鴻圖樓茶餐廳

营业中

休息中

又Work from Home開始都少咗出街食飯，以前日日要返工嘅時候，喺觀塘其實真係好多選擇，鴻圖樓都係我成日揀嘅午餐之選，但係我平時多數都係嗌外賣返公司食，但係今日OT遲咗收工諗住食個快飯就返屋企，咁就近近地去咗鴻圖樓識咗個燒味飯，叫咗燒腩仔叉燒飯加凍檸茶，佢啲燒腩仔係脆皮同埋五層腩嚟嘅，都有成六件燒腩仔仲好好味添，叉燒方面我揀咗半肥瘦叉燒，少少燶邊好香好好味😋！其實佢個飯真係都幾多，我食左一半已經好飽，真心茶餐廳來計好低食😍

平時好鐘意 #飲茶 🫖，今日唔例外，起身就獨自去嘆茶。觀塘嘅朋友應該好熟呢間 #鴻圖樓，開咗好多年，地下係茶餐廳，1樓係酒樓。之前都有來飲茶，原來現在星期六、日同公眾假期，大、中、小點一樣價錢同免茶👍我點左3個點心：🫔 #鮮蝦網皮腸：開頭以為係蝦腸，原來係 #腸粉 包住 #鮮蝦腐皮卷。即叫即製，外層很滑，內裡香脆，加上餡料，口感很豐富。🥟 #蟲草花灌湯餃：湯餃很大隻，裡面係蝦、豬肉同冬菇等材料，加埋清甜蟲草花湯底，感覺滋補又飽肚。🦐 #鮮蝦鮑魚鳳眼餃：面頭有彈牙鮑魚，鳳眼餃充滿爽口嘅蝦肉，味道唔錯兼真材實料。總括點心款式多，味道唔錯，環境舒服，下次都會同朋友來飲茶。

今日又要入觀塘做野，做完已經夜晚7點好肚餓，經過呢間茶記見到幾企理就入左去食埋晚飯先返屋企～我叫左個晚市小菜咕嚕魚柳跟白飯(少飯)同例湯，大約幾分鐘就黎到，貫徹茶餐廳效率👏例湯係冬瓜薏米豬骨湯，岩晒呢啲天氣清熱消暑👍魚柳新鮮炸起，外層熱辣辣脆卜卜，炸粉夠薄，裡面魚肉非常嫰滑😋 我食到最後一舊魚柳外層依然香脆😍食得出佢既咕嚕汁係自己調較出黎，色澤靚得黎唔會太稀又唔會太稠，酸甜味適中，超級開胃勁好送飯！🤤估唔到隨意入間茶餐廳都食到酒樓咁高水準既小菜😮 確實有驚喜！！！🎉

2021.6.20 （日）$10 父親節快樂！ 今日星期日，我要當值，只能和同事<4位爸爸>聚餐，晚飯1小時當然要在公司附近食，鴻圖道、巧明街就最近我寫字樓。 這間鴻圖樓，每期都玩特色野，今次我最like既係10蚊雞（5人以上一隻）。我鐘意鴻圖樓，因為服務員好親切，笑面迎人。上菜又快手，今日下午已訂位及訂左個套餐，講明7點半到，一上2樓坐低洗完碗杯就有得食。 我地叫左個套餐其實夠食架啦，但係10蚊一隻雞真係好吸引，醃製時間夠味，個皮風乾到好乾，個皮脆到好似張紙，但係好夠味既紙，雞肉剛剛好，好軟綿綿。 今晚共食2隻雞，套餐本身有1隻，我出10蚊加1隻。（備註：2至4人係10蚊半隻）

我真係好少食茶記，既然有緣係鴻圖樓茶餐廳食過一餐，就簡單寫一個食評。原來二樓係酒樓，就黎個簡單下午茶。下午茶免茶免加一。叫左三個簡單點心。臘味蘿蔔糕 中點 $22.3臘味蘿蔔糕一客三件，熱辣辣，連甜酸醬同燒烤醬一齊上，味道正常。至尊蝦餃皇 頂點 $36至尊蝦餃皇一客四粒。皮唔算太厚，蝦肉彈牙爽脆，仲加左啲翠玉瓜粒同馬蹄粒令個饀更爽口，唔錯。豆豉蒸排骨 大點 $25.3排骨唔少，熱辣辣蒸起，好爽滑，下面墊左三條蒸竽頭，豆豉適量，唔過鹹。

