鴻圖樓茶餐廳

营业中

休息中

週末去開觀塘買野，一去到好肚餓但週末工廠區有冇咩餐廳開咗見到呢間仲開着就入咗去.見入邊冇乜人，又係第一次去食就叫啲保守啲嘅嘢，叫咗個星洲炒米見佢啲顏色咁淡，心諗不妙！第一啖已經後悔，從來未食過咁淡味既星洲炒米，唔辣得黎完全冇乜其他味.都更加唔好評論佢啲材料，因為一食隻蝦，已經知實在係冰鮮都極點一陣雪櫃冰凍既味. 越食越覺得唔妥當，啲米粉開始有味，不過係炒焦左既味，啖啖都係苦因爲每啖都有少少炒焦左.餐飲點左杯熱阿華田，都過得去，幾濃味下算不錯！啲服務就一般茶餐廳水準啦，一班呀姐企係度冇野做傾計，態度唔特別好.埋單$58 只會光顧一次，下不為例因爲野食水準真係好差

在觀塘返工既朋友唔知平時食外賣有冇食 鴻圖樓既三餸飯呢？ 我最近就因為工作忙所以成日去買，來貪佢 $31 平靚正，D餸 真係好好食又多選擇 而且日日唔同(佢話)，我見就日日差唔多 哈哈，but anyway 重點係我今日先發現有套票買，套票 155 有 六張，即係平均 $25.8 一盒!!! 超低食，所以開心 sharing 比大家知，如果有經常食開就唔好蝕左比佢 可惜佢地呢個卷係唔包燒味啦。按我食左咁多次佢地外賣經驗，佢地既餸油唔多，菜就係清淡既，反而肉有少少咸，最鐘意佢地既飯，飯軟硬適中，從未試過會太乾or太濕，用心去做餸，姐姐 service 態度中唔錯有講有笑

工作中好趕嘅晚餐，已經晚9點幾！附近工廠區呢度仲開，唔使等位，茶餐廳格局，地方幾大！比較殘舊！坐低枱面有張晚餐嘅餐牌紙，店員又攞餐牌，又話黑板有寫其他晚餐！真係好散！要去幾處地方先睇到晒啲晚餐！想叫廈門米，又話要等20分鐘，即係叫晚餐喇！叫咗食物好快到！菠蘿咕嚕肉飯（$43）叫了少飯都好大碟！顏色鮮豔好靚！咕嚕肉炸得香脆，但只有好少瘦肉！肥肉太多！蔬菜青椒好像無煮過，顏色雖然靚但太硬！洋蔥爽口！罐頭菠蘿索晒啲紅色，變咗橙色！一般！白飯鬆軟！汁漿好多但太酸！熱檸茶：茶底夠濃，雖然唔澀但顏色好濁！店員雖然唔比我叫炒米粉，不過態度又幾好，至少餐牌都盡力搵比我哋睇！又提議下食品！工廠區茶餐廳唔要求得咁多！

今晚要Over Time,所以去鴻圖樓茶餐廳食個晚飯，我叫左碟黑椒漢堡扒雙蛋飯，D黑椒汁怪怪地，漢堡扒都幾腍，幾有肉味，雙蛋煎得剛好，有蛋味，但最敗北D汁太多，攪到D飯濕晒，難食

今晚去觀塘見過客，夜晚就去鴻圖餐廳醫吓肚。佢地有好多大陸客人，可能因為附近有間酒店原故。胃口一般，order左一份快餐：粟米肉粒飯加蛋，粟米肉粒都幾多下，但D肉粒肥豬肉比較多，好肥吴敢食敢多，太陽蛋煎得唔錯，有D水準，普通一個快餐尚算合格啦

好又一餐, 唔好又一餐, 我就係抱住呢個心態, 今日O係觀塘試下呢一間茶餐廳先。首先, 衛生情況, 食得茶仔, 緊係唔可以又D咩要求嫁啦, 但係呢度既情況係... 地下有不少既垃圾紙, 枱面有一d抺唔乾淨既食物殘骸, hum....再睇下餐牌, 其實唔錯既, 有好多選擇, 約$40 一個餐, 另外又有茶餐俾你揀, 都係$35咁我就揀佐個最穩陣既干炒牛河黎試下, 等佐2分鐘, 就上碟啦, 果然夠快, 趕時間最岩。干炒牛河其實炒得好大碟, 一定夠飽, 佐河粉感覺太淋, 似係over-cooked, 而牛肉就唔錯, 軟硬度剛剛好, 油亦唔算多老實說, 呢個餐廳既食物其實唔差, 只係個環境, 衛生情況, 絕對令人不願久留...

