鴨大哥 (太古坊)

营业中

休息中

餐廳位於大廈二樓，空間十足，坐位舒適，很適合一家老小和商業飯局來吃。茶杯和餐廳內的掛畫有鴨大哥的圖案，高級裝潢加上穿著西裝的鴨大哥一身帥氣造型，相映成趣，所以很期待食物的味道呢！茶我們點了比較特別的人參烏龍茶，而茶壺是反光的金色金屬器皿，很搶眼呢～另外職員服務也很好，常常留意我們的需要。♡北京烤鴨$308(半隻)餅皮有爐烘着，可以保持温度，暖暖的包着饀料吃。鴨味很濃郁，帶有鴨油脂香味，除了一貫的青瓜、京葱、傳統片皮鴨醬外，還多了片糖和麻醬，可以嚐到更多味道的配搭。♡咖哩脆皮牛腩$198 🥢必點🥢很創新的菜式呢～把平日感覺比較普通的牛腩做成脆皮，外皮香脆，肉質軟腍，提升了口感。而咖哩味道易入口，帶微微的辣，配飯吃一流啊！♡桂花雪梨脆鱔球$280 🥢必點🥢造型十分精緻的菜式，清香的桂花配搭生津的雪梨，桂花味道加上雪梨的汁液，這個新鮮配搭非常相襯。加上鱔外皮香脆，無骨啖啖肉，整件鱔都掛上桂花雪梨醬汁，同樣很好下飯啊！✔️餐廳設加一服務費

喺北京食完北京烤鴨返到嚟香港依然對北京烤鴨念念不忘，經朋友介紹，佢話喺太古坊栢克大廈入面有一間叫做鴨大哥嘅餐廳嘅北京烤鴨非常出色，今日一於嚟試吓😋🦆原隻北京烤鴨 $590 原隻北京填鴨嘅份量好多，肉同皮嘅比例適中，鴨肉嘅肉質鮮嫩，鴨皮脆薄，嬤嬤皮有熱水蒸住，好薄之餘仲熱辣辣，口感好好，夾埋大蔥同埋青瓜一齊食，超級好食🐖雲南黑土豬叉燒 $228 係我食過最好味嘅叉燒，肉質極軟腍，而且因為係黑土豬，所以冇脂肪同埋一啲都唔油膩，少少嘅燶邊令叉燒口感更豐富，更惹味🦐麥香黃金蝦 $208 蝦肉爽口彈牙多汁，面頭嘅咸蛋黃炸到好香口，好惹味，而且仲帶有少少嘅麥香味，係一道味道好有層次感嘅菜，伴碟嘅麥皮都被鹹蛋黃包住，都好好食🐠桂花雪梨脆鱔球 $280 非常精緻嘅一道菜，未食淨係睇個擺盤都好適合打卡，鱔球好有鮮味，新鮮即炸好惹味，而且調味亦都好出色，酸酸甜甜嘅味道令人好開胃，食嘅時候可以配搭埋雪梨一齊食，有淡淡嘅桂花香味，味道好清新好夾🐃咖喱脆皮牛腩 $198 餐廳將牛腩沾上薄薄嘅粉漿炸起，令到牛腩皮脆肉嫩，然後再配搭埋咖喱汁，粉漿吸收晒濃濃嘅咖喱汁，令到牛腩嘅風味昇華唔少，係一個好適合配白飯嘅菜📍鰂

