影片
20-4-2025（Sun）复活节第三日假期，同老公出中环同金钟行之前，先食少少嘢，佢话嚟食呢间，嚟到喇，我见有煎酿三宝，睇吓几钱同有咩嘢，答案系$13.00三件，$20.00五件同$28.00八件，我就拣三件，就系红肠，豆腐同茄子。老公就拣$14.00八粒嘅鱼肉烧卖。入好晒纸袋后，我哋要落豉油同甜浆，咁点算？答案系要攞个钢碟盛住。搅掂食得，鱼肉烧卖口感同上次食嘅一样烟韧（食评系2025年3月4日刊登嘅呢篇：https://www.openrice.com/zh/hongkong/review/%E5%8F%A6%E7%9C%BC%E7%9B%B8%E7%9C%8B-e5937361）。5分煎酿三宝嘅红肠同茄子都正常冇问题，鱼肉就唔算太多；而豆腐系炸嘅，比较嚡啲，同味道好清不过唔油腻。3分
继续阅读
公司三文治🥪冇人唔识都系由方包🍞夹住简单嘅材料，例如：鸡蛋🥚、火腿、烟肉🥓、芝士🧀、蔬菜🥬及蕃茄🍅等等…今日要返工，唔知食乜好？🧐天口热🥵，好想要个早餐🥣又配埋嘢饮🧃，所以就喺呢度嗌咗一份公司三文治餐虽然算系轻食，不过都几饱🙌【食后感】📝✔️三文治感觉都健康，有餐肉和蛋🫶🏻✔️面包🥖口感松软✔️馅料正常✔️算有营养，够蛋白质、够淀粉质✔️略嫌干咗少少，好彩有支嘢饮💦搭救‼️如果餐肉可以厚少少就更加有咬口简单营养嘅早餐，对于我哋忙碌嘅上班族嚟讲系最好不过了🫶🏻🫶🏻大家也不妨试吓啦🤝
继续阅读
同朋友太肚饿，想食少少野，叫咗鱼蛋烧卖同格仔饼。佢先出鱼蛋烧卖，但支竹签跌咗，我又睇唔到下面原来有得拎竹签就问佢可唔可以俾多之竹签，佢就问我系唔系盲嘅。。。Ok fine你多生意系我发鸡盲我阻住你！佢话格仔饼我排第二抵o唔ok，我话ok，想要俾钱嘅时候佢转咗去后面，咁我咪继续揸住现金等佢ok过来收钱啰，然后人开始多我企埋咗一边。点知佢出完第一抵格仔饼俾前一个顾客后冇继续整落去，我就提佢未收我钱。然后呀姐就开始发火话我未俾钱点会整我食！Hello？我就系知你唔记得我个order所以提提你，然后我都开始嬲嬲地，话我头先一直等紧你收钱，佢话我企咁远佢点收到我钱，仲话我而家系插队，佢都未出声话我，话我打横嚟讲嘅我头先买嘅时候一个人都冇，何来插队？况且你烧卖鱼蛋都未收钱，系你想请我食嘢？烧卖鱼蛋质素普普通通啦，但格仔饼超级难食，基本上等于冇落酱。今次真系食到成肚气，早知挨肚饿行远返少少，墟𠮶边几档都好食好多。
继续阅读
咁啱赶住出门口要搭第一班嘅荃湾线地铁，早咗到荃湾站𠮶边谂住揾啲嘢食吓，见到有间小食店开咗门就走过去买咗个三文治，三文治加包纸包嘢饮盛惠$18买咗个三文治加一包冰极柠檬茶。三文治方面略嫌有啲水气喺入边，不过整体质素都Okay唔错。两边三文治分别系午餐肉炒蛋三文治，以及火腿炒蛋三文治，午餐肉火腿两者不过不失，炒蛋质素上乘，味道一流，见到不妨试吓餐厅名称：鱼肉汤皇美食餐厅地址：荃湾富华中心1楼向地铁站方向铺位
继续阅读
夜晚收工加上近排开始冬天一落车就好肚饿，落到地铁站出咗闸就见到有间10:30钟都开嘅笃鱼蛋舖头，有种雪中送炭嘅感觉，莫名嘅感动同埋温暖。本身谂住买串鱼蛋，但系见舖头入面个兜热辣辣嘅碗仔翅好似好吸引，就叫咗一碗仲要即刻食，$21一碗碗仔翅对比$8一串鱼蛋好抵啊～碗仔翅超大碗，仲要好足料添！佢仲有山菜鱼肉，下次一定会试，或者两沟。服务员都好有礼貌，同埋啲酱料系自己加，见到买咗肠粉𠮶啲人可以劲落自己钟意嘅酱，唔使怕同店员讲多酱会唔好意思。
继续阅读