麥金.麥金馬來西亞特式茶啡室 (已結業)

呢日同朋友係豪華戲院睇完戲，行過黎食TEA~店鋪裝潢簡樸，帶d古代書香復古風，以木為主要裝潢建築，而牆壁則掛滿幾復古字畫幾有趣，坐得都尚算幾寬敞，行走路空間好足夠，唔會易撞到隔離位兩個人食點左一個小食兩個麵類share。最欣賞既係咖央多士烘底加上新鮮上枱，已無得輸咖央醬味道挺有層次，甜度適中，醬身柔滑，口感不俗入口椰香先跑出，然後會食到斑蘭香及蛋香味 有半溶牛油，令到咖央醬味道更豐厚立體。馬拉沙嗲串燒 (豬牛雞3串)-佢隻沙嗲醬有啲沙茶風味，好濃郁，沙嗲好正帶點甜甜地，顏色亦唔會好假，大PAT大醬仲俾得好多添～入面有粒狀似花生既咬口，好夠花生味-豬牛雞肉都燒得好夠火候，有咬口。娘惹叻沙味道好回味，白咖喱甜甜地好香，超級喜歡，一路食一路都有飲個湯底食麵真係最重要個湯底，主宰一切另外點左個老鼠粉入面鋪料鋪滿肉碎、窩蛋、炒過既蝦米同銀魚乾，記得撈勻個底d黑醬油黎食，有d似鑊仔炒銀針粉， 不過個人覺得油左少少但好惹味。一碗份量都幾多下，好彩我地係share黎食，飽肚感好足羅漢果菊花茶，唔會死甜，入面無渣，跟餐係幾抵飲的都幾大杯，正正常常幾解渴同清熱，好香菊花香味，亦都冇過甜裝修好有懷舊feel

馬來西亞特式餐廳'麥金'，個名咁特別，吾知有咩特別意思呢？新加坡，馬來西亞嘅肉骨茶，都係咁出名👍上次去新加坡飲肉骨茶，都係冇限添飲，真係好回味😋😋😋所以都想入去試下😅皇帝骨肉骨茶，入口最初嚐到濃郁的藥材味，再喝就會有略帶回甘的味道😍皇帝骨又稱第一刀，即豬被宰時入刀的 頸背部分，每隻豬只得兩片，又 腍又滑，不會嚡，識食嘅緊係食佢啦～飲完可以再添飲👍蛋黃奶油花甲，呢期興蛋黃，魚皮，蝦，餅乾。。。都用蛋黃，估吾到花甲都有😬花甲鮮甜肥美，配上淡香嘅奶油蛋黃，真的滋味無窮👍芽菜雞，淨係睇個色。。。皮黃肉嫩，已去骨，啖啖肉，正👍黑醬油醮雞，頭抽醮皇帝骨，更好味😋😋😋豬油飯，好耐都冇食過，食一啖就有兒時嘅感覺。 以前阿媽將啲肥豬肉炸咗做豬油，豬油渣用嚟蒸蝦膏，豬油撈飯，真係美味無窮🤩今日再食豬油撈飯，真係有點點回憶，懷緬過去嘅感覺😬想著往事。。。轉眼已給我吃精光😅牆上嘅掛畫，也特顯馬來西亞餐廳的特色呢😍原來新張期內，免收加一哦，抵👍

