麥麥燒‧肉‧活魚‧海鮮店 (已結業)

openrice上見評語不錯便一試。先試推介的活魚 - 黑立魚，切得很薄，很新鮮，雖然不算特別，但沽上自家制醬汁十分惹味，比一般醬汁更能突出鮮味。刺身方面，三文魚魚腩是厚切，且帶魚油，十分推薦。帶子厚身鮮甜，比一般日本餐廳好吃。串燒方面，牛舌厚身肥美，蠻有嚼口。秋葵是第一次吃，很清爽，蠻特別。最後試了店鋪的特色炒飯，有鵝肝牛肉，飯是用蛋炒，咋道不錯，不過我更喜歡炒混在一起。是晚主要吃女店員推介的，不過不失，不過價錢略貴。

今晚老公想食串燒， 當然要奉陪啦～在openrice找到太子麥麥燒， 離太子港鐵站不遠，評語也不錯，即管試試。比我預期的更好！店面不算大，但是裝修不錯，樓底高度夠，坐得也舒服。老闆和侍應們的服務態度很好～ 推介的象拔蚌雖然新鮮，不過我們少吃。點了這個懵仔魚刺身，百幾蚊，估不到鮮甜肉質挺實 ，我第一次吃，不錯 因為好吃，所以我們又加點了深海池魚刺身。那個燒汁其實偏甜，但是刺身本身已好吃，質地不錯 我們發瘋一般點了勁多食物ＸＤ這個醬燒秋葵是第一道來，已經覺得很安心。 我想他們的爐具應該不錯，而且師傅的手藝很好，簡單一道菜新鮮熱辣，味道質地岩岩好，點解可以做到不同平常吃的秋葵。十幾蚊咋～ 醬燒豆卜比較少吃到，很好吃啊~水份都沒有了，口感香脆甜甜的，十蚊！ 燒韭菜並不因為便宜而求其，賣相很漂亮 ，燒得近乎有鑊氣的效果！ 翠玉瓜京蔥蘆筍 這個蒜燒茄子，一上台嚇一跳，超大！我覺得比較油，但老公話好好食，基本上他食哂，哈哈 燒多春魚外脆內多春juicy， 四大條都只是廿幾蚊～ 燒羊架呢，唔知點解比平日西餐的大塊，好多肉，肉質焾。仲食左燒大蝦，其實當時已經好飽，但係蝦大隻肉挺實， 都係好食。什菜蠔天婦

最近食運真的蠻不錯，不斷的吃到有水準而又物有所值的店子。不過今天晚上一家三囗來到這間隱身於基隆街內，以串燒及活海鮮作主打的小舖，看格局像似是不俗的，心想好食運應是可延續吧....怎知試了後，卻是帶著些失望心情而離開.....小朋友一向最喜歡吃日式串燒，原因當在於大啖肉之外又香口夠熱氣，完全合晒小友的那種不健康飲食口味。作為父母自然並不會鼓勵孩子吃太多這類東西....但於我這位饞嘴又放任的父親來講，偶一為之來讓他放縱一下，也不是一件甚麼壞事來吧....在這一方面，小弟絕對是一個不合格的爸爸....在這店裡，只吃串燒固之然不可以的。除了串燒外，這兒的另一賣點是有不少的刺身類可點。小友目前當然是不能碰的，但我倆卻是個不折不扣的刺身迷.....一整桌的菜，總不能每一款全部都只讓小友滿足能吃的。故此最後也決定點了甜蝦加上帶子由我二人包辦....甜蝦肉軟糯夠鮮甜而肉質不霉，但若論吸引力卻還遠不及色呈青墨綠入口甘美而不腥的蝦腦；帶子用的是日本典型厚身的刺身級好貨色，是既甜又帶啜囗，味道自然十分有保證....接著便是一份份的串燒不斷的端上。豚肉荔枝卷看上去有點像營養不良似的又瘦又縮水。豚肉則給人一種柴

