鴻運星美食餐廳 (已結業)

今天要在公司吃飯 而且天氣近排都好熱 所以吾太想出去食見到公司有張外賣餐單 下午茶36蚊 熱飲免 凍飲+2雖然位置系觀塘區 但呢個價錢都真系好抵食仲要去到7點先完 真系當晚飯都得叫左個楊洲炒飯 完全有驚喜外賣送埋過黎都要時間 預計應該會好濕個炒飯點知無咁回事 而且份量最多 一個女仔完全食吾哂味道絕對比起一些logo 太_   敏_  茶餐廳不差 直頭單以呢個炒飯計好食過佢地不過聽同事佢 炒牛河就比較一般 我跟同事也交換試食左一下同事也發覺炒飯真的一流  至於我試的牛河我個人認為比較濕 而且牛肉口感也不太好下次同事都叫炒飯好了 哈哈飲品方面 茶走 及 凍檸檬茶也是正常 茶香好足 …查看更多

官塘係一個睇落好平民嘅地方但系其實好多餐廳價錢係完全離地作為一個sales仔，人工只系夠生存喺我迷惘嘅時候我發現咗呢到鴻運星一個乾炒牛河加凍飲先38況且味道比佢個價錢仲吸引，CP值係超高喺apm附近我真係揾唔到第二家咁正嘅餐廳星洲炒米，菜遠牛肉炒河，黑椒雞扒火腿飯，揚州炒飯......全部都好正雖然堂食環境可能未如理想（唔系污糟油膩，只系裝修比較老舊），不過可以外賣呀嘛對於呢個咁佛心嘅茶餐廳我得兩個字*推薦*…查看更多

上完堂想食麵，咁啱見佢有全日麵餐就入咗去叫咗沙嗲牛+餐肉 公仔麵+熱啡不過餐牌價錢唔update嘅，明明寫$35, 但落單時話係$38雖然都抵食，但連個label都冇貼上去嘅熱啡好快到咗，冇乜特別，正正常常，唔會係勁熱果d 對我黎講啱啱好可以即飲等咗兩啖麵都到咗餐肉好麻麻，有少少怪味同冇煎過但沙嗲牛好夠味，餐肉都靠沙嗲汁一齊食先冚到個怪味不過假日咁嘅價錢算正常有卡位坐都幾舒服，一點鐘時間都多人，今次好好彩有卡位，坐得舒服d百搭麵餐個價錢仲係寫住$35…查看更多

呢間茶記位於駿業街，幾時都坐滿食客😄。食物種類多，早餐、百搭麵餐、麥皮餐、三文治餐、炒粉麵、中式客飯、西式飯、咖喱類，總有一款啱你😉我最鍾意食佢嘅午餐/快餐、選擇都算多，多數order佢嘅蒸魚餐，今日係豉汁蒸䱽魚飯🐠，條魚夠晒大條，好新鮮嫩滑，上面佈滿醃料如豆鼓、紅椒、蔥，好足料，好入味，加埋豉油，用黎餸飯，食到舔舔舌，好正喔👍🏻店主好窩心❤️送粉葛紅蘿蔔豬骨湯+凍飲，平時只有其中一樣。個湯足料，但如果熱d就更加好喇😄呢間茶記平民價錢，抵食夾大件，食物都唔錯，要俾個like。…查看更多

