鹵八鵝店

营业中

休息中

今次係同大少第二次來食鵝肉飯，上一次已經係2019年9月中秋節食做節飯。今日我哋好肚餓，大家都唔知食乜之際，就諗起食滷水鵝肉飯。同平時一樣，大少淨係食鵝肉飯，我就食雙拼鵝肉拼鵝腸飯。本來加多$6，就有個鹹菜豬肚湯，但係天氣真係好熱，我哋今次冇要例湯。鵝肉唔係太多骨，都有啲肉食，d鵝腸洗得好乾淨，清晒啲肥膏，好爽脆，滷水味都唔係太鹹，加埋少少滷水汁送飯，味道一流。每次來，我都話要食其他嘅滷水系列，下次真係要試吓佢嘅滷水鵝肝，同埋滷墨魚。兩個人埋單都係$99，仲食到好飽，平靚正，簡直係大滿足。

呢排都係灣仔返工多，之前食鹵八都係主要食鵝嘅嘢多！鵝肉，鵝腸，鵝肝諗起都流口水！不過而家有bb就要少食鵝，就襯機會試下其他嘢～有豬有鴨食咩好呢？？今次就試下佢個豬頸肉同豬耳啦！對於我嚟講lunch 係好大碟飯😅豬頸肉出乎預期咁入味同冧滑～鹵水嘅香味加埋豬頸肉嘅油香原來好夾！豬耳就更加唔洗講啦，一樣咁有彈性同入味，中間嘅軟骨脆脆可口。唔會好似其他店咁凍同硬。仲有招牌例湯，胡椒豬肚湯，十蚊大大碗夠辣夠入味，正！