鴻福海鮮四季火鍋 (已結業)

呢間鴻福係我其中嘅一間摰愛食店. 無間道亦曾係呢度取景. 我貪佢夠地茂,夠隨便,夠風味,又有炭爐,可以打邊爐,又有我最愛嘅燒烤.第一次去都係四,五年前嘅事,當時做地盤,爛身爛世,最鍾意呢啲地茂風味. 印象最深刻唔係火鍋料,而係炒魚扣同蒜蓉辣椒醬. 炒魚扣好爽,炒得好香,其實係魚邊個部位真係唔清楚,總之好食就得啦!! 另外個蒜蓉辣椒醬係我未食過咁好味. 當然除咗蒜蓉同辣椒,仲有其他秘方,要嚟點火鍋食物真係一流. 而且每次去都一定會叫咸菜魔鬼魚湯底. 湯底咸味同魔鬼魚鮮味好夾,一煲滾就先食魔鬼魚夠哂滑. 加埋我個燒烤怪,一見到有得燒嘢食幾飽都要再放個網燒番幾味!! 燒鱔圈就最正!! 手切本地肥牛好滑,再加上厚厚肥牛脂肪嘅甘香真係冇邊度食到. 今次我地兩個女仔,食唔倒好多嘢,希望下次人多啲可以食多啲啦.

A tasty but pretty dirty place. Food are VERY fresh & tasty thou. The good thing is that u can have BBQ with hot pot at the same time. Beef (my prime concern) is even better than Hop Hing. If you really dont mind the hygiene of the place, it really worths at least one try.

今次已經係第二次去la , 之前同同事一齊去, 感覺相當特別, 有得用炭爐BBQ wor ~~ 炭爐打邊爐之前就o係澳門試過, 不過今次2 樣一齊試都係第一次....雖然環境差, 服務差, 不過野食就真係正ar !!! 好有風味... 今次再去食, 必order 的有大蜆, 乾魷魚, 鱔圈(一流推介) , 雞軟骨, 牛仔粒同多春魚... BBQ 一流, especially 個鱔圈+ 埋o的蒜容, 真係香到不得了... 個個fd 食完都話好!!! 至於打邊爐個湯底都ok , 我地叫左個咸豬骨冬瓜豆腐湯, 好入味, o的冬瓜超好食!!! 我地6 個人去, 有一個生日所以請埋佢, 每人都係$180 之ma , 已經食到個個反哂肚同飲埋啤酒汽水, 我覺得個價錢ok ar ~~不過我要提醒o的女仔最好唔好搽Mascara 去ar ~~ 唔係一定溶緊ar !!! 同埋帶con 要小心o的, 會好煙攻眼ga !!!

一心諗住咁多人讃就以為實冇衰啦點知都係中招, 食嘅都算喇, 環境唔掂先至死, 老鼠曱甴一齊食問個肥婆有咩好介紹, 佢話"喺晒幅牆上面, 自己睇啦".....嘩嘩嘩, 我黎消費架, 咩title呀最衰係, 啲野食都未黎, 無端端喺頭頂跌舊煤炭屎鬼落黎, 嚇到我差啲彈起, 加炭仲死, "加炭, 借過", 好似好有禮貌, 不過我都未黎得切反應個肥婆就已經隊舊炭埋黎, 問你死未食到埋單, 我地都係叫得10零碟, 個男人隊張單埋黎"$880", 6個人冇隊酒齋食都$880,最趣緻係佢張單完全冇寫你食個乜, 咁即係硬食啦, 咪俾囉, 不過一定冇下次囉....(如果有零分, 我一定俾足佢)

此店已經成為一年一度,必去的食店之一,明知地方那渣,一樣照去,食完一定混身炭味,番到去要由頭洗到落腳,一樣照去.有人腸胃唔好,食完驚肚屙,一樣照去.無他,因為此店真係極具風味.真真正正搵到打邊爐的感覺,炭味就等如依偎在你身旁的小鳥伊人.身上傳來的Issye Miyaki的香水味.火窩又得,燒野又得.一個價錢,兩種享受.無論雞肉,牛肉,蜆,魷魚等等.咩野都拾一餐,燒一餐.成班麻甩佬,吃得柴娃娃,非常過癮.混身炭味,真係當正香水味.肥牛固然出色,燒雞肉,燒到個味道好特別,燒蜆並不是什麼車厘蜆,熟透放入口.連埋海水吞下肚,之後有咩後果,已經置身事外.燒魷魚完全想尋回小時候在街邊檔的風味.其他牛丸,墨丸,只屬陪跑貨色.當然,如果你受不起呢種九流環境打邊爐的話,不如去一些大集團連鎖酒家,點個任叫任食.裝修又好,價錢又平.....好似我呢類,寧願不定期索到成身Issye Miyake味好過.