已經有一段時間沒有在鴻圖樓茶餐廳用膳， 放工太累了， 就近近地吃過晚飯吧🥢😙！ 點兩個小菜，✨豉汁蒸金倉魚飯$66和✨沙爹牛肉炒芥蘭$60。 倉魚蒸得嫩滑🐟， 時間剛剛好， 都幾新鮮👌🏻。 沙爹牛肉炒芥蘭有住家菜的感覺， 好似返了屋企食飯。鴻圖樓茶餐廳已經有很久的時間✨， 以前多數是中午時間過來吃午餐， 今次吃晚飯最好味是豉汁蒸金倉魚🐟， 如果喜歡吃蒸魚的朋友可以試下。鴻圖樓茶餐廳地址: 觀塘鴻圖道30號2至3樓

前排係網上訂左啲野今晚要去觀塘拎，收工之後就行左落去順便食晚飯，經過見到呢間茶記好大間座位闊落，有我中意既蒸䱽魚仲要價錢唔貴就決定試下😁當然我係點左原條豉汁蒸金䱽魚配白飯套餐啦！😎 跟餐飲熱檸水～由於係即叫即蒸所以等左廿分鐘，一黎到新鮮熱辣出晒煙👏條魚好肥美大條！洗得好乾淨完全唔腥👍兩邊都好多肉，䱽魚肉質唔會太淋又唔會太實，完全係我中意既口感😍 (我唔太中意食斑因為對我黎講太韌，但又唔中意口感淋到一pat野既魚🤣)豉汁唔會太鹹，有一兩粒辣椒調下味香啲但唔辣，加埋啲豉油非常好送飯！！😋根據我貧乏嘅買魚經驗，我估喺街市買一條䱽魚都40蚊左右？🤔 而家有人處理埋蒸埋仲送埋碗白飯同飲品又唔駛自己洗碗先六十幾蚊，真係好抵食！😂😂

以前係官塘返工， 都會到呢間茶餐廳買外賣但就好少堂食。無黎一排， 呢度裝修過， 入面既格局變得時尚，唔單止乾淨同光猛左， 仲加左唔少花草點綴， 變得綠意宛然今日黎呢度食下午茶， 呢度既下午茶以炒粉麵為主，價錢都幾實惠， 仲有分時段既優惠價卡位仲有2個差電既電制架，又幾好喎叫左2個茶餐， 飲品先上杯品幾大杯，水準正常。 黎茶記飲呢d好少出事既乾燒伊面 $31 因為下午茶關係， 份量比正常餐少d。但可接受，畢竟下午茶都食唔到咁多野伊麵炒得唔錯，有鑊氣。味道都幾好不過就無乜其他料炸雞脾配薯角因為即炸關係， 要等10-15分鐘。雞脾即炸即上，熱辣辣的，外皮脆卜卜，而且有腌過，有少少甜味。炸完既肉仲幾嫩滑薯角份量都唔少，而且幾厚肉，又唔乾。不過薯角外皮炸得唔夠脆，差d火喉。茶記轉哂電子出單， 有落單時間， 食咩餐， 唔怕漏單， 比以前傳統手寫單有效率裝修過既鴻圖樓改善過唔少。星期六下午黎，估唔到都幾多人幫襯。地方乾淨左， 食物賣相同味道都正常。 以後下午茶又多一個選擇

返工OT真係經常發生嘅事 ！！今晚又黎啦 😣😣😣 近近地搵左間茶餐廳醫下肚先 就喺對面遠少少見到呢間 鴻圖茶餐廳 茶餐廳都可以做到有兩層 有啲意思一於食下先 🧐🧐內裏光線充足 ，座位好多，坐得舒服 燒鵝乳豬雙拼飯 乳豬係呢度嘅招牌，呢款乳豬非常之 薄 香 脆 ，好好食呀 可惜想叫半隻都賣哂~~ 原條檸檬🍋蒸烏頭 原條烏頭好大條呀 ！！叫完之後預大概等5分鐘左右啦 呢條魚好肥 ，系有啲啲泥味啫啫通菜煲呢碟通菜煲 辣辣地 好開胃好惹味 😋😋

其實觀塘工廠區都真係幾多嘢食，今日一個喺觀塘返工嘅朋友帶我去佢平時放飯嘅飯堂鴻圖樓茶餐廳，餐廳除咗有茶餐廳嘅例牌地道食物，仲有點心、小菜、燒味，食物種類好多，而且價錢都親民。我哋叫咗一個燒味雙拼飯加隻鹹蛋，燒味揀咗乳豬拼燒鵝，佢哋嘅乳豬皮脆肉嫩，份量都唔少。燒鵝亦都幾Juicy，加埋甜甜酸酸嘅醬汁，送飯一流。個餐仲包埋嘢飲，感覺都幾抵食。另外我哋叫咗個豉汁蒸金倉魚，個餐包飯包嘢飲，金倉魚大大條，而且佢哋嗰豉汁整得好好味，勁入味，所以overall條魚真係好好食，完全唔腥，而且魚肉亦都新鮮滑溜，朋友食得好滿足。呢單埋單都係140幾蚊，就食到茶餐廳燒味同埋家常便飯，抵食丫！

