影片
呢度地方比较隔涉，唔近地铁站，系喺威尔斯医院附近嘅一间鱼蛋粉，Lunch时间都几多人帮衬，似乎做街坊熟客生意。坐满晒人，水准一定唔错坐低嗌左一碗鱼蛋河，5分钟内有得食快靓正！碗内大概有3块鱼片、3粒白鱼旦。鱼蛋有鱼味，都几弹牙！河粉都唔会过淋，汤底奶白色，加少少葱花及炸蒜粒，好好味佢嘅辣椒油认真出色！一款系潮州辣椒油；一款系酸辣汁，有蒜蓉粒两款都好好食！人哋话食鱼蛋粉就系要睇吓辣椒油做得有冇诚意，呢度完全符合到呢个要求
继续阅读
呢间小店系我都常帮衬的食肆食过几次水准都仲keep到，所以就趁有空闲写一篇食评向大家介绍话说，小妹好怕食牛腩！因为出街食亲的都系又韧又鞋烚烚的！最容易摄牙隙！大佬呀，摄左牙隙又唔知，笑起上黎好核突架麻！仲要自己唔知，人地系后面阴阴咀笑你😓隔左好耐照镜时先知就真系老尴🙈🙈今日返晏又唔想出到去食连锁店，所以又再拜访一下呢间小店！午市优惠，牛腩饭加冷热饮品都系$41。大家睇下张相，真系大件夹抵食牛腩开得好靓，就算唔系肥位，咬落去都唔会鞋烚烚同韧！𡁻起黎系有弹性，唔系出面炆到梅哂，得返一丝丝无咬口咁牛腩好入味，腩汁够味带香！讲得小店，环境及卫生一定唔会好好，就好似细个啲粉面店咁的格局，坐都唔会话好舒适！
继续阅读
要去威院探病覆诊，成日被迫食好难食嘅医院canteen，真系苦上加苦！今次决意，跳出威院揾返啲人食嘅嘢！向医院左边走，沿小路走，穿过隧道，惊见一排食肆，挑了一间潮洲粉面，享用我的午餐。千挑万选--牛腩饭配冻柠茶做我的午餐。有惊喜，牛腩同饭分开上，饭就唔会太多汁，一pat pat；牛腩开得好靓，根腩相间，师傅有料到；牛腩入口软、松化，仲要入味不太咸！总评：去威院探病最佳选择！$41连饮品，牛腩饭大大碟，性格比高，值得多走两步支持的小店！
继续阅读
早上要去医院，可是时间亦的确是太早，在这时候，找地方食早餐是一个常识。向河畔花园方向行，向来是威院员工的饮食天地，近的，一过隧道就有，远少少，河畔花园有更多选择。而我在漫无目的之下，就在隧道口的翠丽花园，找到了一个新名字，《鸿发香港仔鱼蛋粉》。简简单单食碗面吧，招牌是香港仔鱼蛋，可是我并不好食鱼蛋粉，所以我点了一个牛腩面，再加上牛丸，是一个很牛的面。牛腩，爽口而且是半肥瘦的，味道亦十分之香浓，而牛丸，口感更爽，爽中带脆，很有味道，加点点辣油，更加之惹味。虽然香港好多不同的面店，都挂上《香港仔》三个大字来做鱼蛋面，但并非个个都做得好，而《鸿发》这一个品牌，是次一试，感觉还是有点水准。
继续阅读