魚蛋佬

营业中

休息中

佢哋最出名唔止係魚蛋彈牙，而係嗰個秘製沙嗲汁，真係香濃惹味，辣中帶甜，食完齒頰留香，令人回味無窮。🍢 魚蛋 + 沙嗲汁 = 完美配搭 魚蛋即叫即撈，熱辣辣拎上手，外皮滑身，咬落去彈牙唔鞋口。重點係浸滿沙嗲汁，味道層次即刻提升。唔少食家都推介齋，因為更容易吸汁，一啖落去真係邪惡到不得了🔥 沙嗲汁特色店主自家調製，唔係坊間現成醬微辣帶甜，香濃唔膩，唔會蓋過食材原味齋、腸仔、牛丸、魚蛋都可以蘸汁食，層次感十足魚蛋佬成日排長龍，唔少街坊同遊客都專程嚟朝聖。老闆親切有禮，仲會同客人傾偈，感覺好有人情味。唔止係魚蛋好食，沙嗲汁先係靈魂所在。無論你係食齋、腸仔定牛丸，蘸上醬汁即刻升級。🔥#西灣河美食 #魚蛋佬 #沙嗲汁之王 #港式小食 #街頭掃街 #太安樓 #地道滋味

魚蛋佬嘅沙嗲汁絕對係靈魂所在！齋索晒啲汁，惹味又夠香；魚蛋雖然彈牙，但本身比較普通，全靠沙嗲汁提升層次；牛丸大粒又有咬口，加埋沙嗲汁簡直係無敵組合。整體食材唔算特別，但沙嗲汁真係出色，令每款都變得好食，值得一試！

魚蛋佬 @fishballman_taionbldg 📍：西灣河筲箕灣道57-87號太安樓地下A28B號舖🚗：西灣河地鐵A出口 步行4分鐘💲：~HKD10-30/head for 掃街Food quality👌🏼：魚蛋、齋、牛柏葉總結：🤔太安樓超人氣魚蛋 沙嗲汁出色 但魚蛋本身粉漿味濃 冇魚味又唔夠彈😣🤔連最索汁嘅齋同牛柏葉都係單靠沙嗲醬撐起 但至少好食過魚蛋😋佢嗰沙嗲汁係又濃又辣 好惹味👍🏼😨我諗佢條隊要排咁長應該係因爲佢太慢手 塞住哂冇點郁過所以條龍一直咁長🙊😨掃街精髓當然喺企埋路邊食 仲好好哋畀咗張紙巾 但附近冇垃圾桶有啲麻煩

慕名而來，食完，完全唔明點解要排隊同點解出名。個職員做嘢好慢，所以排長龍。買了魚蛋，齋，墨丸。共$25。只收現金的。問係咪拎走，講咗拎走就連個膠兜都冇，得膠袋裝住，要盒加$2。 現場食就有兜冇膠袋。食物應該係攞貨返的，冇咩特別，個汁比較杰，好生粉feel，魚蛋好淋，另二樣都唔係好食，唔太喜歡。不會再買。

-魚蛋佬啲沙嗲汁勁好jap，識食一定食佢嘅齋，浸滿沙嗲醬索哂汁勁正點解魚蛋佬而家咁多人排隊☹️，有時經過想買都起碼要排10分鐘-▶︎魚蛋 | $7/串🏠【魚蛋佬】📍西灣河筲箕灣道57-87號太安樓地下A28B號舖🕑星期一至日 18:00 - 00:00

太安樓入面嘅魚蛋佬可以話係區內排隊名店，日日都見到長龍，吸引唔少街坊甚至遊客朝聖。前幾日睇到有台灣 YouTuber 專程嚟香港試，老闆仲好客咁送咗魚蛋俾佢哋，睇得我都笑住點頭，夠晒有人情味。佢哋嘅沙爹汁絕對係靈魂所在，微辣帶甜，香濃唔膩，係店主獨家調製，唔係坊間現成醬。好多客人都係衝住呢個沙爹味而嚟，一串魚蛋、一條腸仔、甚至齋料蘸上醬汁，味道層次即刻提升，食完齒頰留香，回味無窮。價錢親民，選擇又多，味道夠晒地道。無論你係香港人定旅客，嚟太安樓唔試一次「魚蛋佬」，真係會走寶！

