魚蛋佬

营业中

休息中

西灣河太安樓人氣魚蛋佬 黎過2次都冇開 今次落雨有開 但竟然有近10-20人排隊 有小小誇張 點都試一次.叫左腸仔$3 齋$6 牛丸$11 魚蛋$7‼️呢到靈魂係佢地嘅沙嗲汁佢地沙嗲汁比較港式 香濃得黎 唔重花生味點咩都好食 所以嚟到唔一定點魚蛋👌🏻其實佢哋魚蛋都係好普通 👍🏻反而牛丸比較彈👍🏻而齋有凹凸位 係最掛汁嘅小食.係幾好食 但沙田人 表示推大圍小食個辣汁多d🙈.#hkfunfoodrecord窮遊香港#hkfunfoodrecord_西灣河.#魚蛋佬 (西灣河)地址：西灣河筲箕灣道57-87號太安樓地下A28號B號舖.⭐️評分：味道：4/5環境：1/5 掃街環境 又熱服務：-/5 盒同袋仲要加錢抵食：4/5.（如果鐘意睇飲食紀錄 記住 追蹤/like/分享 感謝你哋支持🙏🏻）

咁啱經過西灣河 點都去太安樓睇吓🤣 一去到就見到魚蛋佬排曬長龍🥺 身為最鍾意排隊嘅香港人 即刻去排隊試吓係咪真係咁好食🤪🥰🌟牛柏葉 $11 (6.5/10)本身對牛柏葉幾有期望🤣 一串入邊有三舊 但係就覺得普普通通 真係靠咖喱汁搭救🤣🌟魚蛋$6 (8/10)做得佢嘅招牌 果然冇令我哋失望😋 一串入邊有五粒 魚蛋本身好彈牙 配埋佢個招牌咖喱汁😚 真係值得去排咁耐💕🌟牛丸 $10（8.5/10）呢個先係令我驚喜😳💕 食完個魚蛋已經覺得好好食 點知個牛丸仲出色 一串有三粒 好重牛味 一咬落去feel到啲牛肉汁滴緊出嚟😋 重點係咖喱汁又唔會冚咗佢個牛味 呢個真係必食🥰🌟芝士腸 $6 (7.5/10)一串有三條金妹牌芝士腸🤣 因為小編好鍾意食金妹牌芝士腸 所以私心覺得佢加埋咖喱汁好好食💕🤣 整體：7.5/10其實全部都好食😋 只不過一開始對牛柏葉期望太高 所以就有少少失望🤣 但係其他都做得好好食😋

💭本身呢間鋪頭已經好多人食，近呢幾年排隊人龍越黎越長，呢日見到唔洗排好耐就買左幾串野食🤭🤭🤭雖然間鋪頭名叫魚蛋佬，但牛丸我覺得係必點既野食黎！牛丸配埋個汁真係好夾😍😍😍魚蛋腸仔都係每次黎都會食既野黎😍😍😍配埋個汁都係好惹味😍😍😍🌸牛丸 🌟🌟🌟🌟🌟👍🏻🌸魚蛋🌟🌟🌟🌟🌟🌸腸仔🌟🌟🌟🌟🌟

黎到太安樓就已經見到魚蛋佬前面有非常長嘅人龍，嘢食嘅選擇唔太多，主要係魚蛋、腸仔、芝士腸、牛柏葉、齋、牛丸同埋墨魚丸。今次試咗魚蛋、腸仔、齋。魚蛋吾太彈牙，但勝在性價比高，7蚊有6粒，而家好少地方做到，點左少少咖喱汁還不錯；腸仔係我哋平時食開嘅廚師腸，亦好抵食，3蚊1串，鹹味適中，質感較腍，不過不失。齋係比較推薦，完全吸收晒沙嗲汁，沙嗲汁唔算太辣，大約微辣嘅水平，沙嗲汁味道一流，配埋齋非常惹味。排隊等候嘅時間亦都頗長，預20分鐘。

農曆新年最好就係掃街，不過而家又同之前嘅氣氛差好遠，以前成條街都係啲小販檔，而家想搵都難。因為大家都唔係太肚餓，所以諗住周圍掃下邊度有呢啲小食。筲箕灣東大街冇開，轉戰小西灣太安樓呢度，好彩又相當熱鬧。巡左一個圈，最終決定排一條最長嘅人龍，就係魚蛋佬啦！因為好耐冇食過咖喱魚蛋，所以最想食呢一度！除咗魚蛋呢度嘅齋原來都好出名，我哋叫埋牛柏葉同腸仔。其實佢所有嘢都係同一個沙嗲汁，所以如果你覺得佢個汁唔好食嘅話，根本就唔使排隊。食完好坦白講，唔係我最希望食到嘅味道，真係食唔番以前細個嗰種味。魚蛋唔係陳皮魚蛋唔夠質感，真係所有嘢都同一個味道，新年期間又每串加一蚊，計落其實佢都真係幾好賺㗎。不過算啦都唔會成日食。本身仲諗住再去土瓜灣食煎釀三寶，點知佢唔開🤪