每日早起都覺得係一件慘無人道既事，為著補償自己，食係最好既一個發洩渠道，冇時間食個豐富早餐，就唯有午餐食盡啲﹗同事話行遠少少既大全街新開一間馬來西亞餐廳，試新嘢我最鍾意店舖裝修帶點懷舊，牆上掛著昔日照片，新店舖環境清潔，餐具乾淨企理，地方闊落唔洗坐到背脊對背脊招牌芽菜雞飯（$68）跟餐仲有飲品，黃薑飯有助提升免疫力，係流感高峰期食用，好味又健康，因為馬拉泡菜未有貨實在有少少可惜，雞肉去骨最啱懶人食肉，最勁既連雞翼骨都去埋，雞肉脂肪比例少，雞味濃同事叫既蝦麵（$58）遞過時都聞到湯底充滿蝦味，剝殼唔痴肉又彈牙，麵質爽滑跟餐叫咗個玻璃魷魚通菜（$21）估唔到咁大碟，係冬天好難食到咁翠綠色既通菜，同玻璃魷魚輕輕一灼，淋上帶有辣味既甜豉油汁，簡單又美味咖央多士（$20）總係忍唔住要點，甜味啱啱好帶少少椰香，提議上枱後即食，同事話食完個麵再食就冇咁脆喇

平時都幾少黎大角咀搵食，行一行發覺原來選擇都唔少，好似呢間馬拉菜嘅餐廳咁既高質又抵食。睇下間餐廳幾光猛幾乾淨，裝修簡單得黎又幾特別menu入面選擇多到令人眼花撩亂，所以我都係求其叫。呢個係娘惹咖喱雞配椰漿飯，有辣辣地既參巴醬，青瓜，薯仔同乾魚仔，撈埋一齊食都幾惹味。之後呢樣係招牌老鼠粉，其實姐係銀針粉。加埋老抽撈埋五花腩仲有d肉碎，好食得黎又唔會太鹹同油膩。我地仲有叫個咖央多士，多士烘到外脆內軟，再加埋咖央醬同埋少少牛油，好食到停唔到口啊野飲方面我地叫左杯桔仔話梅水，羅漢果菊花茶同埋馬拉茶。個話梅水飲落酸酸地好開胃。而杯羅漢果菊花茶當然係甜甜蜜蜜啦，不過唔係一般片糖冰糖嗰隻甜，而係羅漢果本身個隻香甜，加埋菊花明目啊唔錯唔錯至於杯拉茶飲落甜得黎好有茶香，奶同茶既比例幾好，效果唔錯，值得一試

第一次嚟大角咀搵嘢食，見到呢間啊馬拉新加坡菜嘅餐廳幾抵食，所以就是試一試。我幾欣賞的是餐廳的裝修幾整潔，坐得幾舒服。首先，我哋叫咗個娘惹咖喱雞配椰漿飯，喺香港好少可以食到椰漿飯，呢個飯幾足料，有參巴醬，青瓜，薯仔，乾魚仔，蛋，咁足料都只係$53 ，喺邊度可以搵到！之後我哋叫咗個招牌老鼠粉，其實老鼠粉係銀針粉，配上惹味既肉燥和老抽，正!其實呢一款可以轉配米粉,油麵,米線和河粉,總有一款合心意最後更係要叫個咖央多士，多士烘得好香脆，咖央醬配上牛油，好好食生菜好新鮮野飲方面我叫左杯桔仔話梅水，幾清新，酸酸地，開胃我老公就叫左杯羅漢果菊花茶，羅漢果對身體好哈哈呢到仲有好多款肉骨茶(係香港真係好少有)，下次再黎試下先

呢間o野想幫襯好耐，最主要因為佢店名同一d 菜式名，用上o左音譯馬來文，聽落好搞笑，可能衍生出第二個意義，咩o野「辣死你嗎」(nesi lemak)……早去都未坐滿，但七點前已經爆晒要搭檯，再出面仲有好多人等緊，好好生意～餐廳接近舊式涼茶鋪o既設計，但又有股馬來亞風情。有個復古o既大鐘，o係整點o既時候會鳴響，天花上有住舊式轉扇。我記得之前去penang，o個度d 餐廳間間都係咁樣，不過呢度就有冷氣。先點個古路仔肉骨茶，佢有多種口味選擇，試o左個三層肉肉骨茶($33)。睇圖，以為係個一人份量o既燉盅咁大(因為佢另外有一個$128 好多料，咁我suppose 其他會係細盅)，點知原來都好大盅。叫肉骨茶有得免費添湯，加埋佢有好多舊肉，感覺好抵叫！店員姐姐親自幫我地調製o左碟調味料，話可以佐以個肉骨茶。就咁飲，先嚐到好濃郁腩肉o既味道，中藥味唔過火，反而味甘清甜；落埋d 蒜蓉辣椒，會再多一點嗆口o既感覺。三層肉層次分明，鬆軟唔韌，簡直可以單獨成為主菜。十分讚！招牌芽菜雞飯($63) 係menu 第一頁o既主打菜！白切雞經過浸煮，味道鮮美而肉質依然嫩滑，仲已經起晒絕大部份骨，讓你可立即大快朵頤

