鳴虎 (馬頭圍道) (已結業)

星期六晚大約7:00嚟到，第一眼見到嘅係一條喺住宅區入邊嘅細細的日本街，好快咁行咗一轉，其實好多舖頭都冇乜人比較冷清，唯一有幾台客嘅就係呢間拉麵店同埋再入啲嘅一間Cafe。咁二揀一之下我哋就決定咗食拉麵。本身有諗過會食佢嘅蝦味噌豬骨，不過俾個魚乾吸引咗，所以就叫咗鳴虎 （日本魚乾豬骨湯拉麵）。湯係好普通嘅豬骨湯，味道就普通啦，至於所謂嘅魚乾就係倒咗啲魚乾粉落去咁上下，非常失望。麵質係OK嘅，正常。叉燒都係正常，隻蛋就煮嘅時間處理得唔錯，可惜好似浸得唔夠耐唔係好入味。黑蒜油，同一個湯底，今次唔係魚乾粉而係落咗黑蒜油咁樣。好味過第一碗嘅，但係都係普普通通啦。餃子反而有驚喜，香趣有肉汁，做得唔錯👍🏼整體嚟講，你問我嘅話我唔會特別去食呢碗拉麵，如果住喺附近或者咁啱去開附近都可以食下嘅，不過就唔好期望太高。如果去開就一定要叫呢個餃子個餃子真係唔錯！

#chuchu食在土瓜灣📍 鳴虎本身諗住去總店，揸車經過呢間分店見到佢個名就泊低架車入去，啟岸呢度掛滿紅紅黃黃嘅燈籠，同日本餐廳好襯，打卡好靚！—————————————————————❣️ 綠虎 $88話明綠虎就緊係綠色，就緊係好多蔥😚湯底ok好濃，加埋四國香蔥油更香！兩塊叉燒肥瘦均勻，幾好食，欣賞佢有燒過叉燒，幾好食！有一隻糖心蛋，原隻上有流心不過就一般唔係好夠味，仲有好爽口嘅木耳同一塊紫菜！麵係幼幼的，軟硬適中！❣️黑鳴虎 $88配料同綠虎一樣，湯底就用左黑蒜油調味，更香濃惹味，🐷鐘意呢個多啲！❣️鰹魚汁菠菜 $38原來係凍嘅冷盤，比想像中細碟🥺同埋汁浸有小小咸！—————————————————————不專業評分👅好味指數: 7.5/10💰性價比: 8/10👍🏻推薦: 8/10 —————————————————————🏡地址: 鳴虎 (馬頭圍道) (土瓜灣)土瓜灣馬頭圍道63號啟岸地下6-9號舖👉🏻仲有幾間分店，全部都係新發展區🕑營業時間：12:00-21:00—————————————————————#chuchu食日本野 #chuchu食拉麵——————————————————

香港嘅拉麵店就如天上嘅星星一樣䌓多，但真係好食嘅就真係唔算好多。屋企附近開咗鳴虎，裝修非常別緻，當然要試吓啦。我哋叫左一個原味嘅鳴虎拉麵$88，同埋黑松露拉麵$108。另收加一服務費。試過之後，覺得係好食嘅，尤其個湯底係非常濃郁，個麵底都做得唔錯煙韌有彈性。

自從土瓜灣站開通後，聽聞開了很多特色餐廳，這日第一次到充滿東瀛風情的「啟岸」嘆地道拉麵，果然沒有令人失望！室內裝修極具日本風情，掛滿日式燈籠，感覺更似日本地道小店！有多款豬骨湯拉麵選擇，湯底以70斤豬骨及自家製醬油及新鮮日本食材熬製而成，特別鮮味！《黑鳴虎》博多黑蒜油拉麵$88 ~ 蒜香惹味，麵質爽口微彈；再配上軟腍日本叉燒及嫩滑溏心蛋，口感豐富！期間限定的特飲，全部以鮮果調製！韓國網紋瓜$48～啖啖清新蜜瓜味，甜味適中，冰爽感覺！原來還有《清酒放題》，$238任飲70分鐘（星期一至四90分鐘），至啱酒鬼的我除了美味拉麵，還有多款日式丼飯，食材新鮮又抵食，下次一定再來試吓！