✨️𝐀 𝐰𝐞𝐥𝐥-𝐤𝐧𝐨𝐰 𝐩𝐞𝐤𝐢𝐧𝐠 𝐝𝐮𝐜𝐤 𝐫𝐞𝐬𝐭𝐚𝐮𝐫𝐚𝐧𝐭 𝐢𝐧 𝐇𝐨𝐧𝐠 𝐊𝐨𝐧𝐠.𝐓𝐫𝐲𝐢𝐧𝐠 𝐨𝐮𝐭 𝐭𝐡𝐞𝐢𝐫 𝐧𝐞𝐰 𝐛𝐫𝐚𝐧𝐜𝐡 𝐚𝐭 𝐓𝐚𝐢𝐤𝐨𝐨 𝐏𝐥𝐚𝐜𝐞. 𝐀𝐮𝐭𝐡𝐞𝐧𝐭𝐢𝐜 𝐭𝐚𝐬𝐭𝐞 𝐚𝐧𝐝 𝐬𝐭𝐲𝐥𝐢𝐬𝐡 𝐢𝐧𝐭𝐞𝐫𝐢𝐨𝐫.✨️北京烤鴨 半隻個人鍾意食有少少脂肪嘅烤鴨皮 唔會咁乾，加多一塊鴨肉口感就好平衡。而呢度嘅麵皮係薄到透，唔會搶咗鴨肉嘅味道。醬汁方面除咗一定有嘅烤鴨醬，仲有一格放咗麻醬，兩種分開同撈埋試咗之後都係認為普通嘅烤鴨醬最好味。梅子荔芋鴨煲一煲都係鴨胸肉同下面放咗滿滿的芋頭，食哂會夠飽肚。雖然食唔出有梅子味，偏甜嘅汁如果餸飯食都唔錯。桂花雪梨脆鱔球呢碟排盤最靚同精緻。雪梨一食落口就聞到一陣清香嘅桂花味。鱔肉都好彈牙好新鮮。整體：4/5 𝐆𝐨𝐨𝐝 𝐬𝐞𝐫𝐯𝐢𝐜𝐞𝐬 𝐚𝐧𝐝 𝐝𝐞𝐜𝐞𝐧𝐭 𝐞𝐧𝐯𝐢𝐫𝐨𝐧𝐦𝐞𝐧𝐭💓𝐃𝐞𝐟𝐢𝐧𝐢𝐭𝐞𝐥𝐲 𝐰𝐨𝐫𝐭𝐡 𝐚 𝐭𝐫𝐲.📍鴨大哥 (太古坊)鰂魚涌華蘭路25號太古坊栢克大廈2樓

今次嚟到「鴨大哥」，真係令我食指大動！一坐低，第一樣必點嘅就係佢哋家嘅經典，片皮鴨。鴨皮烤到色澤金黃，外脆內軟，啖啖肉絲滋味貼心，一配上嗰特製醬料，味道正到冇得頂！😍嘆完鴨，再嚟份荔枝山楂咕嚕肉，好過癮！佢嘅咕嚕球外皮炸到啱啱好唔會太硬，入口即化，加埋佢哋特製嘅酸醋汁，鮮甜中帶啲小酸，滋味一流，食落正！💥最後，講吓個海鮮鴨湯泡飯，真係自己一個人都想清哂一碗！鴨湯熬得香溢四溢，同海鮮嘅鮮味完美融合，每啖飯都嗲到不得了，叫我點捨得停口呢？🐟🥣同大家分享下，「鴨大哥」嘅鴨系列真係做得出色，值得襯住腳步嚟一試。每道菜都見到佢哋嘅用心同埋對料理嘅熱誠，大滿足，下次一定會再嚟！👍🤤👌

接朋友係太古坊放工原來開了一間鴨大哥裡面坐得十分舒服， 環境好闊落 ，完全吾會迫。除左晚市小茶，海鮮，烤鴨，其實仲有點心架今日得兩個人 所以就叫了 北京烤鴨（半隻)Half Peking Duck先講講個鴨，外皮超脆。而且帶濃濃鴨香。新鮮趁熱鮮，夾著青瓜 大蔥 冇得輸。而且額外提供了麻醬，仲有比較特別就係黑糖，沾糖食烤鴨真係比較特別。梅子荔芋鴨煲Boneless Duck with Taro and Plum Sauce梅子味好重，鴨件加上荔芋好重芋頭，而芋頭在底鋪墊 吸曬香濃鴨味及梅子醬味，而鴨件香又滑，配飯吾錯麥香黃金蝦Fried Prawns in Salted Egg Yolk with Corn Flakes金莎咸蛋黃固然好正咸香味帶入蝦球。而上面沾左粟米片，令佢有種脆卜卜既口感係上面，佢同時沾滿左蛋黃。

