雞仔餅大王

营业中

休息中

琴日去到同店員講話要庶糖光酥餅，之後我比錢，點知原來應該係佢掛住聽headphone聽唔到我講要咩，佢就態度惡劣咁問: 要咩架？好似鬧我無講要咩就比錢佢咁。好聲好氣問唔得？😑😑😑😑個光酥餅唔知係咪放左好多日，成舊都硬的，好難食！🤢🤢顛覆咗我對光酥餅嘅認知🫠🫠🫠🫠🫠🫠🫠其實之前都買過佢芝麻糕桂花糕嗰啲，都係好難食，無味，質地好差，警世千祈唔好買。🤮🤮🤮🤮🤮🤮🤮🤮

2024年7月17新翠邨有擺雞仔餅大王，個女員工唔正面回答今次會擺到幾時，言語中帶責備客人，態度相當惡劣，反客人白眼，對這間老字牌店鋪的員工質素相當失望，希望個老闆好好教育下這種質素差的員工，以後不會再買。

搬走咗幾年，返嚟探屋企人，每次返嚟都會買，但因為收九點，有時食完飯先買就收咗。最近呢幾次去，有個姐姐好好笑容，桂花糕好好食，絕對唔會好甜，大人小朋友都啱食，有好多隻味揀，非常推薦，多次回購。但以前成日食的南瓜糕就冇咗，唔知會唔會有機會出現返呢？

裕民坊日日行、依間野我每個禮拜都買。新年前行過諗住買一埋零食..點知阿姐見有人龍排緊隊，都冇理，俾打尖嘅人買先，其他人有鼓譟，但我哋最尾選擇走人。今時今日咁嘅服務態度真係不要得。其實同類型小店裕民坊仲有選擇，（八千x) 大家可以試吓，D話梅同牛肉乾勁好食，同埋種類好好好多，員工有禮貌，（起碼正常先）又時時有贈品。見到之前有人留言，我其實之前都見過個阿姐指住D客鬧人，公道D講句，我相信係事實。店主自己唔檢討，仲搵打手回覆真過分。不過你唔駛覆我，我唔睇㗎。唔會浪費時間。😃😃

今日行過東涌逸東村商場，見到雞仔餅大王擺檔。買左芝麻卷，糯米糍，香蕉糕各一盒。由細到大都鍾意食芝麻卷，而家好少見，所以買黎試下，d皮勁厚。糯米糍都係好厚皮，嗰面仲好多粉，餡少，花生味道尚可，不會過甜。它有花生芝麻2款味道，但是2款是混在一起的，不可以分開買，要食到先知。香蕉糕尚可，個人覺得和糯米糍的皮差不多口感，但有香蕉糕味。其實雞仔餅大王經常擺檔，但我通常一至二年先買一次，果然還是這樣！

相信大家行街都會經過有一間叫雞仔餅大王嘅舖頭，話明係雞仔餅，所以呢一度最出名嘅都係雞仔餅，佢有幾隻味，我之前都有試過，係好有油香味，唔錯，今日就介紹吓佢嘅其他嘢食，所以我哋今次就買咗桂花糕同埋茶果👍🏻👍🏻桂花糕方面我哋買咗有玫瑰桂花糕，香橙桂花糕，西柚桂花糕同埋椰汁糕，佢全部嘅糕都係比較淡，不過可能食嘅時候會有隱約嘅花香味，質感都唔錯，好似啫喱咁，咁嘅價錢都算可以，雖然入邊啲餡料少咗啲😌至於茶果方面我就揀左雞屎滕同艾草紅豆餅，佢嗰個艾茶果真係幾好食，煙煙韌韌，同埋入面嘅餡料都幾多，紅豆蓉都好正好入味，不過個雞屎滕就有啲美中不足，一食落去個感覺就好硬好實，就好似放咗好耐咁，但佢個味係冇嘢嘅，入邊啲餡料都唔算多，又唔係好香，好似好厚粉咁😩總括嚟講$15/4件嘅茶果黎計味道算係咁，不過比起有啲婆婆喺街邊擺檔嘅茶果黎計就差好遠，唸起都想再試下🤤

