麥當勞 (愉景新城)

营业中

休息中

週末relax time • 放慢腳步出去食個早餐，歎杯咖啡咁先至係Good morning☀️-方圓百里，M記應該係最快可以填飽·食家·個肚😋#豬柳蛋漢堡 ➕ #coffee係·食家·每次去食早餐都會叫嘅配搭～今日去到見到McCafe又出咗新飲品，·食家·就+$5 轉咗#蜜糖玫瑰鮮奶咖啡 🆕試下～蜜糖玫瑰鮮奶咖啡🍯🌹🥛☕️WOW🤩好elegant嘅feel ar～一打開杯蓋，就見到好多玫瑰花瓣，聞到好香玫瑰花香😍加蜜糖感覺好潤，好啱冬天乾燥嘅天氣🌀飲落微甜，好香蜜糖味，又有淡淡玫瑰味，估唔到蜜糖➕咖啡係咁match架😍😋

放工約咗🤴🏻食飯，但🤴🏻話工作好辛苦要先食咗雪糕🍦先，咁就去麥當勞食咗呢個～～～脆皮芒果新地🍦$10上次食 ‘雙重芒果新地’嘅唔好經驗，今次加咗朱古力醬唔知會唔會好啲呢？講講個外表先，今次幫我哋嘅職員係位小妹妹🧒🏻，所以手勢唔係咁純熟，有待改善！加油💪🏻💪🏻佢嘅朱古力脆皮連同雪糕一齊食，朱古力脆皮好濃厚，亦有咬口！同雪糕清新嘅感覺配搭得好好，感覺好味過上次🤗🤗佢都有上次嗰隻芒果醬放左係最低，ok啦😊😊今次呢個讚😍😍

最近麥當勞App星期一都會有唔同嘅餐飲優惠，今次就一次過用左佢4張優惠券😁😁先講用優惠劵時嘅缺點就係不能一次過用，我用4張就要分4張單，好麻煩呀😕😕要讚揚下員工我分開4張單都冇黑我面，仲笑容😊滿面！叻叻豬😍😍第一張：$1買大杯裝汽水🥤唔洗講好低～好低～好低～😆😆第二張：9折芝士安格斯套餐加配麥炸雞🍗一件9折平左$5就$48.1，真心講麥當勞嘅安格斯牛同麥炸雞都屬於高水平食品😋😋安格斯牛漢堡嘅牛肉味同質量比普通漢堡係多d,牛味香d!連個包都鬆軟d🥰🥰另加左$3要左包車打芝士醬備用😛😛第三張：雙牛芝堡有兩層漢堡扒其實牛味都唔錯，但我唔小心先食左安格斯牛堡先，咁就比左下去了😣😣第四張：$10 蜜糖BBQ麥炸雞🍗見到個樣可能冇左炸衣，顯得細隻左，蜜糖煮嘅原因所以比較深色，冇咁討好！好彩內裡肉質都同麥炸雞一樣嫩滑多汁，不咁聯想到同KFC嘅狂野燒雞比🧐🧐味道KFC勝，肉質麥當勞勝！講完😂😂最後包芝士醬就係舔落原味麥炸雞🍗上增加口感，提升左味道嘅層次！好味😘😘

上幾篇寫左對魚蝦堡嘅失望😞😞，魚蝦堡係用蛋黃醬，雙層蝦堡係用千島醬，所以比多次機會大家好好再會吧！😐😐我承認今次乃非君之罪，明知佢炸蝦🍤柳細件左，又習慣性地點左多醬，咁咪多左囉😵😵其實唔計佢塊蝦柳細左味道係可以接受，有蝦味但唔多係我落得太多醬太膩，下次試返佢正常份量嘅醬吧🙂🙂叫左加大碼餐配薯皇發現佢個薯黃杯高身左，比起之前叫只會加大杯汽水，好唔低，依家有改善要讚👍🏻👍🏻👍🏻另外亦買左個新野‘Oreo曲奇忌廉批‘，外表就成個黑炭咁！黑到生野！出奇地冇餅乾咁甜！淡淡地可能小朋友會唔鐘意，但食完牙縫仲係會攝左黑色碎碎！好核突😬😬

今日終於試咗新出麥脆雞！單點$16/隻有點貴～麥脆雞係先用蒸箱預熱兩小時再炸，所以食到佢係幾鎖汁的。皮都幾脆唔會太厚，有少少微辣，炸粉幾均勻，肉質都算嫩。不過性價比黎講比較低，咁的價錢加少少錢食四隻脆香雞翼好過～

McDonald’s 推出的西尾抹茶新地系列已有一段時間，終於都試埋Oreo威化卷西尾抹茶新地大窩夫筒。西尾抺茶新地大窩夫筒，第一次次食大窩夫筒，比起平時吃的新地筒更脆香，配合新地吃口感更豐富。另外搭配Oreo 威化卷，多重口感令整體感覺更豐富。

炎炎夏日~ 就梗係想食返杯雪糕嫁喇咁啱經過麥當勞, 見到佢新出咗芒果味雪糕, 就同朋友買嚟試試~新出呢隻芒果味新地可以加配朱古力或者香蕉味脆皮 由於感覺上朱古力味同香蕉味唔太夾, 所以我同朋友都揀咗香蕉味脆皮香蕉味脆皮芒果新地 ($6.5)第一眼望落去以為佢冇脆皮, 但其實佢表面上係有, 只係佢需要少少時間去凝固 食落去個香蕉味脆皮幾香 同芒果味雪糕幾夾 又唔會太甜幾好味 鐘意芒果味or香蕉味既朋友仔都應該會鐘意 可以一試