印象中太子近大角咀附近以中式食肆居多，今晚又在附近「搵食」，於是上OpenRice看看，發現麥麥燒有很多選擇，而且評價甚高，便去一試。中國風帶點日本味、紅當當的門面在基隆街上很是突出，可惜基隆街入夜後較靜，又給門前停泊的車輛阻擋，所以之前經過好幾次都沒有留意這店。一進門便有人(應該是老闆吧)很殷勤的招待，介紹今日新鮮釣回來的活魚。點菜單像叫打邊爐食材或車仔麵點菜，很多款式，中、西、日、韓、冷、熱都有，我心大心細的樣樣都想試，又因為要等齊人一起點菜，結果劃了4張紙，有點不環保呢我想女士們應該會喜歡這裡，選擇多，每碟的份量不大，一餐可以嗜很多不同的菜式又不會太飽。不想傷腦筋點菜的可以選擇飯、湯麵等，應有盡有。而且無論是大碟細碟，味道都不錯，價錢也合理。我們四人叫了16碟/款，樣樣都試，不停食不停叫，有的都來不及拍照。魚生剌身夠新鮮，燒物滿足了我想食BBQ又怕熱氣的要求，朋友讚日式湯烏冬也很好味道。推介黑松露什菌、什菜蝦天婦羅、蒜燒茄子。

OPENRICE搵到呢間日式餐廳,係食燒物為主的,見個名都好得意,所以同朋友嚟左呢度慶祝我餐生日飯啦.7:30到,餐廳是中門大開的,我們坐門口,出面有張枱在食煙,還有一個大鐵筒俾人圍住食煙,感覺不是太好,餐廳是中式設計的,門口是藍色大鐵門,入面樓底都高,有紅色燈籠高掛著,都幾特別呀,但比較細及迫. 坐下已有熱茶,我們點左好多唔同的食物,呢度除了燒物,還有其它的選擇,其實我係為了梅子酸菜馬友鍋已來的,這是推介食品,還有一個牛肉鍋都係推介之一. 就點呢兩個窩啦,跟住有生蠔,燒蠔,朋友食生蠔,有兩款,朋友話好鮮甜,好食. 燒蠔有三款味道,芝士,泰式,蒜蓉,我食左蒜蓉,都好香及好多蒜蓉呀,好味.另外叫左: 蟹子沙律,冷豆腐,冷秋葵,梅子酸菜馬友鍋,蒜蓉燒茄子,荔枝豚肉串,雞亦有三款,泡菜釀雞亦,明太子釀雞亦,蜜蜜燒雞亦,燒牛舌,炒什菌,窩蛋牛肉窩,燒雞皮,燒蝦天婦羅,蜜蜜燒照牌炒飯,後加三文魚腩刺身.  十分豐富呀.蟹子沙律用杯上的,都幾乾身,同埋切到好幼的絲. 好味, 冷豆腐好味, 豆腐好濃味,好CREAMY,好味呀. 秋葵就一般呀. 我最期待的梅子酸菜馬友鍋, 賣相都幾吸引, 用馬爐熱住,

天氣咁凍，本來想去打邊爐，男朋友卻想食日本嘢，結果比我哋發現左這間串燒店。 梅子酸菜馬友鍋 - 日式風味，魚湯略帶鮮甜，沒半點腥味，有驚喜！ 串燒牛舌 -   原來喺招牌菜，咬落有嚼勁，椒鹽味比較濃，肉汁豐盛。蒜香燒焗生蠔 - 水準不錯。豚肉荔枝卷 - 可口清新，不油膩。 麥麥燒招牌炒飯 - 非常香口。極力推薦！

夜晚十一點同男友去覓食，適逢佔領旺角集會，所以都冇過旺角。係openrice search到呢間舖頭。一出太子地鐵站D出口轉個彎就到，地點好方便，初頭以為好遠。可能比較夜，所以去到得一檯客人。本身係外邊望入去見到冇乜人都猶豫左一陣入唔入去，最後都入去坐低。一入到去老闆就好有禮貌咁招呼我地，係點餐期間問我地有冇之前有冇黎過，我地話冇，老闆就極力推介我地點「荔枝豚肉」(唔記得左係咪咁叫)。落完單，過左陣，野食未到，老闆主動同我地傾計。大家一齊交流下對佔領行動既意見，個感覺真係似朋友多過店主客人既關係！除左老闆，係刺身櫃冇戴眼鏡個哥哥都好nice！同大家一齊傾計之餘，亦十分有禮！其實舖頭所有既staff都非常有禮貌！講番野食先！我地叫得比較多刺身，所以埋單要$700。不過以香港食串燒既價錢黎講，都唔算貴。今晚叫左：1）象拔蚌刺身($188): 夠凍，爽口，鮮甜！不過未試過其他地方既象拔蚌，比較唔到。但幾中意呢度既刺身2）劍魚腩刺身：好厚切！魚味都ok重。但我都係中意象拔蚌多d3）牡丹蝦刺身：我冇食，但見到都幾新鮮同埋幾大隻。值得一提既係，老闆見男友食完隻蝦，主動提出幫我地炸埋個蝦頭(本身蝦頭

