麵堂

营业中

休息中

🐔🌞夏天必食東南亞餐廳 依間啱晒鍾意食泰國嘢嘅你！有泰式船麵、喇沙海南雞飯，全部都好高性價比！泰濃紅燒肉粉 $120嘩！個湯濃到黐線，泰式香料撞紅燒肉竟然出奇地夾！肥瘦層次分明，一啖粉索晒湯汁，食完成個嘴油淋淋但係好滿足。海南雞配雞油飯 $83雞肉滑到唔使點咬，個黃油飯香到癲！連埋個泰式酸辣醬，完全唔輸俾專門店。唯一挑剔係雞皮可以再爽啲。泰式咖喱炸饅頭 $48炸饅頭外脆內軟，點咖喱汁食邪惡到爆，四件夠晒兩三個人share。炸腐皮肉籽 $58腐皮脆到「索索」聲，入面肉餡調味剛好。雖然價錢有啲貴，但係送酒一流，忍唔住encore多碟！

話說前幾日去咗睇港隊對印度，先發現啟德附近真係好多好多嘢食！！！雖然買唔到波衫，但係就喺商場度行咗好多個圈。今日就去咗其中一間。✨晚市套餐 海南雞喇沙海南雞尚算嫩滑，份量都唔少，比較想稱讚佢嘅喇沙湯底，椰汁味濃，辣度唔算太高亦唔會太油，兩款面底撈埋一齊更有口感～套餐包括飲品、甜品以及前菜前菜方面多達10款選擇，小編揀咗肉燥小棠菜飯，感覺健康啲；而飲品方面就揀咗石榴橘子綜合茶，解一解油膩感；甜品有椰子雪糕，作為飯後甜品感覺唔會過分嘅負擔～另外一款揀咗泰北黃咖喱雞湯麵🍜湯底濃郁濃稠，咖喱味都幾出幾香～最特別嘅係佢加入咗醃製酸菜，成個感覺會帶幾分清新；小食方面就揀咗泰式單骨雞翼，炸得酥脆惹味；飲品有泡沫奶茶，味道正宗！最後亦都單點咗一份手工墨魚角，咬落爽口！不過$68得兩件，性價比比較低(´･_･`)

二人晚餐😎$288起✨前菜小食冬蔭醬雞絲沙律🥗酸辣醒胃，雞絲嫩滑🤗仲有啲香草同花生碎😝口感豐富，份量十足😛泰北豬頸肉配青芒沙律🐷豬頸肉炭燒香口，外脆內軟🤩加上青芒沙律爽脆酸甜，相當開胃🤤🔥熱菜滷肉燥小棠菜🥬 肉燥入味，小棠菜清甜無渣😝撈埋一齊食超夾😙餸飯真係一流😚🍽️主菜海南雞(半隻)🐔跟餐+$26雞皮薄得嚟帶啲啫喱狀嘅膠質😝入口滑溜溜，雞肉嫩到幾乎唔使點咬☺️配上特式泰式醬汁😛酸酸甜甜帶少少辣，同雞肉好夾🥰🍙飯類茉香飯🍚米飯煮得粒粒分明😜軟硬適中，清香唔膩😏雞油香飯🐓 一上枱已經聞到超香雞油味😋每粒飯都俾金黃色嘅雞油包住🥳油香滿溢，油潤得嚟完全唔膩口🤩🍨甜品泰式椰子雪糕🥥椰香味濃，仲有啲椰肉粒，食完超滿足😌🍻飲品手沖美式咖啡(凍)☕️跟餐+$3香醇唔苦，解膩一流😛泡沫奶茶(凍)🧋跟餐+$18茶味濃郁，奶滑香甜，泰奶Fans必試😎

隨住啟德體育園同啟德零售館嘅開幕，又多咗個新商場可以行，仲多咗餐廳選擇，麵堂主打泰國菜，幾惹味吸引兩個人唔想諗直接揀咗二人晚餐🍽️🥢冬蔭醬雞絲沙律沙律好清新，不過冬陰功醬好辣，雖然我都食到，食唔到辣嘅可揀其他前菜🥢泰魚露炸單骨雞翼單骨易咬，炸到金黃超香脆，鐘意魚露汁酸酸哋🥦烤焗椰菜花扒 配青咖喱醬近年好興食椰菜花扒，健康飽肚，配青咖喱汁味道超好，唔太辣味甜，有椰香🐥海南雞半隻雞肉好滑，醬汁同平時食嘅有啲唔同，不過都係惹味同辣嘅🍚飯可揀雞油香飯/ 白飯油飯香啲～🫖冷香甘檸草本茶🫖鳳梨椰香綠茶兩款都好香～仲要一大壺抵飲👍🏻🥥泰式椰子雪糕甜品超正，好鐘意椰子味雪糕，啖啖椰子味😋🚩麵堂 (九龍城) 📍九龍城啟德承啟道38-39號啟德體育園啟德零售館2 3樓 M2-317號舖

