麥奀雲吞麵世家 (已結業)

經過這店, 又鬼甘肚餓. 入左黎食麵既然話自己係雲吞世家, 當然要試雲吞麵不過貪心既我想試埋牛腩終於叫左雲吞牛腩麵+ 芥蘭(呢度淨得芥蘭無其他)一上檯, 感覺係--> 碗麵好細食落口, 是另外一種感覺麵是爽的, 湯好有味道. 牛腩好稔, 雲吞好特別或許應該用一般既雲吞麵比較來突出呢度既特別一般既雲吞麵, 通常係大大碗, 幾粒大雲吞係底大碗當然覺得抵食,但無論食得多快, 當食到最後幾口, 麵總是因浸湯太耐而變得太稔. 無論多好食, 總是覺得有點遺憾呢度雲吞麵細碗, 不單保持傳統, 而係保持成碗麵既質素. 由第一口, 到最後一口, 都係上檯時既味道. 唔會話因太大碗, 食得耐, 令到D 麵浸到稔晒再說雲吞, 這是我第一次食無豬肉既雲吞食落口, 蝦唔算大隻, 但係爽既, 和湯一起食落口, 實在是另一種感覺. 本來唔明點解無蝦, 但看過samurai既講解, 又明白了這個道理. 原來是蝦和豬肉的煮熟時間不同, 所以唔落豬肉唔回應響蝦的質感. 最難得係飲完D 湯唔會覺得口渴再說牛腩, 反而是成碗麵的大配角. 雖然好稔, 但唔係話非常好食, 可以講我食過更好的另外叫既芥蘭, 煮得剛剛好.

之前已經聽聞過呢度ｄ麵o既「份量」…今日真係聞名不如見面！！！！坐低食左碗「聽講好出名」o既雲吞麵。講真，我真係第一次見咁細碗麵，嚇親！好彩今晚唔係好餓！佢只有飯碗size！要賣$25…都咪話唔貴！麵係比較少梘水味，但唔見得好特別，雲吞幾多蝦，不過只有一粒龍眼咁上下大，的確係過份左少少～～如果大家比較大食又唔想用咁貴o既價錢食ｄ唔係好特別o既野，我建議大家去文輝！！！平靚正～

我少少今日行開渣甸坊，喺附近搵到呢間麵店，見到門口啲相影得啲麵幾靚咪諗住試吓囉。我叫咗一碗招牌雲吞麵，老實講，啲麵同湯都算好味，不過超細碗，我計過($25)，三啖已經食完成碗麵，雲吞ok但得四粒。本來想叫多碟菜心加腩汁，點知個伙計話: 「我哋呢度係得芥蘭($18)，仲有呀，你要芥蘭嘅話，都只係得蠔油，我哋係唔會加腩汁嘅。」我心諗:「間麵店明明有牛腩牛筋賣，加腩汁唔要蠔油都唔得？有冇攪錯呀，仲有個伙計啲服務態度真係好唔掂囉。」食完埋單仲衰，呢間嘢係冇單俾你嘅，食完行去收銀度，個收銀員就問個伙計: 「呢個收幾錢？」，跟住竟然想收我行我$53蚊，我同佢講話我只係食咗一碗雲吞麵，佢又同個伙計講:「喂﹗佢話佢食咗一碗雲吞麵ja bor」，跟住個伙計就話因為之前個客係收$53所以講錯，但其間一句「唔好意思」或者「對唔住」完全欠奉，簡直就係搏大霧，我唔出聲就亂收人錢，不知所謂，啲嘢其實唔係特別好食，出面大把麵店嘅雲吞啲蝦多過佢新鮮過佢賣得平過佢，初初以為佢收得咁貴，服務態度會係ok啦，sorry，仲差過其他十蚊碗雲吞麵嘅麵店，呢度嘅服務只可以用「奇差」嚟形容，絕對唔會幫襯第二次。

晚上在銅鑼灣等待朋友, 幸好尚有一點時間鬆動來一個晚餐; 簡單的點了一個淨雲吞和炸醬撈麵, 淨雲吞一碗約八隻, 份量適中賣相不錯, 雲吞皮薄柔軟偏於中型, 餡料質感結實, 蝦肉爽口鮮味, 上湯味道偏濃好像帶有一點胡椒粉味道; 再來的炸醬撈麵, 賣相精緻份量偏小, 但麵質幼細而有彈性, 炸醬味道小辣野味討好但肉質略嚴偏韌. 店內的裝修和一般粥麵店家分別不大, 但十分整潔乾淨, 記憶中伙計們的制服同樣整齊. 如果已質量來說價錢雖然偏貴但尚可接受.