鳳城1954 (MegaBox)

营业中

休息中

呢間係megabox既酒樓，唔做早市，11點先開，我同屋企人11點半先黎到，非常之多位，唔洗等，窗口位係可以睇曬成知九龍灣既景，非常靚，點心全部都係30幾蚊起，但係唔係冇原因，佢既野食出得快，水準唔錯，我地叫左金光炸粉果，鳳城水餃，溶岩流沙包，春風德意腸，龍蝦湯鮮竹卷，佢個炸粉果好特別，外皮好似d煎堆，入面就係鮮蝦，龍蝦湯鮮竹卷好食，龍蝦湯好濃，鮮竹卷浸埋落去吸曬d龍蝦湯，非常入味，其他點心都好食，不過就唔算叫做特別

疫情解封，一家人決定高高興興外出用餐。咁多餐廳眼花撩亂👽，決定揀間最似模似樣既去試下。排左大幾15分鐘隊就有位，都算快。一入餐廳發覺裝修幾好，完全唔似茶餐廳，當然，佢菜式價格都唔似。我地一家四口胃口都唔算大，所以只係叫左幾個小菜。🌻🌻先上一碟炸魷魚，正常水準，可能即炸上到黎仲好熱，但略嫌味淡，份量都算多。🍜🍜然後就黎左一碟雞同一碟魚，隻雞好出色，食得出係廣東人做既雞，好有鮮味，雞味極濃，嫩而不油，唔洗一陣就成碟清哂👏🏻碟魚就正常貨式，我覺得花椒可以落多d。🤡最後再食個包墊下肚，完！🌞

🇭🇰鳳城1954·呢間我地之前去過兩次架啦 但係去到唔係太多人等位就係無開 係第三次先終於食到🥹我自己覺得佢啲野食都唔錯 不過佢就唔係樣樣點心都好味 大家嗌之前上網再睇下會穩陣啲🙊😈·紫砂茶壺燉螺頭湯$78 l 鳳城餃餃者$42我自己最鍾意佢個螺頭湯 雖然佢真係偏貴少少 但係佢個湯係真係超甜 超足料 而且佢係真係好夠熱 飲落去好舒服 佢入邊嘅螺頭都好大粒 好好食🥰之後食鳳城梗係要嗌佢個鳳城水餃 佢呢個都好好食 佢係超級飽滿 而且入邊嘅蝦好新鮮 成粒啪入口個感覺好正🦐🤤🤤·包羅萬有$50 l 鮑魚燒賣$52 l 吉法灌湯餃$42點心方面佢個包羅萬有其實係有綠茶奶皇包 叉燒包 同埋流沙包 佢三個包都好鬆軟 我自己幾鍾意 尤其係佢個綠茶奶皇包係真係超濃綠茶味🍵個流沙包都係真係起晒沙 食落好好味之餘唔會話太漏🤤而且我好鍾意佢一樣一件咁 可以一次過試曬😎😎之後佢個鮑魚燒賣都唔錯 佢入邊粒蝦好新鮮 而且個肉餡調得唔錯 上面嗰粒鮑魚口感都唔錯🐷最後個灌湯餃真係超級巨型 而且佢入邊都幾多料 個皮都唔會話太厚 不過我個人就唔係好鍾意佢個湯 佢飲落係似羨汁多啲既 我覺得有啲太漿口🙊🙊·一口野雞卷$78 l

平日lunch 嘅時間约左朋友，唔full, 環境理想，枱與枱距離合理，没有傳統酒樓嘅喧鬧及人多！食物係想走decent 少少嘅路線，不是sell 抵食大件，如牛肉腸粉會標榜係用安格斯牛肉，點心伴碟會用上食用花，還有熱門老牌食物蝦多士及鳳城水餃等，價錢比一般酒樓高，尤其碟炒。點心味道正常好味，但甜品質素一般，唔會有幸福感比到你，當日點了西米焗布丁及楊枝甘露，芒果酸，布丁表面唔夠焦！同鳳城舊舖差好多，兩樣甜品似没了靈魂，可惜！但用餐環境及服務可補不足，想同朋友食飯暢聚，總可一試同家人聚會，建議去舊舖穩陣D😂