📍Hong Kong📍唔知大家最中意食咩街頭小食呢！雞蛋仔、魚蛋燒賣、牛雜！？今次又同大家去太安樓掃街！😍今次介紹既係Ami 每次去親太安樓必食既，次次都大排長龍，但我每次都會去排既「魚蛋佬」。次必叫魚蛋同齋！配上佢地個秘製沙爹汁😍呢個秘製醬汁唔係好似印尼沙爹汁咁超重花生味，帶有小小辣，但對於食唔到辣既你一定接受到。呢到會有魚蛋、齋、牛丸、墨丸、腸仔同牛栢葉！試過一次牛丸墨丸覺得口感一般般，但魚蛋同腸仔就唔錯！最最最重要係齋！😍真係真係一定一定要叫吸晒啲汁，好鬼正。🤤講講下又想食！Ami仔建議一定要比多$1蚊雞要個膠兜，如果環保啲就帶個盒去。因為第一次既我為左慳個$1，用紙袋。啲汁就默默痴晒上個紙袋到。🤯另外，Ami仔做有個私心食法。每次都會買成7 8串料外賣返屋企😂但因為我太愛個汁每次都會返屋企煮個公仔麵撈麵食。🤭提提您，魚蛋佬不定時休息，建議如果係為魚蛋佬去記得上IG FB睇下佢地有無休息。🤪______________________________
💰價錢: HKD $3-11😋味道: ❤️❤️❤️❤️❤️📍地址: 西灣河筲箕灣道57-87號太安樓地下A28號B舖

如果你周圍問人魚蛋佬係咩位置,西灣河人都未必知你問邊間, 但如果你問"太安樓沙爹牛丸魚蛋,日日排長龍"個間呢? 咁應該所有西灣河街坊都可以指到鋪頭位置俾你知.食物方面, 就係佢個沙爹醬,無論牛丸,魚蛋,牛拍葉,老味素都係點個款沙爹醬, 味道是很濃郁的.排隊方面, 由於是即叫即滾, 所以長期排長龍,老細係唔會一次過滾10串牛丸俾10個客, 而係每個客都係one on one即場滾熟牛丸魚蛋俾你睇.所以,如果你係一個超心急既人或超趕時間就千祁咪排隊, 但如果你千里迢迢慕名以黎就記住有心理準備,耐心等候,稍安無噪.

久仰大名 成日聽太安樓好多野食 🤓🤓可以掃街 🤓 連軒公敲碗都同林明禎去揾魚蛋佬😂😂😂身為九龍人嘅我 我真係廿幾歲人 第一次去😝 我5:30到左 佢6點先開門 😅😅所以就四圍行去等佢開門 周圍都好多小店 間間都有人排隊 不過可能太早到 好多都只係做晚餐宵夜。未開門😅6點02分 行番去揾魚蛋佬！ 嘩 ！ 已經排長龍！ 果然好受歡迎 👍🏻 買左一份牛丸 2份魚蛋1️⃣牛丸 👍🏻juicy 👍🏻超大粒 有酒樓牛肉球咁大粒2️⃣魚蛋 👍🏻不是陳皮魚蛋 👍🏻彈牙👍🏻沙嗲醬出色 唔太甜 有花生醬味 剛剛好 👍🏻沙嗲夠厚夠「傑」 好掛汁!!!! 店主唔吝嗇 比好多醬！

依日嚟太安樓搵食，聽聞依間魚蛋佬都幾出名，嚟到見到咁多人排隊就梗係唔執輸一齊排。當日去到唔算太多人，排左15分鐘內就有得食。最平3蚊就有條腸仔，最貴都係$10 就有牛柏葉，花枝丸😆😆今次想留肚食其他嘢，就試少少嘢食先，揀左$3 腸仔同$6 魚蛋。本身期望都唔算好大，但食完覺得個沙嗲汁真係幾正，沙嗲汁唔係得個辣字，係有沙嗲汁嘅香味🤪魚蛋唔係陳皮魚蛋，係類似四海魚蛋嘅口感。腸仔就係正常水準，$3唔會要求太高。咁嘅價錢咁嘅質素，真心好高質，依家依啲小店已經好少見，要多多支持💪🏻💪🏻💪🏻

嚟親都大排長龍，不過好快就排到，講真其實食物冇乜特別，重點係個沙嗲醬————————————————————————⭐️齋 $7 “索”晒啲醬汁，調味啱啱好👍🏻•魚蛋🍢$6 5️⃣粒 冇煮過龍，仲有少少彈牙，只係表面有少少醬汁，食落唔係特別入味•腸仔$3 煮咗好耐，煮到腸仔已經冇晒味，好淋，都係食到表面少少醬汁嘅味道😅————————————————————————整體來講，冇乜太特別，經過太安樓就過嚟朝聖下😂齋係必食之選👍🏻