復活節假期第二日，晚上約七時在西灣河太安樓掃街😛, 逛一逛都有10多間小食可選，這間排隊人龍比較長， keep住都有10多人排，我們買了一兩間小食，再過嚟邊食邊排，大約20分鐘到我們買了，揀了魚蛋、墨魚丸、齋和牛柏葉， 40多元，我們自己說不知道沙嗲醬那不辣呢？店主聽到我們說，說我們有飲品可以便可以啦，不太辣啊😂，感覺她待顧客親切和有禮貌😃, 人龍不斷，她的工作也不斷，但她沒有催促我們，還貼心地和們傾一句，要讚一讚😉價錢不算貴🙂, 魚蛋不是很彈牙，牛柏葉都很爽口，齋當然是最好食的，老實說食物和沙嗲汁不算話非常surprised, 如未食過的可以來食呀😃

西灣河太安樓必食沙嗲去到太安樓掃街 就見到超多人排呢間小店聽講過佢哋沙嗲汁非常好食我哋梗係要試一試叫咗大齋＄7墨魚丸＄11芝士腸＄6個人推介一定要食齋有營汁索晒啲汁 勁惹味 墨魚丸同腸仔就冇乜特別 配埋個汁都一定好食不過個人覺得個汁可以再濃味少少

呢間店又係用咗超慢動作, 營造好多人排隊, 比人感覺呢間店超人氣, 佢哋三個人只有一個人賣嘢, 重要係做一個客要差唔多5-6分鐘, 然後做兩個客又再唔知等咩又等差唔多6-8分鐘, 製造好多人排隊, 超過份, 實際上佢個汁係ok, 但係所有食物都係攞貨冇什麼特別, 唔值得浪費時間去排隊, 6-7個人排隊, 已經排咗45分鐘. 想食嘅自己諗下值唔值得浪費時間.

落機通常係下午六點左右，返到西灣河就會經過太安樓，如果見到一條排隊嘅人龍，就知道魚蛋佬今日有開門，Yeah! 😍如果見唔到條人龍，就即係你唔好彩，佢冇開門 😩我好好彩唔使排好耐就有得食。當我食物到手之後，條隊又有十個八個啦。真好彩，唔使哂太多時間排隊。魚蛋 $7 有5粒，軟硬適中，唔係超彈牙嗰種魚蛋。牛丸 $11 有3大粒，鍾意食晏啲質地嘅呢個就啱晒。齋 $7 一串加埋啲沙嗲汁，超好味。最低消費少過 $10，就可以品嚐嘅 平價美食。

有野做嚟開太安樓附近 見多人排隊就諗住試一試…..結果好後悔…浪費左錢事少….浪費食野quota 事大！魚蛋好普通 可能唔係我最愛食嘅陳皮魚蛋但都唔緊要 普通嘅都ok 個汁可以搭救….但個汁又唔辣 又唔香 又唔野味 食完果口果陣口乾嘅味精感飲左半枝水加一枝茶 都未散另外 女伙記/老闆娘 任人打尖….完全唔知排隊嚟做咩 唔好話唔好食 好食都可以就咁衝埋去叫 真係一次就夠…..專程諗住嚟太安樓食好野就可以直接skip 呢間 隔離大把野揀 除非你夠惡 /識得老婆唔使排隊 唔係真係唔好浪費時間同quota!

