麥當勞 (愉景新城)

营业中

休息中

唔記得有幾耐無幫襯過M記了，原來已經先進到可以使用八達通或信用卡來買嘢食。雖然 counter 嗰邊都唔使排隊買餐，但係我都走去試下部自助售賣機玩下。在螢幕屏上，可以 touch screen，好方便。轉幾個畫面，點幾下就可以選擇買什麼東西，一點難度都無，又可以選擇付錢方法，八達通或信用卡。我買咗一個麥香雞和一個豬柳蛋漢堡外賣，每個都係11蚊。感覺上，啲包嘅 size 細過以前 (可能真係太耐無食過M記了，改咗 size 都唔知了)。試下個麥香雞，味道就跟以前的差唔多，味道主要來自啲沙律醬。無所謂，都係一餐啫。

平時早餐食開炒滑蛋、火腿通粉～今日想轉轉新意思，所以叫咗一個漢堡扒嘅通粉！早上買早餐嘅話最好就早少少，再唔係喺自動售賣機俾錢，咁樣會快啲！因為呢間野成日都好多人！可能係我大食啦， 次次都覺得食完唔夠飽，食完佢反而又要再買其他嘢食，但係佢又好好食，所以如果口痕嘅話我都會走過來買！通粉幾彈牙，佢加左啲三色豆做配菜，基本上最好食嘅就係佢嘅扒！我成日食嘅時候都唔捨得食晒佢，不過就最好唔好成日食啦，因為佢都超級唔健康呀！！

﹣◇紅豆抹茶撻 X OREO◇﹣同系列中最吸引的一款, 可惜面頭抹茶醬感覺很奇怪, 味道十分普通、撻皮一點也不脆, 我想最可取之處是沒有奇怪的花香味吧！有機會可以試下其他抹茶產品

I was so looking forward to McDonald's and trying out their Signature promotion since my friends had highly recommended it due to their wonderful experience in Admiralty. All of our food was cold and we even went back to ask for reheating, but it was still cold. What an utter dissappointment!

前幾日睇廣告介紹麥當勞McCafé買指定飲品可以免費獲贈蛋糕一件，好似幾抵咁😌 知道今日就是最後一天我當然不執輸去幫趁下！這個優惠只限3pm-6pm，Tea Time享受一下絕對不過份吧（好似係😂) 這次優惠的指定飲品包括意大利泡沫咖啡、烤栗鮮奶咖啡、鮮奶咖啡、蜜桃/青蘋果冰雪茶就可以獲贈蛋糕一件🍰而指定蛋糕款式就是橱窗內的五款，曲奇妙趣芝士蛋糕，意大利芝士蛋糕，香烤合桃蛋糕，藍莓芝士蛋糕及紐約芝士蛋糕，都算幾多選擇！切餅份量適中，當作下午茶就剛剛好最正的是不只堂食，仲可以外賣，方便我這種喜歡回家慢慢嘆的人，我份人有點怪，超鍾意飲奶茶但不愛咖啡，我就選了蜜桃冰雪茶及曲奇妙趣芝士蛋糕，盛惠24元冰雪茶我選了大杯裝，超級冰凍，大大舊的蜜桃雪冰🍑，雖然是雪冰但沒有變淡，蜜桃味十足，茶底好香濃，攪拌一下把蜜桃冰及茶混味，解暑清新💕曲奇妙趣芝士蛋糕真是真是十分驚喜，賣相已經很吸引😚 我很喜歡食芝士蛋糕，配合埋曲奇妙趣真的不得了！用忌廉及曲奇妙趣混合而成，比例剛好，味道好夾，入口軟滑OREO味香濃好好味呀👅👅👅 餅底是朱古力蛋糕，餅面鋪滿Oreo餅碎更有咬口，令其口感更豐富，兩片白朱古力更為整個切

因為係附近上堂，所以係呢到買左個早餐食。我用左出面部自助機點野食，咁就慳番排隊點餐既時間。我簡左豬扭漢堡餐配細橙汁。等左一陣就有得食。個豬扭漢堡好夠熱，因為新鮮整出黎。d豬扭好滋味，個包皮又唔太淋唔太硬，質態剛剛好。塊薯餅夠脆，食完真係好醒晨唯一唔好既係杯橙汁好淡，好似水咁

而家有部份既麥當勞都有自助落單, 今次仲可以自訂自己既BURGER 好特別而家自訂BURGER , 內裏涵料款式都比較少, 如日後可以多D 就好, 例如可放魚柳, 雞肉, 豬柳....CYT BURGER 最低消費$45, 都可以接受價錢, 員工會攞埋個餐到你面前, 因有左邊黑色既儀器,今次叫左個Happy Meal & CYT Burger我自訂既BURGER, 內裏係用安格斯牛肉嫁, 食落有D 冰鮮牛肉味, GA.....我食完後, 會覺得叫至尊漢堡會好味D, 配料都多D LA而開心樂園餐, 近排廣告係咁賣加$1轉乳酪..個人覺得太酸, 小朋友都唔太鐘意食, 