今天下午茶來官塘工業區搵食！鴻運星也是我經常光顧的茶記！早在此餐廳未易手前已經經常光顧！一時間忘記上手餐廳名字！易手後裝修完全沒有變動！未入內己看到餐廳門外牆身已掛滿一張張食物餐牌！走進店內完全感受到走進五六十年代茶餐廳的面貌！殘舊的地階磚及花邊白瓷磚牆身！眼見店內圓木桌與膠椅子很不搭調！雜貨四處擺放！兩旁卡位也相當殘舊！完全突顯茶餐廳特式！卡位的大部分調味料及不透剛糖壺放在枱面！其實衛生可以改善下就更好，鋪了塵亦有點油。除了枱面餐牌、也有貼滿了整面牆方便顧客閱覽的確壞舊風味十足！餐廳都係賣港式茶餐廳食物！附合大衆化港人口味....入到去剛好找到個卡位坐...下午茶時段四點黎到緊係食個下午茶餐喇油雞脾沙律跟凍奶茶！雞脾巨大厚身、成兩吋厚！奇怪的是何來咁巨型、睇清楚原來連前胸骨連腿位一齊 ！師傅工夫控制得好好如此巨型的雞脾做到剛剛熟...嫩滑且肉味濃、滷水入味又很香！沙律全部雜果混了沙律醬、酸酸甜甜好開胃！本來我喜歡咖啡，而呢度咖啡試過係好唔惦！所以今天要了凍奶茶！茶底夠濃奶夠滑！成個餐好滿足！服務方面呢度全部用阿姐！招呼都唔錯...我嚟呢度都幾多次、幾乎全部認得我！仲有久唔久送例湯給我！應該是午市剩番好多...她們久不久都推介午市套餐給客人！如蒸鲩魚及蒸肉餅或排骨最多！她們堆介比你會計妳下午茶價錢！提外話：此店在open rice地址是駿業街！但是有另一間店是在巧明街！是相連舖...因為可以在店內經一條很窄通道穿過去！不過見議大家都係由正門入！因為窄通道有洗碗姐姐在那洗碗、而且近廁所、廁所衛生又唔好！好濕好滑好危險...…查看更多

第一次黎呢間茶餐廳，食下午茶，叫咗個午餐肉同五香肉丁米線，奉送熱飲唔洗加錢，叫咗熱檸水。午餐肉夠曬香，五香肉丁亦有唔少，唔會話比得幾粒肉，米線亦中規中矩幾好食，整體黎講唔錯吃…查看更多

觀塘打工仔之選， 午餐時段茶餐廳特別搶手， 觀塘區每間都會爆滿客人， 今次到鴻運星美食餐廳吃午餐， 一坐低店員立即送上靚湯一碗， 然後就點南乳蓮藕豬手飯和蒜蓉豬扒腸仔飯，餐飲要茶走和凍啡少甜， 大約四十幾蚊一個午餐， 價錢正常。南乳蓮藕豬手飯～ 一叫即有，味道幾好， 但豬手份量偏小，只有兩嚿， 豬手入味夠腍，如果可以畀多兩嚿就更加好。蒜蓉豬扒腸仔飯～ 冇乜特別， 芡汁比較傑。凍啡少甜～ 沒有少甜， 反而比較甜。茶走～ 茶走味道香滑。觀塘茶餐廳快靚正之選， 沒有特別要求，味道正常， 價錢經濟， 又一餐。:)…查看更多

一向係茶餐廳fans, 上個禮拜同朋友係APM 完街發現這間茶餐廳就決定一試!選擇好多,而且睇落好吸引 - 下午茶選擇好多,而且睇落好吸引。叫左五香肉丁炒飯同時菜牛河等候時間唔算長,而且店內有兩部大電視,等候時間可以睇午間新聞唔錯唔錯!五香肉丁粒配菜絲抄飯.呢個飯好適合喜歡吃辣人士!而且份量好多,另有蛋碎及洋蔥條夠配搭不錯，有鑊氣，飯夠乾身，油亦不多菜遠牛河很好吃，牛肉唔"UN"亦唔乾，個汁味道剛剛好，河粉炒到條條分開晒，唔會一舊舊環境ok，食物又乾淨，比起相隣那幾間靠得住得多．所以就為佢寫下食評，讚下佢．…查看更多