喺公司附近開咗間馬拉菜，見佢裝修好特別！所以同同事試吓午餐，有張紙俾你睇嘢食！菜式好似係正宗嘅馬拉菜，而且有好多特別嘅嘢飲！價錢唔算貴所以決定試一試～我揀咗招牌芽菜雞飯配黃薑飯，仲加錢轉左雞髀！🤭個雞飯唔差過出邊嘅海南雞，有雞味而且雞肉好滑👍🏼👍🏼同事叫左惹娘喇沙，辣辣地，麵底係油麵咁~配料有，蝦，豆卜，雞蛋，蜆等等另一位同事叫左保怡雞絲湯河，湯有雞湯味～幾個人食叫咗碟菜：玻璃魷魚炒通菜！呢個配搭好得意！真係未食過！玻璃魷魚好爽，不過個辣汁就都幾辣嘅！午餐加半價可以試！抵試

講起東南亞其實有好多人氣特色美食，確實係一個唔錯開飯選擇，早排又去左品嚐馬來西亞風味特色美食，估唔到都有咁多款美食真係有驚喜除左肉骨茶、叻沙、乾撈麵外，仲有一系列招牌人氣小炒同特色小食，包你食到原有地道風味，我地呢啲為食精梗係唔會錯過啦識食一定會點番碗古仔路肉骨茶，又可以揀選自己喜愛嘅肉，事不宜遲先飲啖熱辣辣肉骨茶入口夠甘香，再食番件香嫩肥美嘅肉，咁食先至係完美配搭夠晒原汁原味，而且仲可免費添飲再來梗有招牌小食檳成香炸滷肉卷，腐皮入囗夠香脆內裏啖啖香濃滷肉粒，點埋醬汁食更惹味緊隨有另一主食乾撈麵點左招牌老鼠粉，內有肥美香嫩腩肉片配惹味滷肉粒，記得係食之前先攪勻埋碗底內醬汁同時間老鼠粉吸收晒所有精華，雖然入口帶點香辣，但食落確實食得很滋味再飲番杯怡保白咖啡回味一下又品嚐完一餐馬來西亞風味美食。

寡佬一個，唔知食乜?四圍逛。。。男人都係鍾意'雞'😬😬😬行過路過見到'麥金'招牌好吸引👍其實我都唔係好分得開， 馬來西亞菜同星加坡菜嘅分別😅可能佢哋地方都比較近，所以菜式都好接近😜行過見到門口嘅菜牌好吸引，第一項嘅芽菜雞，我已經想立刻入去食啦😋真係好有馬來西亞餐廳嘅特色👍餐牌上面嘅芽菜雞碟頭飯，好抵食，原本都已經好吸引，但係特別喜歡食雞嘅我😜梗係嗌半隻俾自己嘆下啦🤩有頭抽，黑醬油，蒜蓉，辣椒。。。自己個混醬再點雞，更加滋味😋😋😋雞肉去骨，嫩滑👍淨係睇個顏色已經知道好好味啦🤩咬入去真係皮爽肉嫩😋😋😋每個豬油豉油飯，真係滋味無窮😍其實豬油飯係以前我哋啲窮人先至食嘅😜但係而家社會吾同，大家好嘢食得太多啦😬豬油飯嘅味道。。。我覺得仲好過魚翅撈飯添呀😅芽菜雞嘅下面本身都有好多芽菜，但係好似越食越滋味，於是乎加一個淨芽菜添😅 原來淨芽菜面頭仲會加啲蒜蓉同辣椒油😍嘩~好好味呀👍仲有午餐同下午茶，好抵食👍下次我一定嚟試下午茶，嘅咖央多士同埋白咖啡或者拉茶先得，回味下舊年同女朋友去吉隆坡食嘅歡樂時光😅特別一提:呢度唔使收加一添呀👍