本來諗住隨便食個飯點知有驚喜特別讚一讚餐廳每個座位都叉電線插頭,好贴心豉汁蒸倉魚就食得多啦,冇諗過會有茶餐廳都可以即叫 即劏 第一次食咁新鮮嘅蒸倉 ,一啲都唔腥!再加埋茶餐廳嘅特製豉油, 真係食多碗飯都得呀叉燒油雞飯我哋係雞髀位置食落都好滑好入味,不過飯就比較少。如果喺附近做工程嘅地盤佬應該未必夠食。熱奶茶香滑,夜晚飯完都無話失眠。茶餐廳嘢食包羅萬有,無論小菜,燒味,湯粉。早上連任點心都有㗎!!!!

📍鴻圖樓茶餐廳 (觀塘)觀塘鴻圖道30號2至3樓沙嗲雞柳炒麵🐔$28下午茶特價😎下午13:45至15:30，就$31😆下午15:30至18:30，就$28🤓除咗小菜類，仲有燒味😁每兩日轉一次款，又好似幾抵喎😉結果揀咗沙嗲雞柳🐔可惜洋蔥、紅椒同青椒，我全部都唔食🫑所以感覺就細碟咗少少🤏味道方面就不過不失，略嫌沙嗲味唔夠😆咖啡係即磨咖啡，飲落幾香，啱我口味☕️另外我幾鍾意佢響卡位有插頭同USB叉電🔋

呢間餐廳10幾年前已經係到相信係好多番工人士必到既餐廳好多街坊地點就腳，方便今日星期六都有好多人個個都兩袖清風應該都係番工放lunch食野餐廳好元化多都你唔信早上係飲茶，茶樓蒸包點，點心下就就轉做茶餐廳餐廳估計可以坐到100人左右有廚部，有水吧，有燒味部包羅萬有樓上一層都係同一餐廳，但係鵲局下就又有下午茶餐炸雞脾拼沙律 31hkd+紅豆冰 6hkdstandard 餐廳炸雞脾，賣相幾好菠蘿雞粒炒飯31hkd+紅豆冰6hkd分量唔多，standard tea set 份量豬仔包15hkd*2呢個做餐後甜品，正，必食好香牛油味即叫即整上枱仲熱手yummy紅豆冰，紅豆粒粒分明茶餐加6蚊抵食整體黎講都係正常茶餐廳質素，但坐得舒服，約朋友傾計唔會被人嘈，坐2個鐘都得

今日收工去咗搵朋友普通食下飯，附近有間茶餐廳幾大幾多人下，咁就入咗去食。呢度選擇都好多，所以都問吓有咩好推介，佢就話燒味同鮮肉餅都唔錯可以試下，咁我哋就叫咗兩個套餐。雙拼 叉燒 燒肉 (燒味飯套餐) 叉燒肉質軟嫩多汁、色澤鮮明、香味四溢，如果可以肥肉比例多啲就更好。燒肉頂層脆皮非常脆，肉質軟嫩，而且層層分明帶點肥膏，脂肪分布均勻，再配埋美味嘅芥末醬，都食得過。銀魚仔蒸鮮肉餅飯用咗新鮮既豬肉整個肉餅果然係唔同啲，超級嫩滑，肥瘦均勻，口感一流，完全感受到新鮮嘅美味，再帶點銀魚仔既香味，細細條鋪滿喺肉餅上面煙煙韌韌增加口感，食到最後可能浸得耐左豉油就會比較鹹一點。豬骨菜乾湯(套餐 老火靚湯加配$8)大大碗 雖然帶點油膩 不過係正常 因為落左豬骨 但勝在夠濃郁入味(套餐凍飲加$3)

外賣已經唔知可以食咩，夜晚又唔想食太多，今晚想買個菜食下就算，第二次係呢間買，之前幫襯過叉燒飯同金菇肥牛煲都唔錯，份量足，價錢相宜。今次買個生煎啫啫時菜煲，收銀阿姐推介芥蘭，話冇渣，就試下佢。差不多食完先記得影相，都有半盒份量，芥蘭爽口入味、真是冇渣，阿姐冇介紹錯👍 當然，如果堂食煲上更加惹味，有機會要試下