呢個午餐組合真係幾平民化，價錢好相宜，而且選擇都幾多元化，可以滿足唔同嘅口味~~我揀咗蜜洞雞絲粿肉湯河，湯底清甜，河粉爽滑，雞絲同粿肉嘅份量都足夠。而海南雞馬來喇沙喇沙湯底椰奶味重，辣度微微。海南雞大件，點醬汁會惹味啲。小食脆炸豆腐配魚露酸汁，豆腐炸得外脆內軟，魚露酸汁開胃。滷肉燥小棠菜嘅滷肉燥要夠香濃。飲品方面，泡沫奶茶嘅茶味夠濃，味道似泰式奶茶，泡沫綿密；石榴橘子綜合茶就淡淡果香，清清地解膩。

啟德體育園真係好大好靚，我整日都好鐘意去果邊散步，再順便食埋個飯～今次就去左麵堂食翻個麵泰風味豬頸肉配青芒沙律🥗🐷🥭 豬頸肉煎得香脆可口，配埋酸酸甜甜嘅青芒沙律，真係好開胃 泰滷無骨豬手醬油撈麵🐷 豬手炆得夠淋，醬油撈麵好彈牙，撈埋一齊食，好惹味😋 小棠菜🥬小棠菜好爽口，肉燥好香，送飯一流🍚泰式椰子雪糕🥥🍦 椰子味濃，雪糕好滑👍🏻泰式單骨雞翼🍗 雞翼炸得金黃香脆海南雞 蜜洞雞絲湯河🐔🍜 海南雞滑，雞味濃郁！湯河嘅湯底好清甜季節花茶🌺🌸🌼 花茶好香，唔會太甜，好解渴！👍🏻

再次入嚟體育園做嘢，不過都好快收工可以搵地方食tea。記得上次喺度食過晚飯、見下午茶套餐都唔貴，食碗laksa都好喎Afternoon Tea Set下午茶套餐■Malaysian Chicken Chop Laksa Soft-boiled Egg Pork Roll Tofu Puff Thick Bean Sprout烤雞扒馬來喇沙摻摻溏心蛋 粿肉 豆卜 粗芽菜 ～ 雞扒分碟上唔會浸到啲皮淋晒， 雞肉微香係幾滑嘅。Laksa湯底有椰香帶甜、可以接受嘅微辣程度，配菜中豆卜幾鬆軟無油益味，粿肉味道都okay如果多兩塊仲正，整體份量1個人食剛好□Upgrade Snacks升級小食■Thai Curry Pork Ball 街頭咖哩豬肉丸～覺得個胃仲有dd位、想點多個"輕擎"啲嘅小食，呢個啱呀袖珍細細粒咁過下口癮。豬肉丸口感爽脆、個汁香料味重□Upgrade Drinks升級飲品■Pineapple Fresh Special 鳳梨清新特調梳打～天時暑熱戒唔到凍飲，俾呢杯張相吸引到好似好涼快即刻點佢，飲落唔錯、酸咪咪唔會太甜嘅菠蘿梳打，要攪勻個底先好飲

見門口有張紙寫新張優惠1蚊換野飲又有海南雞飯就入左去。落單前都叫左職員黎問個優惠點先用到，第一職員姐姐聽完呆左，第二個職員女仔埋黎話照正常落完單之後叫佢地落1蚊野飲。結果我地落左海南雞飯同泰式濃湯牛肉粉，再叫個職員女仔埋黎，結果佢話照係手機落埋野飲就可以就走左……果時仲係到諗“下，又話叫佢落既？咁優惠係1人1杯定一枱1杯呀？”結果諗著就算有1杯平左另一杯28蚊都唔緊要就叫左2杯。過左陣職員女仔拎著我地張單衝過黎話“只有1杯係1蚊”，我地都話好啦，都可以接受。到賣單比錢，收足兩杯28蚊姐係56蚊。我問收銀哥點解唔係1蚊？我地已經問左3次個優惠結果都無？收銀哥話“我都唔知wo，只有一人套先可以1蚊杯野飲，二人餐可以1蚊換海南雞或野飲，咁你地下次多d黎幫襯囉”總結：問3次都出問題，明顯員工混亂，拎埋單過黎講都錯真係攪唔掂。而且枱面無一人餐menu，就算手機上點餐都無一人餐可以點，全部寫單點。雞好滑但無咩雞味，牛肉大件味道還可以。餐後送椰汁甜品一般。重點，一人餐定二人餐都寫著包飲品同甜品，但明明包飲品又可以用1蚊換？明明會送甜品但個餐又包埋？