今日口痕突然想食拉麵，係附近隨機搵間拉麵食午餐。中午2點可能過左lunch time人流唔多可直接入座！入到去被餐廳裝飾吸引眼球，呢度佈置好日式，好似去左日本旅行一樣。餐牌上拉麵只有4個款式，我同朋友分別叫左日本魚乾豬骨拉麵和博多黑蒜拉麵。經典的豬骨湯味湯底，後者更多了一份香濃的黑蒜味！拉麵屬幼身，掛湯能力不俗，加上半肥的厚切叉燒，整體味道不錯。最特別是呢度的溏心蛋是原隻上，用筷子夾開中間溏心蛋有蛋液流出，最喜歡這種半生熟的質感。小食方面，叫了一客肉餃子，味道不過不失，但$38就有性價比不錯！

一間餐廳嘅成與敗，“天地人和”缺一不可。當然首推嘅就係食物的味道、質素， 其次還有是店舖嘅裝修，最後不能忽略嘅就係員工嘅服務態度 。這次光顧嘅感覺如下，當日一行三人到該店晚餐 ，充滿希望的因為是新開的店舖，本著日本拉麵嘅旗號一試無妨 ，去到嘅感覺。首先可能時間太早嘅關係六點半鐘左右，去到見到鋪頭嘅裝潢都合乎拉麵店嘅一般規格及擺設 ，可惜員工嘅態度入去嘅時候第一個接待嘅員工，畀我感覺係一位青年人，佢嘅行為及面部表情話畀我聽，你咁早嚟到好似阻住我開檔。 跟住坐落之後，就發覺有另一個看似主管級嘅人，喺度教訓佢嘅工作態度， 但我想我們是嚟消費及吃飯的，並不是看你如何管教員工， 所以食嘢嘅氣氛受到佢嘅影響之下大打折扣。跟住講到食物啦，既然打著日本拉麵嘅旗號，咁梗係要睇下個拉麵嘅質素啦，總括嚟講就係一碗（A貨）嘅日本拉麵，由拉麵材料嘅味道、質素、湯嘅濃淡度，完全都唔係嗰回事，唔敢話畀自己聽係一碗日本拉麵，只能話係碗湯麵 ，至於炸餃子同喺路邊攤食冇分別，無味道可言， 收到平均一個人百幾蚊 ，我就覺得有啲被［坑］嘅感覺 。最後總結：浪費咗店舖嘅裝修，由於人嘅關係，食物嘅關係，我諗都唔會考慮再嚟幫襯 ，

終於去到傳說中嘅啟岸巷子！掛滿紅紅黃黃嘅燈籠，打卡同觀賞都好靚！今次簡左係街道旁嘅嗚虎，呢種環境梗係襯返日式食物啦。黑松露拉麵 ($108)見到佢係期間限定，即刻叫佢黎食！鳴虎的招牌豬骨湯底加上黑松露醬，係條狀嘅叉燒，炙燒後肥瘦勻，有驚喜～鳴虎拉麵 ($88)當然少不了傳統的鳴虎拉麵，啖啖日本魚乾豬骨湯。糖心蛋亦有流心的效果。鏗魚汁菠菜($38)味道很豐富的冷盤。芝麻雞翼 ($48) 雞翼炸得金黃乾身，肉質飽滿。

鳴虎呢間拉麵店最近都開左好多分店！口啤好似唔錯咁！所以今次就去試下佢！叫左鳴海老既拉麵湯底好夠味！又鮮甜啲麵煮得剛剛好 好彈牙下～有兩大片叉燒 貼埋有流心蛋食完都好滿足下次會想再食

