麥當勞 (星光行)

营业中

休息中

限定新出既士多啤梨味總要試一試，加上新地筒只係5蚊又幾抵既不过味道一般，食多兩啖就會有甜膩既感覺但平平地都一試無妨------------------------------食物質素：🤤🤤(5🤤最優)價格水平：💰💰(5💰最貴)環境裝修：✨✨✨(5✨最好)服務態度：🌟🌟(5🌟最佳)整體評分：❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）------------------------------

今天工作繁忙 , 所以便到了附近的麥當勞外賣午餐，試試這個依家只是$24的板燒雞腿包餐，加$7.5仲有一杯大嘅海鹽檸檬梳打同埋加大嘅shake shake薯條, 我選擇了美式bbq味粉。板燒雞腿包嘅份量和之前差不多，沒有因為特價而變得細個，薯條配美式bbq shake shake粉也很濃味，連茄汁也不用放。 另外海鹽檸檬梳打也蠻清新的， size很大杯，所以飲了一整個下午才飲完， 都推介大家值得一試， 尤其在商業區有些麥當勞價錢比較貴的，食這個板燒雞腿包餐簡直物有所值。

原諒我影得咁核突😂😂麥旋風影唔到張相咁靚呀講返味道先，係士多啤梨奶味，個種假甜士多啤梨味我好鍾意😂比4十幾蚊既更抵食！性價比高~入面有曲奇碎士多啤梨醬，好好食呀！推薦！！

今期signature 係安格斯 見個樣幾正 於是叫左嚟試試 放縱下 咁多次推介嚟講 落差唔算大 個飽細一早預左 但細極個份量都係度 因為塊安格斯 的確幾厚 而且好有牛味 應該撈左好多肥肉落去 而幾值得提下佢個醬 唔係普通沙律醬 係千島醬再加黑松露/菇味黑色一點點 幾襯芝士 酸酸地唔太漏 加埋蘑菇 好夾 好西式生菜唔係爛鬼平生菜絲 /一塊爛生菜係羅馬生菜 呢個飽整體不錯 抵過其他餐 薯條就不過不失 有少少冧

由於今日有個客人祇係得朝早時間先得閒，所以我們就約咗朝早喺尖沙咀見，但我們比約定嘅時間早咗到，所以我們就去咗星光行嘅「麥當勞」買早餐嚟食！我們買咗炒蛋火腿堡同炒蛋牛堡！一開始我們睇到餐牌圖片影嘅，以為可以食到好嫩滑嘅炒蛋做早餐，點知一打開就令到我們覺得極度失望，因嫩滑嘅炒蛋竟然變咗又乾又硬實嘅蛋餅咁，而且係凍冰冰㗎，火腿同牛亦都係好乾同好硬實，而且味道有非常濃烈嘅膻味，果然圖片係祇供參考，係實物同圖片完全唔同，真係令我們覺得超級失望呀！

今日一起身就攞起部手機見到個天氣 嘩 新界得五,六度 完全唔想起身 但無奈你只係社會嘅齒輪 又唔敢sl 點都好都要踏上上班嘅路途 為左令到自己冇咁慘 今日就決定去食麥記早餐增加返啲熱量令自己暖返啲 今日就買左個豬柳蛋漢堡加個細橙汁 感覺上比起飲汽水健康啲 同埋朝早係要飲果汁嘅 我返到公司一打開個包 嘩 我已經好耐冇見過整得咁靚嘅包 搭得好整齊 芝士少少溶 個包仲係暖嘅 唔會凍左好硬 雖然都係包 但食完依個有蛋有肉嘅包就好飽 幾滿足 果然有麥當勞嘅morning 先係good morning!

