麵屋丸京

营业中

休息中

見呢間拉麵都幾多正評就諗住試試佢啦，點知去到既時候先發現間舖頭係街市街...兩旁係菜檔魚檔...想等位既意欲真係低到一個點....好彩去到既時候魚檔已經收左洗緊地, 如果唔係一定閃左....唔鍾意街市既朋友真係要考慮夜啲先去食半熟蛋拉麵：半熟蛋真係好出色，口感滑溜到不得了，仲有啲甜甜地，超正！叉燒切得非常簿，好似打邊爐既肉咁，唔會太肥亦唔會太韌，做到入口溶既效果可惜既係啲面太硬，連平時鍾意食硬拉麵既朋友都覺得硬，同埋啲荀太老食落有渣，真係扣哂分

星期日晚上去左葵芳麵屋丸京試拉麵見有幾個人排 就打算排一陣排左五分鐘到就有位 其實入面仲有空位但無俾人入 製造人龍吧😏😏😏入到去有空杯for客人飲水有兩張落單紙一拎起枝筆 媽吖 好油😩唔係漏墨個d油 係拉麵😭😭😭建議大家寫既時候小心D 我地兩個人叫左兩碗唔同既拉麵一碗清湯半熟卵拉麵一碗濃湯叉燒拉麵同埋一枝完熟桃梳打 碗拉麵一黎到 朋友試左一啖。。。😧就俾我試下 嘩 好咸好傑 拉麵亦硬到不得了 😂 不過豚肉係幾好既 好薄但豚味重不過加蒜蓉落去幾夾 可惜真係太咸 浪費左一碗拉麵😞另一碗清湯比較好 無咁咸無甘傑 隻蛋係浸過餣過酒 而目流心 幾好食但餸會比較小 得兩片豚肉同一隻蛋但女仔就夠食了 聽到對面既男顧客 話要食兩碗先夠飽😅😅最後幾啖既時候加左辣醬落去試下我的決定是對的😏加左就好似街邊粉麵加辣椒油咁🙊🙊🙊梳打有10%桃味果汁 味道不錯 但不算太濃桃味要注意拉麵不能選擇軟硬度也不能選擇湯的濃度但總括而言是Ok的建議平時不是重口味的人 選擇清湯

不嬲都唔鍾意食香港嘅拉麵，想open rice見到咪試吓囉，用心製作嘅拉麵，湯底唔算太鹹，份量唔係好多，不過啲叉燒真係多到成個碗都係，值得一試嘅拉麵店。環境OK ,座位比較窄，侍應好有禮貌，可能有養貓嘅關係，有貓尿味，但係唔影響。地點都算容易搵，喺葵涌廣場後面門口，過條馬路，喺老人院隔離。可能係午餐嘅關係，唔駛等好耐，個人認為份量比較合適午餐⋯⋯仲有日本好興個D有自助凍水俾你飲，免費架，最啱而家夏天嘅時候。

葵芳到底有什麼好吃？除了葵涌廣場之外，這邊新開了一間由日本人主理的拉麵店。平時晚上經過都見到人流不絕，這晚特意提早一點到小店碰碰運氣。大概七時，我們已經到達拉麵小店。因為時間還早，所以不用等位的情況之下我們便可以入座。小店鋪面以日本風裝修。小店內位置不多，有大桌子、也有吧枱位置，大概只可以容納15位左右的人數。餐點如下:有普通的叉燒拉麵，也有小店的主打低溫煮的真•叉燒拉麵，而湯底可以選擇濃湯或清湯。因為第一次到小店試試味道，所以叉燒拉麵和低溫煮叉燒拉麵名男各點了一碗。真•叉燒拉麵 $93店員把拉麵端上，粉紅色的叉燒非常刺激視覺。滿滿的叉燒鋪在拉麵上，外表好像粉紅色的玫瑰花瓣。叉燒以薄切上碟，入口融化。而且經過低溫慢煮的叉燒，肉質鮮嫩帶肉汁，非常可口。選擇以清湯配上低溫煮叉燒拉麵。拉麵粗又均勻，鹼水味不大，配以清湯入口清新。叉燒拉麵$78叉燒依舊鋪滿湯碗。不過普通叉燒和低温煮質感的確有差。這個叉燒有一定厚度。這次選擇了濃湯配以叉燒拉麵。濃湯多了一份油香。拉麵配以濃湯吃起來更加滑溜。吃過了兩款拉麵之後，粉紅色的真•叉燒令人難忘,相信一定會再來吃喔。

