仲有少少黑松露醬，味道Okay嘅但竟然冇筍，好失望。蘋果汁就正正常常啦，飲落都飲啲日本品牌嘅蘋果汁，但就盛惠28蚊。心聲：服務一般，Order又自己Scan code，仲收乜服務費🤢🤢

早前去旺角拎完野諗住行下朗豪坊，去到電話無電去借電，貪方便就諗住係同層食埋野就還電。其實又無乜特別野想食…最後求其揀左拉麵.相傳叉燒拉麵(香濃豚骨湯）$88整體黎講就普通，無乜特別。要食好食既拉麵可以有好多選擇(´･ω･`)試下就好.

大家午安！ 第二次到這虎洞幫襯，拉麵真係麻麻，湯底比較普通，是沒有靈魂的湯麵，麵也是很細份，應該係豚王拉麵份量的一半，溏心蛋都算合格，其他小食都唔錯，腐皮烏賊餅夠乾身，外脆內彈牙，味道都係來自於醬料，青魚定食份量也十足，魚煎得好香，配菜好食。整體來講普通，但性價比低，零服務，一切自助，無俾紙巾，茶餐廳招待客人模式，完全無資格叫做日式拉麵店，日本招呼又無，木口木面，乜都係自己嚟，除咗煮及上菜，又識收10% 服務費，味道普通價錢係日式餐廳價，不會再幫襯！

一心諗住揾商場可以用嘅恒生cash dollar 嘅食店上網搵到話旺角朗豪坊呢間武骨麵屋武藏可以用原來係呃人😡😠😤上網睇到可以用恒生cash dollar 俾錢到埋單時候個員工話唔可以用又無寫住唔用得咁者係點？又話公司無用恒生機但就可以繼續碌恒生卡究竟呢間鋪係咩玩法恒生網頁好耐之前上親去睇都有顯示可用為何顧客食好後先話唔用得真係唔該商店要正視呢個問題呢間鋪銷售手法真係好唔掂請大家各自評理 搞到新年流流都要俾人鬧就唔好啦電子消費嘅唔係好可信🤦🏻‍♀️

近排想食沾麵，就去左附近朗豪坊去食對上一次食係食過原味正常既豚骨湯底所以今次就試試二刀流沾汁麵(黑蒜豚骨湯）$95湯底好夠濃，拉麵沾幾沾都好入味旬，蛋都好食左邊舊肉夠淋同超入味，係最好食湯亦夠蒜味，最後都有全部食晒睇餐牌既時候仲見到有牛肝菌鷄白湯沾汁麵$108都想食，咁岩第2日都會再出旺角，就喺第2日試埋佢！呢個口味既沾麵比較少見，但湯底都一樣夠濃同好味雞夠滑，沾滿湯既雞都令雞由無咩味變夠味菇既味普通如果麵底既量可以多啲就好

有日經過旺角想食啲嘢因為見到呢間餐廳比較少人而且唔洗等位所以決定入嚟醫肚本身唔好拉麵嘅我所有菜式對我嚟講冇咩太大要求- - - - - - - - - - - - - - - - - - - - - - - -1. 相傳叉燒拉麵(香濃豚骨湯)老實講我見到呢碗拉麵有種覺得點解同菜單張圖咁唔同望落啲餸少得可憐味道還好 唔會太咸2. 相傳煎餃呢碟煎餃反而比我預期好食因為佢煎得好靚仔金黃脆面 食落有聲3. 黑鳥黑鳥即係日式炸雞上面有啲黑蒜醬汁蒜味唔會好重唔驚食到口臭 哈哈～

