鶴和風料理

营业中

休息中

本人對於它們的食品質素尚算滿意, 但等候時間卻勁耐, 而且服務員聲明不可以催促他們, 原話係, (唔可以催架, 唔洗做呀, ) 但我當時已等了四十分鐘, 如果大家點了一個普通的餐都要等上四十分鐘, 都不可以催的話, 你可想而知他們的服務質責如何了.

上粉紅熊貓app搵食，見到「鶴和風料理」好耐之前路經此店，呢間店舖喺橫街窄巷，不太起眼，如果唔係有個大招牌寫住個「鶴」就更加難搵。訂購外賣自取有6折，叫左網燒牛扒定食$72 及 牛肉野菜鍋$65每個餐都有一碗白飯、味噌湯及沙律菜。網燒牛扒定食：佢個汁好似黑椒汁咁，不過就好甜，味道及牛肉普通質素。牛肉野菜鍋：有肥牛、娃娃菜、金菇，今次揀咗味增湯底，味道都好。整體來講都係一般質素啦，唔係難食，唔可以叫好味。

自從上次第一次用app滿100蚊有6折之後，忍唔住要再買來食，今次叫左野菜烏冬同燒汁雞扒定食，2個都送沙律，沙律係柚子汁，清新又開胃，野菜烏冬有大量菇，蛋半隻，青椒,紅蘿蔔，粟米，蒜粒同蔥，份量多，加錢轉手打烏冬，彈牙一流，。燒汁雞扒唔錯，配菜有薯蓉，超好味，定食仲送味噌湯，入面有海帶同豆腐。2個人食都多，7十幾蚊食到頂住個胃，真係抵食。重點係健康又唔咸,真係日日食都唔厭。發現得太遲，強烈推介一定要試！！！

星期日下晝去試車之後去食下午茶，車行對面有條後行，比大大隻「鶴」吸引行入去！本住試吓無妨嘅心態，鋪仔細細，初時以為有啲服！個餐牌亦都唔係叫好多嘢揀，順勢食過佢哋嘅下午茶，點知！意外驚喜咁好食！食物質素到位！用心製作!經過元朗不妨一試！可以再食

今日是中秋節正日，約了朋友到元朗食飯。東京一品拉麵不開門做生意，於是去了鶴和風料理餐廳試一試日式食物。下午兩點左右到餐廳，已經人頭擁擁，無位坐。剛好有一枱客走，不需要等就有位了，好野。一坐下，穿裇衫西褲的店員就端來兩杯茶，朋友飲一口，說茶是酸的，不好飲，之後我真的飲了，真是酸的，不知何解。接着看看餐牌，跟open rice上載的相片餐牌不同。看了又看，還是吃我的最愛，鰻魚拉麵吧，88元，加波子汽水，12元，剛好100元。午市不用加一。朋友就叫三文魚扒，62元，加凍柚子茶，8元。等了一陣，鰻魚拉麵到。拉麵中規中矩，咁上下。鰻魚就一般啦，不及名代宇奈的好吃。

周圍嘅餐廳已經食到厭曬，吾知晚餐食咩好，突然諗起尼間食日本野嘅餐廳。雖然好耐之前已經知道尼間餐廳，但佢嘅位置真係好偏僻，係條巷仔裡面，所以我一直對佢都冇咩興趣。我叫左個吉列豬排拉麵試下。拉麵嘅配料有栗米、海帶、蔥同鳴門卷，雖然都係d普通野，但份量比得幾多。拉麵麵質偏軟，湯底亦鹹左少少。好彩塊吉列豬扒吾錯，大大塊，皮算薄，有少少肉汁，配埋沙律醬幾好味。雖然尼到嘅食物質素吾算好高，但以尼個價錢黎講可以接受。

個位置真係會令唔小人卻步 不過想講真係又平又好食 今次主要食熟食 個生薑豚肉套餐味道真係唔錯 有前菜 飯 同湯 都係5字頭 晚餐真係好難搵到呢個價 仲送左三文魚刺身 叫左兩個套餐 兩隻黃金蠔 芝士年糕 兩個人埋單唔洗200蚊！

見到新開既日本餐廳 位置係條巷仔度 好似日本街頭果d 隱世餐廳 就去試下啦！環境好特別 員工都好熱情同細心 同野食都唔錯！咖喱唔太辣又好濃厚 可惜個胃太細 下次會帶埋朋友一齊去試下個晚餐