鳴門魚湯麵亭 (已結業)

店名名為鮟鱇魚魚湯專門店，當然最明智是選鮟鱇魚湯底，是次點選了鮟鱇湯雞扒讚岐，奶白魚湯，鮮甜濃郁，魚湯湯底加了胡椒，完全沒有魚腥味，很好喝！配上讚岐烏冬，很不錯的配搭！另，order 了豚骨湯义燒讚岐烏冬，豬骨湯味道極為普通，略嫌太咸，感覺是有下味精的感覺， 跟鮟鱇魚湯底，簡直差天共地！又一次證明了我的點菜小理論：到XX雲吞麵，就要吃雲吞麵；到YY魚蛋粉，就要選魚蛋粉吃，招牌即是招牌！無得輸！！但倘若連招牌食品都做得不好的話，我相信那食肆是會自動被淘汰的！

又係時候食午餐喇今日介紹呢個好抵食又好食嘅石鍋黑豚軟骨芝士飯佢啲芝士軟腍腍～上面仲d脆卜卜嘅紫菜仲有一啲好濃郁嘅豬軟骨撈埋一齊食！簡直係人間美味啊最緊要係，其實佢好多汁！就算你撈埋落啲飯到～都唔會覺得好乾身食落去好有口感～一啖一啖濃郁嘅芝士味

今日中午我們去咗何文田勝利道嘅「鳴門魚湯麵亭」食午飯！我們叫咗餃子拉麵、吉列豬扒拉麵同北海道牛油蟹棒拉麵嘅拉麵麵質好煙韌彈牙，湯底嘅味道好濃郁，餃子嘅外層煎得好香脆，入面嘅餡料好香口惹味，吉列豬扒嘅外層炸得好金黃酥脆，肉質好鬆軟同唔會好乾身！石鍋魚湯安格斯牛肉讚崎烏冬嘅魚湯底好鮮甜香濃，牛肉嘅肉質都幾嫩滑，但牛肉味就比較淡，烏冬嘅麵質比較腍身，唔係好彈牙，但都幾軟滑！石鍋芝士焗豬軟骨飯嘅豬軟骨肉質非常鬆化軟滑，味道好香甜，軟骨亦好腍身，唔會有韌嘅感覺！

夜媽媽黎到勝利道，唔知食乜好，就揀左哩間以前中學成日食既鳴門。唔洗等位，2個人坐左4人台，店員好好，見我地多野拎叫我地放野喺d櫈度，及黎人流開始多，要等位，店員都無因為做多台客而叫客人黎搭台，好讓我地舒舒服服食完餐飯，哩樣認真抵讚！我叫做豬骨牛肉讚歧烏東！湯底好濃，有一種形容唔到既香味，的確幾好味，不過肥牛比較韌，烏東夠粗夠韌，但係食完之後好口渴，唔知係咪有落味精？朋友叫左鮟鱇魚烏東，湯底清甜，但未算好濃魚味，可能我預期太高！d魚肉質感特別，結實得黎係滑既！條鮟鱇魚好cute同場加映日式煎餃子，無特別！

今晚我們去咗何文田勝利道嘅「鳴門魚湯麵亭」食晚飯！我們叫咗牛肉拉麵、溫泉玉子冷稻庭烏冬、蒲燒鰻魚飯同石鍋鮮茄牛肉讚岐烏冬！牛肉拉麵嘅牛肉肉質好嫩滑，豬骨湯底嘅味道好濃郁，拉麵嘅麵質好爽口彈牙！溫泉玉子冷稻庭烏冬嘅溫泉玉子係用塊紫菜包住，一啖放入口，感覺好冰涼舒服，冷稻庭烏冬嘅麵質好爽滑彈牙！蒲燒鰻魚飯嘅鰻魚肉質都幾嫩滑彈牙，米飯唔算好軟熟，同埋份量亦比較少！石鍋鮮茄牛肉讚岐烏冬係用燒熱咗嘅石鍋載盛上碟，可以一直保持住湯嘅熱度，鮮茄湯底嘅味道好鮮甜香濃，牛肉嘅肉質好鮮嫩，烏冬嘅麵質好軟滑彈牙！