一天,收到食友電話:有興趣到土瓜灣吃炭爐打邊爐嗎?炭爐打邊爐?聞所未聞(還是孤陋寡聞?),一口答應.聽天氣報導,得知當日將有寒流襲港,氣溫只得9度.奈何不知是否天氣太冷,在最不合時之際,稍作感冒,喉嚨有如火燒.既然早已答應,又如此期待,本著先置之死地而後生的心態,決與炭爐x邊爐打一場硬仗.食友堅持在街口接我,一起前往.“那處是冷巷一條,好不恐怖.還是與你一道前往吧!”於是速速完成手頭的工作(其實是未曾完成),衝上5c巴士,踏上了這次期待的之旅….在友人的引領下,走過漆黑一片的後巷.既窄長,又陰深,再附送濕漉漉的地面,可謂一步一驚心….心想:如此格局,竟能吸引到一眾食客,其出品難道真的有能人所不能的獨到之處?食友們點了兩個湯底,一個是豬骨煲,一個是魔鬼魚煲,兩者各勝擅場:前者味濃甘香,後者清甜鮮味,誰也搶不了誰的風頭.點選配料包括:龍骨(豬喉嚨),墨魚滑,雲吞,水餃,牛肉,駱駝肉, 鱘龍魚,鱔,四寶丸,羊肉,鮑魚,青口,帶子,鵝腸,珊瑚蚝,豬腰.(注意-全是肉類,半碟菜也沒有,簡直是食肉獸大召集….)食物的水準確是不賴,炭燒海鮮可謂別具一格,但說到最令我難忘的,要算是鱘龍魚了.未熟以前,

問心...如果女仔怕後巷...濕濕地..又唔夠光猛..就一定唔肯行.....我自己就無咩所謂..反而我有d男仔fd就唔肯去.....我上次同另外一個肯去既男仔fd去...叫左個蕃茄薯仔湯底...好似保湯d味甘~^^ .. 叫左d魚卜..必食...好多地方都無得食架....叫左豬粉腸...d味好好食....仲有d蠔...個fd唔食..自己食晒~~~加埋d菜..四寶丸...好好食呢~~不過唔算好平囉~~...但呢d炭爐風味..我多到都無得試...不過話時話d伙計態度..真係非常...差囉~~十問九唔應....

Yesterday 得10度同女友2個去是下啦, 環境雖然一般, 但食物方面唔錯.我們2人叫了一個咸菜魔鬼魚湯底真係好正呀!! 湯底裹的魔鬼魚好多, 湯底好好味我們先飲了2碗湯然後開始食d魔鬼魚, d魔鬼魚好多肉好肥美沒有太多的bone. 我們還叫了一碟牛肉, 牛肉比平時出面的好食好多, 仲有ma 辣丸好ma 正呀! 默魚丸都好好味好彈牙.綱燒方面蝦同大顯都好好味! 仲有好多野可以燒來食, 但因為2個人所以叫的不多, 下次要多d人去先可以食多幾種食物. 記住去支前先訂坐如果唔係真係要等很耐!

昨日和友人到來,今年是頭一次二人叫了骨冬瓜豆腐湯底 肥牛,竹笙,生筋,沈龍片,豬心,生財,ma la 丸,BLUEGIRL x2 共290....吃七又冬瓜豆腐....大鑊

有爬上我的身....又唔好食...價錢又唔平...d野又細碟!!地方dirty.不會再去了!!

上面那位食家；是否同這裡的老板有過唔去呀、有話有蟻、有話有灰、最重點係話13蚊一斤蝦、街市都無啦！要知呢度係食精品、又點會有13蚊一斤蝦、比你都唔敢食啦、至於話那位亞姐招呼的態度、就係人都知呢度的獨有風味、佢自已唔習慣、又或者佢自已要求同呢度有出入、睇佢都要去酒店打邊爐合適一D！伙計小就係因為呢度D客都習慣自已招呼自已。