【西灣河太安樓美食—魚蛋佬🔥】💫上個月經常會去太安樓附近 但係好神奇地每一次去都冇開😂聽友人講呢間老細開鋪頭好睇心情 唔知真定假🫡摸左好多次門釘之後 終於俾我食到！由細細個已經聽過魚蛋佬既大名🙈但係從來都冇食過👀因為每次經過都係大排長龍…雖然依家都係咁 但係今次終於肯的起心肝！👅排隊人龍keep住好多人！因為每個人買既時候都要等老細製作 所以略嫌條隊去得唔夠快 最後等左大概半個鐘頭先成功買到✅💫呢間鋪頭賣魚蛋、齋、牛柏葉、腸仔、牛丸墨丸！我就揀左兩串最出名既試！【魚蛋】$7魚蛋都算彈牙 但比較普通 聽講質素唔係咁穩定 有時會食到腍啲既 所以可能睇運氣啦👀不過其實呢間最大既招牌係醬汁！🥜沙爹汁！！！好濃郁！又唔會死鹹！【齋】$7齋既口感有啲似厚版豆皮 索曬醬汁都好難唔好味既😝個汁有少少辣的 所以唔食得辣既朋友可能要留意下啦ʕ •ᴥ•ʔ💫值得一讚既係支籤好細心咁調轉左黎插👍🏻避免左大家食既時候俾竹籤既尖尖整親個嘴 細節位加分💯味道方面中規中矩 但秘製醬汁真係非常濃郁 吸收曬日月精華 總括黎講經過可以一試 但係就唔洗特登黎食(●°u°●)​ 😋：7.5/10性價比：9/10回頭指數：7.5/

魚蛋佬在太安樓甚有名氣, 上回來的時候, 剛巧遇上其休息, 無綠一試, 是次終於嚐到太安樓人氣店之一的魚蛋佬。17:35 來到魚蛋佬, 可能天雨關係及時間尚早, 人龍未成。看了看餐牌, 由於款式不多, 故每款點了一份。幸好來得早, 買完後人龍開始出現, 感覺幸運。等待期間, 見靚女熟練地把食材多番沾上醬汁, 拆竹籤及裝盒, 交來時更提醒小心燙手, 十分細心和窩心。1) 牛柏葉 $122) 墨魚丸 $113) 牛丸 $114) 齋 $75) 魚蛋 $76) 芝士腸 $67) 腸仔 $4食材是正常貨色, 牛柏葉乾淨爽口, 是眾多最能掛汁的食材, 亦是我的推介。墨魚丸和牛丸大大粒算彈牙, 齋是麵筋不是酸齋, 魚蛋是細細粒不會發大的那種, 芝士腸脆皮, 腸仔就是普通的腸仔, 無甚特別。不過何解正常的貨色也有這麼多人推介? 想必就是為了那個醬汁! 沙嗲醬汁味道濃郁, 香辣惹味, 當中帶點微甜, 食到最後還忍不住喝了一口, 回味無窮。

大家好！我係好鍾意去旅行既艾文！今次黎到太安樓，我地分別去左魚旦佬、太安樓牛雜、八一蛋包の料理、小老板 。宜加下晝5點幾，魚旦佬已經有成20人排隊，排隊時仲不停有人喺後面跟隊，4~50人真係閒閒地。排左15分鐘左右就到艾文和旅伴，我地揀左魚旦(HK$7)、齋(HK$7)、牛丸(HK$11)。佢既秘製沙嗲汁真係超惹味！魚旦彈牙，沙嗲汁好味！齋就入面仲有好多水，唔係好吸到汁。牛丸彈牙而且牛味十足，唔係平價丸，而且解凍得好，冇雪味，好味！總括黎講，好味，價錢亦算實惠，個汁直情想撈啖麵食埋佢。不過就略嫌要排隊等太耐，如果可以幸運地喺未係咁多人時幫襯就最好啦！

好耐無嚟太安樓，所以今晚專登返嚟食宵夜，一來就搵返魚蛋佬。今次買咗兩串魚蛋，一串墨丸，一串牛丸。先講主要的咖哩汁，味道較淡，沒有以前的濃香味亦沒有了以前酸酸甜甜的特別味道，味道同以前相差甚遠，大失水準，而家變得同一般街邊的完全無分別。至於魚蛋，整粒都好硬，無彈牙的口感。牛丸尚算可以，不過都偏硬，反而墨丸咬落去有蒜香味，比較突出。整體嚟講大不如前，跟以前的味道相差甚遠，把排隊的時間花去買其他嘢食更值得。