夜晚十點幾倒去到，唔洗等位但店入面依然好多人叫左個石鍋招牌鮟康魚湯烏冬，溫泉蛋牛肉飯同一碟餃子個石鍋烏冬上嘅時候啲湯仲係滾嘅，啲魚湯好鮮甜完全冇味精味但係就有小小腥，見倒本身都有啲薑但係都唔夠個僻走啲腥味所以我自己加左胡椒粉，加完就岩岩好佢啲魚湯同平時響屋企飲開嘅魚湯係唔同嘅，可能係呢種魚本身嘅味道，所以我覺得佢好唔同啲魚好滑，食到魚翅果啲邊邊位覺得自己好似唔係食緊魚咁，好煙韌好滑不過食到最尾可能因為我浸得太耐有啲魚肉老左小小，大家食嘅時候可以食左魚先個牛肉飯就普普通通，可能因為食左個魚湯烏冬覺得佢特別好食，再食呢個就覺得冇乜特別之後到餃子喇個餃子入面好多汁，第一啖咬開左一半嘅時候啲汁流哂出黎餃子味道本身就已經好夠完全唔洗點餃子汁 最欣賞就係佢個魚湯烏冬，但湯底係真材實料值得一試！

呢間係我最中意食既一間餐廳，價錢又合理，又好食，好少餐廳整到d牛仔骨咁好飯，同個飯又夾！一定要試下，5食你會後悔，d牛仔骨加埋d沙律醬，奇怪地好夾，撈埋飯食一流，個叉燒拉麵普通，還算不錯！成日都去食

和朋友來勝利道吃飯，隨便揀了這間，都好多人，要等一陣位叫了個照燒雞扒飯，$46連支裝汔水都幾多汁，面那些應是芝士汁，溝埋幾好味雞扒略硬，不過都好味的，咬落爽口。飯就一般，好似軟了些，份量也略少整體OK的，但無甚驚喜。下次應會改試另一間日本菜的店

放半日, 周圍搵下有咩好食, 經過見到咁多人, 有時間所以就一於試下啦可能因為lunch time, 所以都幾多人等, 大概等左20 分鐘終於入得,學生既比例都算多, 可能因為有學生餐 (學生證/穿校服有九拆優惠)地方不大, 位置都有點窄, 不過有得食就無問題啦午市套餐選擇都多架, 我就揀左吉列蟹味忌廉餅拉麵 , 配樽裝細可樂忌廉餅黎到已經香噴噴，外面酥脆，咬落去仲係好熱辣辣架，新鮮即炸，口感不錯又脆又軟，如果味道再香濃一點會更好！拉麵既豬骨湯底唔會太咸同好濃郁，仲有半熟蛋、粟米粒、木耳絲做配料唯拉麵就普通一點，與其他鋪頭食既都差唔多，但整體是不錯的。見到好多人揀熱鍋上既鮟鱇魚湯，下次試下先

凍凍地就最好食個石鍋烏冬,之前同事介紹話鳴門既石窩鮟鱇魚湯很不錯, 所以點都黎試下啦!去到大約等左十分鍾就有位喇, 入到去原來店鋪唔算大,枱同櫈都有的密密麻麻。不過唔緊要最緊有得食。午市套餐都有好多選擇, 飯, 拉麵烏冬, 同埋午市套餐都會跟一支樽裝細汽水或茶包茶一杯架黎到當然要試下魚湯啦, 我叫個石鍋魚湯安格斯牛肉讚崎烏冬($72)!店員有提過需要等大概20分鐘, 但都比想像中耐少少, 加上可能lunch time, 所以想食既朋友就要有耐性啦終於到喇!!魚湯烏冬用熱石鍋盛載保持溫度,上枱時仍然熱騰騰的 香氣撲鼻 。看著牛肉慢慢被湯煮熟，立即夾一塊試試，牛肉肉質嫩滑，肉味濃。除了牛肉，鍋內還有粟米、海帶同半隻蛋。奶白色魚湯,魚湯味道濃,喜歡魚湯的朋友可以一嘗, 不過烏冬的確彈牙煙韌, 配上牛肉不過不失。吃到最後湯仍是熱的

鋪面裝修還好附近都叫多餐廳咁都應該唔會差掛到去迫到一個點背貼背 完全郁唔倒同澳牛入面不相伯仲叫左個帶子拉麵同鹽燒鯖魚朋友就叫左個芝士豬軟骨石鍋飯鯖魚同石鍋飯都好耐帶子拉麵好普通，帶子燒過下湯無特別待應服務唔得眼見三張單落錯待應用洗碗手套上菜極趕客石鍋飯唔錯，鯖魚都叫有水準既不過真係唔會要黎又迫又受氣