環境︰在一條暗巷裡，巷裡污垢雜物林立，臭渠流水潺潺作響，顧客多要坐到店外的座位，難受整了。店裡外環境擠迫，要經常挪動位置讓手推車通過。乾淨︰剛一坐下，我們幾個人都發覺每一人set的碗碟都相當污穢，內有很多炭灰，裝滿黑色辣椒鼓油的另一小碟就看不到炭灰了…看看隔離的碗碟，也多是如此。我們後面的客人剛走，待應來不及收拾，十分鐘後，餐桌上已是螞蟻橫行，密麻麻的好恐怖，真是一個找吃的好地方。服務︰真的太差了，待應很少，加上我們坐在店外，經常等幾分鐘都沒有人來。一個女待應和功夫裡的元秋（包租婆）很像，嘴裡永遠叨著一支煙，煙灰有指節樣長，過來幫我們拿食物、加炭時亦是叨著。那些煙灰會掉落在哪處呢？！價錢︰覺得比其他的火鍋店貴，一碟貢丸近30元只有7-8粒，一碟肥牛68元份量卻少得可憐。另外，我們問過一個待應一斤蝦多少錢，他說13元1斤，我們覺得便宜得太難想像了。便再問他一次，真是一斤13元？他好肯定地回應說是。我們便叫了2斤。算帳時才告知我們是13元1量，208元1斤。和他們理論時，那個待應便強調他是說「13元1量」。食物質素︰比得上其他的火鍋，因為碗碟中一早已入許多炭灰做調味料的關係吧！

有誰會想到，在落山道上，會有一家如此凋零的火鍋店舖，棲遲在唐樓間的一陌陋巷裡。離遠瞥見的是門如敗寺，屋似破窟。把鏡頭搖近些，更是：頹牆漏瓦權棲足，只怕雨來；舊椅破桌便當柴，也欠火力。跟朋友慕名而來, 打算以一鍋懷舊的風味慶祝某君的生日，怎料卻是一場歡喜一場愁，遇上如斯蕭殺風景，女士們更差點要落荒而逃。只好左說右勸，向一眾梨花落足嘴頭。別愁，別愁﹣﹣小樓今夜聽春雨，深巷明朝賣杏花﹣﹣誰道柳暗後不是花明？別去，別去﹣﹣素衣莫起風塵嘆，尤及天明可到家。千金小姐們好不容易給我硬鐵熔作熱汁，改變初衷﹣﹣唉！女人，真難伺候！鴻福，鴻福，托你既鴻福，執執個門面啦，咁樣好趕客咖。心沉沉的跟著帶位步進幽幽的窄巷裡，飯廳內卻乍見另一番景象。冬天，寒夜。戶外北風吹得行人直打顫兒，可店裡氣氛載然不同。賣廣告的海報、手寫的菜牌，掛得鋪天，糊得徹地。客人們喋聒不休，熱鬧喧囂無限。屁股還沒有把板凳坐煖，就先點了這裡最出名的味菜魔鬼魚湯作火鍋底。鬧洪洪的攪動著魚湯，縷煙裊裊，甂光熒熒，魚的鮮，椒的辛，菜的惹，從滾沸的熱湯𥚃緩緩升起，化作一篆篆的濃香，霑衣惹帶，拂之不盡…忍不住勺了一口喝。有多久沒有喝過這樣鮮的湯？忍不

11月19日(星期六)終於"的"起心肝同小肥嚟咗依度,舖位真係幾難找,但有心試好嘢梗係要比D誠意,好在條後巷唔算好長,三扒兩撥飛過去,原來隨咗一個正式舖位(拍戲嗰個),其餘喺係巷既兩邊空置舖位一路伸延,真係幾有懷舊氣息.本來想試佢個咸菜魔鬼魚湯底,點知佢話無貨番,就點咗個番茄薯仔牛肉湯底,都好味架.邊爐料要咗西洋菜,野生竹笙,墨魚滑,駝鳥肉,羊肉片,生蠔,魚麵,最好玩既燒烤就叫咗肥大蜆同埋鮑魚,睇D網友話鮑魚會谷起,咁又無喎,但係一上爐見佢猛咁郁係度作垂死掙扎,覺得有D殘忍,但又証明好鬼新鮮,食落一D都唔韌,好正.肥大蜆其中有一隻直情燒到個殼碎開兩邊,都咪話唔厲害,最鐘意燒乾咗D海水,鹹鹹香香少少燶好好味.總括來說,其實呢度都係食風味多D,不過我懷疑D炭唔知係唔夠靚,還是真係加過料,一開爐已經勁喇眼.

碩果僅存的三數間炭爐邊爐,極具風味外,刺激又好玩.BBQ又得,火窩又得.實在要推介,如果你唔怕食完成身炭味的話.