鳳城酒家 (禮頓道)

营业中

休息中

鳳城是老牌順德酒家, 歷史悠久, 我也喜歡吃順德菜, 今回可以重溫順德風味。酒家雖然面積不算大, 但枱與枱之間相距闊落, 冷氣空調足夠。正值晚飯時間, 品嚐順德菜風味小菜。順德小炒王 充滿風味嘅地道小炒, 碟頭不算大, 有香口嘅蝦乾, 魷魚, 韭菜, 和芹菜, 不油不膩, 鹹度適中。家鄉煎釀鯪魚酒家也有做這道菜, 製作需時, 功夫也較多, 鯪魚肉先調味拌勻和煎香, 再組合成鯪魚形狀上碟, 係順德嘅特色餸菜。西米焗布甸 每次去鳳城必點嘅甜品, 點了大號, 由於是即叫即製 , 熱辣辣西米布甸, 內餡是蓮蓉, 甜度適中, 吃時要小心熱燙, 口感香甜軟滑。

經常去荃灣鳳城飲茶, 其點心向來有一定水準, 今次和家人在銅鑼灣分店吃個晚飯, 品嚐地道小菜, 閒話家常。招牌炸子雞半隻雞皮薄脆, 雞肉嫩滑, 吃落都幾香口。清蒸巴西龍躉清蒸時間控制得啱啱好, 不會過熟, 魚肉也鮮嫩, 配合鮮味豉油和葱段, 吃起來頗滋味。順德小炒王 蝦乾鹹鹹地和韭菜很相配, 芹菜香口和芋頭乾都幾有口感。家鄉煎釀鯪魚鯪魚肉煎香唔會腥, 魚肉略為結實。大西米焗布甸份量十足, 西米和蓮蓉熱暖幼滑, 作為飯後甜品很合適。蟠桃壽包都幾大個, 包身軟熟蓮蓉甜滑, 傳統嘅宴食飽點, 吃起來加添一份親切感。

今日放假，朝頭早約咗好朋友，嚟到跑馬地禮頓道嘅鳳城酒家飲茶，此酒家分為兩層樓面，檯都唔少，我入去時見到已經坐咗8成滿，早茶基本上就只係開地下一層，午市先開二樓，亦可以訂房打牌🀄️食飯😋原嚟呢間順德菜創辦於1954年，至今已經有68年歷史，喺香港🇭🇰真係不得了✊✊✊由於只得兩個人，隨便叫咗幾個呢度比較出名嘅點心🥧首先上檯嘅係每人一碗菜乾豬骨肉碎粥，一送到檯面，就聞到香氣撲鼻，食一兩啖，已經可以感覺到順滑喉嚨，非常之舒服👍佢哋嘅蘿蔔糕軟硬適中，中間好多蘿蔔條，好好味😋個碟鮮蝦炸雲吞就香脆可口，外脆內軟，蝦仁🍤好鬼大隻，超好食😋另外嘅釀涼瓜，鮮竹卷同菜肉包，都好唔錯，全部係傳統經典嘅點心🥧搵日要嚟試吓佢哋嘅順德著名菜式先至得✊✊✊💪🏻💪🏻💪🏻#鳳城酒家#點心#順德菜#飲茶#美食鳳城酒家-禮頓道

我家係無飯家庭，每一餐都在外面食，所以會到處嘗試不同嘅餐廳。兩年前就嚟過鳳城酒家，一次飲茶一次食飯，兩次畀我嘅印像都係態度十分惡劣，先不論食物質素，環境唔乾淨同埋服務員態度差，只照顧熟客完全不理生客，係畀我最深刻最深刻嘅印象。見鳳城酒家大裝修之後都未去過，噚日就又去飲茶食午餐， 我哋叫咗切雞 ，後來發現張單上面寫住炸雞，就即刻同服務員講落錯單要改返， 服務員竟然用極惡劣嘅態度話係我哋嘅錯，話係我哋叫錯， 其實簡單一句，好呀改返吖，就已經解決咗件事，但佢怪我哋，話係我哋嘅錯，我哋真係好唔甘心！ 我哋叫佢即刻開番cctv睇，睇下有冇錄音，睇下我哋係講切雞定係炸機，可以同佢到十萬蚊都得！ 服務員長了就行開咗！夠埋單後， 因為心情好差忘記咗要寫手寫單， 只係出咗門口一步再調返轉頭行入去問佢攞返張手寫單， 服務員態度極之惡劣地講，你唔早啲講！有咩可能一間老字號嘅酒樓服務態度可以如此惡劣， 奉勸大家唔想心情差嘅就唔好去，或者想搵人鬧交嘅可以去，去完可以好似我咁寫返啲文分享下！平時從來不會劣評，但今次真係忍無可忍，兩年前第一次去到現在一點改進都沒有，還要比之前更差，極致失望的老店！！