我同我男友都好鍾意食中菜，知道太古坊有間鴨大哥、即刻過黎試下啲片皮鴨🫣鴨大哥裝修都幾雅緻，環境唔吵雜，適合一大班朋友過黎食。我地見到有套餐優惠，所以叫黎試下套餐包括1️⃣片皮鴨半隻片皮鴨需時去整，所以最後先上，但係味道真心唔錯，好香，無論系脆皮定係鴨肉，咬落都油脂豐富。加埋溫暖嘅皮包住京蔥、黑糖、芝麻醬、青瓜條，又有另一番風味👍值得推薦😌2️⃣雲南黑土豬叉燒呢個叉燒超級出色，今次上嘅黑土豬係瘦叉，但係肉質非常柔軟，好似半肥瘦叉燒咁，蜜汁唔會過甜，非常好食🤤3️⃣頭抽煎封大蝦🍤大蝦比頭抽香煎過，外面裹滿左蒜蓉，好香口，大蝦新鮮彈牙，肉質飽滿❤️消費價錢：2人💰675，人均💰337.5結論：（10分為滿分）味道：8.5/10性價比：8/10回頭指數：8/10餐廳名稱：鴨大哥餐廳地址：鰂魚涌華蘭路25號太古坊栢克大廈2樓

我好鍾意食片皮鴨，今日聽朋友推介去咗太古坊試咗一間叫鴨大哥嘅餐廳，發現除咗片皮鴨其他嘅菜式都好出色。🦆原隻北京烤鴨 $590呢度嘅片皮鴨肥瘦適中，食落去唔會有好油膩嘅感覺，而且除咗大蔥同埋青瓜，仲有紅糖同埋麻醬，令到味道更加豐富。而且佢嘅面皮係搓得超級薄，仲有熱水蒸住確保夠熱。🐖雲南黑土豬叉燒 $228呢碟係我人生食過最好食嘅叉燒，肉質極之腍，直頭有入口即溶嘅感覺，而且肥瘦適中也有少少燶邊，食落去非常惹味餸飯一流。🦐麥香黃金蝦 $208黃金蝦勁大隻，加上脆炸麥皮食落去淡淡麥香，而且仲要被滿滿嘅鹹蛋黃包住，口感同味道都好有層次。🐠桂花雪梨脆鱔球 $280呢度菜非常精緻好適合打卡，新鮮脆炸鱔球肉質非常鮮嫩，加上酸酸甜甜嘅醬汁非常之開胃。佢個桂花梨超特別，食落非常清甜清新。🐃咖喱脆皮牛腩 $198大大嚿嘅牛腩沾上薄薄嘅炸粉，令牛腩炸到外脆內軟，而且仲保存到好多嘅肉汁，就咁食已經好正，再點埋佢哋充滿椰奶香味嘅咖喱，味道再昇華去另一個層次。

．，食片皮鴨唔洗去北京咪以為北京片皮鴨🦆最正最好食，原來太古坊都有間叫「鴨大哥」啲片皮鴨都做得好好味，埋單時仲俾你有意外嘅驚喜添！👅脆卜卜片皮鴨🦆一大盤香噴噴嘅鴨肉連皮，肉質鮮美甘香，爽嫩幼滑，鴨皮熱騰騰又脆口，夾埋大蔥青瓜加醬油黑糖，用薄到似紙嘅麵皮捲起，其味無窮，最難得嘅就係鴨皮無乜脂肪，怕肥嘅都大可放心去享用啊！🥢🥢🦤👅桂花雪梨脆鱔球🐋一端上枱，賣相十分精緻，鱔魚球大大件做到汁多外脆肉爽又無腥味，口感甚佳，加埋桂花雪梨，配搭有驚喜！可惜份量太精美，有點不夠喉！😛👅黑土豬叉燒🐖一般叉燒食得多，這裡的黑土叉燒卻是有點不同，瘦中帶少少肥不在話下，特別的地方是你會咬到一些筋膜部位，食起嚟霎霎有聲，二個字：爽+甜。而且叉燒熱辣辣！🔥🔥夠火爆！👍正👍！不能不提水仙茶泡得極解膩又醒胃，一杯入口令人精神奕奕。🍵🍵最後講吓片皮鴨有乜嘢驚喜：埋單時服務員把我們吃鴨的體腔原隻送俾我哋攞返屋企煲湯🍲，呢啲意外收穫你話係咪好大嘅驚喜噢！😜🤪😋 ＇