係太子個間買，但openrice搵唔到，所以寫喺呢度。每次行過都會買嘅雞仔餅大王，今次真係好失望！$100/3盒 買咗三盒 原味 榴槤味 南乳味返到屋企開嚟食 ！好失望 ！好硬 之前食係煙靭 開咗原味，榴槤味食都好硬榴槤味好淡……以為係濃啲既榴槤味….好想知啲雞仔餅出左爐幾耐 真係好硬！之前買完四五日內食都唔係咁硬！每粒都好似細咗 好似硬到縮咗水咁形狀都同之前唔同 之前新鮮嗰啲係脹卜卜另外仲買咗$20/4舊糕點一般般 林咗啲下次唔會再買！

買了該店的紅棗杞子合桃糕、紫菜肉鬆蛋卷、奶味光酥餅、辣味魷魚絲、話梅肉，店員又親切地介紹了店舖招牌雞仔餅，又再買了推介的原味脆雞仔餅、南乳雞仔餅同原味雞仔餅。回家同家人一起把每樣都嘗了一遍，魷魚絲是最愛，一家人食到唔停口，還說買少了，回頭要再買，紅棗杞子合桃糕同紫菜肉鬆蛋卷都是獨立包裝，方便外出時食，話梅肉唔咸，最怕食到咸到吐的，但這店賣的唔咸，很合我一家心意，光酥餅拿上手好像有些硬，但入口一咬外脆內軟又唔黏牙，小兒都多食了兩塊，雞仔餅小朋友較喜歡原味同南乳味的，我就喜歡脆餅，雖然第一口咬落去有些硬，但再咬就無問題，好好食，家人同我都非常喜歡，食完會再買。

排隊買嘢，已經等咗好好好耐。卒之到我喇，我講晒自己要買乜嘢，有個男人突然插隊，個女職員竟然俾個男人先。我問佢點解唔俾我先，因為我排緊隊等咗好耐，問兩次唔答。又再問我要乜，我再問點解唔俾我先，佢竟然開口大駡！手指指大大聲聲凶我，以為大聲夾惡客人就驚, 全條街都望住個鄉下婆態度極之惡劣！ 今時今日咁嘅服務態度同質素、擺到明唔想做生意！個商場新開，同塲其實有其他更好選擇，大家千祈唔好中伏貼錢買難受！希望依間嘢早執早著，唔執瞓唔著。

在官塘長大，細細個沒有多餘的零用錢，每次經過都好想吃，儲夠錢就會香蕉糕，糯米糍來吃，傳統的味道是最難忘的。到了現在出來工作 每次回家途中都會再買來吃，果然味道不變，依舊好味，還有我最愛的原味蝦酥，真係食唔停口。

唔好食🙅🏼‍♂️唔會再食首先花生糯米糍，粉皮算係厚身，餡料冇乜味道🤦🏻最後我自己加咗啲花生醬落去一齊食。第二樣買咗砵仔糕，好似食緊舊魚膠粉🥴味道唔似一般砵仔糕，口感又係好膠😑其次買咗四種糕點，又係冇乜味道！椰汁糕冇乜椰汁味，可能真係好淡我食唔出椰汁味！紅豆糕同椰汁糕味道一樣係多兩粒紅豆😅！馬豆糕都係冇乜味道，係芝麻卷糕叫正常少少！食呢舊芝麻糕嗰陣時！發覺舊芝麻味嘅砵仔糕同舊芝麻糕一模一樣嘅口感同味道🤔匪夷所思😅價錢一般就OK但係味道感覺唔係我所想平時食開嘅糕點味道😔真係唔知點形容好！

觀塘裕民坊重建了一個首設有室內冷氣的巴士總站，裝修好靚，從此可以嘆住冷氣等巴士。巴士總站樓上還有一個新建商場「裕民坊YM2」商場，頂樓還有一個露天花園，一樓設有裕民里，為重置原有裕民里舊商戶復業之用。小編終於今日經開官塘，專登走過去探訪一下。發現了這間賣懷舊糕點的小店，有多款不同口味的懷舊小食，包括紅豆糕、芝麻千層糕、南瓜千層糕、紫米千層糕、芝麻卷、茶果、雞屎滕、糯米糍等等。$20/4件又幾抵食，小編選了四款不同糕點，款款各具特色，味道不算太甜，糕點包裝好乾淨，感覺很衛生👍🏻👍🏻下次要再試吓其他款式。