叉燒，醬油，青蔥，味荀，拉麵，都是很平凡的食材。然而，經過廚師用心製作，一切都變得不再平凡。葵芳區鮮有較地道的日式拉麵店，“麵屋丸京”正正為葵芳這平凡的社區，帶來了驚喜以往吃的日本拉麵多數是豬骨濃湯，較為油膩。今次，於麵屋丸京發現了有清湯可選擇，心境平靜的我，無慮即決，選了一客清湯叉燒拉麵。一共有七枚叉燒片，性價比頗高！厚薄適中，口感嫩滑，入口時還是暖暖的！（因為，試過某家拉麵店的叉燒拉麵，叉燒太大塊，露出碗邊而容易失温。）拉麵，不太粗，不太幼醬油湯底，不太鹹，不油膩清蔥，多而不蓋過主角整個湯麵底，給人一種和諧清新的感覺另外，這家拉麵店，並沒有售賣煎餃子等小食。相信是廚師為了專心製作拉麵，這樣才可以把平凡的食材那種真味，推上更高的一個層次。

一直都想去這間拉麵店食，今天終於去試了。午飯時間很多人等位，我們等了半個小時才能入座。店裡面很細，座位不多。一般食客吃完便離開，食物選擇不多，只有拉麵，我喜歡這樣專心去做麵 這裡的濃底全是豬骨湯，我點了濃湯及極上拉麵。义燒肉質柔軟有肉汁，麵條煮得剛好爽口及沾上濃湯入口好滑 吃完也沒有口乾，証明沒有味精。等半小時也值得

一向不太鍾情拉麵的我，今次竟然在葵芳這個美食天地發現了一家拉麵店，毗鄰街市，不太起眼。不過，為食的我當然不會看走眼的。這天，終於找了朋友陪我一起去吃呢。我們選擇平日去，避開星期５的晚飯人潮期。不過，我們到遲時，已有數人在門外排隊，心感不妙，也就快步上前排隊。幸好，前面的客人都是等單人座位的，所以我們只需等數分鐘，便入去了。入座後，店員奉上菜單紙和水杯，決定了就在點菜紙上記下。店子提供的食物類別不多，以拉麵為主，再附以選擇「真．叉燒拉麵」、「極上拉麵」、「叉燒拉麵」、「半熟蛋拉麵」和「豚骨醬油拉麵」。客人可以按個人喜好，選擇湯底（清湯或濃湯），是否需要另加配料和飲料。 聞說這裡最出名的是採用慢煮技術烹調的真．叉燒，可是每天限量，一天20碗一早便賣完了，與其無緣。幸好，菜單上有另一個拉麵與真．叉燒拉麵的賣相有7、8成相似，我想要是拍照也能「呃LIKE」吧！於是我點了「叉燒拉麵（清湯）」 (HK$73)，而朋友想試半熟蛋，於是便點有半熟蛋的「極上拉麵（清湯）」(HK$83)。網上不少人說，到這裡來一定要嘗叉燒，選清湯湯底。這裡的拉麵主是京都風的豚骨醬油湯底，所以感覺清很多。不過，最吸睛的始終