見到網友有幾個好評，餐單的又幾吸引，今日就特登走去這家新店試吓佢地個晚餐，諗住開開心心食碗靚麵，但係試完之後就真係好失望。今晚我點了個泰式牛肉牛𦟌湯粉餐，煮出來的粉條黏到似漿糊，成餅粉還未散開的。牛肉湯超多味精，配料也是沒有一樣好吃。我只勉強吃了兩啖，便沒法繼續吃，由於碗麵好咸，還要不停飲水解渴。本以為跟餐的椰子雪糕甜品應該會很好吃，但可惜送到埋位已經溶咗8成，令人完全沒有食慾，真係試一次就夠。

今晚同朋友到啟德睇show, 順道係附近搵餐廳醫肚。隨意入咗呢間門面光鮮, 主打面食嘅餐廳。晚市由五點開始, 供應一人/二人SET Dinner, 更設散點。我地各人揀咗個一人DINNER SET, 包自選小食、主食、飲品同埋甜品。【虎蝦喇沙摻摻】HK$126湯底微辣有陣陣椰醬香甜, 摻摻盡吸喇沙精華, 啖啖惹味, 配上爽口蝦、豆卜、青口、札肉片、青口、溏心蛋, 豐富又美味。泰式單骨雞翼(4件):雞翼外層酥脆, 肉質嫩滑, keep到肉汁。【蜜汁烤叉燒醬油撈麵】HK$118厚切蜜汁叉燒, 配上甜酸菜同半隻溏心蛋, 加上醬油味濃郁嘅醬汁, 令整碟撈麵更惹味。配有一碗清湯。冬蔭醬雞絲沙律:上檯嘩咗聲, 份量跟主食一樣咁多, 有大量沙律菜絲、紅蘿蔔絲、雞肉絲、花生碎、幾粒迷你番茄等等… 食落很有層次, 撈埋冬蔭醬食, 酸辣刺激又開胃。+$18 升級: 鳳梨清新特調梳打(凍) 鳳梨味好出, 清新香甜又解渴。+$18 升級: 抹茶奶綠(凍) 抹茶上加上口感幼滑奶蓋, 抹茶味香濃而不澀, 配上奶蓋, perfect match!最後送上泰式椰子雪糕, 椰子香濃。【泡沫奶茶(凍)】HK$36奶茶上加

今日又去嚟到啟德體育園2號館食晚餐，呢度新裝修，所以好乾淨，亦都好光猛，睇吓餐牌都見到晚餐都有好多選擇，價錢都好抵食。食完之後都覺得好正，真係都幾好食！呢度一人晚市套餐，只要$98起，就已經包咗小食、主食、飲品同甜品。我哋要咗兩個套餐，第一個就係虎蝦喇沙摻摻配手沖美式咖啡同香辣滷牛腱，第二個就係泰式濃湯牛肉粉配鳳梨清新特條梳打同小棠菜。喇沙摻摻湯底好夠味，加埋虎蝦都幾大隻，整體嚟講幾有東南亞風味，做得幾出色。泰式濃湯牛肉粉基本上就係船河嘅湯底，勁多餸，加埋有炸豬皮，整體嚟講好正。個美式咖啡真係超出色，勁香勁滑！最後都加叫咗一個泰式烤雞扒雞油飯，呢個油飯嘅口感好特別，配埋個醬汁真係一流，不過最勁都係個烤雞，外皮燒得好脆，但係入面保持到好嫩滑！真係有泰國街頭食到嘅味道。練歌椰子雪糕都好特別，好濃椰子味，加埋佢有啲乾果同粟米片，口感好有層次。

位於啟德的東南亞餐廳，啟德體育園裡新開了不少食肆，這間木系風格的餐廳，給人放鬆舒適的感覺，而且燈光光猛，座位也很寬敞。餐廳主打泰越馬來西亞風味的菜式，供應午市及晚市套餐，套餐有前菜、主食、飲品、甜品。一人晚市套餐：小食：娘惹芽菜芽菜爽口，跟調味醬汁及辣汁拌勻，越吃越辣，蠻開胃的前菜小食。主食：泰式濃湯牛肉粉湯底是船麵湯汁，湯麵掛汁，配料有牛丸、牛腱、牛肉等，牛肉份量蠻多；牛腱厚實，滷得入味；牛丸爽彈。飲品：泡沫奶茶經典的泰式奶茶，茶底香濃，一層薄薄的鹹芝士奶蓋，中和甜度，整體恰好，甜而不膩。一人晚市套餐：小食：冬蔭醬雞絲沙律很大盤沙律，冬蔭醬拌上新鮮的沙律菜、蘿蔔絲、番茄、雞肉絲，上面還灑上大量花生粒，增添口感。主食：虎蝦喇沙摻摻 喇沙湯底金黃，味道濃郁，帶椰香，摻摻即油麵溝米粉，兩款麵條都吸收湯汁精華。配料有大蝦、墨魚餅、青口、豆卜，很豐富。飲品：椰青滑冰椰奶，椰子水，打成的沙冰，清新解暑之選，甜品：泰式椰子雪糕 甜品是固定款式，椰子雪糕，上面有脆片、椰子片、提子乾，椰子味濃，吃到後期稍甜。

