鹿角巷 (已結業)

尖沙咀已經見到但一直無機會試 條人龍都要排上一個小時以上全部都係自由行心想過了熱潮可能會好d上星期六做完運動行過旺角見到有分店時間又差不多開門隊又短所以決定試下最終因為開門前排隊，10分鐘係開門前，5分鐘係開門後到囉飲品一試難忘但為了杯飲品排上一個小時我覺得我已經唔係年青一代 唔會再做呢d嘢了 好chewy好夠味仲有教你點樣先可以試灑最好味的一杯黑糖鹿丸鮮奶如果再有機會試，就試抹茶👀返之前果晚，售罄都係抹茶等飲品期間 我見到店員細心的製作難怪要等上咁耐

當日下午睇喺附近睇醫生見時間尚早就諗住去試下塵角巷嘅珍珠奶茶～其實之前都想試好耐但冇咩機會經過所以一直未冇過，本身諗住平日下午應該冇乜人喇～點知原來都要排隊，不過都唔係排好耐啫十五分鐘到喇～職員禮貌都幾好又快手舖面都算大，落完單可以喺入面等唔洗喺上面咁熱嘅天氣呆等⋯⋯一共買咗三杯，一杯自己飲另外兩杯外賣返屋企，外賣袋要收1蚊係紙袋黎，我自己叫咗杯三巷奶茶，覺得26蚊一杯奶茶嘅量好細杯又唔滿嘅，不過冇冰嘅我諗應該嘅個份量應該同其他出面個d有冰差唔多🤔🤔味道方面我覺得奶茶嘅茶味唔係好出，用明治牛奶所以d奶都係比滑嘅～呢方面同技術冇關係用料比較好，不過d珍珠都ok彈嘅～整體我覺得還可以，但唔會令我有好想下次再飲嘅感覺。

前排旺角開咗鹿角巷，所以就去咗試下 到咗見到門面都幾靚，至少大過尖沙咀果間～ 入面都幾大，可以等位又有冷氣餐牌有新岀飲品，雪絨系列 我就叫左雪絨黑糖鮮奶茶其實有少少心郁郁，諗咗好耐要鹿丸好定新品好～但都係試咗鹿丸 排隊就唔算耐，我排左15分鐘左右，等就耐少少，我見佢「廚房」都幾企理，又幾大幾多人做野店內度度都係影相位😍🙈 因為佈置好靚😍等多25分鐘左右，先拎到，咁就梗係相機食先啦😍 望落去好似幾好飲咁。飲咗一啖就感覺幾大分別~ 有啲7-11買到既港式奶茶🙈 早知就加珍珠，有啲口感，就咁奶茶加雪絨有啲滯😂 比期望低咗啲😭

自問自己算係鹿角巷🦌既忠實粉絲😻 尖沙咀店基本上只要有去開尖沙咀 我都會誠邀朋友一齊排隊🤣 都有唔少次排隊既經驗 而令我堅持✊多人都要排落去既原因 唔係因為責任 亦唔係因為有錢 而係因為 好飲💕雖然有唔少人覺得好飲都唔值得排咁耐 但味道好主觀 而黑糖鹿丸鮮奶🥛正正係我好鐘意同好難忘懷既味道😆 早排上網見到鹿角巷開分店 仲要係就腳既旺角 (兆萬對面) 相當方便我✌🏻所以决定點都要黎買杯飲 終於前兩日 星期六得閒 約朋友去旺角行街👣 第一站當然係買野飲 門口有幾清晰既指示排隊 隊伍唔算太長 大概有十人左右 流程亦幾快😚 around 10-12分鐘就比完錢 不過要等多10分鐘左右先拎到 我覺得整體花既時間係比尖沙咀少 排完等拎既環境有冷氣 仲貼心既有充電位🔌 幾抵讚 而裝修亦同尖沙咀店相約但地方寬敞好多😛終於拎到黎飲 味道同尖沙咀店既相差唔大 黑糖鹿丸有咬口 夠彈勁 做到彈牙而不唔會好難咬🤣 杯飲品夠凍 岩哂大熱天時飲 甜味岩岩好 鮮牛奶正常香滑 唔會太濃味 重點都係襯托黑糖鹿丸😎 真心希望鹿角巷繼續做到「一杯用心看待的好茶」還原小忠粉「記憶中的感動」✨