鰂魚涌美味佳餚北京烤鴨（半隻）片皮鴨肉味濃配埋青瓜大蔥，好fresh仲有沙律醬、或豉油，任均選擇最印象深刻係個皮超級薄，好少食到咁薄既皮，好出色🤤梅子荔芋鴨煲芋頭份量好多👍🏻，軟硬適中鴨依然不錯，皮滑好味醬汁方面，梅子味唔係好出，酸味較少，以鹹味為主雲南黑土豬叉燒聽講黑土豬肉🐖嫩味鮮，果然係真叉燒算肥瘦均勻汁料都唔會過鹹桂花雪梨脆膳球膳球🐟有少少骨，肉質嫩滑面頭有桂花配搭，非常清香桂花雪梨甜度恰當，好特別兼可解膩白飯🍚軟硬適中，份量好足夠我哋叫既香片茶🍵，味道清新服務態度好，侍應也很留意客人需要👍🏻下次可試下佢啲點心，睇下係唔係都咁唔錯先😃

鴨大哥 - 二訪京菜廳今日介紹一間位於鰂魚涌太古坊嘅中菜廳，主打北京菜，招牌菜就係遠近馳名嘅片皮鴨，上次食過後水準環境一流，今次再次到訪！北京烤鴨半隻 $308 半隻主角當然要叫片皮鴨啦，半隻份量都相當足夠，香脆嘅鴨皮加上蔥段、青瓜條、填鴨醬，另外再加上麻醬，估唔到兩種醬汁配搭之下亦都相當夾，另外片皮鴨嘅皮係利用蠟燭暖著，唔會食食吓就會凍晒。雲南黑土豬叉燒 $228熱騰騰仲冒着煙嘅叉燒，每一件厚度都剛剛好，啖啖肉之餘油脂又夠，最重要係加上惹味嘅叉燒醬汁。頭抽煎封大蝦 $98隻夠晒鑊氣表面佈滿蒜蓉蔥油嘅煎大蝦，大蝦超級大隻，蝦肉彈牙之餘又非常紮實飽滿。

位於太古坊商業區嘅鴨大哥裝修非常典雅氣派，燈光柔和，餐桌間闊落非常好坐，適合家庭聚餐或者請客食飯。呢度主打北京烤鴨，系由米芝蓮星級名廚「廚魔」梁經倫主理，真係好有水準。北京烤鴨半隻外相吸引，鴨皮烤到酥脆而且富含油脂，同時保留咗鴨肉嫩滑，油香十足，配埋青瓜、大蔥、甜麵醬、肉鬆，再用新鮮滾熱辣嘅餅皮捲起食，點沾甜麵醬，超級好味。雲南黑土豬叉燒，採用雲南黑土豬，肉質鮮嫩，肥瘦適中，夠冧而且好入味，外表微焦，蜜糖香甜味突出，送飯一流！麥香黃金蝦大蝦蝦肉彈牙質素好高，咸蛋黃惹味邪惡，充滿麥香。茶位(菊花茶)💰HKD20/1位菊花清香，入口淡雅花香，好適合配搭烤鴨飲，可以清吓熱氣。

鴨大哥🌟北京烤鴨🌟雲南黑土豬叉燒🌟梅子荔芋鴨煲🌟桂花雪梨脆鱔球🌟頭抽煎封大蝦好鍾意食北京烤鴨，知道太古開咗間新嘅烤鴨店，搵咗個星期二去同屋企人試一試😝我哋叫咗份原隻北京烤鴨，烤鴨份量都幾多，有滿滿一大盤。醬料方面都幾多選擇，除咗北京烤鴨必備嘅甜麵醬之外，餐廳準備咗啲麥芽糖同埋芝麻醬俾我哋試吓啲新食法。特別要提一提餐廳好貼心，因為春餅皮本身容易變凍同硬，所以佢哋突登準備咗個保暖爐去暖住d 春餅皮，令到我哋包烤鴨嘅時候依然食到熱辣辣嘅感覺。除咗北京烤鴨之外，我覺得佢個黑土豬叉燒同埋梅子茘芋鴨煲都幾出色。黑土豬叉燒肥瘦分明，咬落係有層次感同鬆軟感，而且佢甜味比較突出，係幾唔錯嘅叉燒。另外嘅梅子荔芋鴨煲，我哋全家人作為芋頭愛好者都好鍾意，個芋頭外脆內軟，而且充滿梅子味，食落超級開胃啊。Overall 嚟講都幾滿意呢間餐廳，值得推薦俾大家。