今日同媽媽傾開突然好想食肉骨茶～所以專登去咗奧運站附近食緊好有特色嘅餐廳！首先佢嘅裝修非常之懷舊～門口亦都極具特色！午市除咗可以叫肉骨茶之外，仲可以用相對便宜的價錢加小食，仲要連埋嘢飲真係好平⋯⋯😆肉骨茶：肉骨茶藥材味濃郁，熱辣辣滋補的湯頭，配上鬆化的豬手、豬肚、雞件等！不僅暖心也暖胃！食完成個人即時10分精神！手腳都開始䁔起來😊峇拉煎炸雞：🍗香口～雞件外脆內軟～而且雞味香濃！令人回味無窮！招牌芽菜雞配黃薑飯：芽菜雞肉質彈牙，滑雪雪～配上甜酸醃菜⋯⋯10分滋味⋯⋯黃姜飯更加充滿異國風味，味道濃郁🥰🥰🥰諗返起都流口水！咖央多士簡直完全冇得輸，咖央烤得10分鬆脆～每一啖都是甜絲絲的味道⋯⋯

裝修幾有心思 門口左右兩道押鋪門 牆身掛左好多寫左菜名既大字 皇帝骨肉骨茶 $53落左單後店員就拎左一壺肉骨茶黎倒左兩碗叫我地趁熱食 好濃既藥材味 甘甘地 而且一d都唔油呀 之後再用瓦煲上左皇帝骨連湯 Keep住湯都暖暖地 皇帝骨都有4-5塊 唔係好厚但好大片 脂肪唔多 一絲絲咬出黎都有肉味 仁噹牛肉 $33個汁辣辣地 好香好濃 牛肉都幾淋 加埋d蔥食好惹味 不過個精髓係又淋又粉又入味既薯仔!!! 愈食愈辣 所以係咁飲肉骨茶 好夾!秘醬蕹菜 $28 蕹菜即係通菜 望落冇咩野清清地 點知蒜下面個秘醬辣辣地 再加埋d炸蒜食又係好惹味 依個份量平時出去食都要貴一倍 依個又平又好食呀黑胡椒鮮魷 $88個黑胡椒汁有少少杰身 唔係太重味所以唔辣 不過鮮魷唔入味 我就將鮮魷夾埋蕹菜一齊食 當係一味菜又ok既海鮮白咖哩麵 $50第一次食白咖哩湯麵 個湯底微微咖哩香加上唔油 中和下上幾樣野既辣 沙爹串燒 $40串燒燒到d竹簽都黑晒 拎住一咬就斷開 可想而知d肉燒得都幾乾身 好在個沙爹甜甜地有d花生碎碎幾好味熱桔仔話梅水 $18熱飲黎講真係好大杯 又咸又酸係桔仔話梅水重點 飲落好舒服感覺係天然既味

喺香港好少可以食到正宗好味嘅肉骨茶，朋友話佢屋企樓下就有新開左一間，仲好啱香港人口味，咁我哋就一於一齊去試吓！見到Menu最推介嘅當然係肉骨茶，選擇實在太多啦我就隨意揀咗皇帝骨 $53。雖然我只係叫咗一碗肉骨茶，但係店員就主動幫我地遞上碗同埋每人先來一碗肉骨茶飲。味道正宗得來又好啱香港人嘅口味，濃郁 but 清甜，好飲到可以再添飲！聽說是新張期內的優惠，真係超級抵食！蛋黃奶油蝦 $108，蝦肉彈牙爽口又鮮味，蛋黃奶油醬汁充滿了蝦嘅每一個部份。啲醬汁咁好味，店員就推介我哋叫碟炸饅頭配埋一齊食，好滋味！仁噹牛肉撈麵 $50，味道感覺就似咖喱牛肉麵，牛肉炆得軟腍入味，美味的香辣，麵條很彈牙。店仔小小，好有馬拉風格，下次想飲肉骨茶我一定會再嚟！