Finally 😭😭😭今日真係Happy Friday ✋🏻✋🏻 可以試到🦌鹿角巷了🤗🤗。多謝來自馬拉的“榴槤妹”請我飲呢杯黑糖鹿丸鮮奶，我叫了少甜。一般初體驗店員會推薦你飲正常甜，但我唔太喜歡甜所以少甜了。😜😜價錢為28蚊杯，size比出面飲開嘅細10cc，但性價比都高架。首先排隊購買時間大約15分鐘，取飲品等待時間約15分鐘左右，合共約半小時。好彩我哋在晚上排隊，不用曬太陽。☂️☀️味道方面呢～黑糖鹿丸鮮奶，好有鮮奶香沒騷味，珍珠煙韌，黑糖味剛好，不是太甜，ok la 👌🏻😉。“榴槤妹”飲戀香奇異果🥝，因為是鮮打生果 #smoothie 等待時間慢一點，我偷飲了一啖😍😍😍😍。嘩～好新鮮好透心涼，夏天必飲好選擇👍🏻😉，加埋珍珠裡嘅甜中和奇異果嘅酸，好夾好清新，下次我一定會再飲你，大大推介不要錯過😋😋。終於明白點算咁多人排隊，顧客的行為代表店舖的味道， 怪不得鹿角巷開咗分店都咁多人排隊啦。

本身都唔算好鍾意飲珍珠奶茶嘅我，見朋友話呢間係全香港最好味嘅飲品，咁我就走去試吓啦。一去到朋友話唔算好多人排隊我就會覺得咁都幾好因為佢話本身要排隊排半個鐘，我哋準備排咗四個字就有得飲就咁睇賣相係幾吸引嘅都幾靚，我見周圍嘅人都喺度影相我都唔爭在影返張哈哈。第一啖入口嘅時候已經覺得唔係我想要嘅感覺，可能因為我覺得太甜，可能本身如果鍾意龍尾嘅人會比較喜歡。不過佢嘅牛奶味係的確唔錯嘅，同埋佢嘅珍珠應該都算係好食嘅珍珠，唔算好林啤啤嗰啲，細細粒都幾彈牙。所以我覺得如果鍾意好甜嘅你應該都會鍾意嘅但係如果下次你唔鍾意甜嘅話應該帶少甜會好啲。

我一向飲開老虎堂，因為這間店排隊實在太長，所以自從尖沙咀店大受內地人歡迎口，我基本上係唔可能飲得到。今次旺角開咗新店，所以我就排隊再飲，條隊唔長都係排咗15分鐘到就已經攞到飲品。真係超Lucky。因為坊間黑糖珍珠牛奶已經係非常熱門，家家店店都會推出這款飲品，其實我都飲過五至八間，所以都想比較一下佢哋嘅味道分別。比起老虎堂，佢嘅鮮奶味道比較淡，老虎堂係好似落咗cream咁既味道，但係鹿角巷佢係一種香嘅鮮奶味道，唔係去到cream嘅程度。但亦都唔會好似有啲店變成奶水。係唔同嘅感覺唔同嘅飲法，creamy一定會俾人覺得好似好濃郁嘅感覺,但係其實鮮奶嘅味道都一樣可以做得好好味。重飲我都覺得其實佢係整得好嘅好飲。