千祈唔好俾佢個名呃咗佢叫魚蛋佬，但唔係只係魚蛋好味其實佢醬先係靈魂濃郁嘅沙嗲汁，真係點乜都好味！個人最推薦係叫齋，因為最索汁，可以食到最多最正嘅沙嗲汁😋最後一個提醒，因為買完立即喺店側邊食所以小心，小心啲汁整污糟自己件衫 同地下 🙏🏾

魚蛋佬，從名稱都知道與「魚蛋」有密不可分的關係。但原來，魚蛋佬最強勁的不是魚蛋，而是沙嗲醬……..話說賣魚蛋、牛丸，在太安樓起碼有3-4間，人人都賣，但最特別在於魚蛋佬賣到大排長龍，閒閒地20-30個人不在話下。但在云云競爭對手中可以鶴立雞群，魚蛋佬憑的是其沙嗲醬。沙嗲醬在店員手上接過，已經充滿香氣，強烈的沙嗲味已引人入勝，不是一味辛辣的感覺，是實實在在的沙嗲味。沙嗲醬入口起初不算辛辣，反而有獨特的花生味道，是沙嗲醬的靈魂，沒有濃烈的花生味道，根本算不上是沙嗲醬。入口後才爆發的辛辣感覺便是劃龍點精，沒有辛辣味便不是沙嗲醬，能將沙嗲醬拿捏到恰到好處，相信是魚蛋佬致勝的原因。但是魚蛋佬所賣的魚蛋卻較為遜色。魚蛋入口口感較鬆散，口感較參次，雖然重點在沙嗲醬，但相信換上陳皮魚蛋甚至爽口彈牙的墨魚丸會更美味。溫馨提示：買後即食，即食才可第一口品嘗個中美味。

太安樓最出名就係呢間魚蛋佬啦，上次嚟佢都冇開，今次嚟到真係超級多人排隊，排咗半個鐘終於有得食~佢哋嘅沙嗲汁得一個辣度，最平$3就有交易，最貴都係$10，好平好抵食，食多幾串都唔會心痛呀😆🍴魚蛋 $6 (8/10)$6有五粒，魚蛋好軟淋，係普通四海魚蛋味，魚味唔算濃，但絕對唔係麵粉魚蛋，沙嗲汁超級香濃，甜甜地，真係好惹味，直情想飲過沙嗲汁🤤🍴齋 $6 (10/10)有四舊，類似腐皮嘅豆製品，煙煙韌韌，非常吸汁，配沙嗲汁係一流呀！🍴牛柏葉 $10 (6/10)牛柏葉比較普通，雖然都爽口嘅，但好似有少少怪味，咁濃嘅沙嗲汁都cover唔到🤣🤣推薦指數: 9/10咁嘅價錢咁嘅質素，真係好高質，老闆好良心，咁平嘅價錢都比足份量，最好食係佢個沙嗲汁，如果冇咗個沙嗲汁嘅話就真係一般🤣但值唔值得排半個鐘去食一串魚蛋就自己考慮啦XD

今日嚟到西灣河太安樓 試一試魚蛋佬 一嚟到勁多人排緊隊 可能之前張敬軒有拍YouTube介紹過所以呢排勁多人食 咁排咗一陣就叫咗兩吋腸仔兩串魚蛋試一試佢個汁 其實都唔期望佢有好大質素因為其實睇佢價錢都係好平 應該都係普通來貨 所以主要應該都係食佢嗰隻汁 味道其實講唔出有少少咖喱味佢有啲似沙嗲味有少少辣但係主要都係屬於甜甜地嘅 整體味道其實就唔算話好好食 腸仔都係煮得唔夠熱 魚蛋都唔係好入味 醬汁太過流於表面其實就唔算好好食 不過依個價錢其實都算係咁 口痕嘅朋友都可以一試嘅

呢間可謂西灣河名物 究竟有咩驅使香港人排長龍 打哂蛇餅去呢呢串魚蛋呢？聞名不如相見 等我直掏龍門 一試見真章😛————————————————————————🐕 魚蛋 ($6/5粒）聽聞沙嗲汁喺呢間重心人物魚蛋會喺沙嗲汁沾兩次先上盒所以即使質感偏液態 都夠味港式沙嗲汁冇想像中濃郁帶有丁點辣嘅後勁魚蛋屬於偏中小size咬落偏軟非彈牙 略略都帶有魚味呢個價錢的確幾平不過又未到要專登嚟食嘅程度🐕酸齋 （$6/ 4件）酸齋好似塊海綿咁嗦咗幾多汁入口先被沙嗲汁搶奪先峰後來滲出酸齋嘅甜的確係幾特別————————————————————————