鳳鳴石磨腸粉 (觀塘廣場) (已結業)

一早起身食完野就出左觀塘成業街行10.10team搞既聖誕市集，入面有好多手作野、日韓衫同唔同類型既精品，比想像中有驚喜，下次一定要再去！行完市集攰攰地又口乾，呢啲天氣又費事飲台式飲品啦，趁呢排出得街多，有啲熱氣就行去附近既觀塘廣場有咩涼茶買下。呢間石磨腸粉，新年食過佢個蘿蔔糕，好足料印象幾好，於是今次試下佢自家製既野飲，買左支竹庶茅根飲。頸渴飲左啖，飲得出冇咩後製好清甜，但係支野雪櫃拎出黎都幾凍所以灘多陣變番室溫先再飲埋佢，有機會想試埋佢個羅漢果，呢啲自製涼茶有度好，冇落額外糖，夠清新。

向大家介紹一下新鮮即製的石磨櫃桶腸粉😍鳳鳴有許多分店，這次我到了位於觀塘廣場的分店，能看見製作過程，非常治癒🤣石磨豬潤紅米腸🐷看到餐牌說紅米能抗氧化、補氣血，雖然吃起來並沒有什麼特別，但感覺比較養生🤪櫃桶腸粉的優點就是比較煙韌，而且能沾到更多醬料，同事大推這家店的自家製口水汁，但我不吃辣所以沒有加上，配搭甜豉油也是不錯的哦👍🏻豬潤份量很多，但因為比較薄切，所以有點韌🙊總的來說，$40的套餐有紅米腸、燒賣和羅漢果水，真的很抵食哦❤️

寫住13:17可以取餐，咁去問有冇得拎啦，佢地話要等等⋯OK，再等下，但等左15分鐘，又15分鐘，又又15分鐘，都係冇🤷🏻‍♀️🤷🏻‍♀️🤷🏻‍♀️🤷🏻‍♀️🤷🏻‍♀️ 可惡嘅係，係其他人排晒長龍等取餐嘅過程中，店員仍繼續接單，真係睇到火都黎🔥🔥🔥。最終用左一個鐘先拎到個外賣！！！！！重點係，前面個幾個都係等左起碼45分鐘先拎到佢地個餐。原來，只係有一個人係負責整腸粉。。。

話說今日腸胃唔太好，附近又冇咩清淡野食，就想試下e間腸粉。本身見個價錢都偏貴小小，諗住係因為出名所以都照樣試一試。然後就買左兩份腸加支豆漿，諗住留一份中午再食（我太懶）。結果走個時先發現比少支豆漿，道歉都冇句，就咁比完我就算。（可能我自己心情差瓜）然後返到公司準備開始享用，點知食第一口就中招，咬到粒硬野，又黑黑地唔知咩黎，就放埋一邊無理，然後再食第二口，又食到一粒野。我就將粒野摸上手，給果發現係粒膠。大佬，我係食腸粉，唔係食膠粉！

有鳳鳴嘅摩零就係Good Morning💛—————————————————————之前返工我日日都叫嚟食！係日日叫嚟食😂仲有幾間分店加埋唔少素食選擇 唔好諗即去！.🥚雞蛋腸粉 （$19)我的最愛☺️即整即食冇得輸！佢米香味濃加埋蛋....我見字都餓了最屈機係個豉油...甜甜地仲要係熱嘅係我食過最令人上癮😂（btw 加埋芫荽同辣粉將個腸粉再昇華🤤又香）.🍶豆漿 （＋$6)佢係自家製😂所以叫我地要快啲飲～～偏甜 但都不過不失！.仲有羅漢齋比你揀，仲有得將米漿轉紅米黑米（健康寶寶🥳）加3蚊仲有得加粟米/菜圃/生菜（剩蛋已屈機😎）.記得去支持啦～～～佢地有幾間舖的～～去食啦🥳.📍 鳳鳴石磨腸粉觀塘開源道68號觀塘廣場地下G34號舖.💰Total: $25味: 8.5/10飽:7/10抵: 8/10 .我小妹👧🏻將會繼續同大家跑素 搵盡全港甚至世界各地既美味素比大家