之前見到電視賣廣告，不惜工本請咗兩大歌星，超長嘅廣告有歌聽有舞跳，值回票價，原來係買緊新推出嘅飲品。用手機app原來仲有推廣，免費送你一杯飲品試飲，分別係四季同埋咖啡，四季應該茶味，加埋奶蓋喺上邊甜甜地，咖啡就係齋啡再加個奶蓋係上面，鍾意飲咖啡嘅人可以推介但係在乎係偏苦嘅一個人唔關咖啡嘅都係四季穩陣啲，一部機一個app送你一杯，所以我同老婆就一人攞咗一杯試飲過都算係唔錯啦，唔使錢就有得飲正，希望佢得閒俾多啲試飲等我可以試晒所有嘅味道。

聽講前排要排隊的麥記奶蓋，今日黎試下，順便食埋個蝦堡。坦白講杯奶蓋普通到唔普通，坊間有太多比佢做得好，除左價錢平冇其他吸引，不過可能係奶蓋咖啡問題，下次試下茶底可能會好味d.蝦堡只能講炸得太over, 又硬又老。

放工 帶著疲累的身軀到愉景新城散心，見到麥當勞現正推廣蝦堡， 喜歡嚐鮮的我當然要一試，價錢也不貴，單買一個淨蝦堡只需23元，我就當然要套餐啦，哈哈。急不及待嘗試蝦堡，剛新鮮炸出來熱熱的很脆口，炸粉內裏包著滿滿的蝦。雖然蝦都是一隻隻的，但食得出是雪藏貨色，而且調味單調， 口感比較普通。薯條一樣是熱辣辣的， 火辣辣的薯條要不好食是很難的薯條配可樂，哈哈哈， 暢快

食晚餐哪裏小朋友唔啱食， 小朋友提議去麥當勞買魚柳包， 我們搵咗一陣，上咗去二樓見到麥當勞。 那裏人山人海，好容易找到位坐下。幸好我見可左邊剛剛有空位就先霸位後買餐。今次係我第一次用alipay畀錢， 整個買餐過程，我都係用咗麥當勞自動售賣機同埋 alipay 畀錢。 體驗到冇現金支付的方便及優惠。麥當勞嘅魚柳包魚柳都炸得比較脆同埋加埋啲沙律汁都十分好味， 小朋友就覺得好好食。下次有機會咪再嚟囉。 最好試吓啲漢堡包套餐。

上星期在Palladium 訂了的登山鞋，貨已返，今天可以去取貨了。本來打算在愉景新城吃完午餐便順道行去取鞋，可惜周圍都是人，間間餐廳、食肆都擠滿人，就連麥當勞都擠到水洩不通。幸好，找到位。然後，轉去Mc Café那邊買東西吃，因為那邊不須要排隊。買了Rose Latte、Cappuccino、Chicken Ham Cheese及Cryfish Egg Myao Ciabatta。兩份包都烘熱咗，所以芝士溶咗，芝士香味突出咗。雞肉、火腿、蝦肉等餡料一般般，所以兩份包的主要味道來源都是來自芝士。Rose Latte無加糖都超甜，唔係人人都可以接受到。Cappuccino就OK。另外，要一提的是，竟然有一粒Lindor朱古力送。有懷疑到係咪過年送禮送剩的? 都唔理咁多，吃完便要走去取登山鞋。

早前因為要換購限量版環保購物袋而買下來的咖啡換領券終於大派用場了，趁著假期，一於去歎番杯泡沫咖啡先。齋飲咖啡會一啲寡，所以加啲錢，買多兩件牛角包，慢慢歎。呢杯泡沫咖啡的確非常好飲，而且賣相出眾，單睇個大M字已經夠照。上面的泡泡又香又滑，焦糖又香又甜，咖啡亦非常濃郁。我覺得仲好飲過Pacific Coffee或Starbucks 嗰啲添。兩件牛角包的外表係無分別的，都係牛油香酥皮，而餡料就大不相同。一個是芝士和煙肉，而另一個是小龍蝦肉、雞蛋和芝士。烘熱咗係好好食，尤其是芝士烘溶咗之後，超正!

今日去咗位於荃灣嘅愉景新城度行街街，原來今日有藍十字會舉行嘅全港青少年劍擊比賽。睇咗一陣之後再去行下，不知不覺已經到咗三點幾。想搵一個唔使排隊嘅地方度食晏，諗都冇諗過就決定去食老麥。叫咗兩個餐再加四件脆香雞翼。一貫麥當勞嘅水準，唯一差啲嘅就係薯條，唔知係咪太多人嘅關係好似未炸得透咁，就算新鮮出爐都係覺得好硬同埋林晒。

本身今日係黎 M 記試個脆皮朱古力雪糕，點知畀我見到 McCafe 出左個虎紋抹茶，唉，太想試，左手禁唔住右手畀錢夾硬買左。講個雪糕先，個脆皮朱古力超好食，又平，$6 咋咋咋咋咋咋。。。好濃既朱古力味，加埋個脆皮，一流啊。我見佢仲有窩夫筒版本，$12 下次先試~~ McCafe 買飲品加購食物會平 d ,所以就用$10加購個朱古力 muffin 黎試下，點知個 muffin 完全唔好食，個朱古力好假，唔香，表面又超硬，唔掂。個虎紋抹茶，中杯$30.50 / 大杯$32.50我揀左大杯，飲落去個日本西尾抹茶同維他豆奶都好夾。不過紅豆少到驚人，係可憐既少。。。講真，呢個價，我寧願去買 starbucks 抹茶，或者買杯珍珠奶茶好過。。。McCafe 呢兩樣野都無下次。。。買完超後悔，勁後悔。。。