麥當勞 (德福廣場1期)

营业中

休息中

琴日同朋友過九龍灣行街見行冇幾耐，朋友就話想穩杯野解渴無奈見starbucks咁多人排曬長龍咁就上去樓上睇下有冇其他選择最后好頹咁揀咗m記估唔到仲有懶蛋蛋既出現價錢超抵，$6.3就有杯中杯沙冰啦，分分鐘仲平過711解渴又實惠正呀冰沙冰粒岩岩好，唔會話飲到一半得翻啲冰係度，芬達好解渴啊！

下午tea 一tea，嘆番凍糕先，朱古力新地，哈，一d唔新嘅新地，我知好爛，我都係up下新地冇乜milk味，朱古力醬仲有點微温，warm warm的同凍凍的雪糕一齊食，冷暖感真係幾good，仲有d脆脆嘅花生碎，多種感覺，好豐富呀

經過MAC記見到有好多人排隊，好奇心之下上前八掛下...發現M記原來出左新口味...抹茶味雪糕~抹茶控既我都係一分子，於是就買左個黎試下~抹茶新地筒$5.5 比平時食開既新地筒貴二蚊雪糕軟滑，抹茶味唔係好濃...反而奶味重!但都幾好食，唔錯!

今日開ot做嘢做到成9點先走，個肚餓到就黎暈所以衝左去德福間麥記諗住買個餐拿拿聲返歸醫肚。一上電梯見倒排隊買嘢食條龍勁長，足足有超過十五人我都OO哋嘴。無他嘅，一條長龍嘅原因係因為開得一部機收銀，間麥記分工好明細，每人緊守崗位，一啲都唔會潛越。响尼個環境下，好明顯收銀同派餐會好忙，而有員工竟然可以淨係負責執單。我絕對無貶低任何工種之意，只是在飢寒交迫的情況下，我只能慨嘆當飲食業工作者真辛苦，無怪成日都唔夠人。我叫左個脆辣雞批包餐，盛惠23蚊，叫好抵了。個脆辣雞批包一貫的好味，辣味夠，但個薯條我真係要劣評佢。味道其實間間都一樣，但我食第一條已心知不妙，凍的！我即刻記起尼間嘢將十幾包薯條一早裝好乾等，薯條又豈會熱呢？如果尼間分店唔改善人手同流程，我諗啲食客只會叫苦連天。

今次係我第一次寫食評,請大家多多指教 ! 今次係我第三次食紫薯雪糕 第一次食紫薯扭紋新地筒 第二次就食麥旋風今次就是食新地啦！ 其實都唔算貴,八個半就有一杯個職員好淡定處理員一個先一個 坐埋一邊, 個紫薯醬剛剛好, 唔會太甜, 好有紫薯味！個雪糕,唔會淨係有紫薯味 中有少少雲尼拿味 今次算係麥當勞最好的新食品 下次會再食。 多謝你看看我的食評！

雖然好然耐都無食過M記, 但見到點Jack回歸, 見到出了個18件麥樂雞件的分享盒（套餐$41），仲可以食齊4款醬, 於是就在放假LUNCH 時放肆一下。一個餐18件看似很多, 但兩個人吃只是剛剛好, 每人加多個雪糕吃也可以。四款醬分別有有基本的蜜糖芥末、味噌芝麻醬和韓風辛辣外，還有全新的星洲咖喱醬(由左到右)。要說惹味當然是韓風辛辣和星洲咖喱醬。咖喱醬其實以前也出過, 不算辣, 配起麥樂雞味道幾夾, 很不錯。而韓風辛辣比咖喱更要搶味和辣, 一點奪了本身雞塊的味道。味噌芝麻醬總覺得好像唔是太搭調, 可能配沙律菜會啱啲。蜜糖芥末的微酸可中和了炸物的肥膩, 難怪是最受歡迎的醬。同場還加了$3把薯條轉脆薯片, 看起來不錯。雖然切得厚薄不一多了點口感, 但是....唔熱的, 所以有啲位唔夠脆。無疑比一般薯條有新意和惹味, 但我估熱辣辣脆卜卜會好吃些。大家都知多吃炸物無益, 但放假吃少少又真係幾開心~

McDonald's launches new menu regularly and their dessert bar is quite nice indeed.For this sweet potato cone, it costs $5.5 only! It's so cheap for the living cost in HK nowadays. What's important, it's very rich in flavour, both the taste and smell. I was aroused by the smell of it which was on others' hand at first. Honestly speaking, the last matcha cone menu tasted rather artificial but this Sweet potato is much better. Hence, it's a good choice for you to grab and go when you need food ur

