麥當勞 (星光行)

营业中

休息中

今天去到兒時跟家人常去的尖沙咀麥當勞，已經有好多年都沒去這間麥當勞了，這次去到這麼坐左兒時常坐的位置充滿回憶。去到那裡點了一杯兒時經常吃的朱古力新地，跟以前吃的味道沒有分別，這次特別跟收銀員說要多朱古力醬，果然真的好味很多呢！雖然現在的價錢每一年都在上升，現在的價格是8元，但是比起你在其他店鋪買一杯正正常常的雪糕還是很便宜又大杯抵吃的，還有就是夏天當然要吃雪糕啦，（（（（（（不然怎過））））））。

之前試完滋味醬，今日就試埋shake shake 粉。今次有3款口味，分別係新口味 「韓風泡菜調味粉」同埋以前就有嘅「美式BBQ蜜糖」味同「和風紫菜」味要試當然試新味韓國泡菜啦，再加番個BBQ蜜糖回味下。買餐，再加$1.5 加大個餐就可以揀一款shake shake粉韓國泡菜調咪粉 加左之後 薯條變再好橙紅，味道比較像辣薯條零食。雖然泡菜味唔濃，同唔太辣，但個味都係幾得意。美式BBQ蜜糖shake完係無咩色既，食落比以前淡左，但甜甜地都好味嘅。2個揀一個 我會揀BBq蜜糖 哈哈不過shake完真係快d ，加左粉既薯條好像重快冧左。宜家加大薯條，都係得好少薯條..大左起個盒到..

大家好，我係馬可，第一次寫BLOG請大家多多指教， 今日就同大家講下老麥新包蠻牛辣堡既食評。 首先，本人要利申無收M記任何利益去做任何宣傳。 首先，講下個餐先。 ↑↑我自己+左$2.5轉朱古力奶昔(大)跟住講下個包，點解我會話佢係半新包， 除左因為我依個食評喺世界盃就完先出之外， 其實佢上界世界盃已經出左依隻包。 ↑↑圖片取自網絡(當年個餐普通分店賣$29.8)所以，其實唔算咩新鮮野。 由於當年仲係個窮學生，所以連$29.8都難以負擔， 因此我冇食過就比唔到比較食評比大家啦~!講返2018版本 個包面似足球幾應節就唔講啦! 大家可以見到佢係烘過個包， 但由於佢個包係走鬆軟路線， 同埋啲醬都醃返淋佢，所以其實等於冇烘過。 講下佢個醬先，我個人覺得個醬係成個包既靈魂， 佢應該係蛋黃醬加Tabasco所製成既， 酸酸辣辣，越食越開胃， 中和左肉既油膩感同包既乾涸感。 加上爽脆既生菜，食落去仲以為食緊醃青瓜， 個醬加左好多分。跟住講下啲芝士同肉 講講芝士先，如圖所見， 芝士喺漢堡入面既部份已經完全融化， 但個包既熱力鞭長莫及，未能將外圍既芝士都一一融化， 而塊芝士只係老麥一般用既芝士，並冇特

天氣咁熱，經過尖沙咀嘅麥當勞，入去諗住買杯嘢飲，一時之間諗唔到買乜嘢好，又唔想飲汽水，最後決定買杯凍咖啡飲坦白講，咖啡真係唔係佢哋專長，個人覺得只係不過不失，甚至覺得佢酸味比較重，自己都好後悔揀咗佢，聽講佢哋而家出埋港式奶茶，下次我都會試埋佢嘅！

以前約人喺尖沙咀就我叫五知旗杆，而家梗係唔會係出邊日曬雨淋啦！當然就約喺麥當勞，有得坐又有冷氣。仲有一大班菲律賓姐姐陪你一齊食嘢，如果你怕有噪音就冇辦法啦！我一個星期食幾次，係因為我買咗張密密送嘅卡，我唔記得咗張卡叫乜名定係甜蜜蜜。總之買A區食物就想送B區。我介紹咗唔少親戚朋友買㗎！抵到爛！你到冇記錯都係＄16。最衰啲 staff掛住傾計杯雪糕溶晒，咁嘅樣都比客人食，以前麥當勞好嚴謹嘅，依家就求其。double 新地，朱古力醬同士多啤梨醬份量夠多。麥旋風中間空心嘅，有少少偷工減料，曲奇唔夠多。

自從推出24蚊板燒雞腿堡餐之後已經食過3次，而3次都係唔通既地方食，今日係海港城出面間食。雖然係最平既餐？但係3次都好失望，薯條唔熱又淋既（靜係今次係，可能夜晚客人比較少？所以存放既時間長引致？），包入面既菜次次都好唔新鮮，第一次食過陣咬左一啖，見到入面d菜黑黑哋就打開睇，拎出來去要求換，之後每次食都會係食之前做呢個動作，而最驚訝既係次次都有問題。黑曬邊既有，爛既又有！已經無咩信心再來食了，依家加價之後質量反而跌左咁？