在很久很久以前 我鍾意食薯條 麥當勞就可以滿足我呢種食慾 細薯條淨係需要五蚊雞一包 真係非常之抵食 都係外國食快餐係好貴 之前出過留學 就算想食薯條都要慳錢再唔係就自己整 香港真係薯條嘅天堂

全線麥當勞🌸士多啤梨 忌廉千層蛋糕🌸$28 (飲品加$17)♡比I love u Berry much 個廣告吸引左😍😍😍但係食落唔係好驚喜，水準一般~同lady m 冇得比😂😂😂♡千層蛋糕班戟尚算薄身，有士多啤梨🍓味但係有啲假😅😅😅面層鋪滿白朱古力碎，食多幾啖甜到漏😣😣😣💕#reneecake💕評分：😈😈#tasteoflondoninhk #tophkrestaurants #lunch #hkfoodie #hk #hkig #hkfood #weekend #alphaconcepts#love #food #foodie #hkfood #hkfoodie #eat #around #the #world#is#my #ultimate #goal #gain #weight#ufoodhk#hkblogger#support#girly#mcdonalds #cake #hongkong

認真每次麥當勞包都會愈期望就愈⋯⋯今次抱著隨緣心態，試食招財福堡麥當勞脆薯牛堡🍔個盒已經夠可愛布旬狗qq印係上面迎合狗年🐶一打開個包超多醬流出黎，好香既黑椒燒汁一哎落去⋯⋯OMG超好味好香既黑椒，仲有一粒粒洋蔥，重點塊牛好juicy 但加塊薯餅係入面就食唔到有咩咁特別⋯⋯最期待都最驚喜最好笑🤭個扭扭薯條，我特登倒哂出黎同大家分享，那。裡。扭扭？佢叫扭扭，咁我都叫扭扭啦，同一般薯條濃味少少之外就無其他分別；但個招財福堡真心好味既，想食多個tim🤤

期待已久，好好味嘅朱古力批！今日行開尖沙咀終於見到有得食朱古力批，終於食到喇，售價＄8一個：價錢唔算貴，一咬朱古力批、好重既朱古力味，但有少少失望朱古力漿做唔到慢慢流出來的效果，但味道唔算甜，正，朱古力醬質感唔太（傑）身又吾太（希），尚算做得幾好，朱古力批外皮香脆可口

平時為左慳錢所以午餐我多數都帶飯返公事食 但成日食完個飯盒都覺得唔夠飽 最近麥當勞成日都推出十蚊優惠 今日食完飯盒就去左睇下今日有咩食 原來今日麥記嘅十蚊餐有兩隻脆辣雞翼再加一杯細可樂 嘩 真係底到笑左出聲 平時慳錢會散叫五蚊薯條五蚊可樂 咁樣計法 姐係只要五蚊就有兩隻雞翼 雖然我相信好多人都食過 但五蚊兩隻脆雞 食落仲要係熱辣辣 啲油一咬就出哂黎 真係一個好選擇 好過平時肚餓只係識得去龍x 買燒賣魚蛋 所以麥當勞推出依啲優惠真係唔錯 吸引更多人去 揀小食時又多左一個option la~~

麥當勞一入到去麥當勞 就有熟悉嘅黃色燈光 適逢今日係1月4號 幾十蚊雞佢就有一塊香脆的炸雞塊和一杯細汽水 真係好抵呀 冇唔買嘅理由 雞塊鮮嫩可口外脆內暖 可樂解渴一流 滿足嘅一餐

叫了一個什麼安格斯牛包和薯條，拿回來是薯條和包也是凍凍的，拿去櫃檯換一個…等了十分鐘也是凍的…完全沒有心機做，中伏了，開工的員工，個個也是黑口黑面無水洗面，以後大時節也不幫襯它了

平時都好少食麥當勞，今日突然間想食吓薯條所以走咗上去，其他嘢都好少食，於是揀咗翠香雞翼餐，主要都係想食薯條因為有shark shark粉，所以一定加大啦，發現原來翠香雞翼都好好味，比起好多10幾蚊一隻雞翼嘅餐廳甚至高級餐廳都好味好多，算係有個驚喜。

Mcd's breakfast always reminds me of the good old days throw back to my secondary school life. This pancake is my all time favourite. Nice simply morning