一般日本食店，顧客每次入店均會聽到"易啦些媽些"的歡迎語及親切的笑容 --但此店卻是例外！或者他們以為只是招待街坊客人，不用那般日式吧！說到食物，這裡的石鍋湯烏冬性價比卻很高，是個人最喜愛的，當熱騰騰的石鍋端上桌上，那股吸引力令人忘記舌頭會被燙傷，大口大口的吃上；熱鍋吃到最後，仍然是會冒煙的，於這個寒流襲港的冬天特別令人滿足！蕃茄湯底的石鍋湯烏冬更是坊間日本食店少見的好，濃味蕃茄湯混入熟透的洋蔥，香味洋溢，喝一口即令人全身温暖，喝多兩口已經開始冒汗，真是冬日必吃妙品。飽暖大滿足都是74個大洋，10分滿分，我會給8分！如果侍應姐姐們能多給一點笑容，或於結帳時說句多謝，就能補上欠缺的2分！(是日所點的雞扒蕃茄湯石鍋烏冬見圖如下，雞扒皮過燶了！但香濃湯底仍然能挽回分數！)

十二月嘅天氣，呢幾日先開始凍，天氣一凍就會好想食啲熱辣辣嘅嘢。平日放學成日經過呢間係勝利道嘅小店，好多時都有人排係外邊等。由於我好少排隊等食，所以一直無試過。今日放學冷風吹吹下，忽然諗起呢間石鍋鱼湯的小店，行到去又好彩有位，入去試下先朋友叫左個九洲叉燒拉面，我就叫左個佢地嘅招牌，石鍋鮟鱇鱼湯鷄肉讚岐烏冬試下先。個石鍋烏冬嚟到嘅時候滚下滚下，奶白色嘅湯底好重鱼味無欺場，但係鷄肉就一般，無乜味。反而朋友叉燒就幾好味呢度店細細，環境比较迫啲。啲調味品都幾充足下，乜都有啲價錢都唔算太貴，可以試下

星期日下午一點去到, 已滿坐, 平時都要排4-5個隊, 但好在今日是排第一個, 所以只等了5分鐘.叫了個咖哩牛舌飯同餃子拉麵(改了烏冬)Lunch Set, 先講咖哩牛舌飯, 牛舌很用心煮, 不是就咁將牛舌放入咖哩裏煮熟就算, 是將七味粉灑在牛舌表情再煎熟, 但今次overcook了, 乾了點及比較咸, 可惜!蛋是半熟, 蛋黃撈埋咖哩連飯一起食, 能帶出咖哩的香味, 特別野味!咖哩不像一般日式咖哩比較甜, 它比較著重香料的份量, 所以下午回到家仍然覺得口喝.至於餃子拉麵(改了烏冬), 餃子餡沒有什麼特別, 都是豬肉同菜, 是即叫即刻煎, 但放在湯上, 食時已淋, 如果可以另上就更好. 蛋是半熟, 烏冬硬度適中, 湯底是豬骨湯, 保持水準!所有Lunch Set都會跟一支玻璃樽裝細汽水, 玻璃樽裝的汽水特別好飲, 因為玻璃的密度高, 可防止漏氣, 值得一讚!總結: 這餐廳所有食物都是即叫即煮, 而且不會趕住上, 所以每次都能保持水準, 但最少都要等15至20分鐘才有得食, 如果你是趕時間, 最好就不要來.

每次經過吃拉麵的「嗚門」都排滿學生，偶爾一人午膳，比較容易「攝」到單丁位，所以就進店吃個拉麵。不是第一次惠顧，狹小的店子逼滿學生，不是我誇張，的而且確食客幾乎背貼背。午市套餐有石窩飯、有烏冬/麵食，再配懷舊枝裝汽水或茶包茶一杯，五十元左右的消費，在何文田區算差不多了。 點了蔥燒牛肉拉麵(可加$2-HKD 轉烏冬) (以往好像不用加錢的)，再配可樂(因為天氣太熱了，店沒有茶水供應...只好點唯一的汽水凍飲，也不算很凍...) 拉麵很有咬感，不是隨便的一碗(所以學生喜歡吃吧) ，湯很濃(應該有加味精，因為吃畢很口喝...)，幾乎每次來吃午餐都是點蔥燒牛肉，不過今次質素好像遜息了一點，牛肉比較「煙韌」難咀嚼；至於店員的服務較為「粗魯」，發了的單一口氣掉在我眼前，嚇了一跳...Anyway，簡簡單單一個午餐，AW也不怎麼奢求。 光顧多次的鳴門，午市總有很多人在排隊坐滿學生、食客，只有身手敏捷的兩位店員通得過懷舊的枝裝可樂拉麵的賣相不過不失，還有半隻流心蛋$46-HKD的午市套餐已算不錯，持有學生證/穿著校服都有9折優惠