自從我和老公搬到新屋之後，便再很少外出吃飯，今天難得「出城」來到九龍灣，當然立即去酒樓飲茶了，而今次我們便嚐試了這間新派酒樓，點了一些賣相可愛漂亮的點心No.1【脆皮BB鴿】$68BB鴿基本上只是皮+骨而已，並沒有什麼肉可以品嚐，果然是名副其實的「BB鴿」，沒想到到餐廳的招牌菜竟然是這種質素No.2【西米焗布甸】$39我見很多人都推薦這款甜品，所以我們便點了一份嚐試一下，可惜西米布甸無論是口感抑或質感都和坊間的有些分別，整體味道怪怪的，我們吃了一口便已經想放棄了No.3【彩虹蝦餃】$52餃皮都算薄身之餘，蝦肉的份量亦十分多，而且蝦肉也爽口彈牙，鮮甜可口，名副其實的「皮薄餡靚」，同時餃皮顏色比較特別，大家可以嚐試一下No.4【櫻花蝦燒賣】$42雖然燒賣的賣相比較普通和平實，但是味道卻相當有驚喜，豬肉餡料十分柔軟嫩滑，鮮美多汁，而櫻花蝦則咸香四溢，滋味非常，同時櫻花蝦的精華更完美滲透進豬肉中，美味得讓人口舌生香，回味無窮No.5【1954 蝦多士】$48由於蝦多士是即叫即製的關係，所以外皮十分香脆可口，而肉質則嫩滑可口，香甜美味，雖然它和我之前品嚐過的貴價酒樓蝦多士還有一段距離，但以這個價

😋趁住新年去咗飲茶食吓點心🥟，想有節日氣氛些少😂🧧Maga Box係其中一個我鐘意去嘅商場，因為有26🛵車位，🅿️平日消費夠$200免費泊2小時，假日$400泊2小時。.🍞包羅萬有🍵青脆奶皇子(綠茶)/ 🍼熔岩流沙包(奶皇)/ 豬嘜叉燒包🐷我最鐘意😍綠茶流心💚，好香綠茶奶味，流心口感都剛好，食咗兩個都唔覺漏🤤其餘兩款都係水準之作。.🫔春風得意腸係腸粉x春卷！外面腸粉滑滑的，咬落好脆，中間嘅蝦🦐又大粒，整體好出色！.🐔鮑魚鮮竹葉糯米雞雖然無鮑魚係入面🤣，但肉汁好香又入味，糯米偏軟，咬落綿綿的好好味😋.🥟蟹肉豆苗餃外型橙色以為會有蟹味，但原來同一般豆苗餃冇咩分別，但都足餡料好食嘅～.🍯密椒雞中翼係有拔絲蜜糖嘅脆炸雞翼🐥黑椒味唔重，食落滿滿甜味✨雖然價錢偏貴，但真係好好味🤤.☀️金光炸粉果明明就係炸蝦餃🍤唔係平時粉果嘅餡料，炸粉偏厚的。.🍲胡椒豬肚雲吞湯胡椒味唔算好重，相對溫和嘅湯又同點心幾夾😂一人份量來講啱啱好👍🏻.仲有其餘幾款點心都比坊間出色&大粒😋😋茶杯都有別一般，用較高身玻璃杯，件事新潮咗🤣（都方便咗）好滿意佢嘅食物質素👍🏻而且坐到窗口卡位，望到零碳天地附近嘅景色感覺好開揚🌱🌱性價比好高

因為疫情嚴重，想同爸爸4 人去間人少少酒樓飲茶，之前爸爸好喜歡銅鑼灣禮頓道嗰間鳳城，上網見到九龍灣都有，而且地點應該唔係太多人！早2 天預約了！裝修算係比較新派，而且食物也很精緻！水準不錯，而且招呼也比很多酒樓好很多！這點強烈推介及重要，12 個點心加炒飯！當中櫻花蝦燒賣同龍蝦湯鮮竹卷非常鮮味，口感十足！味道也掌握得很好👍本人比較推介！而且炒飯亦都炒得好乾身！好少茶樓仍然做到！呢個我亦都推介！松茸螺頭湯就普普通通吧！$78 元呢個價錢，我覺得唔叫都冇壞！埋單$844！星期日商場只有兩小時免費泊車！這點比較失望！想吸引人流應該以消費單去計算，增加免費泊車時間！利申（後來在商場消費加埋飲茶超過$2000）

之前經常與家人到鳳城用餐，但都有一段時間沒有來了，今次朋友們聚舊，他們提議再次來這裏。 餐廳開揚舒適，店員服務有禮👍🏻， 我們點了很多點心， 多到不能盡錄😍。 推介幾款個人覺得比較出色的，🔸包羅萬有流沙包、奶皇包和叉燒包， 造型可愛，大人小朋友都喜歡。 🔸豉味雞腳質感軟腍，又入味。安格斯牛肉腸味道濃郁，口感豐富。 🔸牛仔骨陳村粉的醃汁平均鋪在陳村粉上面， 配上牛仔骨非常惹味。 帳單每人大約$225一位😁， 點心款式多又好味， 性價比高👍🏻。    鳳城1954 (MegaBox)地址: 九龍灣宏照道38號企業廣場5期MEGABOX7樓6號鋪

