麥當勞 (星光行)

营业中

休息中

麥當勞出新夏天menu，梗係要去試下啦。麥當勞今次成個campaign 都做得好fresh，仲好徹底，徹底到連張包裝紙都係有粒粒牛油果，好可愛呀雖然唔係Hello Kitty的fan，但個包裝盒都做設計得好精緻，同以往麥當勞的風格好唔同。恨左麥當勞出牛油果系列好耐架喇，牛油果營養價值高，好鐘意食，又健康d！所以麥當勞唔洗加錢有得轉粟米都值得一讚，起碼有得揀；再轉埋雪梨茶夠哂fresh！講下個包先，包皮同平日寫開的包唔同，咬落去鬆軟好多。牛油果份量適中，算唔錯，起初以為牛油果價錢貴d，佢最多俾幾舊仔，但原來份量都唔錯，合理！雞排亦都煎得香脆，無油膩感，質感亦剛剛好。配上滑溜的牛油果，一脆一軟，好豐富的層次！套餐加錢upgrade野飲都係$42，快快手食左個清新配搭的美味晚餐，好幸福！

用 touch screen machine去點餐，係create your taste嘅特色，試下新野，蘑菇安格斯套餐，雖然對比其他麥記經典餐係貴些，但係真係好味好多，仲可以自己揀料！首先見到賣相不俗，法國甜包好軟熟，Angus beef都足料，配水牛芝士原塊生菜，好fresh!薯條反而一般……加小食檸蜜雞翼，滿滿的檸蜜味，正！

今日試咗麥當勞最新出嘅菠蘿批賣緊＄7一個雖然比起蘋果批貴一蚊不過見佢係季節限定所以決定喺下午茶時間食返個外表包裝係用上Hello Kitty卡紙不過作為堂堂男人的我就冇乜興趣但係一食落口裏面嘅菠蘿根本同果占沒有分別完全食唔出菠蘿的味道個批簡直失敗

聽聞M記為迎接熱辣辣嘅夏日🔥🔥，又有新搞作，推出全新嘅牛油果雞堡。兔小妹本身都好鐘意食牛油果，貪佢口感夠晒奶滑，而且又有豐富營養。今日經過M記，當然要試下個新包，睇下味道如何~ 基本嘅牛油果雞堡套餐，有埋中薯條🍟或大粟米🌽，再加多杯中汽水或熱飲，承惠 $35.8，中位價錢，唔算好貴。反而單買一個包，就要 $24.5，似乎貴左少少😲。而個包裝呢，相信Hello Kitty粉絲見到會即時心心眼😍😍。紙盒上面嘅吉蒂貓扮成Keroppi，隱藏喺一大堆牛油果入面，Green得非常之Kawaii💕~終於黎到戲肉 – 試包啦~ 個包份量都唔細嫁! 漢堡包夾住厚厚的炸雞扒同勁多嘅牛油果粒，淨係睇，都已經覺得好滿足~ 咬一啖，暖暖嘅麵包口感鬆軟，炸雞扒外層脆卜卜，雞肉滑嫩又juicy; 而粒粒嘅牛油果口感冧香滑溜，清甜不膩，感覺好fresh~ 再配埋車打芝士同微辣嘅科布沙拉醬，芝味香濃，刺激惹味，的確好適合喺炎炎夏日食呢~!

上次試左個親子飯Tastic🐣，係就係油膩左d，但都幾好味~ 麥噹噹乘勝追擊，今次再出埋個肉醬牛蛋飯堡🐮，實行滿足埋好牛人士的願望。雖然兔小妹皆非好牛好雞之人，但飯堡出新品喎，點可以唔試呢~? 故今次又番番尖咀M記，延續飯飯滋味~牛蛋飯堡套餐同樣賣$36.5大洋~ 包裝一樣有巧打意既蛋黃哥😙~ 至於份量，依然好實在!打開包裝，香菇飯香撲鼻，夾住兩塊牛肉同厚厚既煎蛋🍳，配上惹味既茄汁肉醬同埋新鮮生菜絲，冇左之前既肥膩感，味道仲好夾~ 的確唔錯~!如果諗唔到有嘛好食，不妨試下到附近M記開飯~😉

同友人行行街，經過m記，發現出左新既新地筒，新地筒成日都有唔同既味道，今次係抹茶味，一向鐘意食甜品同抹茶控既我地，緊係唔會錯過啦，點都要試下。食完後，覺得味道一般，抹茶味好淡，同埋有d甜，感覺同食原味既新地筒無乜分別，不過只係5蚊杯，算係咁啦。

最近麥噹噹乘住個蛋黃哥熱，出左一系列蛋黃哥新品。當中，最令人期待既，就一定係親子蛋飯Tastic啦~~ 今晚咁啱經過尖咀老麥，見到大大隻懶到出汁既蛋黃哥撻左喺度玻璃門上面，心心眼之餘，當然要衝入去朝聖一番先~點左個親子蛋飯Tastic餐($36.5)，再加多個芝士薯波波(+6)，承惠$42.5~ 價錢ok啦，唔算貴。話明係蛋黃哥系列，果然由外至內都係蛋黃哥個hea樣，巧打意~ 個包拎上手，的確夠晒份量! 香菇飯夾住塊粟米蛋餅同大大件炸雞扒，加埋d蛋黃醬同荷蘭醬，層次好豐富，味道唔錯，幾特別。不過，就略嫌油太多，有d肥膩，食多兩啖開始覺得飽滯。至於個芝士薯波波，冇乜驚喜，芝士味唔多，不過不失咁啦~

