鴻福堂

营业中

休息中

11-9-2009前一晚打邊爐食得太多嘢, 到第二日仲飽緊, 加上夜晚約了人食飯應該會食得幾勁, lunch 索性買碗湯飲就算. 去到香港站, 原本想去原味家作, 但行極都行唔到過去 (...!!), 試試鴻福堂吧.買的係「椰子紅棗元貝煲竹絲雞」($40), 原來係即開的熱湯包, 無湯渣的... 飲落味道清甜, 帶點甘味, 都幾住家 feel, 比起屋企的老火湯當然唔夠厚, 但「椰子」味真係唔夠, 仲要勁油, 印象一般.住家 feel 湯水對一眾 OT 人士的確吸引, 以「幾乎有阿媽咁好」作招徠, 亦無可厚非. 不過我屋企 d 湯就一定唔會咁油喇 , 再唔「撇」咁 d, 睇怕佢 d 湯只可停留喺「幾乎」階段了.

今晚行行下覺得口乾,所以來了這兒見到有新品種呀~就買嚟試下~ (重要有熱飲添~)一向鐘意玉桂既我又點會錯過呢?味道都好清新有好香既玉桂味呀~

比許留x多好多果仁味, 仲加左燕麥同西米, 非常好嘅口感

到樓上開會，講到口水都乾！因為趕返九龍那邊，所以不能去Can-teen 嘆杯港式奶茶，只能匆匆到HFT 掃支「薑汁豆漿」（$10）。坦白講，那薑味跟豆漿很不搭，問題出於薑汁？還是豆漿？總之，呢支薑汁豆漿味道認真麻麻！