影片
真系连珍珠奶茶都系M记有，咁谂住本身加5.5试吓新出珍珠奶茶，点知好鬼难饮，啲茶到底系咪浸咗成日都冇换旧茶渣？我系夜晚7点左右去买外卖，唔通系由朝到晚都冇换新茶粉吗？啲奶茶真系好鬼似浸咗好耐果种苦涩同浓厚味🤮🤮🤮🤮🤮🤮好难饮我系第一次系M记饮奶茶，本身都饮开冻柠宁茶，谂住同一个茶底应该唔太伏，点知咁就中伏，我第一次系呢间分店买嘢，估计都系分店问题🤮🤮🤮我之前饮柠茶的茶都唔系咁样味👎🏻👎🏻👎🏻👎🏻
继续阅读
我好中意食牛油果同薯仔，见到出左牛油果蓉莎莎酱薯条所以去试下。首先一打开个汉堡，见到好厚嘅菠萝片同埋三文鱼扒，片菠萝好甜，三文鱼扒炸得都几脆身～个包整体黎讲都几好味，但就干身左少少，如果可以多返d 酱就更好！而个薯条就用盒装住，淋上左莎莎酱，味道甜甜酸酸，个人觉得加埋牛油蓉一齐食好味d~ 个牛油果蓉好有口感，但少左d , 未食哂d 薯条已经无哂。不过今次个薯条本身炸得麻麻，冻左又林左，感觉好油。如果唔系既话呢个牛油果蓉莎莎酱薯条系好味既！！
继续阅读
假期时间嘅麦当劳尤其是铜锣湾呢一间真系人山人海，里面差唔多外籍朋友占咗九成，如果唔系我好想食朱古力，对脚又攰都唔想再行去第二间，我真系唔够胆入嚟！因为啲姐姐hold 晒所有嘅位,我困左两个圈先至夹硬坐到一个位。因为今期𠮶张甜品卡系 叮当 ，所以我就买咗，真系抵到你唔信。10几蚊买一杯Double新地，hea 比得咁少，雪糕有啲溶，但我俾面佢送多两个批苹果批食落去啲馅了越来越少，将货就价。朱古力系就好一般嘅味道，一啲都唔出众，胜在唔系太甜，最钟意去圣诞嘅包装
继续阅读
见到广告个三文鱼牛堡好似好正咁，一于去试试佢但现实同幻想点都有啲反差，上面广告嘅三文鱼同牛都厚过厚，但真实系薄到张纸咁都算啦，我心念味道好都可以过关，但系真系过唔到自己个关，真系要合埋眼好努力沉思先可以尝到三文鱼嘅味道🤦🏻♂️伏已中！
继续阅读
麦当劳一推出$10优惠，个日就一定会大排长龙，呢日有$10麦乐鸡，又做死一班员工麦乐鸡（$10） 🐓呢晚草根都唔执输，一齐去排，食左个十蚊宵夜其实有9件真心抵🤣，仲可以拣2个酱料，真系平过自己买料煮饭
继续阅读