🥢 原隻烤鴨 $590 🆗烤鴨皮脆肉嫩，重鴨油香🦆原隻份量大概跟20塊餅皮，餅皮用蠟燭熱住，食落煙靭彈牙；配埋鮮香嘅甜麵醬，同埋青瓜京䓤，口感非常豐富😚🥢 雲南黑肚豬叉燒 $228 🆗叉燒特別多汁，肉質鮮嫩，肥瘦適中🐽表面烤到濃邊酥脆✨🥢 桂花雪梨脆膳球 $280 🆗脆膳球外脆內軟，肉質鮮嫩，帶有淡淡嘅桂花香氣，加埋雪梨，食落清新又鮮甜😍-😋 評價 𝗥𝗮𝘁𝗶𝗻𝗴𝘀 😋
食物 𝗙𝗼𝗼𝗱 8/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 8/10
服務 𝗦𝗲𝗿𝘃𝗶𝗰𝗲 7/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7/10
整體 𝗢𝘃𝗲𝗿𝗮𝗹𝗹 7.5/10

太古新開鴨大哥，就去嘗嘗名物片皮鴨！原隻片皮鴨🦆呢度嘅原隻片皮鴨外皮酥脆，而且鴨肉唔肥唔臭。片皮鴨相信大家都食過喇，外面嘅潤餅皮係重要嘅配角，呢度嘅潤餅皮一直隔水蒸住保溫，保持質地濕潤有彈性，好用心㗎。加入甜醬汁同芝麻醬，係好特別嘅食法。另外仲有紅糖，可以直接蘸鴨皮，之前北京都係咁食㗎。雲南黑豬肉叉燒🐷叉燒係常見嘅粵菜，食過千千萬萬叉燒嘅港人一定會鍾意呢度嘅叉燒，有少少肥肉，外面焦香，豬肉肉嫩，好好味！值得一試！桂花雪梨脆蟮球🍐桂花雪梨脆蟮球擺盤好漂亮，炸過嘅蟮球上面有啲帶有檸檬味嘅醬汁酸酸甜甜嘅，上面撒埋桂花，桂花味唔會好突出，不過我鍾意佢嘅蟮肉口感好好，而且無泥味。旁邊嘅雪梨同樣加咗啲清爽嘅感覺。麥香黃金蝦🍤鹹蛋黃蝦球造型好精緻，底部有火龍果肉，可以平衡鹹蛋炸蝦嘅油膩感，增添清爽感。上面嘅蝦肉彈牙，而且我鍾意佢唔會太鹹。梅子荔芋鴨煲🍲荔芋鴨煲裡面嘅鴨肉同樣火候控制得好好，厚身嘅鴨肉好嫩，配上酸酸甜甜嘅梅子醬汁，軟糯嘅芋頭，都係我好鍾意嘅一道菜。鴨大哥因為新開，環境好新淨，而且座位夠寬，坐得好舒服。呢度茶嘅選擇好多，我哋揀咗普洱同人參同烏龍茶，都唔錯。想食中餐嘅話推薦大家嚟呀！😍🦆

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯今次到訪位於鰂魚涌嘅高質中菜館《鴨大哥》，叫得到大哥，來頭梗係唔惹少。《鴨大哥》由米芝蓮星級名廚「廚魔」Alvin打造，主打高級粵菜。北京烤鴨廚師用咗原隻鴨去慢烤，加上乾式熟成嘅方式，所以鴨嘅外皮會特別香脆，而內層又能夠鎖住肉汁。值得一讚嘅係鴨嘅皮下脂肪恰到好處，唔會有過於肥膩嘅感覺。雲南黑土豬叉燒黑土豬又真係第一次試，半肥瘦嘅肉質睇落去已經好吸引。叉燒外層燒到焦香，內層亦有些許嘅脂肪，口感軟腍又入味。梅子荔芋鴨煲鴨肉用左梅子醬去醃製, 所以非常入味又軟身，唔會覺得鴨肉太老，味道亦都有酸酸甜甜嘅感覺。頭抽煎封大蝦用左大頭蝦去煎煮，醬油煮到滲晒入蝦肉入邊，蝦肉口感非常彈牙。如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯鴨大哥 (太古坊) (鰂魚涌)鰂魚涌華蘭路25號太古坊栢克大廈2樓 ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