已經有差唔多五六年冇嚟過土瓜灣呢一個地方真係變咗好多好多！最近放工嘅時候經過馬頭圍道嘅時候發現是起咗好多唔同嘅新型嘅住宅，而附近亦都好多唔同嘅餐廳，今次就去咗呢一間叫做鳴虎食日本拉麵！一入到餐廳就見到一排掛燈非常之有feel感覺真係好似去咗日本嘅一樣！而餐廳亦都有吧枱嘅位置可以睇住師傅喺度整拉麵嘅過程餐廳有幾款佢哋主打嘅招牌拉麵亦都有佢哋一啲唔同嘅丼飯，都會喺不定時提出一啲嘅期間限定。不過今次我哋就叫咗一個拉麵同埋一個飯仲有一款小食叫咗一個鳴虎嘅招牌拉麵我就係日本魚乾豬骨湯嘅拉麵拉麵嘅粗幼度適中，食落去都比較彈牙佢嘅溏心蛋做到有少少留心嘅效果叉燒都夠大塊都好juicy 湯底咁落去係鮮甜嘅而且唔會話好鹹！另一個係豚肉丼，豚肉嘅份量係超級無敵嘅多！除咗豚肉之外下面仲有啲椰菜嘅冇咁油膩但係最令我驚喜嘅係呢度嘅豚肉肉質超嫩滑，油脂好香！脂肪嘅位置唔算好多另一個就係鰹魚汁浸菠菜，菠菜亦都好新鮮，都係不過不失嘅而飲品亦都做得幾好嘅係因為佢真係用新鮮嘅生果造成一個沙冰飲落去係冇添加嘅糖所以係非常之Fresh!!

同事搬咗去紅磡啟岸，今日放工跟咗佢返屋企參觀一下，舊區重建之後真係耳目一新，完全唔同曬，除咗新樓豪華外，樓下商場食肆都高質好多，之前係土瓜灣食過嘅鳴虎 呢度都開咗分店，裝修以日式設計為主，置身其中感覺好有日本風味！鳴虎 ：日本魚乾豬骨湯拉麵，以4種鮮魚加上秘製豬骨湯底熬煮，湯底濃郁而不膩，味道鮮甜，配料有紫菜、黑木耳絲、原隻流心蛋，蔥和叉燒，叉燒係五花腩部位，肥瘦適中，炙燒後入口更甘香！麵條幼細，非常掛湯！鳴海老：蝦味噌豬骨湯拉麵，配料有紫菜、黑木耳絲、流心蛋、葱同叉燒。湯底加入北海道鮮蝦、櫻花蝦粉、呢個湯嘅蝦味超香濃，味噌鹹中帶甜。芝麻雞翼：炸到好香脆可口，加上芝麻特別香口。肉質鮮嫩夠入味。

呢間拉麵店開業短短幾年已經開咗幾間分店 亦都有好多人讚！ 不過佢地既拉麵唔係太多選擇 主打四款 今次就試吓其中兩款🍜✿ 蝦味噌豬骨湯拉麵($88)呢碗表面鋪滿櫻花蝦粉 擺上枱已經聞到好重蝦味🦐配有兩大片叉燒 糖心蛋 香蔥 木耳 紫菜同櫻花蝦乾叉燒油脂分布平均 糖心蛋亦有流心效果 拉麵質感啱啱好 唔會過淋👍🏻個湯好香濃 但飲完又唔會好口渴！✿ 四國香蔥油拉麵($88)呢碗表面鋪滿香蔥 湯底蔥味較濃🌱同可能係多咗層蔥油嘅關係 個湯好杰身好掛湯！食落亦令到味道更加有層次✨而配料同上面都係一樣冇分別～呢款比起蝦湯底冇咁濃郁 不過都好好味👍🏻

