麗江雲南米線

营业中

休息中

呢間野成日都有好多人食!! 之前食過一次 野食真係好普通 我自己會覺得譚仔真係好味好多!!但係可能因為天水圍真係冇乜好野食 而佢平心而論 $26有野飲仲要大大碗面又真係抵食既!!所以 今日我就約左個好耐冇見既朋友仔係呢間咁大牌既面檔再食多次!但經過今日 我真係食屎都唔會再食呢間咁差勁既鋪路!!佢差唔係差在食物質素 而係個老闆娘!!無錯唔係其他人而係果老闆娘!!今日我同個朋友等左粒既中之後終於入到去啦由於真係好耐冇見所以就傾左比較耐既時間 亦食得比較慢點知 係我同朋友講緊野既時候果老闆娘竟然cok 張木台! 無錯係cok 果客張木台!!仲要大大聲咁講: 出面D人望著你啦!! 食野就唔好講野啦!!!我真係咀都O_埋!! 心諗: 就算我食得太耐你都唔係咁既態度呀!!????我唔係hold著張吉木台 而我係真係未食哂wor!!!就算你真係心急想做多D生意我都理解! 我又真係食得慢左D既...但係你可唔可以有禮貌少少呢?? 話: 唔好意思呀 出面好多人等快手DD好唔好?我反而會唔好意思, 立即走人!!!呢件事仲要令我諗起 第一次食都俾個老闆娘激親 佢成日都好冇禮貌!但相反真係最忙既員工服務態度就

每次經過都好想試下，因為好奇為何這麼多人等候!!!今日終於去試啦!結果我等左30 mins!!!!我食左一個酥肉、豬肚、貢丸、腐竹酸辣米線，其實真係好普通!!!d 辣味蓋過晒d配料嘅味道!!真係唔係好明點解咁多人食??如果只係想食辣，其他唔計較都ok 嘅!!!有樣嘢幾好，味精唔係好重。

同個朋友成日都去食，係長期ＦＡＮＳ，食左咁耐，寫返少少ＣＯＭＭＥＮＴＳ啦。時時去都勁多人，所以我地揀下午時間去當午餐食，好快就有位。不過有時多人起上黎都等幾耐，同埋個鋪面唔大，坐底時都幾迫。間野好多人，同隔離間餐廳靜英英。。。比起黎都幾好笑。通常我地兩個去都係食炸雞翼／蘇肉，小麻辣，凍檸茶炸雞翼雖然細細隻，但係炸得好有味，係即叫即炸，咬落去Ｄ肉汁流出黎，好好味。。湯入面小小麻辣得黎又唔太辣，好香，有Ｄ肉碎粒（唔知點稱呼）係湯上面，勁好味老闆娘教食蘇肉要浸係湯到一陣先好食，等Ｄ肉吸左小小湯再食，好滋味。。。之後，食過麻辣雞，蒜泥白肉同涼拌青瓜由於生意愈黎愈好，所以小食加左價，貴左好多不過麻辣雞同蒜泥白肉都仲係好好食，量不減，只係價錢加左麻辣雞係凍既，食落去個時好香，好濃味，送米線食一流，由於係凍，食落去個時唔覺辣，之後先慢慢辣。。。蒜泥白肉好香蒜泥味，是油汁吸收晒蒜頭既香味，又係送米線食一流。。。涼拌青瓜就麻麻地喇！所以覺得最出名同最多人食都係　炸雞翼同蘇肉，好搶手，成日都冇假日仲冇蘇肉添，所以大家去一定要試最好食埋麻辣雞同蒜泥白肉一路打字個口一路分泌口水！！好想食～！

每次經過北江都總會見到有人龍等位食麗江真的很好吃嗎?時日下晝1點幾去到都要等位拎籌由於一位所以唔使等好耐acceptable la$24有野飲價錢ok因為始終係天水圍唔可能set得太貴腩仔肉酸辣米線中辣出名腩仔肉, 夠腍入味,不過無食d肥肉酸辣米線偏酸湯底夠濃中辣食食下辣度増強,夠刺激但整體酸辣米線不算太突出食唔出跟出面既有分別係酸味重d咁不過可能係天水圍算ok囉聽聞這裡的麻辣雞都ok下次再試啦

