麵屋丸京

营业中

休息中

食物：蝦湯太鹹，真叉燒太肥太鹹食完之後全日都非常頸渴清湯：普通，冇特別，真叉燒太肥太鹹溫泉蛋好食炸雞夠熱夠脆餃子普通冇特別服務：女店員service 差，態度不好，不會再食

今晚同朋友嚟到丸京拉麵食，六點半嚟到已經要排隊排到接近七點先有得食。🍜我叫既係真叉燒拉麵配小蝦乾清湯🦐［💵$108］我琴日冇影相😭所以用返ig以前嘅story，下圖係丸京拉麵，有三塊普通叉燒（左）同三塊真叉燒（右）🐖 ［💵$100］我通常都會去深水埗呢間因為深水埗呢間有蝦湯🦐，但其他分店例如荃灣就冇。我最鍾意嘅湯底係小蝦乾清湯，清得嚟又鮮甜，而且有濃郁嘅蝦油味，豬骨湯同蝦味都可以清晰咁食到，配上掛湯嘅拉麵食係一流。🍲⭐要注意嘅係小蝦乾清湯得星期一同三先有，星期四至六做嘅係濃湯！丸京嘅拉麵質素喺香港係tier one，叉燒有分普通叉燒同真叉燒，真叉燒即係慢煮叉燒🐷咬落爽口唔油膩，中間嘅筋部仍然保持豬肉嘅油香🐖所以如果嚟食丸京一定要食佢嘅真叉燒。雖然真叉燒拉麵價錢有少少貴，但如果你想平平地咁食其實佢普通嘅豚骨湯拉麵都係78蚊。🥢至於配菜方面，唔可以唔提嘅係佢嘅筍好爽口，而且好吸湯，配上湯食落好正。我嚟咗三次，雞蛋都係半熟火喉啱啱好🍳坐吧檯會見到師父親自整呢個拉麵，佢會好大力咁chok個麵，chok走拉麵嘅鹼水味。等待嘅時間會耐少少，但可以見到呢度師傅嘅誠意。⏳真心推薦呢度嘅真叉燒拉麵🍜而且

前幾天我到了麵屋食拉麵，點了炸雞和兩碗鎮店拉麵。炸雞熱騰騰的，味道一流，調味適中，女兒也大讚美味!拉麵湯底不會太鹹，非常好吃!豚肉軟滑，配合拉麵是非常夾，小朋友也可自己吃完一碗!女兒還說可以吃兩碗呢!下次會再試其他湯底同拉麵。適逢店舖3週年，有烏龍茶或汽水贈送，真是很好呢，積分還有雙倍贈送。最後我們加了餃子，有5隻，外皮脆，跟日本吃的真是還原度很高。仲有粟子雪糕想試，不過太飽啦，下次會再來一試，大推!

網上見到呢間拉麵店提供慢煮叉燒, 就過黎試下。 叫左柚子胡椒湯底既丸京拉麵 內含 真叉燒同普通叉燒 /蛋/旬呢度冇得揀麵既粉量同粗幼度上一麵見到其實叉燒唔止6片,份量亦算多。首先試湯底, 胡椒香而不辣,唔鹹亦有柚子香, 非常唔錯。之後分别試左2種唔同既叉燒普通叉燒偏鹹, 覺得似西式火腿；真叉燒如食評所講, 有肉味,不過覺得太薄。麵麥味不足, 如果麵再硬少少會更好。溏心蛋好有蛋味,最驚喜反而係旬, 喺香港拉麵店食到既通常都臭,難得呢間係好食的。湯底：4/5分麵： 3/5分叉燒：3.5/5分

今次去呢間拉麵店門口已經出現人龍，主要佢地座位唔算多，不過既然有人肯等，睇黎都值得一試😏 可惜我去食既時候已經賣曬濃湯，連餃子都冇埋🥲 坐位方面佢有自助既蒜同辣醬調味，仲有盒紙巾比客人用，有紙巾係我會著重既一點黎，值得一讚😎我地叫左黑蒜油清湯（+$10）既真叉燒拉麵（$108），佢真叉燒我感覺係一d比較生d既日式叉燒，幾好食既，佢仲有隻蛋比埋我，而呢個黑蒜油湯好好飲，鐘意黑蒜味既都值得加錢轉😋另一碗我地叫左清湯豚骨拉麵（$78），不過我地呢碗就走蛋（-$10）仲平$10，佢呢個豚骨拉麵其實就都係叉燒黎，不過今次既叉燒就燒得比較熟既，佢既清湯我覺得實際係醬油湯黎既，亦都幾好味👍🏻佢既然冇餃子，我地轉嗌佢既自家製七味炸雞（$38），呢個炸雞佢新鮮即炸，好熱，我要灘一陣先食到😂 不過熱係好事黎，點埋個沙律醬食好match👏🏻呢間拉麵店真係唔錯，係要排隊有d辛苦，因為佢要室外排，天氣熱就更加覺得辛苦，可能去其他分店食會更好‼️