唔知食咩好吓又再次行左去鴻圖茶餐廳附近，又再抱多次俾多次機會既心態下去食吓，叫左個燒肉叉燒雙併飯同凍檸茶食吓，點知又出事，個飯成$4X幾蚊，但好細碟，好似茶餐咁，燒肉皮唔夠脆，同幾咸吓，叉燒就肥左d，條菜又有d硬，杯凍檸茶就更係甜到痴線，埋單時真係好想表達吓，不過其實咁多年都係咁，所以我都係慳返啖氣好過！

係公司周邊都已經食到無咩好食之下，就去左都幾唔想去既鴻圖樓茶餐廳，入到去就feel到陣怪味，坐低後就叫左碗燒鴨米粉同凍檸茶，以下午茶黎講ok整常大碗，鴨份量都適中，仲有一條菜，但一食落去就覺得米份煮得太耐，唔得左，鴨都夠肉，不過就唔係特別香，肉質尚算唔太差，有咬口，但食多幾啖就會發覺唔太好食，就算點埋梅子醬都唔太掂，個湯底就更係唔好味，加埋全碗就係食一半就已唔想再食，另凍檸茶就唔夠冰，茶亦唔夠濃，一切都要有待改善，雖然入到去都已經係無期待過d咩，但以下午茶都要3x幾黎講，我情願食大家樂好過，都只怪我太懶唔行多2步.......

農家小炒肉木桶飯(5/10)($45)foodki 牛頭角lunch-味道平平無奇,但係要等20分鐘,黎到一大個桶,都幾得意既。算係不過不失。但我朋友食果D真係唔好食

每日番工都會經過鴻圖樓，賣早餐既呀姐都會熱情推薦有咩點心好食。今日就試左蝦餃，令到番公司食雖然都已經凍左少少，但味道都唔差，D皮硬左少少但都仲食到少少米味。D蝦仲幾爽口添，雖然就感覺唔到有海水味，但蝦既鮮，皮既甜，合而為一成為蝦餃獨有既好滋味！配埋杯凍檸茶，絕對係一個GOOD MORNING

日日食麥當勞真係食到好厭, 今日黎左買中式點心做早餐!為左可以食多樣唔同既野, 同同事夾份買左兩份點心, 一份牛肉腸粉一份雞扎~ 本身係想食燒賣的, 點解9點2黎到已經賣哂?@@因為佢係蒸籠倒出黎, 腸粉總共有3條都唔細, 但賣相不怎麼樣啊~.~ 不過味道就好好, 豉油唔咸有少少甜, 點腸粉剛好!腸粉皮唔算厚, 但可能蒸得耐左有少少咸, 但口感食落都好滑! 牛肉出乎意料地多 平時係酒樓食嗰啲應該只有佢既1/3。所以食落去啖啖肉, 但芫茜我就嫌佢少左啲唔夠香~ 牛肉腸一份$18連埋野飲, 真係好抵!雞扎既話得2件, 同埋唔算大份, 但男仔食完都覺得夠飽! 雞扎既腐皮好滑, 配料都好充足, 最好食無疑係條火腿 價錢就係$21連野飲, 相比之下我就覺得牛肉腸抵啲啦!

不嬲都話觀塘係個佬味濃嘅地方。所以今晚一想食燒味就嚟到鴻圖樓喇！坐低已經見到成班呀叔賭馬中即刻叫返個叉燒燒鴨飯先！等得有啲耐，叉燒半肥瘦唔錯，係有啲乾身姐。燒鴨肥瘦平均，皮香肉滑正！絕對對得住個價錢。

反工當然要食早餐，不過點心就小食到，始終好難早起去飲茶，禁岩公司附近有呢間茶餐廳有外賣點心！當然要黎個燒賣試試佢先～一籠四粒同平日酒樓食到嘅份量一樣，好似仲大粒dd添。味道放面成到落足料！蝦大大粒，個有冬菇，同埋小小胡椒之料嘅嘢？同平日食呢燒賣有小許分別～多左吾份鮮味21蚊仲有凍都抵～茶餐廳檸茶係吾同D不過我個人覺得甜左小小，但茶味十足

晚上係觀塘工業區零晨12點，無其他選擇之下，到鴻圖樓茶餐廳晚餐，諗住最穩陣叫左麻婆豆腐飯。點知個飯到左，難食到嘔，無味，飯勁硬，總之就差，無下次。唔洗錢都唔會再去。

6點去食, 3個人叫左2個咖哩薯仔雞飯1個茄汁腸蛋意粉2杯凍檸茶1杯利賓納落單後黎左1個咖哩薯仔雞飯1個茄汁腸蛋意粉2杯凍檸茶1杯凍利賓納等左陣, 追單話差1個咖哩薯仔雞飯個亞姐先問你要2個呀? 無講唔好意思, 落單亦無問話3個人食2個飯咖哩無咖哩味, 好少雞絲, 茄汁係咸味價錢每個係$37 + $3 凍飲比錢發現凍利賓納係要 +$5問收錢亞姐凍飲唔係 +$3? 你而家收我凍利賓納係要 +$5佢話部機入左凍利賓納係要 +$5我話落單亞姐無同我講係 +$5收錢亞姐叫我自己同番個侍應講我朋友食完肚痛左兩日