今日放假陪左女朋友去天水圍駁髮係等佢期間,周圍行下呢個商場啦~發現左呢間米線鋪可能係星期日o既關係啦,店裡面接近坐滿哂人見佢好似幾吸引,加上又有少少肚餓,就決定食個下午茶!叫左碗貢丸花枝丸米線,要左個酸辣湯底雖然多人,但上菜速度都算快個湯度夠濃,酸辣適中!D配材十足 腐皮、莞茜、肉醬、酸菜、芽菜都算多花枝丸,大大粒真材實料,有花枝仔!貢丸亦都大大粒,而且D味都好夠!正!!餐飲就叫左凍奶茶,奶茶夠濃夠滑!!GOODGOODGOOD!!食完就去搵返女友,佢都差唔多整好啦!平時少O黎天水圍,估唔到呢到有咁多食店!下次有機會都入O黎逛逛先!!

近排都去開天水圍 , 係因為要去果頭比賽 .咁比賽前都會係果頭行下街食下野咁 ,跟住去之前都專登上網睇下有咩好食 , 但成個天水圍都好似無咩大型商場咁最適合行街都好似係得新北岡 ~ 最多野行同埋最多野食 .咁本身自己同女朋友都好鍾意食米線類既野 ~ 咁所以即刻就揀左呢間 麗江雲南米線本身抱住都幾大期望 , 諗住會好好食 , 覺得個水準起碼應該要同譚仔等出名店舖有得比 .話晒去到門口果時真係見到好多人排隊 ... " 都至少要等 15 min 左右 , 果時仲要係下午 3 點幾果 d 下午茶時間 , 都可以咁多人 , 諗住實無死好好食啦 .咁我就叫左個 『 小鍋米線 』 個價錢大約 $ 3x叫黎食既原因 , 係因為唔洗點諗叫咩餸 , 因為佢又係樣樣都有 d 咁結果一食之下 ... 令到我好失望 ... 唔好講話同 d 好有名氣既店舖比 , 我覺得連同川味閣呢 d 名氣低少少既店鋪都比唔上真係好失敗 ... 仲等我見到咁多人係門口排晒隊等食 ...唔係批評天水圍呢個地方 , 但可能本身呢個地區無咩米線呢類既店舖 ...所以可能無咩競爭對手 ... 先多人去呢間野度食米線 ... 如果唔係

今日難得妹子同爸子一同食午飯，你知喇~新北江商場雖則多野食，可惜不是間間都好吃！在爸子心目中只有2間質素比較好，就是這店的麗江雲南米線及另一邊商場的車仔麵。門口大排長龍，可是不少人都願意等..店子小，位子小，商場更小，條路又窄，想等位都沒有位置可以企，就是為了一碗雲南米線~唯有拿著籌號後到商場逛了一轉，回來後都要等了半個小時，真是巴閉！安排2個門口的位置，真是坐出點都怕別人撞，好喇！餐牌有小鍋米線~麻辣~酸辣及清湯湯底，有一餸二餸三餸四餸選擇，可惜set好不能轉款，聰明點呢就可以選一餸另外再加$4加款，這個就是最明智的選擇，又可揀自己想吃的，而且還包一杯飲品，若果散叫就不包飲品~妹子吃甚麼爸子跟著，就來個炸雞翼加大腸米線，妹子淨要酸不要辣，上次汲取教訓，叫了小辣都很辣，而爸子就叫酸辣版，餐飲叫了凍奶茶走甜(+$2)同凍鴛鴦(+$2)..上枱先來了2碗炸雞翼，因炸雞翼流量很大，見每枱都例牌有一碗，雞翼帶少許辣味，夠惹味！若果不是迷你版更好~等了一陣子米線遲遲未上枱，真的做不切耶~除了堂食外，更有電話外賣和自取！當然，電話外賣要自己來拿喇，只不過是為了節省時間而已..到了，大大碗的米線真的