丸京食過幾次荃灣個間，深水埗總店第一次食。深水埗店無我最鐘意既地獄指天椒湯底，所以叫返濃湯(豬骨)，麵款同軟硬無得揀，揀左一碗真叉燒同一碗普通叉燒(普通叉燒無特別，真叉燒用慢煮方法去煮所以夠淋夠滑但重肉味)。麵係直麵無鹼水味夠爽，食到最後都唔會淋而且有麵香幾好食。豬骨湯中等厚度少少杰身，仲有少量油脂，但飲落唔覺肥膩，濃得黎又唔會咸，唔小心飲到見底。整碗麵我比90分，如果叉燒可以再香d，個湯再熱多少少就可以95分除左拉麵，深水埗店個炸雞同餃子講真係拉麵店數一數二，可以去到試一個小食。

中午食完一間幾好食嘅拉麵，但始終有啲唔夠喉，睇留言見到有人提呢間，於是夜晚試埋佢。冇當日即刻打食評，所以記憶有啲矇糊，但絕對記得係塊叉燒份量多再加幾好食，佢有分三塊燒三塊唔燒，唔燒嘅幾好食。湯底ok, 我再加咗背脂，但我覺得有啲啲油，所以建議唔使加。麵質都一樣唔係傳統個隻拉麵，唔係唔好食，只係唔係我杯茶。配料好食，一樣絕對合格。價錢我食咗$100+$10（背脂），我自己覺得合理，因為真係幾飽，但未去到好抵。留意，星期一至四同五至日嘅menu 唔同，自己查咗先去。

上址深水埗分店，星期日就與朋友去試試，去到已見很多人排隊，當日天氣好熱好曬，亦剛剛下了陣過雲雨，見排隊前頭有一家三口，其中一個係約8-10歲女的小朋友, 下兩張應該到他們一家，而店中女侍應就表示你們三人不能一次過入店內企等，只可容納兩個，因為多一個人入店內等會影響冷氣，唔夠凍，所以其中一個出返店外等。。。女侍應狠心拆散人地一家，好嘢，她真是好醒目好叻女，結果見到一家三口一齊返出嚟店外等，但等不夠一分鐘，一家三口絕塵離開😱好有型好有性格，明明等了咁耐，下張就到他們，都即刻走，登時好欣賞一家三口，我再看看各評語此店，原來此女侍應係多麼出名，她的態度，她的性格與及處事手法，令她出了名

個人認為味道幾好味，但咁嘅服務態度絕對唔需要再試！！！！話說男朋友未到，叫我先到先入座。到餐廳時，男侍應舉起一隻手指問是否一人，而我一手拎住一袋重野，而我用拎住電話嘅手舉起2隻手指，佢就示意我坐近門口4人位，不過要單邊坐，完全理解，大部分店舖都係咁。男朋友到店前，我對面已經坐了另一位男士，亦有2位男士等位。當男朋友到達時，正在落單嘅女侍應叫佢排隊等，男朋友話已經有位，女侍應就話「齊人先入座」，我勁愕然望住男侍應，當然男侍應同樣咁望住我，我就知道大家都誤會左，然後女侍應就再重覆兩次同一句說話，「齊人先入坐」，再加一句「下一位先生呀！」我真心呆左！！！其實你唔理解事源唔緊要，你可以講句「小姐，你介唔介意重新等過，比兩位先生入座先」。如果佢咁講我覺得冇問題，絕對唔係咁嘅態度！好似認定咗我係存心欺騙！！！

放假經過都見有人排隊，今日好想食拉麵，放工就碰碰運氣，去到大約七點見有四個人等緊位，都係等咗十五分鐘😅豚骨拉麵🍜湯底可以揀清湯、濃湯（黑蒜、蝦湯+12）豚骨拉麵有三塊叉燒同一隻糖心蛋，我揀咗濃湯，湯中充滿濃濃豚骨味豚肉油脂適中，麵條吸埋湯汁好好味丸京拉麵🍜一上枱非常澎湃，大大塊叉燒佈滿成碗麵，真叉燒三塊、叉燒三塊、醬油糖心蛋，肉味都嫰滑不肥不腻，大大碗非常超值香蔥沙律炸雞炸雞外面香脆，內面雞肉鲜嫰

