麗晶軒 (已結業)

上星期日去左探阿姨阿姨話佢地麗晶呢度有間新開主打手工點心嘅酒樓唔錯所以我地就去左麗晶軒飲茶🫖.🌟麗晶蝦餃皇蝦餃絕對係飲茶必點😆蝦餃大大粒 餡料十足而且蝦肉爽口彈牙🍤.🌟蟹籽鮮肉燒賣皇酒樓嘅燒賣亦都同平日嘅魚肉燒賣完全唔同燒賣豬肉同蝦嘅比例均勻 用料新鮮😋.🌟麗晶鮮蝦腸粉腸粉皮薄而且幼滑餡料有大大隻蝦 而且夾住韭黃係中間阿姨話仲會咁做嘅酒樓實在買少見少🥲.🌟蜜汁叉燒包叉燒餡非常多 包亦都好軟熟係飽肚之選🤣.🌟乳鴿 見到呢度嘅乳鴿都幾抵食就點左😛乳鴿新鮮熱辣辣上枱就聞到一陣陣香味而且多肉多汁 仲附上幾塊蝦片.🌟荷香珍珠雞打開隻珍珠雞果然有驚喜佢除咗用上糯米之外 仲加咗啲紅米落去包餡料非常多 陣陣荷葉味芳香撲鼻🪷.酒樓嘅裝修非常雅致有好多卡位 環境舒服 坐低慢慢嘆一盅兩件實在一大享受而且點心即叫即蒸 相當高質☺️

今日去麗晶花園附近探人, 就去附近茶樓食lunch, 食落幾有驚喜, 想介紹俾大家😇1. 鳳梨🍍酥呢個係其他茶樓好少食到, 周末限定！佢個樣好精緻，食落溫笠笠，係新鮮既鳳梨酥，配埋杯茶好正😉2. 鮮蝦腸粉每條腸粉都足料有兩隻大蝦，腸粉夠滑！同平時食開有少少唔同，入面加左韮皇，令鮮蝦味更突出3. 叉燒包新鮮出爐叉燒包，整開仲要燙燙地手，仲要好足料👍🏻4. 乳鴿一隻呢隻乳鴿只需$48！性價比好高，仲要配備一次性手套，好細心😊5. 鳳爪排骨飯大大碟得黎足料🤭6. 燒賣加蝦餃手工制點心、大大粒！味道：8/10服務：9/10（主動幫我地拍枱整大d)環境：8/10性價比：8/10（openrice book較平，同埋2:00pm 後入座有9折）

想要分享一個好味雞煲呀🥳 麗晶軒裝潢亮麗優雅，環境闊落舒服，好適合一家大小/親朋戚友一齊聚會用餐👍🏻🎈奇味雞煲(小）$128- 生菜1份- 白飯 2碗雞煲好惹味，必叫❣️雖然叫咗細份，想過下口癮，但味道的確唔錯，辣辣哋，雞肉鮮嫩入味，送飯一流。食完雞，可以叫加少少湯，烚埋啲生菜食～ 吸咗雞汁嘅生菜，超好味！滿足🥰🎈香菇燒賣皇 $30🎈麗晶蝦餃皇 $33麗晶嘅點心係手工點心，即叫即蒸😚 新鮮熱焫～ 而且份量十足，大大粒之餘，燒賣足料有咬口，蝦餃皮薄，蝦肉鮮爽🤩🎈沙田乳鴿 $48/隻呢度嘅乳鴿性價比好高，乳鴿熱焫焫～ 香噴噴～ 食落層皮仲好脆口😋