今晚3缺1，2個人就輕輕鬆鬆去食馬拉豐情特式宵夜大角咀陸續地重建中，不斷有新的發展及新的商場, 又近奧海城, 地鐵的奧運站, 其實真的很方便。  如果喜歡攝影的發燒友, 大角咀位於懷舊與新發展的交接中, 有很多很多的攝影題材, 可以盡情享受拍攝; 影的累了, 想休息一下; 隨便找間食店都可以食的很滿足, 很開心........知足常樂, 享受慢活, 享受人生樂事.....我們餓著肚子, 便搭的士去大角咀, 都不是很遠耶.....一抵達大全街, 的士哥哥說放下我們, 一落車, 望不遠, 一見到很古色古鄉的牌面寫著 :「麥金.麥金馬拉特式茶啡室」。見到<麥金>, 知道冇去錯地方了......晚上成9點幾都仍然好多人, 中途仍見到兩位老外到來用膳牆壁掛上大小不一的相片, 在跟朋友閒聊中, 一路看著, 一路聊著.....讓我們在整天忙碌中, 有片刻的安靜一下。 牆壁掛上大小不一寫滿了店內的餐點名稱, 很有趣的相片。 知唔知道牌面兩旁寫著什麼對聯嗎？ 答案........係你們去找啦.......很有趣MENU有很多選擇, 有肉骨茶, 馬拉撈麵........仁噹牛肉撈麵 : 很

知道大角咀開左間馬拉餐廳，即刻去食番餐我鐘意食嘅香口馬拉嘢。叫左沙爹串燒，豬、牛丶鷄各一串，上枱時仲熱辣辣，加上野味醬汁，好味道。又叫左牙菜鷄，鷄肉都幾滑，加少少馬拉嘅黑醬油，更野味，雖然牙菜仔冇馬拉嗰邊咁肥美飽滿，但喺都算清新爽口。另外仲叫左碗白咖哩麵，大大碗，材料有油炸鬼、魚片丶豆卜丶豬紅、蝦丶半邊蛋，可以揀河粉丶油麵丶米粉丶老鼠粉丶滲滲(即係油麵+米粉)，我就要左河粉，成碗白咖哩麵味道還不錯呢！

由奧運站逛街，逛到大角咀，其實好少接觸大角咀這個地方，走著走著就來到了這家門面有金漆招牌的麥金…門口的menu看到是食馬拉菜的。店鋪好光猛娘惹咖哩雞撈麵選擇了撈油麵，忘記叫少少辣T^T，這個對我來説太辣了！不過還是能吃得到咖喱的味道，雞件都很入味，薯仔夠腍但相比下就不入味，不能吃辣的，記得要說喔！娘惹叻沙吃馬拉菜不能錯過的叻沙，椰奶味香濃，少少辣，加上有新鮮大蝦，魚片，蜆肉等等，十分豐富！不得不提難忘之處是豆卜，吸收了全碗叻沙湯的味道！這個下次再encore!馬拉沙嗲串燒40蚊3串雖然少貴，但贏在味道，絕對值得一試！我們雞，牛，豬各點一串，豬串最出色，雞稍為韌少少。沙嗲味調較得很好！甜甜辣辣的，有碗白飯的話一定是送飯之選！美祿恐龍美祿味勁濃郁！面頭撒上大量美祿分！不像外面喝稀稀的那一種，唯一缺點就是不夠凍。這家雖然交通不便…但勝在價錢合理！味道不俗！下次再來大角咀會再吃！