魚米 (已結業)

魚雖然煎過🐟🐟🐟⋯但都可以新鮮小小咁多⋯梅左d 啵⋯🍂🍂🍂🍂🍂魚湯ok⋯🌾試過就okay la~~~~~下次我諗都唔會再試一條魚既麵餐😛唔係話太差不過唔好食囉

<<到魚湯米線的店，有魚腐吃魚腐，應該是不會中伏吧﹗>>其實服務員真的沒什麼服務可言，沒有表情不特止，還要好像欠了他十萬9千7似的! 想要杯水或辣椒油什麼的也要叫上好幾次(個別員工有點笑容，應該是新員工，還未被老臣子的低質素服務感染﹗<--姐在F&B打滾這麼久…同是行內人的你懂Der...)還會光顧這一家的原因是…放飯高峰期，美食坊大多食店門前都大排長龍，這家的位子較多又闊落，可能是因為份量不大，所以少了男士們考慮這一家，等座位也快一點﹗可是不得不bad face的是…到魚湯米線的店，有魚腐吃魚腐，應該是不會中伏吧﹗少年你太年輕了﹗魚腐是稔身是常識吧﹗他竟然給姐來一個『綾魚球』?!還要是腥的 sor9ry…不用數字配襯一下不夠力﹗真的是沒有最差只有更差﹗公仔麵都可以難食，佢都算係代表作！難怪愈來愈易在放飯時間找位子吧******************************簡單分享，請慢慢品嚐﹗よろしくお願いします～～☆

叫咗個下午茶，招牌魚腐米線，啲魚腐個樣好堅挺，食落…似鯪魚球多啲囉 一向都唔食鯪魚球的，覺得好多嘢un口，我望晒好在婆婆叫黃花魚唔錯，好甜，又無骨！紅豆冰就多奶咗少少啦。

聖誕日要當值上班， 放工後約了兩老到黃埔購物。 本來想在美食坊的其他餐廳吃午餐，但卻人龍處處。見到這間位於兩樓最末端的魚米，幾近滿座又不用排隊，不作他想下便入了餐廳。這間魚米佔地也算大, 座位也算多, 不過裝修有點殘舊. 侍應尚算勤悍餐牌上有多款米線和飯類套餐, 價錢多數都是三十多至四十多元, 以美食坊的消費來說是很經濟了.我們點了米線和飯套餐, 另跟餐加飲品.今碗米線也有一些基本材料, 例如: 韮菜，芽菜，炸菜，腐皮等. 魚湯奶白色, 有淡淡的魚味, OK.豬扒米線 $34: 豬扒份量頗細, 醃料一般, 一口咬下, 起碼不算乾, 但份量很少, 只有兩小片; 魚湯米線頗大碗，就算男子組也可以.魚腐米線 $34: 魚腐內有有魚肉味, 炸過也不會太腍和油膩豬軟骨菜飯 $45: 份量很大的一碗, 味帶甜夠腍跟餐的銀菊蜜, 味道不太甜, 滋潤程度OK.食物水準一般, 不過勝在價錢平, 不太計較造! 

今日下午我們去咗黃埔美食坊嘅「魚米」食下午茶！我們叫咗海底椰響螺燉老鷄、帆立貝蜆肉米線、酸辣魚片腩肉炸醬米線、鷄蛋花生醬西多士拼炸鷄翼同涼粉紅豆冰！海底椰響螺燉老鷄，所謂嘅燉湯竟然係淡而無味！帆立貝蜆肉米線，所謂話係用新鮮魚嚟熬湯，但一啲魚味都無！酸辣魚片腩肉炸醬米線嘅魚片同腩肉亦都係無味嘅，酸辣湯只係得酸味無乜辣味！他們所謂係招牌食品嘅魚湯米線，出品竟然係咁差，真係令我太失望！唯一一樣可以讚嘅係鷄蛋花生醬西多士拼炸鷄翼，鷄翼炸得都幾香脆，西多士炸得金黃香脆鬆軟！

