麵包新語 (已結業)

我未試過「麵包新語」的蛋糕，今次朋友的生日party，友人在「麵包新語」買了個「藍莓芝士餅」來慶祝，終於有機會try try 了。這芝士餅芝士味不算十分濃郁，但質感就比較 "死實實"，有點兒硬，唔知店舖係唔係放了過夜呢....味道適中，不會太甜和膩，藍莓量不是太多。聽友人說，蛋糕價錢算不上便宜，這樣的質素，好像不太值。希望店舖留意一下，不要賣d好像隔了夜，"死實實" 的cake好了...…查看更多

哈！原來這間 Bread Talk 前一篇食評也是我寫的，這次還是寫篇短評好了。品名：芒果慕思1）味道：挺不錯的，面層薄薄的芒果啫喱微酸，下層的芒果慕思與朱古力蛋糕配合得還不錯，不會過甜或過淡，味道適中:)。2）環境：這間 Bread Talk 門面開揚，感覺還算舒服。3）服務：正正常常，中規中矩。4）衛生：還好。5）抵食：$20一杯，雖然都幾好味，不是太抵食。要是不嫌貴的話，作為飯後甜品，這芒果慕思是及格的:)。 …查看更多

從不曾在「麵包新語」買過蛋糕，每次都只是買麵包，這次終於不買麵包買蛋糕，買了一件「藍莓芝士餅」回家吃。想不到這芝士餅都不錯，芝士味雖不算十分濃郁，但質感不錯，也不會太甜和膩:)；藍莓雖不是太多，仍可把較膩口的芝士蛋糕中和一下:)。這裡的蛋糕賣$20，算不上便宜，不過相比起名氣甜品店的特色蛋糕動輒賣三十多、四十元一件，已經便宜了一半，有這樣的質素，都算可以了。…查看更多

第一次買長法包回家吃 長法包 點知當日買完留返明早食,已經變到非常硬巴巴..而且好難咬得開tim呀,嗚嗚所以食左好耐,.才真正把它KO掉.... .下次都唔敢買咁大條的長法包,不過真係好大條!..... 唔通要烘熱後才可吃??因為就咁食用,真係好硬巴巴......嗚還是出外到cafe食就是最好了…查看更多

曲奇盒上註明「手製曲奇」，大感不惑。不用手用甚麼製？機器製？兒時，若食物標有「機器製造，不經人手」字樣，意即合符衞生，可安心食用。今日，「手製」代表人性化，有人文氣息。朱古力曲奇一包(HKD13) 有8塊 (160克)，材料有牛油、糖、蛋、麪粉、發酵粉、可可粉和朱古力釘 (原文照抄)，全屬指定動作；無人造香料和色素，無防腐劑。好！這曲奇入口鬆脆而不散，夠厚身，不太甜，可以大口大口的吃。朱古力屬普通貨色，但有香味。愛吃美式曲奇的會嫌它不夠濃甜，但如老人家偶然想吃朱古力曲奇，這款頗穩陣。…查看更多

四年一度的世界杯已經開鑼，一向綽頭多多的「麵包新語」又有新點子，推出幾款和世界杯有關的麵包來招攬生意。佢咁有諗頭，一於支持下佢，買番三款足球包回家做宵夜，一邊睇波，一邊食最應景的足球麵包。這次推出的足球包總共有三款，分別係:)「脆脆足球」、「大熱」和「世界杯」。1）「脆脆足球（It's a Goal）」（$10）：這個咖啡大巨蛋是三款足球包中最貴的一個，size雖然比較大，其實都不算十分大個。這款包的包面上用糖霜噴了一些五角形的圖案，模彷真正足球的模樣，都幾得意。:):)不過在帶返街後，那些糖霜做成的圖案已經有些變得模糊了。這個包食落都有些咖啡味，不過唔算太濃，裡面就有一些餡料，不過就唔知係咩囉。總括來講，都可以一試。2）「大熱（Hot Teams）」（$8）：這個以紅豆、白雲豆和綠茶做餡的麵包賣相最是漂亮，麵包的面上彷似舖了一層綠油油的草地，草地上還畫了足球場的白界，開球點上則放了一個足球，旁邊還插了兩支今屆世界杯參賽隊伍的旗幟，整個麵包都充滿了濃厚的足球氣氛。:):):):):)雖然這個包相比起另外兩個包細個，不過紅豆綠茶（宇治金時）從來都是最佳配搭，這個包的味道還算不錯呢！:):):)3）「世界杯（World Cup）」（$7.5）：這個朱古力芝士餡麵包以世界杯冠軍獎杯為造型，賣相較為平實，在獎杯狀的麵包上同樣擺放了一個足球，底座外層則是以朱古力造成。這個麵包的賣相雖然沒有「大熱」那麼漂亮和花巧，但以朱古力作為餡料的麵包味道香甜，底座以朱古力做的外層也最得我這個朱古力癡的喜愛，吃完整個「獎杯」，實在非常滿足呢！雖然四年一度的世界杯已接近尾聲，還差決賽和季軍戰便告落幕，球迷們又要等候四年才能再捧自己愛的場，不過在「捱更抵夜」看球賽的同時，除了一般常吃的零食外，食番個應景足球包做宵夜肚，一邊吃包，一邊睇波，都幾好吖！…查看更多

行過呢間Breadtalk門口，見到個宣傳板四月推介係抹茶茶芝士蛋糕(兩磅重 原價$238)。因為喜歡芝士蛋糕買佢返黎。五月份推介係母親節蛋糕，係什麼朱古力雪芳蛋糕兩款。加三蚊有張幾別緻的心意咭，又幾有心思。言歸正傳,呢個抹茶茶芝士蛋糕抹茶味夠濃，好大陣抹茶味，唔知喺唔喺咁蓋過左啲芝士味。整體呢講味道和質地唔錯，如果多番啲芝士味仲正。…查看更多

