鴻福堂

营业中

休息中

落單個陣，收銀職員問要唔要辣椒油、我徵詢完同行者意見，同行者「可以唔使」，加上本來我都唔食辣椒油，所以我就直接同收銀職員講「唔使」。最後出黎係淋滿辣椒油既小食，我「係唔係辣椒油？」職員「係啊」我「我話唔使要辣椒油」職員「我聽到你地話可以既，我幫你用豉油沖下」我心諗你都落左啦，沖完我反而更嘔心。同行者就默默地食，我就幾嬲企係旁邊。過左5-10分鐘左右，職員講話換其他俾我地食，我都幾嬲地拒絕。好心下次聽唔清楚就問啦，唔好成日都你以為或者聽啲唔聽啲

#小秘書 晏晝嘅時候食咗舊牛油味極重嘅聖誕蛋糕+咖啡，一直keep住喺個肚好似消化唔到咁，好想飲啲嘢清吓個喉嚨🥴 本來飲杯 #普洱茶 應該係個好主意，不過無啦啦喺街又去邊度搵呢？！路過鴻福堂，心諗不如飲支涼茶啦... 都係茶啫🤣 不過又心多多，改變主意要咗 #花膠冰糖雪耳，清清地吖嘛😆 呢支嘢我成日都幫襯「鴻福堂」，貪佢唔係太甜，飲落去甜甜地又有啲雪耳碎，口感幾好幾潤咁，不過入面有無花膠我就真係食唔出喇👉🏻👈🏻精明嘅 #小秘書 當然唔會正價$26買佢啦，一般會喺 #工聯會 買定coupon ($168十張)，咁今日補兩蚊就得喇🥳

急速的城市步調令到繁忙的都市人透不過氣來，要休息已難，更遑論煲湯水。今日經過諗起好耐冇飲過呢度啲自家飲品了，手上又有好多之前買落的飲品套票未用晒，於是就入去「攞」枝川貝雪梨海底椰飲下潤下！除返開一樽十幾蚊都唔係特別平，不過又懶又無時間煲，無辦法唔係「外求」啦淡淡地唔係太甜幾好~其實初初買套票原意係想「攞」紅棗水飲架，可惜佢前排突然唔再出 希望遲下會有返啦，唔係我都未必再買套票了

新都城聰嫂、健康工房原來都沒有賣綠豆沙，比我發現到這裡有，便外賣一試，一試難忘，自此愛上。首先，份量足，一包有兩大碗，而且有海帶，絕不欺場。另外，價錢公道，由年初一開始，由$12加至$14，但計番都係$7一碗，真材實料，仲要唔係好甜，對我口味!最重要係...消除暗瘡的最佳拍檔!誠意推介!!