兩個人叫左二人套餐 其實係抵$128有個米線 炒飯 小吃 2份甜品同野飲 先黎楊州炒飯 有幾隻蝦仁 幾多叉燒粒 而且幾大碟 炒得幾好 不過不失 而餃子有三隻 金黃色 好脆口 皮薄幾多肉 好味 最正係全條魚米線 超大碗 我見到都嚇一嚇 心諗點食呀 佢米線湯底唔錯 好清 唔似味精湯 而且米線好彈牙 條魚好多肉 佢炸過 所以好香口 魚肉又滑 正👍🏻 甜品 芒果布甸賣哂 所以椰汁紅豆涼粉同木瓜燉雪耳糖水 兩個都好味 木瓜個個試左一啖 熱既 木瓜好香 湯水好清潤 椰汁個個 椰汁較少 但涼粉比普通細粒 紅豆硬左少少 野飲方面 我飲柚子蜜 都幾多柚子皮 偏甜 但咁既價錢算好味😊

我叫左個單邊雞翼菜飯，原来單邊雞翼指一隻雞翼开二。見包熱飲都係四十五蚊。食落外脆内滑，遠比想像中好食，依個價錢底食。個油菜反而好一般。依間店真係做到粥粉麵飯有齊。

其實我地行過嚟望過, 但見冇人招呼, 我地又行去第間睇睇, 但其他想食果幾間都排滿人, 唯有返轉頭嚟呢度食, 估唔到由門口入到去最遠果張枱, 全程冇人理, 好彩我地近廚房門口, 可以叫到D亞姐落單, 但落單還落單, 之後連水都唔比杯, 要自己走去斟................  果醋豬軟骨菜飯  豬軟骨都未係好夠林, 但個汁都幾OK, 雖然食唔出佢係果醋, 但總之酸酸地, 幾開胃~  個菜飯有少少似海南雞飯, 因為都有少少油味, 但唔重, 再加埋D菜, 都唔算好油膩~  蜜汁豬扒菜飯完全食唔出個蜜汁味, 只係普通炸豬扒, 好彩唔會炸到太乾, 仲有D肉汁~  凍奶茶叫做比太興好飲少少, 但當然比唔上茶餐廳啦~  熱紅葡萄柚汁第一次飲熱的果汁, 我相信都係濃縮果汁沖出嚟, 但又飲到有柚子肉, 始終果汁都係凍好飲D~到我差不多食完時, 比老公嚇一嚇, 原來我地頭頂的出風口位, 全部都係塵, 仲係滿嘢, 隨時吹落嚟果D樣, 所有拿拿聲飲埋杯嘢走人~唔知呢度係咪冇後門? 唔明點解送貨同倒垃圾, 仲要係成個大綠色垃圾桶由門口拉到廚房, 我覺得咁樣好影響衛生~

魚米，招牌菜係原條魚米線。今次叫咗碗原條左口魚米線。第一次見到條魚仲大過個碗！完全覺得六十幾蚊係抵食。條左口魚係用油炸，但食落唔覺油膩。我覺得條魚炸嘅時間啱啱好，肉質彈牙，魚肉味道鮮甜。米線爽口彈牙，加埋其他配料如香蔥等，令魚味更加突出。魚湯好好飲，飲得出係用魚煲而唔係用味精。除外魚湯米線之外，仲有好多食物選擇，例如魚腐。不過食完咁大碗粉已經夠哂飽。下次再食其他嘢。

之前幫襯過,覺得幾底食,於是今晚再幫襯,點知出事!叫左:鹵肉碎帆立貝撈刀削烏冬,蜜汁豬排菜飯鹵肉碎帆立貝撈刀削烏冬:鹵肉碎還鹵肉碎味,帆立貝又小又冇味,刀削烏冬更加淡如水.蜜汁豬排菜飯:菜飯超油d菜又硬,好難食,豬排又乾又硬.雖然價錢真係平,但質素都唔係差到噉呀!

噚日推住BB車去美食坊下午茶, 見呢間有位坐又擺到BB車, 咪試吓囉, 點知中晒伏!叫咗兩份米線, 加$8餐飲轉咗個"奶茶紅豆冰", 心諗: 都係凍奶茶加D紅豆, 衰極有限, 點知衰處未算衰, 杯嘢又苦又澀, 叫佢加返糖漿都遮唔住陣苦澀味, 好聲好氣同個女收銀講聲, 提吓佢可能D紅豆有問題, 佢一副進擊的咀臉馬上駁埋嚟:"吓?D紅豆有事?我自己食緊都無嘢喎!"OK! 即係我味蕾有問題唔識欣賞你杯苦茶啦! 咁同我換杯熱檸茶清吓喉嚨算喇! 故事未完.我賣單時問個女收銀攞泊車單, 佢同我講要一百蚊以上先有, 我話泊車單唔係是但打一張出嚟就得咩, 佢就話午飯時間已經派晒. 恕我見識少, 我真係未聽過泊車單會"派晒"囉! 之後我見隔離張大枱個靚女埋單, 唯有去問佢攞單, 個靚女好好人, 肯比張單我, 但個女收銀仲要懶型話要收返張單先再印張收據比我喎! (咁即係你一早可以印返收據啦!)