遠遠見到款式眾多既食物櫃就忍唔住行左入去咁岩有新鮮面包出爐 忘記了名字, 係普通既芝士包上面有著點點砂糖仲有個豆沙餅(?唔知有冇記錯)之類的東西先咬下芝士包, 暖~軟~~~芝士香~~~~~~少少甜~~~~~~果然新鮮出爐係最好的!!仲有豆沙包/餅(?之類)上下兩舊野夾住中間唔知咩一咬下去~~餅的甜的~中間全部是CREAM~~:)但一點肥利的感覺也沒有~~CREAM既感覺輕到好似不存在似的~~~ 似在吃帶甜味的泡泡~~…查看更多

久不久都會這裡買麵包吃，雖然這裡的麵包有不少選擇，也不時推出新款式，但個人喜好，最愛的始終是這裡獨一無二的「地震芝士軟包」。:)在這裡所賣的各款軟包中，地震芝士軟包可算是最貴的，一磅要成二十多元，其實只得七、八片左右，但是這款包的中間夾著一些芝士在裡面（芝士多少就要看運氣了，看看最外面的兩塊猜一猜亦得），所以會在麵包本身甜甜的味道外加添一份淡淡的芝士鹹香味道。雖然那些芝士是有些少苦，不過我卻覺得味道很好、很特別呢！:)順帶一提，麵包新語這間星洲過江龍很喜歡「玩嘢」，很多麵包的名字都很「搞鬼」，例如「馬扁拼」等，每逢特別的節日，也會推出應節的麵包，的確是有諗頭呢！…查看更多

試了這款應節新推出的「賀年老虎包」，味道不錯軟熟的老虎頭麵包，內裏是紅豆蓉加上白忌廉蓉本只是一個平平無奇的紅豆包，加入些忌廉，再配搭起一個可愛的老虎頭象價錢當然會比普通的紅豆包貴少許啦，賣七元一個但無所謂啦，新正頭應節麻！…查看更多

起旺角食完早餐已經11點多, 旺角所有商店竟然未開舖????真係打左個突!如果我係自由行, 就喊得一句句喇~~我同男朋友由旺角行路過奧海城, 都係12點鬆d.個早餐都消化了一點, 好想吃個包.是日貪吃:- 花心牛奶買左個普通size的, 冇脆既感覺, 有陣陣牛奶味.食到停唔到口呢~店舖開揚, 擺放整齊, d面包味花過心思, 仲有d面包款好多, 有面包超人添呀!可惜呢一刻我唔想食紅豆餡呢~…查看更多

差唔多10:15去到BREADTALK, 見到仲未關門入去買左條百里香呢道的百里香, 好大個而且先賣$12不過條條都燶燶地~ 應該說是太脆...和普通的不一樣但味道依然GOOD…查看更多

早幾日經過尖咀BREADTALK試過日本芝士蛋糕, 就被佢吸引..一直都想買返屋企食..今日經過大角咀BREADTALK, 終於有時間買~買左1個~ $45 都幾大個返到屋企即刻切黎食~蛋糕好滑~ 淡淡的芝士.. 好鬆軟, 唔會過實..一流..因為天氣凍, 係室溫第2日下午茶再食過都好正~有點可惜的就係用手攞起件CAKE, 發覺有少少油~ …查看更多

奧海城都有間 bread talk, 但 openrice 找不到資料, 唯有把這食評寄居於尖沙咀之店bread talk 之所以吸引我, 係因為店內的擺設好整齊, 衛生又做得好, 加上麵包的味道委實很香, 所以好吸引人入去選購麵包今次入去買了一個葡撻食, 有別於一直以嚟食的像瑪嘉烈的style, 這個葡撻的做法像傳統的雞蛋撻, 不過雖然唔係正宗, 但味道幾好, 撻皮較脆同實, 有濃厚的雞蛋味, 食蛋撻很多時都會好注重雞蛋的味道夠不夠香, 這件"撻"就合格了葡撻的奶味都幾好, 我自己覺得幾好食另外仲值得一試佢地個肉鬆包, 上次食過味道都好好架…查看更多

日期：2009-07-14 在"BreadTalk"(奧海城分店)買了四款麵包，分別是"朱古力甜甜圈"($7)、"黃金瓜"($6.5)、"馬扁拼"($6.5)和"日本咖哩包"($7.5)。"BreadTalk"是新加坡一家麵包專門店及飲食集團，始於2000年。2005年起於香港開設分店。1.朱古力甜甜圈---冬甩加上朱古力脆皮，表面以白朱古力裝飾。脆皮很容易與冬甩分離，冬甩鬆軟，脆皮微脆，朱古力濃，甜味適中。2.黃金瓜---南瓜造型的麵包，內餡是南瓜蓉，表面有數粒南瓜子。麵包鬆軟，南瓜蓉軟滑。南瓜蓉估計混入了奶黃，南瓜味足夠，帶蛋奶及椰香，甜味適中。3.馬扁拼---餅狀的麵包，內餡是南瓜蓉和芋頭蓉。麵包口感有少許煙韌，南瓜蓉和芋頭蓉軟滑。南瓜蓉估計混入了奶黃，南瓜味足夠，帶蛋奶及椰香，芋頭味則很淡，甜味適中。4.日本咖哩包---用小焗爐翻熱吃。[以200C焗3分鐘] 炸吉列咖哩味麵包，內餡是日式咖哩雞肉、薯仔、紅蘿蔔和雞蛋。麵包外脆內鬆軟，帶點咖哩味。日式咖哩餡份量不多，咖哩味香而不辣，略鹹了點。…查看更多