最近不知為何在飲食方面總是中伏今次是麥當勞於2月13 - 14日推出買一送一優惠的新地紅豆脆通常買一送一的份量都不會多，這點其實我一早都有心理準備但始終還是令我有點驚訝和失望...因為這款甜品不是在外賣區售賣，所以要在一般快餐區買正因這樣，有分堂食和外賣...口快快講了外賣，然後就蓋上蓋子，賣相很不討好雪糕上的紅豆會不會少了一點？看來現在老麥的雪糕中空是必然的紅豆批非常燙口，雪糕又很冰凍，奉勸有敏感牙齒的人不要試另外就是太甜，食完紅豆批已經感到喉嚨黏黏的再食完雪糕就變得超甜膩，口腔像是被糖漿黏住一樣

二妹最愛史諾比，今晚終於有機會和她吃McCafe新出的甜品和飲品。此店十分滿座，地板很濕很「蠟」，我們好不容易才找到位子坐下。然後我到櫃枱點食物。不知是店員不夠專心還是接收能力較弱，我要重覆多次他才落啱單。我點了一份紅莓心太軟、一份朱古力布朗尼，一杯熱紅莓朱古力和一杯布朗尼朱古力咖啡。平時去其他咖啡店，負責沖調咖啡的店員大多都很專心安靜，這裡的店員卻一邊聊天一邊玩手機一邊冲咖啡，一心多用，很不專業。看著他弄紅莓朱古力，落勁多奶，令杯飲品有很多泡。最後加圖案時竟然弄花了史諾比的圖案，鼻子變成兩節，實在令人失望！服務唔掂，幸好甜品味道搭救。紅莓心太軟的紅莓醬流出來，酸酸甜甜，味道與朱古力蛋糕很夾；朱古力布朗尼很甜但不膩，質地不算太硬實，挺不錯！至於紅莓朱古力的味道卻過甜，布朗尼朱古力咖啡的朱古力味濃，味道偏甜。

粟米怪食粟米pie，小妹最愛食粟米，出左咁耐終於可以試下個pie仔，圖片只供參考係明架，冇圖片中咁多粟米係可以理解，pie中粟米係爽，係食到粒粒，甜味有d假，pie脆同apple pie一樣，整體都正常架

親愛的麥當當又同卡通人物玩cross over.今次同snoopy 一齊搞到個新地筒變黑，仲連個脆筒都黑埋！！！ 黑芝麻味都幾香幾濃，但唔知係咪個雪糕雪等唔夠耐，所以好快溶。試下無防😉

3點3，tea 一 tea, 不如粟一粟。麥記近日新產品粟米批，很喜歡它，皆因沒有蘋果批的超甜，紅豆批的太冧。粟米批，粟米粒配搭上粟米忌廉湯的饀，好creamy, 好sweet, 好good.

又是周六加班日，午餐只好隨意吃了。可幸上天對我不薄，遇上萬聖節新品，令吃麥記不致太悶蛋。    黑椒菠蘿雞堡套餐($33.8)，可配脆怪薯格和荔枝梳打茶，配搭新鮮!黑椒菠蘿雞堡比其他包類要大，不過食味卻只是一般而已，分別不大。 一片炸雞塊加上原片菠蘿片和生菜片，醬汁酸酸甜甜的，炸雞塊辣勁超強，菠蘿甜美得來不會水汪汪，平衡了雞塊的辣感，這配搭確是挺妙，不過這包辣度是有點過了，整體來說嚐嚐新也不錯，再嚐就不必了。   脆怪薯格是個敗筆，口感乾硬，沒了薯條外脆內軟的質感。面層撒上乾蔥和黑椒味粉，味精感挺重的，吃罷口乾非常。  荔枝梳打茶是個不俗的選擇，雖然荔枝味帶點點人工，但不太甜又夠氣，確是比選大路汽水好。 最有驚喜的反而是嘩鬼南瓜批，一貫的香酥脆口，南瓜蓉不算少，十分香甜。

芒果味：這係新出有驚喜喔，非膠膠的芒果味，不酸不過甜，還配合minion，非常抵吃。香蕉批：有香蕉肉和香蕉味，但超級甜，批皮香脆，拿上手還是熱辣辣的，不過還是芋頭批好吃

還記得那些年剛推出脆辣雞腿包的時候，這又香又脆又大塊的炸雞便成了吃麥當勞的指定食品。年代久遠，脆辣雞腿包早已不復當年勇，不再大塊，香與脆只是可遇不可求。然而這天遇到的脆辣雞腿包，我只能說這是脆辣麥香雞包。又細又薄的「雞腿」，將$22特價餐的將貨就價完美演繹。這刻只有無言。幸好香蕉批的出現，平衡了脆辣雞腿包帶來的失望。香蕉批 $7輕輕一咬批身便滲出陣陣蕉香，滿滿香蕉果肉及香蕉味果醬，較蘋果批的有過之而無不及。若然要我將麥當勞推出過的批排序一下，香蕉批定會在蘋果批之前。