再一次再一次比機會呢間我屋企附近嘅鳳城酒樓，我三年前嗰陣成日嚟，覺得佢嘅質素ok，有少少係我嘅老地方茶樓。點知最近兩次再嚟，都覺得有少少水準下降。佢哋嘅枱唔係擺得好密，喺防疫嘅角度來講，我覺得係好事嚟嘅！我哋嗌咗四個點心： 安格斯牛肉腸 ~ 啲牛肉有啲羶味，我反而覺得普普通通嘅牛腸可能會好啲。叉燒包 ~ 個餡比較乾身，唔吸引。個人喜歡個包嘅餡係要有啲芡汁。 沙律明蝦角 ~ 比較出色稱職😂，熱辣辣上枱，啲蝦嘅份量都可以。 燒賣 ~ 普普通通，櫻花蝦細細隻，完全唔覺得增添咗咩嘢味道，觀感上亦唔算討好🤷🏻‍♀️ 食物以外嘅評價： 1) 服務service態度差，衰過茶餐廳。是但將個點心放喺枱嘅側邊，點解唔係放喺中間呢？就算明明張枱有好多位！ 2) 有個客問個侍應攞支筆寫點心，佢竟然不停話夾咗係本簿度(根本就冇)，態度奇差。 3) 環境清潔有待改進，地下好多垃圾。 我諗我唔會再幫襯 ಠ_ಠ

平日搭車都會經過呢間老店，今晚放工決定去試下。兩個人叫咗燒鵝、水煮牛肉、豆苗、一支啤酒。燒鵝既皮唔脆，但算多肉。水煮牛肉水準高，牛肉食得出係靚牛。豆苗味道正常。可惜試唔到西米布甸。兩個人埋單$720，都幾貴～

😋😋鳳城酒家（禮頓道）這天下午同朋友去了呢間酒家食下午茶。呢間酒樓的點心都好好味，可以試下 。因為人多，叫左唔少野食，可以一次食到好多唔同既點心😋😋。我地叫左金光炸粉果、溶岩流沙包、蒜香蝦春卷、沙律明蝦卷、沙律米網卷、香煎羅蔔糕、復古炸兩腸粉、香煎蝦米腸粉、陳皮鮮竹牛肉球、鮮蝦菜苗餃、櫻花蝦燒賣、懷舊滑雞札、紅油抄手。因為實在上得快又食得快😋😋，所以冇樣樣都影相😂。呢間啲點心真係好好味😋。有機會會再食😋。牛肉球同之前食開的有啲唔同，呢日好味好多。沙律米網卷、沙律明蝦角亦推薦食。

一家大細都好鍾意飲茶☕襯啲傳統茶樓仲喺度就一定要去試一試😁去嘅時候都已經比較晏過咗兩點所以好多點心都冇見到有一堆沙翁剛剛出來諗住觀望下睇下多唔多人叫先再嗌啦點知原來已經係最後一水🥺錯過咗實在太可惜喇唯有叫番啲懷舊點心補數第一樣叫既係千層糕😋有糖冬瓜鹹蛋黃同埋蒸包做夾層味道好好而且有豬油香味係傳統點心嘅特色之後叫咗蒜蓉蒸鮮魷😋由於新鮮味道好，加埋蒜蓉就更香口再來就係乳豬拼爽脆生腸😋呢個好味，皮脆再加少少肥膏，夠曬甘香 ，加埋乳豬甜醬，一定好食啦生腸做得好乾淨又夠脆口 加埋芥辣正呀馬拉糕😜馬拉糕有黃糖香味，夠曬鬆軟而，且係糕邊特別好食

星期六中午Walk in, 唔使點等，5分鐘左右就有位，原來有原因的上一枱食客開始埋單，樓下知客就會叫你入坐，並唔係個別事件，跟著我4、5枱都係咁。翻枱雖然要快，只不過唔係咁囉。至於食物，有合格亦有一般，見圖埋單$420, 平均每人$140, 銅鑼灣假日中午算係合理

同屋企人晚飯，由於只得兩個人，叫了三個小菜。先嚟過蝦多士。蝦膠份量恰到好處， 彈牙。薦底塊麵包炸得香脆，食落口非常鬆化，水準高。另叫了一碟欖角骨。欖角骨有六件，件件Size非常大，排骨肥瘦適中，調味恰到好處，蜜糖味加上欖角味，配合得非常好，排骨走油令到外脆內軟，肉汁得以保持，好好味。再叫了生菜鯪魚球煲。呢個煲份量非常多，鯪魚球size好似乒乓波咁大，另有豆腐生菜及草菇，份量之多，兩個人最終食唔晒，另外湯頭非常鮮甜，應該有加咗魚湯，總括來講，呢個煲冇得頂。雖然價錢連加一要約$400 ，但以餸菜水準來講，物有所值。