拉麵店越開越多，但其實大排長龍去吃拉麵的人潮已漸見減少。大家可能只會路過閒來才會吃拉麵，與以往專程去某處試某家拉麵的盛況截然不同。難得幾名友人一同進食，可盡試拉麵這男人的浪漫。平日見面可能只是運動；坐著閒聊，赫然發現，彼此經歷大小波動異常事，交流鬱結。原來此店確是某名家剛在牛頭角吃過那家，有幸碰巧路過一試😏葵芳此分店完全不起眼，在葵涌廣場地下對面馬路譚仔旁邊；鄰店在賣菜，此店卻售拉麵。已查詢磁性聲音店員，他指此店用日本拉麵，麵條較硬，先試試吧，好，就聽他所說。結果麵條還好，不算太煙韌，幸好也不太軟林的。湯底的豚骨味還挺濃香，不太咸，夠火喉。湯底溫度夠熱，吃太快應該會汗流浹背。由於本人認為麵條不算太硬，彈力僅算尚可，故吃麵時可能吃快些較佳，否則浸得更淋便沒意思。叉燒質素甚佳，雖也未如以往吃過的圓形扎起的叉燒，但肥瘦有至，薄薄的總不會瘦得痴牙，肥的也不會吃到滿口油，好吃!由於溏心蛋切開兩邊，如太熟就不應放上碗子，因此當然不會出現過熟的溏心蛋，不算太入味，但流質的蛋黃部分剛剛好，流心美味。調味料三瓶，蒜泥、七味粉等，吾等只用了少許蒜泥。既設有吧枱位置，又有四人桌子數張，任君選擇。無論個人獨吃

身邊有一位朋友強力推薦，話葵芳有一間新開既算幾正宗既拉麵店，竟然咁近我屋企，點可以唔去試下呢！果陣係下午一點，撞正午飯時間果啲位，去到門口，前面有4桌先到我地兩位，但入客既速度都算快，排左15分鐘左右便可入座店舖內不大，合共只有差不多20個坐位，我與友人被安排到高卡座位。兩個都揀左濃湯，湯底，為拉麵的首要賣相算吸引，吸晴程度高，第一試左流口蛋，味道普通，拉面質地算硬身，真叉燒都有口感，有點入口即溶的感覺，湯底好濃味，但係第一口已經飲到好頸渴，亦都好油都是濃湯，肉麻麻，油脂味很重，最後食左半碗就頂唔順，食唔落雖然係葵芳來講，的確算係一間出色既拉麵店，但因太過油，食完一整天都感到油脂味，故此扣分，下次會再比多次機會試清湯！

琴日去左開葵芳血拼 梗係想順便去食我上次食唔到既拉面 位置係葵涌廣場後面 我同朋友大約6:10去到 唔駛等 侍應安排好座位後 遞上menu 就話真叉燒拉面每日限定二十現只剩四碗 一聽到即刻朋友商量 之後我地叫一碗豚骨醬油拉面 （$58）一碗真叉燒拉面（$88）要濃湯加一隻旦（$10）三四分鐘後已好快送上 我同朋友每碗食半份 咁就可以試哂兩個味啦 我先試真叉燒拉面 佢既外表已經無得輸 不得了一試叉燒超淋 低溫慢煮果然好淋 厚度亦剛好 一碗大概有6-7片 拉面係唔算好粗亦唔無好幼 但面都算掛到d湯 湯都唔算油 豬骨味濃 但無其他配菜係裡面了 如荀 另外豚骨醬油拉面 看似細碗少少 不是慢煮 但都好淋 好薄片 呢碗就有荀啦 湯頭唔會死咸醬油味 不喜歡濃郁豬骨湯既選這個清湯也不錯 每款都可以自選清湯或濃湯 但係坐位空間較細 唔好血拼到幾大袋野去就最好啦 我地食完出黎大概6:30 已經有五六人排緊隊 唔想排隊同食到限定就要早去 我地係平日去架😅