本人好鐘意食辣,所以好多朋友都會推介一d好食的鋪頭俾我！初次嚐試係屯門的雲南桂林,其後係元朗的譚仔,2間也不錯,但多數會去譚仔！之後朋友話新北江個間麗江都幾好喎,但係遲遲都無試,因為每次經過都...太多人啦！今日會考中史,放10:30,我見咁早應該無咩人啦,就去食！雖然去到無咩人等位,但係我都等左15分鐘=.=坐低就叫左麻辣米線(大辣)+腩肉,碗野黎到-0-嘩！成碗紅色！不過食落去都唔算太辣,我覺得麻多過辣,湯底就ok啦,但腩肉就...=.=同譚仔個d完全2樣野黎,我覺得譚仔d腩肉好食得多！結論係:唔明點解咁多人排隊食=.=我只能說不過不失,但如果要等位等咁耐,仲要係無咩人個時=.=都要15分鐘！我寧願搭車出元朗食譚仔！

自從約一年前食過一次之後, 真的上左引, 而家每星期一次以上~個人認為麻辣比酸辣出色很多~為保食物新鮮, 佢好多時都會賣哂就停~ 最過份係佢賣米線, 都可以話收工前半小時賣哂, 唔做生意~ 所以有心食的朋友, 千萬唔好9點幾先到, 好大機會冇得食架~

食過咁多間雲南米線, 都係麗江最好味唔明點解d人咁鐘意去個d好出名o既店家(譚x 個d)@@其實個d鋪頭食落真係麻麻地咁多年我都係鐘情於麗江^^最鐘意食佢o既 肥牛雞翼酸辣米線炸雞翼好野味=]d配料又多, 有炸醬、腐竹、芽菜配埋湯料都好味^^推介酸辣湯底! (不過小辣我都覺得已經好辣)仲有佢最出名o既蒜泥白肉、麻辣雞同肚絲等等..都好好味=]雖然次次都好多人但每次想食米線都會去呢間=]同埋入面d 阿姐好好人^^

成日都食...次次都係食腩肉-3-以前既我都唔食...呢間係淹過...幾好味...佢D野食普遍都幾好...蒜泥白肉,麻辣雞好咪另外酥肉係員工推介...淨係星期1-5有..6日冇得叫麵餐唯1可以挑剔既係佢既湯底...真係好入味...但係就會好似太過油膩...仲有...如果麵叫左腩肉就唔好會蒜泥白肉...因為2樣野會好相似地方就會迫D...坐得辛苦D..通常都要等位

事實上, 天水圍真係無野好食, 一向除左臺味之外, 一定選麗江。呢間野, 成日都唔銀開, 無啦啦又休息, 不過佢D野真係有水準, 價錢又合理。首推酥肉米線 同埋 蒜泥白肉, 酥肉成差日無貨, 經常賣隱晒, 可能真係好食, 受歡迎。至於呢, 呢個蒜泥白肉呢, 辣辣地, 幾野味, 味濃, 不貴, 推介。

唔近唔遠.....在家樓下坐叮叮去新北江...只需10分鐘.屋企樓下無辣嘢食，咪走去遠小小食．．．．新北江商場一樓全條街仔都係食店，有３／４都係食米線的．．．但偏偏這間總是要等位，總是要坐得最迫（唔該開多幾間吧!)菜式全是一味．．．．米線，米線，米線她的米線都不錯，但比較油(可能係我叫中辣）不過我推介的．．．．係這裡的麻辣雞她不需要叫到個名好特別，價錢唔貴，但她的味道是和出面餐廳買到要$50-$60的口水雞，辣子雞這麼入味．．．．香．．．滑!你想不到你只買$18, 我冒着要等耐啲時間的危險都話比大家聽(可以買外賣)．．係咪要試試呢!