行行下街黎左麗晶花園呢頭 😂見到有間餐廳有雞煲有點心食～一於試下！裝修望落都仲幾新 應該開左唔算長時間🫣餐廳主打手工制、即叫即蒸點心，雞煲同乳鴿性價比高🤓1️⃣乳鴿有兩塊蝦片係上面幾趣緻🤭 熱辣辣好快上碟！唔算大隻但係有肉地👏都幾香2️⃣雞煲小份呢個唔錯 麻同辣度都有得揀 雞肉好滑 小份兩個人食剛剛好👌仲有兩碗白飯同一碟生菜跟餐！美中不足係竟然冇得點火鍋配料 只可加雞肉 想幫襯多d都唔得😂3️⃣蝦餃、燒賣點心即叫即蒸 都幾大舊😎 呢間餐廳做街坊生意 所以係雞煲搭點心做promotion🤣 實食得飽！食晒以上既野 都係二百幾蚊😜4️⃣大良燉鮮奶 呢個都係點完餐先整出黎 我地食晒d野食先點甜品 所以等左20分鐘😂好香好滑 唔會太甜☺️ 如果想食就要早少少order ～咁就唔洗等啦🤪

近期食過最抵食兼好味嘅街坊雞煲，非麗晶軒莫屬👍🏻。位於屋苑商場，定價超親民，落樓就可以一盅兩件🥟，嘆~▶️奇味雞煲🐥($128)，跟生菜🥬及白飯🍚2碗。需要特別大讚係舊舊都系靚鷄，雞肉肥美兼大件，雞煲醬入味，啖啖肉，除咗雞肉仲有芫荽、洋蔥、杏鮑菇等配料，香氣撲鼻。雖然系細份，但系好似無底深潭咁，食極都食唔完，大胃人士米錯過😂，勁推！▶️沙田乳鴿($48)，外皮燒至香脆，加上椒鹽和喼汁，it's finger licking good!😋▶️麗晶蝦餃皇🦐($33)，料多且大粒，裡面唔會乾柴，點埋個辣椒油，唔錯唔錯！▶️香菇燒賣皇($30)，平時食燒賣都覺得系飲茶嘅"例牌"，冇話特別印象深刻，但系哩個燒賣新鮮蒸起真系好juicy，香菇味濃，又唔會喧賓奪主，中意食燒賣嘅人士一定要試下~雖然店面唔大，但系裝修新淨，座位間隔闊落企理，服務令我印象深刻，因為個姐姐好勤力而且有笑容，如果我系街坊都會因為咁而嚟食多幾次~🥰

過咗嚟九龍灣搵朋友食飯，搵到呢一間手工制點心。睇返個地點，因為呢度係麗晶花園，原來同啟德好近， 一條大街之隔。呢一間點心嘅裝修幾亮麗，而且好光猛特別喜歡佢嘅牆身，係一D 黑白既植物畫用上嘅燈飾都幾靚，幾鍾意佢嘅裝修而且都坐得舒服，同朋友兩個人一齊食，都坐到將好舒服嘅4人卡位。➽細雞煲 跟一份生菜+兩碗白飯 見到佢有雞煲，要個細嘅都夠食，都夠晒二個食果然真係唔少，食到最尾都有淨食唔晒雞煲個汁幾香，濃得來又唔會太鹹食到中間，加湯汁，咁就可以食埋啲生菜雞肉送飯，都幾開胃。呢個價錢黎講，性價比真係幾高！➽乳鴿 跟住再叫咗一隻乳鴿乳鴿帶有啲夠足夠味道個皮都幾脆身➽蝦餃, 燒賣而且見到有手工制點心, 於是嗌咗一個蝦餃，一個燒賣佢地用既蝦質素幾好！幾新鮮夠彈牙，而且用嘅量都幾多，尤其個燒賣佢門口有點心外賣位置如果經過都可以買外賣，又快又方便侍應都好禮貌，會好殷勤咁樣幫你整個雞煲，同埋都好快對應到我地既要求。

