鳳鳴囍宴 (已結業)

這裏是父親大人平時與書友仔茶聚的地方，經介紹下知道此處有大盆魚，便決定在此慶祝生日及父親節。大盆魚須要預訂，雖然父親曾形容此菜式，但未能想像到究竟賣相如何。因此，最初只以為其大小應該是打邊爐的鋼鍋吧。到當日，一行十一人點菜時，經理不停提醒不要點太多食物，因為大盆魚絶對足夠一圍十二位，因此我們只多點了燒味拼盆、沙薑雞及枝竹魚湯浸菜。燒味和雞先後上枱，接著樓面同事端出大盆魚，嘩真的很大盆，其他食客也紛紛探頭觀看。大盆魚內除了有原條開邊大魚(忘記了是什麼魚，是那款頭很大咀很大的河魚)，還有蝦、蜆、排骨、粉腸、肉丸、酸菜 ... ... 等，盆內有上湯浸著所有食材。大盆魚放在手提石油氣爐上，明火熱著。經理提醒要待盆內上湯略滾，便可從魚邊腩位開始品嚐。魚肉非常鮮味，其他食物在上湯的提鮮下也非常味美。我們額外點了一個生麵加入大盆內作長壽麵，麵再吸收魚湯精華，一下子全被掃清，一盆魚果然足夠一桌人享用。甜品是一碟上的懷舊西米蓮蓉焗布甸，還有由樓面姐姐邊唱生日歌邊送上的蟠桃壽包，非常滿足的一餐。…查看更多

逢星期二三放工都係觀塘上堂~會係觀塘開飯~尋日同POLE同學2個人上堂前去左鳳鳴囍宴食飯~大約7點上到去~好少人都幾枱食客~得2,3個待應~態度算幾好~可能新年關系餐牌好少選擇~我地得2個人想揀多啲小食都無><最後點左: 瑤柱豆苗 芝士龍蝦 粉葛雞腳螺頭湯 3樣~瑤柱豆苖:豆苖新鮮多瑤柱~但係太咸芝士龍蝦: 芝士味濃~香口~但係太咸x2粉葛雞腳螺頭湯: 材料少~少味精~但係太淡無味道總結:食物太咸~少菜式選擇~環璄ok~服務最初一般~臨尾良好~暫時都會再去或推介比朋友!…查看更多

老闆話呢度係鳳城,入到去見到明明唔同名!細看之下是同一集團,所以MENU亦有不少相同菜式但價錢不見得較便宜由於初時以為是鳳城,所以叫了金錢雞.雖然用上燒得化透的肥豬肉和肝,但食起來就是沒有那種甘香,亦都因為沒有甘香,就只食到肥膩了.眾人食一口就已經受不了其他點心類只是合格水平,我試多多款用酥皮製成的點心,餡了比較少,皮比較厚,食起來都不那般滋味可惜.或許理應試埋蝦多士,留下的只有遺憾…查看更多

鍾意呢度的原因系次次都唔使等位就可以飲茶！適合心急人。小吃“椒鹽豆腐”皮脆餡滑，不易爛。好香口！豬肚鹹菜，好多豬肚和鹹菜，但是我嫌不夠咸。但是都好足料啦！蝦餃大大粒，好足料，好爽口！炸腐皮卷，好脆，好多蝦肉系入邊。炒飯，好乾身，抵吃又大碟。其他有D點心，呢度獨有，吃過，唔影相，下次再post分享！總結，呢度服務態度極好，茶夠濃，點心分量大。座位舒服！…查看更多

平日放假，沒有睡到自然醒，原因是要做乖寶寶，與契媽飲早茶。一大清早，8am未到已經來到此茶樓，電梯門一開，已經看到有好幾枱食客，心想這麼早也有這麼多人，再認真看一次，全部都是公公婆婆，我是全場最細😂。契媽點了一碗粥和好幾籠點心，有牛肉球、叉燒包、千層糕等。粥是皮蛋瘦肉粥，粥底尚算香濃，用料充足，但沒有什麼驚喜。最為驚喜的是包類點心；平時飲茶甚少吃包點，怕太飽肚，吃不下其他東西。但早茶選擇不多，只好多選包類。一籠籠的包點熱呼呼，咬下時軟綿綿，感覺較平時中午吃的新鮮很多,可是是早上剛剛整好就蒸吧。整體食物質素不錯，而且平日早茶有7折，平均每個人約$30，又不會趕你走，十分抵食，怪不得這麼多人來啦。…查看更多