海南雞·雞油飯·拼喇沙雞絲摻摻🐔 $128同一餐飯想食到海南雞 同埋 摻摻？！揀呢個套餐就啱晒啦，一次過滿足你兩個願望！佢哋每一個套餐都會包一個小食，其中我非常推介娘惹芽菜（參巴辣）🌶️，唔好睇小呢一個芽菜，佢真係非常之開胃惹味，我同朋友都非常推介！🙌🏻🙌🏻虎蝦喇沙摻摻🦐 $126呢一個喇沙摻摻湯底充滿椰香，虎蝦🦐 同埋 青口🐚 都算新鮮！套餐小食方面，我就揀咗冬蔭醬雞絲沙律🥗，呢個雞絲沙律味道偏辣，好似我哋咁食得辣嘅就會覺得好惹味！飲品方面，我哋就揀咗椰青滑冰🧉（凍）$26 同埋 西柚冰涼特調梳打🍊（凍）$18，我自己就特別推介椰青滑冰，質地Creamy啲椰香味又重，每一啖都好消暑解渴！另外，呢兩個套餐已經包埋甜品，每人都會有一客泰式椰子雪糕🥥，椰奶味超香濃，仲非常消暑添！

早幾日同老公喺啟德零售館搵野食(⁎⁍̴̛ᴗ⁍̴̛⁎)留意到零售館2有間【麵堂】～裝修幾精緻舒服😌所以入左去試下！Menu上都有幾多選擇～我同老公一人一個晚市套餐，估唔到都幾豐富❤️有小食+主食+飲品+甜品✨用QR Code落單，方便快捷！❥ 烤雞扒馬來喇沙摻摻份量比想像中多😝勁飽肚🤭烤雞扒外脆內嫩！馬來喇沙嘅香料味濃，仲有少少辣味，配埋雞肉食一流，每啖都有風味！❥ 叉燒滷肉燥雞油飯 叉燒色澤幾靚，肉質軟熟，有驚喜～雞油飯仲好香，吸咗肉汁，食落去好有滿足感😚肉燥撈埋飯食一流👏🏻❥ 泰式單骨雞翼（4件）外層好香脆，配埋泰式辣醬更加有風味🤤單骨雞翼食落好方便，一件又一件咁食唔停！❥ 紅燒肉 (2件)紅燒肉啱啱好，肥瘦比例正！醬汁濃郁，甜甜咸咸，肉質滑嫩💖❥ 泰風味豬頸肉 配 青芒沙律豬頸肉份量充足😍食落啖啖肉，唔會太乾或者韌😋配上清新既青芒沙律，口感對比好好！酸酸甜甜既沙律令整體更加開胃🤤❥ 泡沫奶茶（凍）奶茶茶味濃，奶味十足，泡沫細緻滑順～凍飲好清涼，夏天必飲🥤❥ 冷香甘檸草本茶（熱）草本茶有淡淡檸檬香，飲落清新怡人🍋暖身又舒緩，隨時都啱飲☺️❥ 泰式椰子雪糕雪糕質地滑溜😍椰香十足，口感清涼🥰估唔到跟

👧🏻😋👅🍽✨啟德豐富晚市套餐-🌴 1人晚市套餐 $98起有小食+主食＋飲品 +甜品, 每天5pm起供應, 另外有食材更premium, 主要係肉食既2人餐, 但黎麵堂緊係食麵就揀左1人餐, 更親民試更多款式▪️小食🐖 紅燒肉煮到好腍超入味, 醬油唔會太鹹, 令油香同乾蒜香好突出🍢 街頭咖喱豬肉丸細細粒好彈牙, 都算幾辣▫️主食🍛 青咖喱牛腱肉茉莉香飯 $126 青咖喱好杰身, 一pat掛上牛腱但食落唔會太膩, 反而同肉鮮味好平衡, 加埋溫泉蛋更有層次係誠意之作🍜 蜜汁烤叉燒醬油撈麵 $118 叉燒鹹甜配酸菜同醬油好開胃, 麵條幼身唔會太腍▪️飲品🧋 泡沫奶茶 +$18 大大杯又靚仔, 都算對得住價錢, 泡沫質地似奶蓋但冇咁杯同膩, 奶茶好香滑🍹 柚子鮮薄荷紅茶 +$15 以為會係鮮柚子, 可惜係柚子蜜🤭 但有鮮薄荷都好清新, 紅茶底香濃唔澀▫️甜品🍨 泰式椰子雪糕用椰奶做既雪糕更creamy絲滑, 配上脆片同椰絲口感更豐富