早幾日探完親戚後就去左個屋苑商場食晚飯，見到呢間餐廳有雞煲又有點心食，即刻吸引左我去試試😍🐽麻辣胡椒豬肚雞煲（小份） $128醬汁十分惹味，雞件既份量都好多，主要都係雞鎚雞脾肉，所以食落都幾嫩滑，同佢唔係煮熟左先攞出黎，真係成煲咁係電磁爐上一路煮，時間相對會耐啲，但可確保雞肉唔會過老，除咗雞件，裏面仲會有啲豬肚同菇片，索哂啲汁😆另外仲會有碟菜同兩碗白飯，咁嘅價錢真係超級抵食🐽沙田乳鴿 $48雖然唔係好大隻，但肉質都幾鮮嫩，外皮都香脆😋🐽香菇燒賣皇 $30燒賣大大粒，有豐富既餡料，蝦肉同豬肉都爽口彈牙🐽麗晶蝦餃皇 $33同樣都係大粒，蝦肉既份量都多，再juicy啲就更加好😎🐽山竹牛肉球 $28牛肉球口感夠滑，芫荽味都好香☺️🐽薑蔥牛柏葉 $28牛柏葉唔會韌，汁既調味都幾好，下面仲有啲豆卜，吸汁一流👍🏻🐽鮑汁炆鳳爪 $36鮑汁唔會太鹹，雞腳都炆得夠淋，好易咬開😆🐽流心榴槤包 $26外型好有趣，似足榴槤既樣，裏面係軟心既榴槤餡

麗晶軒 @ 九龍灣推介⭐️⭐️⭐️⭐️/5星滿分屋苑美食之選之前食過晚市淨係得雞煲邊爐過左幾個月依家多左好多選擇✔️酸菜魚$138 連兩個白飯CP值好高 一碟有好多魚而且味道都OK 不過換過另一隻碟會加好多分🤣隻碟太茶餐廳✔️紅燒乳鴿$48少少脆~都OK✔️蝦餃/燒賣值得一讚嘅係呢一間既點心即叫即蒸 夠足料 啖啖都係蝦好少地方夜晚有得食點心架❤️

今日去左九龍灣同啟德乎近食，食咗一間中點，可能主力喺做居民生意，又或者夜晚。。。我覺得佢哋嘅服務好好，幫我整雞煲都好用心，仲叫我哋小心啲，真喺好耐無試過。。鐵觀音/位 $14奇味雞煲（小） $128- 生菜一份- 白飯 2 碗 香菇燒賣皇 $30麗晶蝦餃皇 $33四寶滑雞扎 $30低糖燕麥糕 $26大良燉奶 $28桂圓桃膠燉鮮奶 $30 原本以為雞煲好細就叫多咗少少，最後食唔曬就拎走 。雞煲送到嚟都好香，以佢哋嘅雞都算嬍滑，份量亦都唔少，如果細食嘅人，我覺得 3個人都足夠。燒賣同蝦餃 食落 都好有肉感，2款都還算不錯。四寶雞扎大大件有反以前細細個食雞扎嘅回憶 。我覺得燕麥糕，食喺一啲都唔甜，食落都幾好食，幾有口感 。。我自己就叫咗大良燉奶 ，我幾鍾意啵，因為食第一啖嘅時侯，嗰一陣奶香由味蕾直沖上大腦，少少甜 ，食落超滿足。。桂圓桃膠燉鮮奶 唔喺我叫，我只試咗鮮奶 ，影完相先知啲嘢喺底，朋友食緊就唔好意思叫佢比我影相了，但見都足料，應該都唔錯吧。