幾乎每次黎親觀塘都會幫襯嘅腸粉，呢到嘅腸粉唔係普通腸粉，而係石磨，真係見到佢係櫃桶式咁樣去蒸，而且粉漿係石磨出黎，需時一定唔會少，加上心機真係100分。🔷黑米雞蛋豬肉腸 💰25呢到特別之一嘅係有黑米同紫米腸粉揀，今次就食左黑米，同樣好滑，配埋雞蛋，非常滑溜之餘亦食到雞蛋嘅蛋香。另外，豬肉唔知有無事先配味，因為豬肉一啲都唔淡。食腸粉佢嘅豉油都好緊要，而呢到嘅當然好出色，有味得黎又唔覺鹹，甜度亦未至於太溜，即使腸粉吸收哂啲豉油都岩岩好。

其實上網打石磨腸粉有勁多好推介result彈出嚟😂而依間鳳鳴係近排彈咗出嚟特別多人推介，香港仲有六間分店💁🏻‍♀️估唔到腸粉店都有黃店💛⭐️身穿校服或出示學生證可享8折.除咗單買腸粉仲有套餐，+$14有燒賣六粒同自家製飲品一支，包括竹蔗茅根水、桂圓紅棗茶、羅漢果茶、豆漿。腸粉米漿亦可+$3轉做紅米或黑米。👓石磨雞蛋豬肉腸 單買$22 (套餐$36）皺皮腸粉比一般腸粉更掛汁和有口感，而且石磨的腸粉相對較滑溜和重豆香。但真實食嘅時候腸粉係滑口，微微豆香同蛋香味，係微微而未去到好濃郁，因為網上好評太多令好多朋友仔表示抱有太大期望所以係到先作提醒，不過我覺得以依個價錢同街邊小店來講整體質素算係咁😇腸粉夾雜着雞蛋和豬肉粒，粒粒口感和豬肉甜味比普通齋腸粉更滿足。評分：8/10👓石磨韭黃雞絲腸 單買$22 (套餐$36） +$3轉黑米黑米有膳食纖維可健脾胃，不過食落冇話米味特別重其實味道同一般腸粉差不多，但會健康啲囉。香韭黃味並與雞絲好夾，雞絲係醃過嘅雞脾肉，不過相比下始終都係招牌雞蛋豬肉腸更香口好食😂評分：7/10👓羅漢果茶 買腸粉加飲品+$6重羅漢果味但只是輕微甘味，有少許甜味，都易入口，飲品無添加

今日行過見到有石磨腸粉就試一試佢😋就咁行過都已經好多人等緊🤩再睇一睇餐牌😆嘩..好優惠呀！套餐都好抵食🤩即買🤩🤩🤩我叫左個石磨豬膶腸粉套餐$37個腸粉好滑😍豬潤有少少老燒賣都好好食😋最特別佢有個醬汁係雞煲醬，有少少辣同個腸粉都好夾，好特別🤩好好食有飲品跟埋我叫左桂圓紅棗茶，都好夠味

石磨蔥花蝦米腸 $19超滑，即叫即做，新鮮熱辣，加上蝦米香味，非常好食！原味係冇得輸既選擇！豬膶黑米腸粉 $26豬膶熟度岩岩好，嫩滑，再加上有米香又滑既腸粉，唔錯！黑米既味道有些少唔同，米味再多d！牛肉黑米腸粉 $28牛肉大大塊，牛肉既牛味唔係好重，但嫩滑既。加上黑米腸既米味，整體夾而有口感！值得一試！。石磨既腸粉，有誠意外，口感係絕對有分別架！。📍如果係度食，就同佢講用碟，環保d！📍辣椒乾非常辣，落少少就夠。📍仲有乾蒜可以落，更加香！

吾少人話好食，所以我期望大，結果有些落差。我單點選了雞蛋豬肉腸粉。腸粉算滑，但不是有太大驚喜，而且份量太少，友人以前食過，份量少左差不多一半，甘就吾太值，性比價偏低。

