影片
食家推介
新开咗一排嘅上海嘢，观望咗一段时间终于决定试下。入到去一坐低，staff就过黎话每人送一碗例汤，出乎意料地好味，好甜 唔似系味精汤，都唔算好油。menu超多嘢拣，睇睇下其实呢间都唔似上海嘢，似系咩都有嘅fushion多啲烧肉酱汁香葱鸡扒饭有包埋个冷盘 木耳伴青瓜。 鸡扒煎得啱啱好，几嫩，但稍嫌细块。有烧肉汁可以捞饭食无咁dry，啲汁都唔算太咸，配埋啲葱系香嘅。冷盘嘅青瓜爽口，但我唔钟意佢用只醋太浓味，用返淡少少嘅醋会比较衬佢清新嘅味道。饮品方面，豆浆系杯上，唔系支装，唔知系咪因为咁可以叫少甜。甜度啱啱好，又有豆香，呢个推。相较之下奶茶麻麻。另外仲叫咗上海金不换肉躁香煎猪扒饭，呢个猪扒比鸡扒大块，好juicy唔会话煎得太干。肉躁俾得好大方,一定够捞晒成个饭，金不换轻轻吊下味，唔会好抢，味道balance得几好。另一大期待花雕醉鸡 酒香扑鼻但唔会太呛，啲鸡好入味同好滑。天时暑热食返啲冷盘cool down好正。上海粗炒有惊喜！本身一上枱见佢唔太上色，仲以为有啲不妙，但食落口又够味㖞，同出面连锁𠮶啲上海店比无咁油／重口味，感觉系健康ver之余，应有嘅味都无少到，配料都唔少，对得住价钱。呢个性价比，再加埋啲staff都几好招呼，有下次😻
继续阅读
佢下午茶个餐牌都几吸引同朋友就入咗去试吓叫咗个酸辣汤拼咖喱鱼蛋同埋锅贴$38然后再叫多咗个肉燥鸡扒饭$46酸辣汤都几稀唔系真系上海嘢𠮶种酸辣味个人觉得好难食锅贴都煎得几香入边嚿肉都好味咖喱鱼蛋都正常发挥个肉燥鸡扒饭个肉燥可以系用难食黎形容好似茶餐厅d肉碎鸡扒睇得出即刻整几热饭份量都好多 (张相系已经食咗半碗饭嘅份量)不过成个饭都唔可以系上海嘢只系普通茶餐厅出品豆浆好淡味冻奶茶就几好饮环境都坐得舒服但系啲餐具就有d旧同攞污糟以后都唔会再去
继续阅读
假期同家人一齐食下午茶， 啲屋企人个个都系金舌头嚟对食物好讲求质素， 真系好麻烦🤣🤣🤣。谂咗好耐都唔知叫咩餐好终于嗌咗以下 叫左几个餐：上海云吞面： 云吞皮薄弹牙，面底软硬适中。酸辣汤云吞面： 我觉得系几好味😋， 我屋企人又觉得唔够酸佢本身系呷醋人😂。葱油饼+烧卖+鱼蛋: 啱晒啲细路仔一齐食， 个葱油饼都真系好好味又唔油腻。准备下次嚟试晚餐😙😎整体都唔差，员工都服务态度又好。有好多时发现屋邨茶餐厅性价比高过好多商场。
继续阅读
下午茶价钱大众化选择亦都多种类组合都有很多款只可以当作一般快餐店因为上海粗炒完全唔似普通认知嘅上海粗炒阳春面有同平时嘅有啲唔同醋同豆瓣酱都系叫先至会比职员速度都很快
继续阅读
系openrice上见到尼间零差评的店，好评又多，就过黎食下，然后点了份酸菜鱼饭跟蒜泥白肉，酸菜鱼连味都没有，好似系开水煮一下，而且鱼肉就五六块，六十几蚊当乞丐咁样俾左整堆乱七八糟的蔬菜，完全唔似酸菜鱼，蒜泥白肉只有表面上的几块猪肉，滴肉又硬又唔系正常的五花肉切，底下全部都系凉皮，然后又整左唔知咩辣椒酱捞，超级难吃，使钱买餐难吃的饭真系受罪，唔知好评系咪刷翻黎噶，反正唔建议过黎试下，切勿中伏啊🤮
继续阅读