麗晶軒位於麗晶花園, 明亮簡潔的裝修, 主打傳統點心、雞煲及東南亞風味, 小店坐位寬躺舒適、設多個卡坐, 裝修雅緻企理我們點了香菇燒賣皇點心款式多達十幾款, 全手工制作、即叫即蒸點心, 熱辣辣很新鮮, 香菇味道很濃、燒賣皮薄餡多、蟹籽豬肉餡料彈牙, 看得出用心制作鮑汁叉燒包晚市能夠食到點心真的很滿足, 陣陣叉燒的香味, 入面蜜汁味道剛剛好、不會太甜, 叉燒包肥瘦適中沙田靚乳鴿外皮炸得香口但不油膩, 肉質細嫩、味道鮮美奇味雞煲（小份）雞煲還奉送生菜一份及白飯兩碗, 雞煲雞件比較大塊啖啖肉, 雖然是小份, 份量都比較多, 配了新鮮紫洋蔥及大量芫荽, 香氣撲鼻、小辣味道像BB辣, 建議想更加惹味可以加辣, 奇味帶點家鄉味道, 雞肉鮮嫩、醬汁送飯一流服務態度親切有禮有笑容, 全程主動收碟、換骨碟, 整體不錯, 食物全部新鮮熱辣、上菜快店外有外賣點心、腸粉、糕點及原盅蒸飯, 非常方便

今天星期日，又到麗晶花園錢大媽買餸，順便到隔離嘅麗晶軒食點心，服務員好有禮貌帶位，我們四個人，被安排坐在落地玻璃窗的卡位，感覺好舒服，開了一壺烏龍茶，茶味夠香濃，有手機落單，好方便，點了蝦餃，帶子燒賣，帶子腸粉，鮮蝦腸粉，香菇肉丸粥，叉燒包，今日有特別推介，水煮魚酸菜魚，點了一份小的酸菜魚，大約10分鐘便開始有點心出嚟，蝦餃保持水準，有蝦味，出面有啲蝦餃是一啲味都沒有的，叉燒包好味，啲餡料好足，冬菇肉丸粥唔係好夠熱，日本帶子燒賣和腸粉，和蝦腸都好靚，最後試埋個酸菜魚，味道好正宗。會再嚟食！

之前食過雞煲，抵食又好味。年初二再次到訪食點心，蝦餃及蝦腸做得不錯，蝦新鮮爽口，值得一讚👍🏻，糯米飯味道也不錯，山竹牛肉有馬蹄夠爽口，奶皇飽不過不失，鮮奶桃膠奶味濃郁，加口環境也算濶落，可以再去的街坊點心店👍🏻👍🏻

年初二同屋企人唔知食咩，行吓行吓就入咗呢間嘅點心小店，雖然好近我屋企，但之前一路都未有機會試。原本無期望，估唔到啲食物質素好有驚喜，食得出係唔係行貨。以呢個價錢來講，實在好高性價比。 叫咗燒賣，菜苗餃，排骨蒸飯，叉燒腸，臘味糯米飯，馬拉糕，埋單$200有找，抵！老公最愛個排骨蒸飯，對蒸飯好有要求嘅佢一食就知係即叫即蒸。我就最欣賞個燒賣同馬拉糕，熱辣辣🤤啲枱又唔會好似茶記咁坐到枱貼枱，咁嘅價錢，咁嘅環境，咁嘅食物質素，真係冇得輸👍

收工夜，返到屋企都8:30，即刻叫個雞煲任食，個職員催三催四咁叫我地嗌配菜好喇，叫完喇，9:00我個雞煲食左一半都無，就要求我地加湯打邊爐，我地話唔加住，食多陣雞先，佢每隔5分鐘就叫我地加湯😒其中叫左一碟配菜係餐肉，仆你個乖，一陣「尿壓」味囉，咩料呀⋯⋯🤮我明白你間鋪收10:00，但9:30，係9:30，間鋪仲有3枱人，佢哋不停用漂水係我哋隔唻係咁拖，勁臭🤬媽呀⋯⋯野食難食不但只，仲要咁嘅服務，完全趕客，唔會再食囉，相都費事影

麗晶軒 @ 九龍灣麗晶花園推介⭐️⭐️⭐️/5星滿分屋苑有雞煲打邊爐係一件好幸福既事$188 一位任食 +$6 茶位無加一雞煲味都幾好味叫左小辣 但完全唔辣下次試下中辣先得雞煲要辣先好食 不過佢超多雞 好足料配料係普通打邊爐料無特別😂😂