今日係旺角做完運動，臨近晏晝，就係朗豪坊搵下有咩食😋係open rice 見到呢間日本沾麵店，價錢又平民，就去咗試下喇☺️🥧五輪燒餅（$58）見到好多有人嗌呢個小食，就嗌嚟試吓喇🤣佢個味道同大板燒好似，包括鋪滿燒餅嘅日本醬汁同沙津醬，而佢個餅都唔會好粉，唔會一夾就跌🤣不過呢個主打用廣島蠔做嘅燒餅個人就覺得無咩蠔味喇🤫🍝二刀流沾麵（黑蒜豚骨湯）（$88）二刀流沾麵包括一塊大叉燒同豚角🐖叉燒肥厚適中，反而豚角就比較肥，都有差唔多半舊係肥膏🫠黑蒜豚骨湯個人覺得蒜味唔係好突出，味道係中規中矩。反而沾麵嘅麵底就好煙韌，軟硬程度啱啱好☺️🍜二刀流拉麵（香濃豚骨湯）（$85）朋友都係嗌左二刀流，不過係拉麵。我偷偷試左佢個湯底幾啖，個人覺得好過黑蒜湯底。豬骨味濃得嗌又唔會好咸，飲左幾啖都唔會話好頸渴🥰而拉麵嘅麵底係幼麵，軟硬度都啱啱好👍🏻評分：⭐️⭐️⭐️/5人均消費💰：$115

叫了一碗二刀流拉麵，赤湯底。豬腩肉部分很出色，醃得很入味，肥瘦適中，滿口肉香。拉麵份量略厭少，但麵條係好吃的。湯底黏口，杰身香濃又不會太辣，食得出加了少許蒜油。會再幫襯。

門口招牌—激辛牛舌沾麵感覺不錯，便一心想試下，幸好，這激辛湯底可以選辣的程度大、中、細，我確保安全選了細辛🤤而我朋友則選了最激辛😆很快麵便到了，可惜，職員上錯了湯底，將激辛的湯底誤給了我，機緣巧合下試了，一啖便可以噴火😭真的很辛😢試回我的細辣湯底，說真的，味道濃厚、又帶些辣，真的不錯👍將麵條厚厚地沾滿，每一啖也好味😋但牛舌就差些，沒有味，另外叫了小食煎蠔餅，也是不用再叫了😉整體來說湯、麵好味；其他就不用叫了✌️見到不少評論說這沾麵很差、難食，其實也不是😊

岩岩叫左個二刀流沾麵，（辛辣湯底），吃下去的時候，只感受到全是油的感覺，完全沒一點兒辛辣的感覺，完全影響哂成碗沾麵。到最後行出去埋單時，終於發現原來餐廳有餐巾 甘就多謝你加一服務費

星期天晚上七時五十幾分入座，再叫一次我喜歡的白雞沾麵，第一囗吃到酸味，湯不太熱，只微暖，但太餓了，先趕快吃麵條，但越吃越懷疑自己的味蕾，是不是天氣太熱，湯底已變壞，餿（suk1）了，侍應話可能是酒味，我吃不慣，之後換來豬骨湯底，再聽到厨房說停售雞沾，是我不好運？！但應不會再來了

早就猜到連鎖拉麵店會難吃沒想到比我預期更難吃😀沾麵除了鹹味之外，似乎沒有其他的味道。豬骨湯底應該有豬肉的味道，但實際上一點都沒有。至於那塊叉燒，口感像厚切火腿，入口時像是從冰箱中拿出來並再次微波加熱的肉，並沒有豬肉的香味。另外還有一塊肥豬肉，雖然肥膏的部分很香，但肉的部分卻非常柴，幾乎上咬不到，所以我幾乎沒有吃完它。唯一比較正常的是糖心蛋。湯亦非常油膩，但我當然知道沾麵是偏向油的菜餚。然而，當我第一口吃下去時，只有油的味道，而且油感覺上不太新鮮，有點油益味。我立刻叫員工給我一個碗，我把油撇掉後再吃。這樣就變得比較好一點，才能夠吃到湯的鹹味。唐揚魚比菜單照片中的尺寸小了一半有多，真的很夢幻。味道正常，沒有特別出色。嗯…… 星期五的晚上，鄰近的餐廳都有很多人排隊，只有這間不用排隊，其實我亦心知不妙。但真的十分肚餓，吃完後悔萬分，下次不敢了…….

二刀流拉麵 黑蒜油 $85中規中矩 正常水準～有舊肥豬肉幾香.激辛牛舌拉麵餐 $138 送辛味豚耳一份連飲品唔推薦 湯底死辣而唔係香辣 牛舌肉質好鞋.五輪燒餅$58同樣唔推薦 麵粉佔大多數 食到滯