麵包新語 (已結業)

昨晚的晚餐--- 比薩包, 裡面有腸, 和暖的; 辣雞包, 都幾辣, 個包凍的.味道一般, 可能因為傍晚去買, 款式又少, 又不熱, 但係仲有好多人排隊買, 收銀, 入袋, 有3個人負責, 但都係好慢, 等左好耐先比到錢.另外, 選包既時候, 有個客投訴有蚊子圍住d 包, 個師傅睇完當冇事發生過, 走左去. 唉~~ 為何不蓋住d 包???? 有點失望.

朋友本來想試下個肉鬆飽不過我地驚放過夜第日食就唔好味最後我地一人一個冬蔭公味的雞肉飽(我唔記得個名了..)$6 一個,真係有冬蔭公味呀! yeah... 不過d雞肉就好似少左d咁啦..下次要再試下其他味道的飽飽先~~ps: 係啦..我都唔明點解d面飽無野cover好..真係唔係太好喎..咁多人行過..好唔衛生呀!

又去買新包試,今次強烈推介綠茶方包!綠茶方包:一袋好大條,有九塊厚切,包心好軟熟,而且充滿綠茶香,食落仲有好大陣綠茶味,好少有!清清地,又唔油膩,食多幾片都得!比起東海堂既綠茶蜜豆包仲好味!比起佢自己既地震芝士軟包又係更好味!值得再食!我會推介!嘉馬拉雅山:聽個名真係唔佑係乜東東,原來係圓形法包,中間切十字放入粒粒車打芝士,個包有少少韌,芝士唔多溶既部份,仲可以食到好多一粒粒既芝士,但係因為集中中間,所以唔係太勻,不過都算好味,因為食到好濃芝士味嘛!芝麻包: 其實係一個好普通既芝麻包,但係比一般size大,而且係圓形,特別之處在於勁多白芝麻,基本上成個包既表面都係芝麻,包底都有喎!所以一食落去,每一啖都有芝麻香,但係對於我黎講,我覺得過多,而個包又係韌韌地,外皮有d脆,有少少似法包。

我都有去個度買過麵包食, 唔講D包好唔好食, 特唔特別先...佢地既裝潢雖然係幾好幾特別, 有個開放式廚房更可以吸引到多D人睇多D人買...但係環境好似差左D喎...好多麵包就咁放係度, 無野隔住, 又近出入口我買麵包其間, 見到有烏x, 蚊x飛黎飛去, 真係見到都唔想買架...(曾見到有人用手"掂"下麵包軟唔軟...唉~)希望佢地會改善0下佢地既環境先啦...*買左個咖哩包, 幾好味...*

我去過上海exchange，在每一個高級的商場都幾乎看到BreadTalk的蹤跡~ 曾經在上海也買過很多不同的包包，水準真的不錯，尤其心愛肉鬆包~ 現在香港也有BreadTalk，我又可以重溫上海夢...(不過感覺上奧海城開第一家分店...定位差少少~)　More information:http://www.sznews.com/szsb/20050526/ca1629036.htmhttp://www.realpegasus.com/cn/news/news20041202b.htm

又再去breadtalk買下佢既包包,今次感覺無上次咁好。芝麻合桃包:係家庭裝一loaf既包,切成十片八片,味道一般,可以無乜味,而軟熟程度亦唔及芝士包,雖然有合桃增加左口感,而且合桃都幾香,但由於我係一個唔太鍾意合桃既人,所以會覺得無合桃好d,不過如果鍾意食既應該無問題。藍莓鬆餅:與其話係鬆餅,不如話係蛋糕仲貼切。藍莓係無得好講,因為啖啖都食到藍莓味,而且見蛋糕心全是一點點既藍莓醬,不過, 鬆餅既質感唔夠好,同蛋糕一樣,失去左鬆餅外脆內軟既特色,蛋糕既蛋味重,唔夠香,有點油,唔算係好既鬆餅。

Breadtalk o係東南亞係好有名氣o既連鎖式麵包店, 最出名就係肉鬆麵包+開放式廚房, 仲上埋市. 美心旗下o既simply bread都係抄佢o既概念.最近兩年, Breadtalk開始o係中國大展拳腳, 首先o係上海開左差唔多十間分店, 之後陸續o係北京, 深圳設店. o係大陸, 當本土麵包店仲係做緊2蚊一條大方包時, 佢地夠膽一個個裝紅豆包收你五蚊, 家庭裝麵包更要15-20蚊!但係門口依然永遠有一條長長o既人龍o係度排隊等俾錢!o係新加坡, 上海, 北京, 深圳同香港都食過佢o既麵包, 每個地方o既分店水準都幾好, 而且幾致, 覺得佢o係培訓同QC方面都幾有水準. 以下係幾款推介o既麵包(有d可能暫時未o係香港分店供應, 但相信o係不久將來就有, 因為其他幾個地方o既分店都有供應):1)蕉點: 係香蕉紅豆包, 原片香蕉加上紅豆係好搭檔, 又香又甜, 係上海同北京分店甜包best seller!2)辣鬆, 鬆鬆: 兩款都係肉鬆包, 前者帶辣. 肉鬆包係此店招牌貨, 所有地方o既best seller! 標榜用新加坡高級肉鬆, 加上香滑蛋黃醬. 味道係唔錯, 但係食唔出有特別

同屋企人去奧海城食飯,先發現開左一間新包店,包既種類又多又新奇,今次先試兩款。葡萄總動員($8.5):一個大大地既長形辮包,係甜包,上舖提子,包幾軟,包底反而有點脆,但係因為用甜既料(似雞尾包餡的料)黏上提子,所以個包好甜,味道唔突出,只係甜…地震芝士軟包($16):何解叫地震就真係不得而知。外表似panash 既芝士包,都係一大條切厚片,但係呢度既又大d又重d又貴d,包仲軟d添!至於芝士,佢唔係車打,所以唔係一粒粒,而係包中有一個個窿,窿內有半溶芝士,其實都ok,但係略嫌芝士少得滯,所以味道唔夠,應再多點芝士!呢間店應該會搶去東海堂唔少生意喎!