壹玖伍肆係鳳城酒家一個新派品牌，酒樓嘅點心都注入咗一啲新式元素，點心都係即叫即整，附近返工嘅朋友放飯可以試吓 🍵🫖-1954蝦多士作為鳳城嘅招牌名物，蝦多士保留鮮蝦味，外皮香脆，肉質爽口，點埋沙律醬，味道更加到位！-櫻花蝦燒賣3粒唔算多但夠晒好大粒，而且櫻花蝦份量多-豬嘜叉燒包賣相可愛，味道中上，但食落要小心，裡面好有溫度-彩虹鮮蝦餃加入咗啲顏色嘅元素，大人細路都啱-蒜香蝦春卷春卷皮薄非常香口，炸物都做得唔錯、幾出色-特搜魷魚鬚份量超多，煙韌好有咬口-金磚豆腐外皮灑上調味粉，外脆內軟，仲加埋芝麻，水準中上-楊枝甘露雪糕份量適中，味道正常發揮

今日有點懷舊感, 去了Mega Box  鳳城1954, 舒適地享受了一個中式午餐, 餐廳座位闊落, 裝修美觀,  餐具有品味.  我們兩個人只吃中式點心.三式炸作:  一碟三款各一件. 蒜香蝦春卷，春卷味道不俗, 蒜香蝦大大隻, 炸得極為香脆.甘筍鹹水角,  一般水準.牛肝菌腐皮卷,   炸得金黃色, 入口香脆.酥炸魷魚鬚, 魷魚鬚彈牙有咬口, 炸得酥香.蜜汁火方配蝴蝶包, 這個點心有北方風味.火腿蜜汁味濃, 切得好薄, 放入中式蝴蝶包子一起吃, 真好食.春風得意腸.   擺設特別像朵花, 腸粉皮好滑.  內餡是蝦春卷好脆,  豉油好靚.價錢比較貴, 食物 有一定質素.

大時大節，最煩就係帶老人家去食佢哋覺得好食既野😂中午經過時，已經Full booking，但經理有叫我地嘗試改食早少少，會盡量安排，即book當晚6:00早啲食晚飯！酒樓仲好有心思，幫我地安排窗景位👍🏻野食都有驚喜，最特別係係並非和牛糕，酸酸甜甜凍凍地，老人家覺得好味又新奇👍🏻小朋友就最鐘意啲造型包👍🏻唔太甜，好岩食👍🏻乳鴿即炸，夠熱，皮脆，好快就搶晒，相都影唔到😂會有下一次👍🏻

今日向九龍灣食飯，終於可以再黎鳳城食西米布甸， 之前去過其他分店食自己好中意，真系可食完會再黎食, 其他食物味道有一定水準西米布甸唔會太甜太漏， 呢個甜品係重点，主菜叫左孖寶$368，有炸子雞半隻同清蒸沙巴, 炸子雞皮好脆皮肉質唔錯, 金黃色外皮已經好吸引。沙巴蒸得岩岩好, 唔會太熟同太生, 蒸魚始終份酒樓比自己屋企整好味, 唔腥又唔會唔熟,  值得一試.餐廳向Megabox所以地方好闊落, 仲有卡位系玻璃窗望到出面, 早d訂枱希望下次坐窗邊

下午茶時段，食品一流，但服務就不敢恭維，管理層應多加留意改善！食品一般平均水準之上，食物好味，有特色，比之前的其他店出色，唔介意服務有D受氣，食物可以推介！推介蝦多士，灌湯餃，安格斯牛肉腸粉

中午同老人家黎飲茶， 繁忙時間都唔使等位，即入。 轉手後裝修光猛咗好多，座位頗為闊落，坐得好舒服。點心同小菜嘅選擇好多，仲有d好少見的懷舊點心， 淨係望張點心紙已經好吸引！鮑魚燒賣+七彩蝦餃果然冇令我失望，大大件，蒸的火候剛好，表皮冇溶冇爛，餡料都好新鮮。 但包點的味道就稍為遜色， 雖然公仔的賣相好可愛，不過唔太好食。而令我最有驚喜的係紅棗糕～ 材料的比例配得好好，所以口感煙韌，又q又彈口。 食完之後，陣紅棗的香味仲留喺個口同鼻腔入面，真係齒頰留香😋 有一點我感覺不太好，就係佢用的膠杯膠碗膠碟，大大影響用餐的感受。 其實佢收的茶錢已經比普通茶樓貴，用的竟然係毫無質感的膠餐具，確實有d失望。 另外佢的銅茶壺設計好有問題，令我多次燙親手。呢度嘅食物質素唔差，但餐具嘅細節就令人印像大打折扣，有點可惜。

It was a dim sum lunch but none of the dim sum we ordered today can be found in other dim sum restaurants. Every dim sum is very exquisitely presented and are all very palatable! About $740 for all the dim sums we ordered for five of us. The very typical 义燒飽，流沙飽，蝦餃 and 豆苗餃 were made into soo lovely and colourful styles!This is a good match!Yummy crispy spring roll wrapped with 腸粉The deep fried squid was excellent. Just the so-called 話梅tomato and spicy pickled cucumber were really nothing specia