味道：魚蛋味道都ok，但米線就唔係人食！D湯就係開左粉同味精湯一样……呢杯叫奶茶紅豆冰，杯野好甜，甜到喊……但大家唔好比佢呢间野握到……呢杯野紅豆少到喊，冰粒又大，好差又唔老实……好黑人憎！餐牌，野食貴到唔正常！佢根本唔值得呢個價……環境：就差，又座得唔舒服又承服務態度：都正常，過得去吧！呢間野真係奸到喊，做生意又唔老实又貴！真係好唔值得人去光顧……

真係好差！響果店員面前叫佢比撙辣椒油，都可以當聽5到lor（當時店內冇乜人） !!!喊左5，6次，先至有人應！跟著又叫佢比杯水，喊左3-4次都冇人應！（最後都5要la)anyway真係把鬼火！之後又黎左個鮮蝦菠菜餃米粉，但係個菠菜餃冇蝦架lo，於是問個店員點解個菠菜餃冇蝦ga，佢竟然話個kitchen有時會冇包蝦！o哂嘴lo!（呢間d野又5係超平wor,同D快餐店價錢差5多，D野又5係特別好食！我寧願去快餐店食，都吾會再黎！

之前幫襯過, 覺得無乜味精, o個魚湯又幾正, 加上價錢又抵, 於是今晚再幫襯, 點知就中伏了!落單時都無o野ge~侍應重覆張單o個陣都無錯, 但點知佢原來入錯單!我o地又抵死ge, 見佢重覆o個陣無錯, 就冇check張單~結果d o野送到o黎先知搞錯~退返又o徒~碗烏冬唯有照食, 點知d 鯪魚球d 骨多到死~跟住仲離譜! o個泡飯食到一半有牛肉!(因為我o地唔食牛ge) 初時以為廚房可能唔小心掉o左d 牛肉碎入去都算la~結果越食越多, 即刻停口望o下o個menu la~真係鬼掩眼lor~原來中文寫扎肉, 英文寫beef @_@ 又中伏了.我o地好聲好氣同o個侍應講la~點知佢好平淡講o左句「印錯」之後即刻閃人! 坦白講, 都食o左一半! 我o地都唔會叫你同我換過碗la~但佢一句唔好意思都冇! 勁火滾lor!!!於是同o個經理(疑似係la) 講, 佢話一直冇發現到呢個問題~不過佢d 態度就好過個侍應~識講返句唔好意思.以後真係請我食都唔會再去, o個menu 好似d 合約咁樣~一切以英文譯本為準, 我o地d 英文差唔識睇lor~

午飯時間諗住去試下，見到餐牌的價錢都是40、50多，心想緫好過食美心大家樂吧，點知食到自己一肚氣。我大約中午1：00左右入去，都幾多人，但仍有空位。侍應安排我到一張6人長檯，當時已坐了5人的家庭。我見隣枱是一張很窄的2人枱，有一青年已吃完東西在打機。大概5分鐘後他便離開。我問了侍應後她安排我坐到這2人枱。我1：11分點了食物，是蕃茄什會泡飯，$42，餐牌話有牛肉，豬潤，魚腐同魚丸。我等了足足25分鐘有多才有食物，其間還有3個侍應輪流要求我搬到門口附近另一張坐了一個3人還加上BB車的4人枱!我明確表示叫侍應快些送上食物我吃完便走，也願意其他人來搭枱，但仍不斷被騷擾。食物送來，只可以一個差字來形容，又咸，也沒有所謂的魚味，還說是用新鮮魚熬湯，那些魚腐更不新鮮，吃起來有怪味！就算不用我付錢甚至給我錢也休想我再來吃東西！！