呢間💛店雖然有幾間分店，不過就唔多就腳🦵🏻難得去觀塘，身為大吃貨當然唔會錯過任何一個覓食機會🤪㊙️舖頭開係觀塘廣場地下橫巷最入，第一次去要用少少時間先會搵到🙈.呢度既石磨腸粉選擇都幾多，除左可以加錢加底/加配料之外，仲可以加3蚊轉紅米/黑米腸粉；落單俾完錢之後就會即製即蒸夠晒新鮮😋 可惜因為疫情只能外賣🥡返屋企先食，未能係剛出爐最新鮮時食到😕******************************✨石磨雞蛋腸 轉用黑米 ($19+$3)今次幫襯只想簡簡單單唔想咁複雜就選擇左最基本既雞蛋腸粉再轉用黑米，腸粉食得出有米漿味，但係黑米就同普通米冇咩分別🤷🏻‍♀️ 放凍左食口感尚算幼滑，但就無咩蛋香🥚唯一調味既豉油係店員幫忙加既，唔算太咸，不過事後先知原來旁邊有炸蒜、辣椒粉同芫茜可以自己落，但店員就完全無提過☹️******************************👧🏻人均消費：$22😋味道指數：3.5/5💰抵食指數：3/5🪑環境指數：3/5💁🏻‍♀️服務指數：3/5👍🏻再訪指數：3/5-📍鳳鳴石磨腸粉地址：觀塘開源道68號觀塘廣場地下G34號舖⏰營業時間：08:00–19:00 (Mon–

天氣好炎熱🥵⋯⋯有時冇胃口諗唔到想食乜嘢嘅話，呢個腸粉係一個好唔錯嘅選擇。呢度嘅腸粉長期都有好多捧場客，以佢嘅腸粉係即叫即製，所以都要預返等10至15分鐘嘅時間。我今次叫咗個蝦米腸同埋豬肉腸，30幾蚊一個餐有埋燒賣同嘢飲。腸粉好滑，好足料，好新鮮，感覺好健康👍

呢幾日真係好想吃拉腸，之前一直食開「老上海雲吞鋪」拉腸 （每份$18-$23）。知道鳳鳴之前上過電視節目，對於拉腸愛好者嘅我來講，一直都好想試。所以係網上外賣平台 叫咗外賣... 價錢：佢哋由普通石磨腸粉到紅米石磨腸粉價位由$24 - $38 不等。其實我個人覺得偏貴... 份量：真係超級少😨 我叫咗石磨牛肉腸 及 豬肉腸。一打開個盒，見到個份量都嚇咗一跳。基本上兩盒加埋先等於1盒老上海店拉腸😓 反正一打開好似得兩執嘢咁。（睇相） 味道： 味道好似成舊粉漿，唔滑、粗糙、食落口感好重。同一般酒樓比仲要差。估計因為佢哋拉腸落米漿份量冇拿捏好。特別講吓份牛肉腸，唔明點解要落肥牛....😰😰肥牛又有筋，蒸出嚟又「鞋十十」。唔明點解唔落返一般牛肉碎咪算囉⋯⋯肥牛真係好影響口感。最後：醬油冇乜特別...個人感覺，新屎坑三日香，試咗就算啦。唔會返轉頭，因為覺得價錢貴兼出品麻麻.. 真係冇乜必要$68叫兩盒腸粉食囉⋯⋯

之前食過好好食好夠飽今次再幫襯，叫左黑米豬潤腸，份量比之前少左一半有多，有d失望(事前冇影，食左2啖先記得影，淨係郁過右邊少少)比起下面個幅係咪差好遠🤣🤣希望會改善返啦

觀塘廣場呢間鳳鳴我成日幫襯, 好中意食佢既腸粉, 可惜佢只有外賣無得堂食. 佢另外新蒲崗果邊都有一間，我之前食過都一樣好好味！lunch等外賣成日都好多人, 我多數會叫雞蛋腸加栗米(多蔥免費 👍🏻👍🏻), 另外再加底.(+$8) (唔好意思本人比較大食... 😆😆) 之前都有試過豬肉腸加蛋的. 但都係中意栗米多啲, 佢啲栗米加得好多呢!! HAPPY!!😋😋如果跟餐的話有3款野飲可以揀, 我飲過竹蔗茅根&羅漢果茶都唔錯, 煲得好夠味的!😋😋