影片
营业时间
今日营业
10:00 - 21:00
星期一至日
10:00 - 21:00
以上资料只供参考，请与餐厅确认详情
2024年7月17新翠邨有摆鸡仔饼大王，个女员工唔正面回答今次会摆到几时，言语中带责备客人，态度相当恶劣，反客人白眼，对这间老字牌店铺的员工质素相当失望，希望个老板好好教育下这种质素差的员工，以后不会再买。
继续阅读
搬走咗几年，返嚟探屋企人，每次返嚟都会买，但因为收九点，有时食完饭先买就收咗。最近呢几次去，有个姐姐好好笑容，桂花糕好好食，绝对唔会好甜，大人小朋友都啱食，有好多只味拣，非常推荐，多次回购。但以前成日食的南瓜糕就冇咗，唔知会唔会有机会出现返呢？
继续阅读
裕民坊日日行、依间野我每个礼拜都买。新年前行过谂住买一埋零食..点知阿姐见有人龙排紧队，都冇理，俾打尖嘅人买先，其他人有鼓噪，但我哋最尾选择走人。今时今日咁嘅服务态度真系不要得。其实同类型小店裕民坊仲有选择，（八千x) 大家可以试吓，D话梅同牛肉干劲好食，同埋种类好好好多，员工有礼貌，（起码正常先）又时时有赠品。见到之前有人留言，我其实之前都见过个阿姐指住D客闹人，公道D讲句，我相信系事实。店主自己唔检讨，仲揾打手回覆真过分。不过你唔驶覆我，我唔睇㗎。唔会浪费时间。😃😃
继续阅读
今日行过东涌逸东村商场，见到鸡仔饼大王摆档。买左芝麻卷，糯米糍，香蕉糕各一盒。由细到大都钟意食芝麻卷，而家好少见，所以买黎试下，d皮劲厚。糯米糍都系好厚皮，𠮶面仲好多粉，馅少，花生味道尚可，不会过甜。它有花生芝麻2款味道，但是2款是混在一起的，不可以分开买，要食到先知。香蕉糕尚可，个人觉得和糯米糍的皮差不多口感，但有香蕉糕味。其实鸡仔饼大王经常摆档，但我通常一至二年先买一次，果然还是这样！
继续阅读
相信大家行街都会经过有一间叫鸡仔饼大王嘅舖头，话明系鸡仔饼，所以呢一度最出名嘅都系鸡仔饼，佢有几只味，我之前都有试过，系好有油香味，唔错，今日就介绍吓佢嘅其他嘢食，所以我哋今次就买咗桂花糕同埋茶果👍🏻👍🏻桂花糕方面我哋买咗有玫瑰桂花糕，香橙桂花糕，西柚桂花糕同埋椰汁糕，佢全部嘅糕都系比较淡，不过可能食嘅时候会有隐约嘅花香味，质感都唔错，好似啫喱咁，咁嘅价钱都算可以，虽然入边啲馅料少咗啲😌至于茶果方面我就拣左鸡屎滕同艾草红豆饼，佢𠮶个艾茶果真系几好食，烟烟韧韧，同埋入面嘅馅料都几多，红豆蓉都好正好入味，不过个鸡屎滕就有啲美中不足，一食落去个感觉就好硬好实，就好似放咗好耐咁，但佢个味系冇嘢嘅，入边啲馅料都唔算多，又唔系好香，好似好厚粉咁😩总括嚟讲$15/4件嘅茶果黎计味道算系咁，不过比起有啲婆婆喺街边摆档嘅茶果黎计就差好远，念起都想再试下🤤
继续阅读