鳳鳴石磨腸粉 (觀塘廣場) (已結業)

話說今日腸胃唔太好，附近又冇咩清淡野食，就想試下e間腸粉。本身見個價錢都偏貴小小，諗住係因為出名所以都照樣試一試。然後就買左兩份腸加支豆漿，諗住留一份中午再食（我太懶）。結果走個時先發現比少支豆漿，道歉都冇句，就咁比完我就算。（可能我自己心情差瓜）然後返到公司準備開始享用，點知食第一口就中招，咬到粒硬野，又黑黑地唔知咩黎，就放埋一邊無理，然後再食第二口，又食到一粒野。我就將粒野摸上手，給果發現係粒膠。大佬，我係食腸粉，唔係食膠粉！