之前覺得CYT咁貴，唔值得一試，不過今次係荃灣見佢開到入黎，即管試一次啦用自助點餐機落單，之後等左一陣就有專人送餐首先睇下我落左啲乜有醬、小辣椒、生菜、洋蔥、芝士，當然仲有牛肉啦外層嘅飽相比普通老麥飽係軟身啲，牛肉厚小小，食落都比較juicy，加上有生菜等配料，除左口感豐富之外，仲唔會覺得牛肉太乾身而賣相都比一般嘅飽好，最少整完唔使包張紙壓實個飽，總算係對得住個價不過呢，要食高級小小嘅漢堡飽唔一定要老麥嘅

今日終於都試左 CreatYourTaste 啦！自己篤篤篤，由個包到材料同醬，自己篤篤篤去揀，係幾得意既！想點飽？意式軟包：偏軟，如果可以煎一煎去就好啦啖啖滿足！100%Angus牛肉：同平時M記既漢堡比緊係好食好多#牛有牛味 邊款至芝味？香澴車打芝士：唔知係咪叫得太多料，唔係好食得出有比平時果塊娑夠唔夠Fresh？蓄茄、生菜、炒洋蔥：個洋蔥將成個包昇華左，其他兩款都好新鮮呀！加D STYLE！：墨西哥辣茄醬(其實就完全唔辣，但個醬既香味加埋D洋蔥好夾，令成個包都好好味！)更加滋味！：甜燒菠蘿(其實喺揀菜既時候我講左一句，咦點解無菠蘿既！之後隔離篤篤緊既妹妹就忍唔住出聲：喺最後一個STEP有得加！) 總括黎講，有得自己篤篤篤之後唔係打機咁篤完評分幾多粒星，係真係有個真既包比你食完自己評分係一件幾開心既事，加上送上黎成個賣相都唔同左，理想與現實終於近番好多啦！間唔中食一次都OK呀 有選擇困難症既朋友唔洗怕，有廚師推介MIX好晒，鍾意傳統既朋友，可以繼續食番豬柳強 Creat Your Taste Burger $59食懵你指數: 8/10愉景新城麥記

Create your taste登陸荃灣區了 。登陸首3天, 食餐送tote bag. 為咗個環保袋, 乖乖付了八十大元。1) 三款包選擇 - 法式包, 意式包及生菜2) 然後是-安格斯牛肉3) 四款芝士選擇- 車打芝士也有經典/香濃之分, 嫌1塊不夠, 加$4多一塊4) 蕃茄, 生菜, 洋蔥, 酸瓜。 想食咩配料自己揀5) 十款醬汁, 選了蛋黃併照燒醬, 而Sales姐姐話你鐘意, 可全選10款混醬的。但你會唔會咁重厚味先???6) 另加選項, 加咗$8牛油果醬, 及$6磨菇。揀完就等食---這個餐好處喺有人捧埋去你枱。上枱時,薯條新鮮熱辣的。成個包好juicy, 一路食, 一路滴汁, 食得幾狼狽。 額外加的牛油果醬, 味道唔太出, 如果喺夾牛油果會更好! 總的來說, 味道, 口感都不錯! 不過$8x食 McDonald’s就真喺回頭太難!

其實一向都好中意食麥當勞軟雪糕，又平又香滑又好味，所以一出新口味都會捧捧場！今次推出黑芝麻味軟雪糕，就連個威化筒都係黑芝麻味，誠意十足估唔到$5杯都有咁濃既黑芝麻味道呀，當然都係非常軟滑啦~個人認為極之抵食順帶一提，呢間店係愉景新城新裝修後由地下層搬上黎，全新裝修，設計新穎，感覺幾舒服！仲有全新自動入電腦落單區，漢堡包仲可以自由配搭配料添！好吸引呀~~~下次會黎試下！！

今日第一次整 create your taste包，不似預期！包得二款甘少。肉仲衰，冇得擇，得100%牛。芝士四款，但薄到我以為他們忘了放芝士，吃不出芝士，就甘睇，也看不到芝士。其他瓜，菜個D，普普通通，冇乜特別。醬，有D新鮮感。最低消費$45,加$1X才有薯條氣水！這包完全不值！試一次便夠！想做 high tech d, 但做不到 create your taste聖誕節，三部機都冇人....有原因的！