今日終於終於完sem,chur左成個月終於可以放假,就約左朋友一齊去旺角到耍廢掃街,行到去差唔多登打士街,點解咁多人排隊呢,望一望,點解有鹿角巷係到既,我去左尖沙咀咩?完全唔知發生咩事之際就比個fd拉左去排隊喇😂佢先講番原來鹿角巷開左新分店,咁以後掃街又多個選擇了😆唔緊要啦,難得可以輕鬆下,又有fd瑋齊等,等左差唔多40分鐘,我叫左黑糖鹿丸,個fd叫左新果個橙味咩東東,打完卡,就開始飲喇,珍珠仲係熱既,但感覺無尖沙咀果間咁好食,係咪黑糖味唔夠?不過不失啦,而朋友果個橙都幾特別,感幾fresh~終於唔係淨係得鹿丸飲😆

之前試過尖沙咀總店既黑糖鹿丸鮮奶，覺得個黑糖珍珠好香黑糖味。係廣告見到有新出雪絨系列，經過旺角，人龍比尖沙咀少，決定試試。雪絨黑糖鮮奶茶$30本身想加黑糖珍珠$4，但原來只可以加普通珍珠，黑糖珍珠要叫黑糖鹿丸鮮奶系列先有。唯有唔加，另外叫多杯黑糖鹿丸鮮奶。講番個雪絨，即係奶蓋，份量都幾多，佔到1／5杯，好香滑，帶有咸味，配埋面既黑糖粒粒，係香港算係好飲既奶蓋。奶茶幾香茶味，配埋鮮奶，好味。黑糖鹿丸鮮奶$28黑糖珍珠係數一數二重黑糖味，煙韌，本身比較甜，但配番淡味既鮮奶，味道就岩岩好。如果唔使排長龍既，出到旺角飲番杯雪絨，心情都靚番曬

鹿角巷喺星期六開分店喇！位置就係人來人往嘅旺角西洋菜南街兆萬斜對面！👏🏻有新分店就梗係有新野飲推出啦！🙂包括有水果系列同雪絨奶蓋系列共5款飲品，作為一個奶蓋控，又禁啱經過旺角就梗係買番杯嚟飲啦！🤭小編嗌咗雪絨白桃烏龍茶，感覺上冇咁heavy！🤔佢哋嘅奶蓋超級綿滑，第一口莫名其妙地有陣yogurt嘅味道，之後就好濃嘅芝士味飄出黎，唔會太鹹，都做得幾唔錯！😍之不過，白桃烏龍有啲失色⋯桃味濃，茶味淡！再加上冇得揀甜度嘅關係，小編覺得甜咗啲啲，有得揀半糖以下會好飲好多！🤤 $30，呢個質素唔錯嘅，但如果可以揀甜度嘅話先會再試⋯🙈Btw, 旺角呢間鹿角巷人龍唔長，由落單到攞嘢飲，15mins內搞掂！相比起尖沙咀總店快得多呢～😂

見呢排ig, facebook 都有鹿角巷既蹤影，所以就心絲想試。係旺角食完晚飯，於是就行左過黎買杯黑糖鮮奶！人龍唔算長，不都塞滿左成間鋪，原來係黑糖珍珠賣曬，要重新整，要等成30分鐘。不過店員好好，有提前通知，所就等下啦。佢無令我失望，好飲，唔太甜(叫左少甜，啱啱好。

話說，鹿角巷的黑糖鮮奶，是我在香港的第2️⃣最愛！不過尖沙咀店真的經常大排長龍，好誇張。有天閒日難得五點多就來了旺角，就衝了過去新開的旺角分店，地方比較大，終於有些企位/等候的位置了。來到這裡的首要目標，就是要試試暫時只有旺角分店才供應的季節限定水果茶！標題要加“超級”兩個字，因為暫時每日2️⃣點及6️⃣點，每時段每款水果茶(即焦糖菠蘿、茉香柳橙及西柚)只供應約🔟杯！本來想要焦糖菠蘿🍍，但因為要再多等一會兒，就先試了茉香柳橙 ($30)。一開始是有點嚇倒的，因為原來裡面有一整個橙😱😱 超誇張‼️有好多橙肉。最特別的是喝完會有一陣茉莉茶香😍，我喜歡啊！如果想喝light一點，這是個不錯的選擇啊 (不過是有點貴的)。另外，也試了新推出的雪絨黑糖奶茶 ($30)芝士奶蓋很厚身，第一口挺濃郁啊，但5️⃣分鐘後就立刻變淡🙈 而且奶茶喝不到黑糖味😭 不過朋友說，幾天前來喝的那杯好喝多了，所以就看大家的luck吧🙊註: 要等候起碼半小時啊~