雖然都食過唔知幾多百萬次 但都要講小小咁多年同最近關於麥當勞既睇法。 麥當勞都可以算係童年回憶 以前細個鍾意換下公仔到大個左 因為麥當勞既定價都係比其他快餐平 所以都一路支持。 最後想講關於近年轉左自助點餐機 用過後係覺得真係方便快捷左 不過最大問題係上左年紀既人會唔識用 然後成條隊卡住。

近排無論電視,網上面..成日都見到話麥當勞出左新APP,,直接落單堂食/麥麥送都得;仲話有好多優惠,,咁我都唔執輸下載黎用下啦;都幾易用,但大部分都有限日期而且都幾快到期;見到有個漬物蝦堡$24,,比平時抵差不多十蚊WOR,即刻LUNCH去用左佢啦 之前都有食過菠蘿蝦堡好好食,漬物蝦堡就第一次食,一打開個包D醬多到滿瀉;不過我好鐘意~哈,,本來都幾負面整到成手都係,但個醬酸酸甜甜同個蝦餅好夾，每次食個蝦餅都唔會失望，真係每啖都有蝦🦐😘而且都幾彈牙，仲有菠蘿轉做蛋都依然咁好味，依個餐係限定，而家仲要有優惠真係會食多幾次

紫薯新地 $12.5.一見到個size心諗乜宜家新地細杯左咁多 麥當勞搞乜鬼咁度縮？😬 .哩個紫薯好食過士多啤梨 有oreo 碎同oreo係面 紫薯味濃不過偏甜😮真心覺得縮左水感覺好差....

經過見到有新口味麥旋風就貪新鮮買黎試點知......草莓味唔大自然，加上啲醬落左好多咁，所以好甜，愈食愈膩------------------------------食物質素：🤤🤤(5🤤最優)價格水平：💰💰💰(5💰最貴)環境裝修：✨✨✨(5✨最好)服務態度：🌟🌟(5🌟最佳)整體評分：❤❤❤(10❤滿分)是次評論及分數視乎進餐當天的品質而訂，亦同為個人觀感：）------------------------------

當板燒雞腿扒包消失嘅時候～我曾經諗過一段時間 ！死啦我仲有咩包好食～～ 但當我再見到呢個包嘅時候～我覺得佢已經變咗吖～～ 佢雖然變咗24蚊特價包～ 但係 好明顯 縮細咗！！ 雖然味道都同以前差唔多～但係我諗我對佢嘅情會改變！！！！

通宵早一晚決定對自己好啲 買咗個珍寶早晨全餐畀自己食下！ 實在開心到爆炸～ 不過份雞蛋係有少少細～～ 我就最鍾意將啲雞蛋豬柳夾埋個包一齊食～ 之後再食薯餅最後先至食熱香餅～ 咁樣就唔會因為蜜糖嘅甜味令到味覺變得遲鈍 實在好幸福呀

🍟McCafé X MILO 恐龍系列🦖細個除咗成日飲#阿華田 同#好立克 之外，另一樣成日飲嘅，就係#美祿❗️ 但唔知點解，香港地愈嚟愈少地方有得飲😔所以今次見老麥出咗，即刻夾埋男朋友去試吓😂咁多款裏面，我最鍾意係#美祿恐龍 ❤️ 面層鋪有忌廉，上面仲有一堆美祿粉，每一啖都飲到濃濃嘅美祿味🙈正！啲兒時回憶即刻番晒嚟呀😆另外仲試咗#美祿蛋糕層層疊 ，同#岩鹽焦糖美祿咖啡，不過相對無咁驚艷😅但如果你係美祿Fans, 都值得一試嘅😋

-今日係3月14日，除左係白色情人節之外（對我而言，沒有意義🤷🏻‍♀️），又係McDonalds定期推出 只需要用$3.1 就買到一個pie嘅日子😎用$3.1就買到蘋果批🍎 或 野莓吉士批啦～-野莓吉士批🍓（$3.1）今年就新出左 野莓吉士批😀，本來覺得野莓配吉士嘅搭配會好怪，所以唔算好期待食依個批, 而且外表係黑色，睇落唔算好吸引，但估唔到食落都唔錯， 野莓醬嘅味道比較重🌝，唔似藥水味，相反 唔太食到吉士醬😂😂不過個批皮超脆👍🏻-我覺得依個野莓吉士批 唔算伏😎(口味因人而異）個人覺得唔錯，價錢只需$3.1 就買到啦🤤 只限今日咋😁-買批仲會送張QR code貼紙，只要scan一下就可以將message送俾朋友👭👬/情人👫/任何一個人💁🏻‍♀️，同佢講你嘅心底話啦，傳達你嘅心意😏-

麥記最近又有新出品，不過今次唔係咩新漢堡包，而係McCafe出左新口味咖啡，今次就同美䘵合作，出左一系列美䘵恐龍系列，去到McCafe見到有杯叫美䘵恐龍，同埋岩鹽焦糖美䘵咖啡，我自己都係比較鍾意飲咖啡，都係揀左美䘵咖啡。買美䘵咖啡，會隨咖啡附送一小盒脆脆朱古力球，俾你可以放係杯咖啡上面，咖啡好香焦糖味，飲既時候再食埋脆脆，脆脆唔知係唔係用美䘵來整，因為食落似美䘵？下次可以再試埋另一杯，唔知會唔會有驚喜