受左成日氣，打算隨便食個下午茶，求其入左間茶餐廳同朋友一人叫左份雞脾餐，可以牛油多士、薯條、薯餅、沙律4選一；雞脾仲可以簡炸/豉油都只係$30，仲送熱飲，超抵👍🏻本來覺得價錢已經超值，雞比🍗一上抬馬上嘩然🤩頭咁大隻雞脾呀😆💙我地都簡左豉油大雞脾，原來真係咁大隻🙊咬落去仲超多入汁好入味🍟薯條仲要好多碟，仲要熱辣辣非常脆口牛油多士🥪轉左做花生醬多士😆老闆娘超好人比我地轉，仲塗左好多花生醬😋🥜烘底上台仲熱辣辣，脆邊熱檸水：3片檸檬夠哂新鮮，唔會酸到苦熱咖啡：茶餐廳咖啡最緊要係夠熱，有回甘，咁就精神啦！埋單60蚊，超低啦👍🏻物有所值…查看更多

中午時份現人龍。店員安排顧客在店內旁邊等位。不然在夏天高溫下在街外等位...我地怕熱就已經走了。是日下午點了兩碟味菜牛柳絲炒麵！碟野放在面前就令我地食指大動。吾好比佢色水呃到喎！整體非常差，該店用的是甜味菜而且應該泡過水...直頭好似烚過水一樣！非常之淡，完全沒有味牛柳絲吾會靭，反而過淋！好像奄過龍，完全沒有肉味雖然麵炒得很脆很香口！但是油份真的太多....多餘的油足夠用來再炒多碟！唯一價錢吾係貴啊連凍飲每人$45...…查看更多

午餐突然想起食辣野。求其找間茶餐廳！叫個星洲炒米，要求多D咖哩五分鐘來到星州炒米一般茶餐廳會弄得不是太辣都會有香味！但這次卻是既無香味也食之無味！連最基本的鑊氣同辣味都欠奉，材料份量也不多！洋蔥絲都少..味道真的不知所謂...好像求其撈兩下就上枱！大家睇睇碟米粉！我都即時同伙記講吾好話已經加重咖哩！伙記回應說已經同廚房講了！如此無誠意的茶餐廳.咁嘅星洲炒米都放得上枱....唉...佩服...無下次…查看更多

真的很喜歡這些工廈食堂，環境草根，價格相宜，味道古早。下午茶餐$29炸脾沙律，即叫即生炸，大過塊面，熱到燙咀，肉厚多汁，真正邪惡之選。沙律用地門熱帶雜果，多醬，這就是舊式茶記獨有的味道。另一次點了下午餐雙拼燒味飯，$29，份量絕不戲場，用大大碗麵碗裝，油潤的半肥瘦蜜汁叉燒配閃令令油雞搭蔥油，真令人「樂而忘返」。雖說是工廠食堂，食伙記們穿上整齊白襯衫西褲，彬彬有禮，而且很細心地叫曲曲薯條會自動奉上原樽茄汁，乾炒牛河就自動配上余均益。還有可愛不怕人的貓店長，何不當自己去了一轉貓cafe relax一下。…查看更多

下午茶算是超低三十一元有炒粉麵飯套餐相比午餐四十二元平二十五個%而且多㱁選擇，在這區內真的找不到，而且即叫即炒今天下午時間又來試了一個炒貴刁今天人多，等大約十分鐘放上枱已經聞到香噴噴河粉在下午茶來説算是多其他茶餐廰雖然特價通常是迷你板，取巧這碟粉油份不多，配料不錯河粉夠滑，蛋有蛋香咖哩粉炒得均勻，調味不錯嫌洋蔥絲不夠倘若加少許青蔥條伴炒更加色香味涷檸檬茶的茶味夠濃可惜次次都係吾夠冰值得推介的一間小店…查看更多

在觀塘食這間鴻運星的食品，叫了個星洲炒米，整個米粉是炒至白色的，好像用水煮熟，不是落獲炒的那樣，而且無加里粉味，吃了一口後完全無要吃下去的感覺，未食過咁差！以後不會再叫！…查看更多

同一時間 Order...呢度最出名既**大**雞批餐。。$28配熱飲，凍飲加兩蚊一個配薯條，一個配薯餅。。Well.. 我唔知點解釋佢地兩隻雞批既分別。。只可以話， 識食，一定係配薯餅食~ …查看更多