平時同fd去食野都係韓燒同放題個一類 都有D悶悶地噚日同fd行完街, 都吾系太夜, 又想食小小野, 就周圍睇下有咩好野.經過太子, 就見到尼間鋪裝修好似幾特別, 就入去睇下有咩食啦我同另外5個fd就叫左一條池魚皇啦 老實D講今次D池魚刺身份量真系比一般池魚刺身多 , D刺身多到6個人食都夠啊,落左單之後, 就見到個刺身師傅由魚缸入面即撈出黎,D刺身簡直入口即融, 冇魚腥味  我本身系怕腥既人啦 .所以好介意魚腥味但系今次真系有驚喜, 估吾到鋪頭細細, 又幾真材實料

朋友介紹，於是約了三五知己，訂檯，訂8:00pm..星期五，繁忙時間，冇限時交檯，抵讚!食物交足貨，刺身肥美，串燒“野”味。我先点了燒鮮貝, 串燒雞什,當中雞心, 雞腎最正, 另外燒菠蘿亦要中段叫, 可消油膩串燒豬牛羊, 合格,吾會浄係得孑然粉味佢D活魚刺身亦好正, 我事前講好帶支紅酒去，原本要收開瓶費，但經商議後，只要現場點酒，可免收，又要讚!佢地有齊紅，白，香檳酒杯 ，絕不求其雖然埋單每人$360，但值得，好過俾2XX兩個鐘嘅放題，佢質素有保證。

食店環境清潔，員工招待也很好。看到食物選擇亦不少。在宵夜時間，我兩人選擇了燒茄子、扇貝、羊排、牛舌、雞軟骨和韭菜。等候各食物大約15-20分鐘，上枱食物都是熱騰騰。應該都算新鮮食材，而且味道也不錯。我想味道最出色是燒茄子，扇貝和牛舌，因為茄子和扇貝加上了蒜泥和一些調味，而且也很juicy,不會乾乾的。牛舌也很入味，唔會韌。 韭菜略為淡口。羊排少少肥，都燒得算香口。整體評價:招待不錯，食物選擇多，價格可以接受(需加一服務費)。所以或再會光顧。

太子一帶一直是覓食的好去處 從雜誌中得知一新串燒店開張既然離家不遠就去支持一下吧 小店座落於小街人流一般 少不免難以吸引街客的注意因為已是早半個月到訪 就唯有用我僅有的記憶分享下啦食物種類不少 大部分常見的燒物 以及幾款創新的串燒價錢由$10到$40不等 經濟實惠另有多款刺身及海鮮 總有一樣滿足到你當日order了1) 雞皮 (左一) 2.5/3偏咸 幾有脆味 與其他串燒店相近2) 明太子雞翼 (左二) 3/5雞翼比一般的細隻 釀了不少明太子口感豐富 雞翼烤得甘脆 帶點辣味3) 廣島蠔 (無相) 及茄子天婦羅 4/5蠔$28 2隻 兩款天婦羅炸得十分出色蠔的size不小 都算幾有鮮味 炸粉很薄不像其他店的炸物 粉厚得過分4) 京蔥雞肉 (左一) 2.5/5雞較乾身 未見特別5) 豚肉荔枝卷 (左二) 4.5/5全晚最出色的食物 是少有的創新串燒豚肉薄身包住鮮甜的荔枝 兩者一甜一咸但很合襯荔枝的清甜中和豚肉半點的油膩 是夏日清新首選6) 牛舌 牛小排 雞腎 (左三至五) 4/5牛舌肥美 脂肪比較多 牛小排juicy雞腎不會過硬 堅韌度剛好 算爽口但有部分串燒不夠熱 只是暖身一點 但欣賞店