親子蛋飯Tastic,個包裝盒同入面張紙都係梳乎蛋,好得意.用咗香菇米飯代替麵包,中間夾咗蛋黃醬,蛋餅,炸雞扒同荷蘭醬.蛋餅入面仲有粟米,胡蘿蔔同青蔥,味道唔單調.炸雞扒就有少少似麥香雞包嗰個雞扒,但換咗做脆辣雞腿包嗰款炸漿.配搭上都見用心,可惜荷蘭醬酸度麻麻,甚至俾蛋黃醬搶咗,而香菇米飯亦幾多油份,都幾滯.所有食材分開食係唔錯,加埋一齊就有啲啲膩.

：美式手撕烤豬堡餐 Pulled Pork Burger Set $36.8 + 厚切薯條 Thick Cut Fries🍟 $4 = $40.8登凳登凳！當我想去食雞既時候，已經發現出左豬包🐽一開盒果然！賣相真係好靚，對比起我一齊買既豬柳蛋漢堡$10歪晒😂呢個漢堡包，當然有包，有好多好多既手撕豬，番茄，脆卜卜既煙肉（但得一塊好似係），仲有幾濃味既芝士🧀，同埋你都見到既紫椰菜絲🌚個包其實都幾大，咬左好多啖先食得晒😂包係甜甜地既，好似排包既味道但我覺得同pulled pork唔夾，嘛嘛地。至於個豬就都幾多，不過每一絲好細條 會sip牙縫😆不過個bbq醬都幾香，尚算惹味～ 番茄同紫椰菜幫忙減輕左bbq既濃烈感，而且芝士都相當唔錯～overall食落去口感冇咩特別，冇脆既感覺 原因個塊煙肉只得一細條😂而且俾bbq醬搶左味，冇左bacon既香味。至於厚切薯條，係超級失望，冇薯香味冇油香味，又唔熱🙁 介乎於又唔脆又唔冧咁，而且鹽極度唔夠，所以食落淡而無味😭我寧願食冧到扁晒既普通M記薯條（我係變態 鍾意食冧既薯條💂🏻）我覺得整體還可以，但唔會用四十蚊再encore🙈我寧願俾double價錢食一個再

終於食到蛋黃哥親子喇總括而言，一個包都已經好飽了，成個餐會食唔哂，建議可單買包。好中意個香菇米餅，口感黏黏的，但味道有點咸，中間粟米蛋同雞扒都唔錯，一開始覺得唔match，而且唔似麥當勞出品，不過食食下又覺得好得意，食得過

天氣熱辣辣，要消暑一定要食凍野，我要食雪糕方便快捷嘅麥當勞幫到我，濃濃嘅朱古力慢慢融入雪糕，每一口都食到好濃奶味加朱古力味，口感好實，好滑，好食到暈，立刻解暑，真係無可取代吖

之前試過手撕雞包，覺得好好食，而家出左手撕豬，不能錯過呀！首先個外形現實同廣告都好相近，值得一讚！入面夾有大量菜，蕃茄，手撕豬，沙律醬同芝士！手撕豬份量非常之多，肉質很腍，混入了bbq醬，帶有少少甜，十分惹味！加埋半溶芝士既香味，真係好唔錯呀！手撕雞同豬都係驚喜之作，可以長賣就好啦

一 個 人 的時光總是偏多的我之能成為食家或為食家相信也因此原因一個 人要去打壓時間---- 意即時候多的是對那杯中物當然 要求高雖 然不是吃通全市但對咖啡倒絕不能馬虎惟有麥記任何時間都收13大元的那個細 capri 本人還滿意95分愈喝愈難看喝相失儀但杯中物味道真不差而且最近好友告訴我他不知道麥咖非有19元一大杯冰棒子咖啡令人大感可惜McDonald's mccafe 的細cap和特惠咖啡都是非常可口高質的。如大破慳囊叫一點心請看一個芝士烟肉(全瘦)熱牛角包若買入一杯咖啡或cafe 任何飲品以優惠價13港幣可以選這牛角ps星光行店地方奇大十分享受

係網上見到麥記又做買一送一限時優惠…優惠既野唔係話有就有，梗係唔放過喇!?雪糕+蘋果批溝埋一碟，就變左新款式:新地蘋果脆半溶既雪糕令蘋果批變”稔”，令原來香脆既蘋果失色!同埋兩樣一迎齊食果陣會好甜，食完好飽膩~

喂！老麥係快餐 ，係平，但等於要客俾錢去受你氣？全世界都知你哋做到燥底，但等於可以發泄落客到？話說我只係叫咗個餐，到拎嗰時同佢講我係堂食的，佢就話你張單打咗外賣咁係你同事打錯佢一嘢車個餐埋我度點先？你同事打錯係我錯？神奇！