約左做FACIAL，做完又約左朋友DINNER，唔想周圍去又唔想等位，就是但揀左同一座BUILDING的酒樓喇LEE間喺好鳳城同一集團就試下啦一打開LIFT門，其實嚇左一嚇，明明正是晚飯時間，點解咁少人......心諗都黎左啦！唔好食的話，食少少就走啦我地兩個人真係唔可以叫咁多咕嚕肉~~~夠熱，皮都炸得夠脆，味道都可以的順德小炒皇~~~難食，韮菜花好老，腰果"林"的，魷魚又係"林"的，成碟野可以形容為炒"廚餘"翡翠鮑螺片~~~真係食唔出係鮑片定螺片，只係食得出係菇類，味道普通......，汁又勁多以食物的質素來說，絶對明白點解晚飯時間全場得5-6枱客經理見我地食剩咁多野，都知不妙，仲好好送我地一碗糖水南瓜西米露~~~碗野"傑"到呢，味道唔好食，可以叫難食對唔住都要講句，無下次…查看更多

之前看過食評, 見到飲茶評價OK, 但晚飯就麻麻, 於是"的"起心肝, 自己踩上去試一趟.當日是星期一晚上6點半, 酒樓只得數枱食客, 侍應也是得3-4位.我們一行三人, 先上一碟前菜, 係酸瓜蘿蔔.  之後我地叫了兩道菜 :(1) 炒桂花巻 ($158) : 魚骨炸咗, 魚肉就巻成一嚿嚿, 內夾冬菇絲及火腿絲, 用西蘭花伴碟.  魚肉夠熱, 西蘭花就涼了點, 味道都不錯, 有咬口(2) 大良炒鮮奶 ($88) : 夠滑, OK~~~前菜 : 每位收$4白飯 : 每碗收$12茶錢 : 每位收$10飯後有南瓜西米露送~~~埋單連加一, 剛好$330.由於人流唔多, 所以你坐多久都得.  但侍應就少了點, 所以唔好急, 俾D 耐性, 放慢地享受一餐晚飯…查看更多

是日父親節，試試新食巿，一試出事，一家大小，入到黎得6-7成滿，心知不妙。再睇歺排，叫了以下1。頭盆燒未拼盆，一盤，叉繞干身、又實2. 上湯魚趐，烏鷄湯，得金華火退上湯味，好清3。西勤找雜菌，好清，冇乜味4. 西勤松子仁炒蝦仁，雪蝦得蒜蓉味5. 燒雞半隻，等了很久，一般6。蒸魽魚，最搵老陳7. 蓮蓉焗布甸，可接受8. 冇楊州炒飯? ！改鳯城炒飯，只是加了番茄粒9. 高湯沉交子，十隻都冇,10. 炒既楊州炒飯，不輪不類！盛謂98元個餐居然冇飯，粉，面，這是什麼套餐？套餐原價千二，加炒飯，白飯一碗，茶介，15xx落樓冇誠意，又貴，服務一般，吾會再幫趁，包括所有鳯城系列酒樓…查看更多

這是鳳城酒家飲食集團旗下的酒家. 但改了一個令人馬上想起去飲宴的名字 是日並非去飲宴, 只是跟家人去喝早茶而已. 開張已二個多月. 郤首次光顧. 地點方便. 就近觀塘港鐵站, APM 旁到埗後, 不用等位. 馬上有服務生引領到座位. 早上10 時許已有9 成滿. 地方寬敝, 但全場搭枱. 週六.日及公眾假期的早茶時間要11時半付帳及離座. 茗茶只是每位HKD6, 大.中.小點 全部HKD13.8, 較鱷魚恤中心那邊的早茶便宜, 起碼不會設有前菜或芥醬要付, 另有供應4 款早茶孖寶也不過是HK16.8, 現在難得有如此價廉的點心!我們有大約有一小時, 那就馬上選點心 孖寶 1: 潮州粉果+ 煎釀虎皮椒 - 花生香脆, 沙葛清甜, 外皮烟靭 虎皮椒釀了鯪魚滑. 不太咸. 好味! 孖寶 2 : 鮮蝦菜餃 + 雞札: 鮮蝦菜餃 也是外皮烟靭. 蝦也清淡又大隻 許多酒家, 雞札不是特點. 起碼也是大點, 這裡居然是HKD16.8 孖寶之一, 真令人喜出望外, 加上大小也跟平常依舊, 絶不將貨就價 : 雞包仔 : 餡料新鮮. 但略嫌外皮有點厚. 叉燒腸 : 皮薄. 足料 . 熱呼呼. 一吃便知是剛拉好的 香茹滑雞飯 : 可惜是漏了單, 但一問服務生後, 只等了數分鐘便送上. 剛蒸好的飯, 充满飯香, 有香菇一塊, 雞肉三大塊, 舖满飯面, 飯是一粒粒的, 不會太綿. 真合心意 吃了七款美味的點心連茶也不超過HKD100, 今時今日真的不容易找到. 另外 細心的部長在大約11時半前到每枱提醒付帳. 我們剛自行到櫃枱付錢, 但仍在吃漏單的雞飯, 部長囑我們可以慢慢吃, 不用急, 也不用馬上離座. 這個人情味別說大集團, 在別處也難得一見,,, 要給100 個 LIKE!!喜悅 是找到一間令我想再光顧的食肆, 一定再來!!! …查看更多