多年冇去過的鳳城，有一種期待。但最後換來了失望~朋友推薦窩貼大明蝦球@$28  嘩, 價錢唔平, 水準極差, 點解件多士全是油, 唉, 好想退貨呢👎👎👎炸子雞(半)$188, 貴!, 隻雞咁細, 但隻翼同腿咁大, 真奇怪!味道還可以👌最差就係順德小炒皇, 蝦乾又硬, D魷魚完全無味❌❌終於都叫到一碟無中伏的啫啫芥蘭$118，感覺確實太貴，不值😔最後的甜品：蓮蓉西米焗布甸，好甜者必叫昔日食客擠擁嘅場面, 如今只有三數枱客, 必有因由火

鳳城酒家 (禮頓道) (銅鑼灣)難得今天4人出外食午飯，剛好一圍枱齊齊飲茶😋👍🏻酒樓有兩層，小編和同事被安排到2樓用膳～ 酒樓空間感大，每枱保持適當的距離，不會排得太密集和擠擁👍🏻鳳城水餃 🥟 $40/4隻水餃味道新鮮，蝦🦐肉和木耳絲爽口，水餃皮薄，而水餃下鋪墊了生菜🥬，感覺清新～招牌鳳城炒飯 $168炒飯材料豐富，有蝦、蕃茄🍅、叉燒等，飯粒分明，但略嫌味道偏鹹，有點失望🥲西米焗布甸 $28/個今次重點推介這款甜品😋💕 西米露或布甸就食得多，但兩者混合一起再以焗的烹調方法製作，小編第一次試，意想不到味道好夾，不會過甜，面層焗得焦香，入面啖啖西米，而且還加了白蓮蓉做餡料，好香滑好獨特❤️茶芥：$13/位*需加一服務費地址：銅鑼灣禮頓道30號地下

1. 炸鮮奶一啲都唔甜，仲有啲鹹。2. 干扁四季豆唔爽，落鹽出手十分重，食豬肉好似食鹽咁，鹹到海水咁。3. 風味蟹蓋嘅風味主要係西芹同埋蘿蔔絲。嚟，好難得先搵到蟹肉，仲居然要$100一隻4. 滷水鵝件厚過叉燒。5. 焗魚腸可以接受。6. 服務都係好差，阿姐話炸鮮奶同炒鮮奶嘅分別就係「炸同炒」。7. 唯一保持水準嘅係兩罐可樂，好彩仲飲得杯落。結論：成餐兩個人食咗$1000 ，感覺只值$200，以後唔會再嚟，任何一間都唔會再去。

工作上, 最近經常幫忙點菜, 難得與朋友中式飯聚, 就容許我放鬆一些、懶一點, haha.  早前到銅鑼灣鳳城酒家吃晚飯, ‘酒家’兩字對於年青一輩來說有點陌生, 不過說白一點, 就是酒樓啊~  朋友點的幾個菜也合心意, 味道方面更勝從前. 聞說西米布甸是要提早預訂的, 慶幸今晚仍有少量, 立即提店員預留一份給我們. 蝦多士應是鳳城的名物! 幾乎是枱枱必點的. 蝦肉彈牙, 多士夠香脆而不過份油膩, 即點即炸寧舍不同!早前在鳳城於九龍灣的分店吃過, 覺得菠蘿咕嚕肉值得encore, 果然沒有失望! 肉炸得金黃, 酸甜醬汁另上, 大概一來是照顧到不喜歡沾滿太多醬汁的食客, 二來使肉外層依然香脆.啫啫芥蘭煲是最惹味的啊~ 馬拉盞是超可口的, 煲內極多大粒蝦乾, 沾了馬拉盞最是誘人. 豉椒炒蜆, 夠火喉之餘, 炒得剛剛熟, 蜆肉不會韌又夠厚肉, 始終都是豉椒炒最惹味!湯品有兩款, 我選了蟲草花燉雞湯, 而朋友的是燉螺頭湯, 大家選擇以壼/位上, 既方便, 要能保溫, 重點是價錢上與一鍋的無異. 這款燉湯是越喝越愛, 很足料, 湯頭清澈但味夠濃郁, 湯料更有原粒胡椒, 很補!   繼續是炸物!

週六早上十一時入座，樓上有舒適座位，今天叫了它們上枱；一口野雞卷，外脆內軟，有熟悉的味道而手工精緻，一口一件令人回味，瑤柱百花釀魚肚，用料精美，分量十足，蟲草燉雞湯，紫砂茶壺上，好享受的倒出來杯仔一啖啖慢慢嘆，能夠品出燉湯的層次，湯料十足，發現那烏雞腳仲要是六指的，有相片分享大家可以一看，特別之處令人回味，另外還有叫了它们但忘了影相啊；燉螺頭湯，湯濃美味，鮑魚燒賣，用了是蝦膠及大蝦，精美，鍋貼大明蝦，便是香脆的蝦多士，仲有馬拉糕及火腿糭同樣好，服務員態度很友善，我會再去食其他食品..