店面唔算好大，但係裝修好特別，坐得好舒服。食物方面好新鮮，串燒即叫即燒。同出面好多地方唔一樣，我知出面好多地方都係燒到半熟之後等有客叫先再燒熱比人，所以直得一讚！而個老闆超好人，勁好笑！啲員工都好好人架！

是日要去基隆街，預咗喺附近食晚飯，試下依間新店。環境：樓底高，適量燈光，最怕超強射燈熱到出汗。食物：焼大磨菇，好好食，又juicy.           蒜香和牛炒飯，和牛好吃，飯難得乾身，微熱，熱d應該仲好食。           串焼，有雞軟骨，冬菇，牛肉同墨魚丸，熱辣辣，好快食鬼晒。位置：門口成條街可以泊車，隔一條街又有地鐡。

多得朋友Doctor知道我有意成為專業食家，所以特意介紹我到佢朋友剛開業既燒烤店一嚐美味既燒烤及刺身。因為一行四人中有Emily呢位專業食家陪行，店主Ray見到驚為天人，不敢怠慢，結果係我地嚐到部份餐牌都未有既菜色，結果又過左一個要拖住肥胖身軀離開既晚上。店面裝潢以中式為主題，內裡係是深色木傢俱及紅色軟塾為主，樓頂以紅燈籠及射燈照明，感覺似進入左古代夜晚繁華市集旁邊的氣派小店，以名流公子身份享受美食。(內部以半開放式的廚房為主，客人可以從玻璃看到燒烤部工作的情景，刺身小櫃又可以望到新鮮既牡丹蝦係缸內游水，感覺到店舖希望客人知道所有食材都係非常新鮮,店內盡頭有兩間可以坐8人既VIP房,私隱度高兼可以容納較多客人)(由於用餐當日店舖未有酒牌,所以只好飲用朋友帶黎既酒水)首先上既係麥麥海中寶($58)面頭係海膽加上黑魚子,中間既茄子同埋下層既海帶，以冷醬汁做sources，由於海帶同茄子已經吸左醬汁既味道，食落口首先係海膽帶有海水氣息既甜味,然後就係醬汁茄子清甜去調和,入口兩者恰到好處,而海膽亦無平常係出面坊間果陣腥味,食落既滑滑既感覺,同埋茄子軟綿綿既層次夾得剛剛好珍保赤貝刺身($40)睇

俗語有云：「在家靠兄弟，出門靠朋友。」因著Walter 的關係，小妹有緣結織到Doctor。是晚，一行四人結伴(一老人因美麗誤會而錯失了佳餚美食，可惜可惜﹗)同去其友人的新店嚐新，並得店主Ray MAK的熱情款待。以下食評，僅供參考，因為Ray明顯是大贈送的，份量明顯較多，部份食物又沒有入單，多謝晒了﹗在裝潢中式，食物日式的麥麥燒‧肉‧活魚‧海鮮店中，我們密密燒、蜜蜜笑，度過一個難忘的晚上……麥麥燒的裝潢蠻有驚喜的，在傳統之上，加以創新改革，大門用了中式的雕花木門，但棄用常見的赤紅色，而改用更為耀目的深藍色，更為醒神及吸睛。 一踏入大門，長方形的店面，只見大紅燈籠高高掛，由大門一直向深邃的店內盡頭無限延伸，盡顯貴氣和氣派之餘，也帶有一點點的神秘感。紅皮梳化椅配實木桌子，簡潔而得體，沒有多餘的擺設。座位以兩人座或四人座為主，店的盡頭設有兩間VIP房，每間房可招待七至九人，私隱度蠻高的﹗對正大門口的右側，是開放式魚生吧及酒水區。由於是日是店家首日正式開業，倘大魚缸仍未正式運作， 只在一旁原屬冷凍櫃的地方存放了大聖子王及鮮蹦活跳的牡丹蝦等。不過，店家尚未取得酒牌，想邊吃海鮮，邊飲酒助興，就要