一間位於深水埗的拉麵店，平時經過都會見到有人排隊，而突然間又好想食拉麵，就決定一試，竟然有意外驚喜！——————豚肉拉麵 （清湯）HKD78意想不到的美味，湯底清新，係可以飲晒嘅湯底，糖心蛋亦都好好食！拉麵質地剛好，唔會太硬唔會太淋，非常欣賞！以呢個價錢食到呢個質素嘅拉麵，的確唔錯！唔怪得咁多人排隊！丸京拉麵（小干蝦湯底）HKD 78+10呢個湯底絕對係驚喜之作，湯底蝦味非常香，而且湯底亦都非常清新，唔會因為係海鮮湯底而有好多油，呢個係我欣賞嘅地方！而且個湯真係好好飲，會係我再嚟食嘅原因！而呢個拉麵唔同嘅地方，就係有真叉燒，兩種唔同嘅叉燒一齊食，的確滿足！——————評價：深水埗驚喜拉麵性價比高週末開心之選推介指數：❤️❤️❤️❤️

麵屋丸京係由日本京都開過香港既正宗拉麵!!!成日經過丸京都會見到大排長龍之前見YouTuber大島與威龍都介紹過丸京連在港日本人食過都話好味 所以一直都好想去試前排煲日劇 又喚醒我既 \ 🔥拉麵魂 /於是乎 我終於的起心肝去排隊試下 🏃‍♀️💨當日星期六下午大約排左半個鐘左右***\ 🍜 丸京拉麵 ($100) /-真叉燒3枚 + 叉燒3枚 + 醬油糖芯蛋 + 筍-麵條可以自選軟硬度一送上枱就見到✨超級澎湃既叉燒✨!!!非常震撼😎 大大塊粉嫩叉燒佈滿成碗拉麵～見到已經急不及待想食!!! 真叉燒係由低溫慢煮而成有別於一般拉麵店既叉燒 一啲肥膏都無 薄切叉燒肉質鮮嫩 瘦而不柴吸埋湯汁更加好食🤤另一款普通叉燒雖然無真叉燒咁出色但肉味都好濃 🐽份量超級多 以正常女仔食量 真係食唔哂😂湯底可以揀清湯/濃湯/黑蒜/限定蝦湯🦐本身想試蝦湯 但當日已經售罄所以只好揀左濃湯 濃稠既豚骨湯頭!!!!豚肉油脂令湯頭有滿滿既膠質適合重口味既人士 (例如:我🤭)題外話：有一點我中意既係丸京同日本其他拉麵店一樣!! 🚰店內提供超級超級超級冰凍既水!!!! 😂😂***丸京可以媲美好多香港人氣拉麵店 👍真係有正宗日本

🍜濃湯丸京拉麵 $100大癲！$100有六塊叉燒，非常豐富；三塊燒過，三塊無燒過；我就中意食原生叉燒多啲🙆🏼‍♀️你地呢？🍜濃湯豚骨拉麵 $78好正！湯底濃厚，絕對係足料熬煮，飲落去啖啖豬骨味。有三塊燒叉燒，又香又腍🫶🏼拉麵有咬口，份量多！女仔未必食得晒🤭🍗沙律炸雞 $42友人帶我黎食話一定要試呢個，午市叫小食仲免費送汽水😍一端上炸雞，香味俱全，非常脆口！新鮮到🥹外樣脆口但內面又鮮嫩，必食！💯

price around 100$.+10$ for additional fat 背脂soysauce soup based, very clear and fresh.you can drink all the soup without 肥膩。thats the ramen i wanted.u can see 6 piece of slice pork. big enuf to roll into a meat ball shape, very enough meat and more then a lot of ramen place.noodle is thick 太麵， very good chewy quality.love it. have japan quality✅will come back

人氣拉麵店「麵屋丸京」早前獲網上熱棒，店舖長期大排長龍， 非常誇張！今日去碰下運氣，好彩人龍不算太長，都係等15-20mins 店舖主打蝦湯、濃湯、黑蒜油湯等拉麵湯底，拉麵設有普通叉燒及「真叉燒」，任意選擇！1. 濃湯豚骨拉麵 $78 今次我選擇濃湯拉麵，3大塊叉燒，賣相吸引，仲要有1隻流心雞蛋🥚，配上筍，賣相吸引！拉麵🍜超彈牙，湯底超濃豚骨味，令拉麵更掛汁，叉燒帶有輕微煙燻味，令人食慾大增！同時點了一份招牌香蔥沙律炸雞🍗，炸雞好juicy, 鎖住肉汁，非常喜愛！