放假去旺角行下街,今日天氣真係好熱好熱,熱到好似透唔到氣咁,行到一半已經要搵野飲,咁岩行過又見到鹿角行開左,為食妹又出動喇！之前係尖沙咀都見過,佢鋪頭長期都好多人,多到完全唔想去排隊,聽朋友講話要等大概一個鐘,omg😱😱😱雖然個個都話好好飲,但一直都未試過,今次咁岩過黎旺角又比我巧遇到,仲要條隊都唔係好多人,大概都係30人左右,咁就排下啦～可能因為今日係weekend,大家都好似唔太趕時間咁,等左大概25min左右就落order,當然試佢既人氣之選黑糖鹿丸啦！買完之後就入左鋪頭入面涼下冷氣,實在太熱😂😂,值得一提既係店內既stand bar都好細心,可以比客人差電！等野飲都可以差到10幾%嫁☺️第一次試鹿角巷,果然名不虛傳！黑糖味重得黎唔會太甜！珍珠彈牙程度岩岩好☺️☺️難怪d人係尖沙咀開鋪排到收鋪啦！如果一早知佢咁好味既,排隊都肯試😁

話說之前去過尖沙咀兩次，想一探究竟兩次都係平日兩三點左右去，人龍極長粗略估計至少30幾人排隊點餐假設每人只買一杯，平均2分鐘出一杯都可能要等一個鐘所以兩次都無功而回！最近發現旺角新開分店，又咁啱呢幾日都出開去所以去試一試佢我喺食飯時間到達，望一望條隊，得10個人左右緊係排啦真心算快，10分鐘左右排到買左黑糖鹿丸鮮奶同黑糖雪絨鮮奶茶各一杯盛惠$56之後等左一陣就有野飲喇！個個都為左杯黑糖鮮奶去排咁耐講真丫，如果佢唔係間野嘅signature我真係唔會買黎試囉！憑咩要我用一個鐘去等？一啲都唔值。黑糖鹿丸鮮奶，味道係加左黑糖嘅甜味牛奶而且珍珠唔好食！珍珠唔好食！珍珠唔好食！要講3次。黑糖雪絨鮮奶茶正常，冇特別，奶蓋茶一杯。用一個鐘去買野飲完全唔符合經濟效益幸運是我唔使用一個鐘如果大家有興趣，試一次就夠

見最近全城熱話，所以去朝聖下 我個人好期待！因為飲過尖沙咀分店，真係超級好飲，仲要排一個鐘都飲咗幾次！所以今次係旺角開，仲要屋企附近，更加興奮去到門口已經唔少人，但係就冇排長龍所以下意識唔理咁多排左先😂排隊嘅時候先慢慢欣賞新分店格局，門面比一般大，感覺好高級既珍珠奶茶舖頭擺設好簡潔，但係足以做到影相位，店入邊有位置可以影相加等候拎飲品，嘆住冷氣等都算唔錯我就梗係買咗經典款：黑糖鹿丸鮮奶最鍾意佢特製手法做嘅珍珠，雖然好多地方都有黑糖珍珠，但係佢整嘅真係夠晒口感！等左大概二十分鐘，終於有得拎！我本身諗住拎走,所以要咗個紙袋,紙袋真係好靚,可以循環再用,設計好精美 至於黑糖鹿丸鮮奶，我就有少少失望，比尖沙咀嘅遜色多，無論係黑糖味同奶味都差少少，奶又比較淡啲，可能我本身期望好高，又見佢效率好快整體來講除咗味道之外，其他都好滿意，包括排好耐，要等好耐嘅問題都放暫時解決左