紅磡區既啟岸內充滿濃厚和風既小街內有好多唔同既新店進駐.今日趁放假就去望下有咩新店試試！見到呢間店內掛上一串串日式燈籠,同樣充滿濃厚日本風既拉麵店幾特別就入去試試.赤虎 特濃辛口拉麵鍾意食辣既一定唔可以miss呢一款極辛口既辣味拉麵.拉麵湯底呈紅橙色,拎上枱已經聞到辣味.特濃辛口湯入口香辣濃厚,每啖都相當刺激,味道充滿一陣陣椒香,辣得過惹.拉麵配料有半熟玉子,炙燒叉燒,木耳絲,紫菜同香蔥.溏心蛋超級流心,外層蛋白彈牙而內裏蛋黃綿滑,蛋味香濃.拉麵爽彈掛湯,就算浸左一陣拉麵湯都唔會變腍.綠虎 四國香蔥油拉麵加上大量香蔥同四國香蔥油既綠虎,食到大量蔥粒既甜味.豬骨湯底加上四國香蔥油香而不膩,而湯底會見到蔥油粒.爽脆既蔥粒配上同樣爽口既木耳仲有彈牙既拉麵,3者一齊食令層次感更豐富.炙燒叉燒肥瘦均勻,入口帶濃郁豚脂香,配上一啖拉麵湯令味道更濃厚.肉餃子炸香過既餃子唔會炸得過油膩.餃子皮乾身香脆,內裏餃子餡菜肉比例平均而且充滿肉汁,味道鮮甜香口.

紅磡的啟岸，見到佢由拆卸到地盤到建築落成都未去過，現在已新開張一段時間，今日假期就專程過來行嚇。當然順便在這裡食埋下午茶。選擇了一間很有日式feel 的餐廳~鳴虎 食日式拉面。 Menu的款式不算多，所以頗易選擇。特濃辛口拉麵辛口拉麵有一整隻的流心蛋、2件日式叉燒、蔥花、木耳絲、紫菜……等。辛口拉麵的辣度食落原來有川菜的大辣級數，所以食不得太辣的可要揀其它味道了。湯底真的好濃郁，配著煙煙韌韌的拉麵，是頗有特色的日式拉麵。流心蛋真的好香，好流心，連蛋白都好嫩滑。兩件叉燒也頗大件的，瘦中有肥。鳴海老蝦味噌豬骨湯拉麵鳴海老蝦味噌豬骨湯拉麵與辛口拉麵一樣都有流心蛋、日式叉燒、蔥花、木耳絲、紫菜等，湯底有著櫻花蝦和著豬骨湯的味道，令拉麵味道都頗豐富。芝麻雞翼面上有一粒粒的芝麻，炸得外皮帶脆，肉質嫩滑多汁。

人在紅磡一帶的其中一天，我遇見一間拉麵店。很久沒有正經地吃拉麵的我，想也沒有想就衝入來試了。此外，這文章的標題是"一鳴嗚呼"，並不是代表這一餐我食到 "一命嗚呼"。我只是取這一間《鳴虎拉麵》的近音同近形字來發揮而已。其他都不太重要，只想試試這家的拉麵好不好食。第一次來到，當然要一試招牌的 "鳴虎"。湯底是魚乾同豬骨。出來的麵很香，香味大概是來至魚乾的味道。豚骨湯也是夠鮮甜的，而且味道不太濃，好適合邊吃麵，邊把麵湯一起喝。叉燒可以說是不過不失，麵條質素也合格的。綜合了以上所說的，成碗拉麵最出色，也是令我最滿意的，就是個湯底。麵、叉燒、蛋等等吃光了，美味的湯亦吸引到我去喝個光光。簡單總結，就是 OK 啦。不是最好，也不算差。這一碗麵，亦令剛回到市區工作的我，要再出法去尋找香港的好味道拉麵店了。

土瓜灣啟岸附近開了很多新餐廳。當中啟岸巷子設計成日本巷弄，掛滿日式燈籠，充滿日本氣氛。餐廳樓底高，近門口掛了一整排燈籠。‖ 龍蝦沙律 ($38) ‖賣相不錯。沙律很適合夏天吃，清新清涼，啖啖都吃到有龍蝦肉😍，好味。‖ 鳴海老 ($88) ‖蝦味噌豬骨湯拉麵。未吃已經嗅到濃濃蝦的香味😍。湯底蝦味好濃厚，喜歡蝦的朋友應該會很喜歡這碗拉麵。麵質剛好，軟彈偏硬身，掛湯能力則普通。兩塊叉燒肥瘦一半半，不算厚身，味道不錯。‖ 黑鳴虎 ($88) ‖博多黑蒜油拉麵。湯底不算稠，吃到黑蒜味，但不算濃，比較偏咸味。雞蛋做到半熟。