有次落車經過發現呢間拉麵店.. 有幾個人排隊，好奇心之下過幾日行完葵芳大約8點就去試下.. 其實營業時間到九點..但都重有人同我地一樣係出面等梗。店舖不大，等左一陣先入得~拉面軟硬,配菜,湯底 自己選擇～填紙仔就得~ 拉麵湯底有清湯/濃湯我擇左濃湯.. 極上拉麵!同menu 既圖一樣成碗鋪滿叉燒⋯!半熟蛋本身係全隻～不過未影相前俾我食左一邊😆叉燒厚薄適中，好軟稔⋯湯底好濃郁,比較「杰」身⋯ 不經不覺飲剩一半..值得一去既拉麵小店 下次我試下清湯先⋯

頭先岩岩係OpenRice 到見到個個人都話係隱世拉麵咁咪去試下囉！點知叫左兩款拉麵！中晒伏！豬骨湯底勁咸！面質一般！坐位唔識分配！隻半熟蛋又係好咸!叫左兩碗面！兩碗都食唔到一半！

一黎就忍唔住打手指公 讚之前經過幾次都見到有人排隊，今次我就揀咗平日過咗lunch time先黎！啱啱好有人走，有得即刻入！時間啱啱好！入到去佢就放低張紙俾我揀野食，計埋個真·叉燒拉麵總共5款揀，之後侍應應該係我背後感受到我既「選擇困難症」發作，佢就走過黎話：「低溫慢煮叉燒好食㗎！」好！我就信你啦！滿滿既低溫慢煮叉燒，一啲都唔肥，但又好淋，仲要佢份量好大！我真係食唔曬！一啖肉一啖麵一啖湯好正呀！麵條軟硬合我心水，算係偏硬既口感我自己揀咗濃湯，不過好多人都食唔慣濃湯，因為濃湯會結身啲同濃味好多，所以建議平時食唔慣太濃味既人揀食清湯。提醒！半熟蛋係另加既！我仲叫咗支白桃梳打滿足

小妹因為近日冇返工，所以成日都周圍玩同食，今次就同另一半去到葵芳搵食，其實今次依間餐廳都係係男人的朋友大力推薦下，所以都忍唔住要一試呀！ 小店係葵芳小街市附近，門口唔算大，只有一副店名掛布掛在門邊玻璃，小妹都差行過唔留意，但因為都有小小人龍係門口，所以先冇Miss咗！ 店內有小小布置，都係用上店名及Logo，店內位不多，約10個位。 3張4-5人枱，再加上一排單邊長枱，所以如果太大班人就不建議一齊食。 牆身有兩款湯面介紹，一款是清湯、一款是濃湯。 店內仲有唔同梳打飲品，喜歡梳打飲品嘅朋友都可以試下！ 店內以日本真空低溫調理食材，真係好想即刻可以試到呀！ 店內更以真．叉燒拉麵為主打，不同叉燒拉麵，小妹見到已經食指大動。 店內有四款拉麵，半熟卵、叉燒、極上、豚骨醬油拉麵。 拉麵可以選擇清湯／濃湯，另外更可以追加粟米、紫菜、味荀、叉燒、半熟卵及麵。 當然亦有一項走配料，好似小妹唔食荀同蔥就可以剔走。 小妹今次就叫咗清湯叉燒拉麵，而男人就叫咗濃湯極上拉麵。 清湯叉燒拉麵($73)，熱辣辣的清湯上鋪上一片片叉燒，就好似一片叉燒海，未食都已經感到澎湃。 每片叉燒厚薄適中，而且唔會太

葵芳區近期新開張了兩間拉麵店（另一家在商場裡面），今日終於有機會試下朋友讚不絕口的"麵屋丸京"。幸好比較早到，所以不用排隊。坐低之後，我試了極上拉麵配濃湯。慢煮叉燒的數量多得很，鋪滿整個碗的表面，雖然只是薄薄一片片，但非常嫩滑同好味。湯底來說，雖然已經選了濃湯，但我仍然覺得有點淡，這個比較可惜。麵身則屬於我喜愛的偏硬，麵的份量則比較少，男士們一定要加麵底才夠飽。總括而言，單論慢煮叉燒的質素，"麵屋丸京"應該不愁冇客人。