影片
更多
2024-03-28
460 浏览
魚一壽司 今次要介紹元朗一間日本菜餐廳，一到夜晚超級多人排隊，如果鍾意食刺身嘅朋友一定要早d去食，刺身非常新鮮，好快就會售罄！全店採用木系裝修，餐廳分為兩層，地下果層門口有一級，只要帶一塊斜板就可以入去，而上面果一層就要行樓梯，我當晚去到已經九成滿，呢間餐廳係用QR code落單，入面款式選擇非常多，有刺身、原隻魚刺身、壽司、拉麵等，連兒童餐都有，成間餐廳每位店員都忙到嘔，忙到連錯處都無，好掂好專業！1.日本直送大拖羅（3切）$128（9.5/10）呢個日本直送大拖羅簡直係我至愛，入口即溶就唔洗講，嫩粉紅色好新鮮，油脂就爆哂燈，每一舊都係厚切，超級正！必食之選！2.油甘魚刺身（4切）$58（9/10）呢個油甘魚刺身食落好新鮮，油脂好肥美，每一舊都係厚切！3.劍魚腩刺身（4切）$58（9/10）呢個劍魚腩刺身肉質細緻，口感好彈牙，每一舊都係厚切！4.挪威三文魚刺身（4切）$48（8.5/10）唔知係唔係食咗大拖羅先，其他刺身都扣哂分，呢度三文魚刺身係比較厚切，味道算鮮甜！5.三文魚壽司（2件）$18（9/10）呢個三文魚壽司個三文魚刺身算厚切肥美，味道算鮮甜！6.吉列炸蝦壽司（2件）$2
今次要介紹元朗一間日本菜餐廳，一到夜晚超級多人排隊，如果鍾意食刺身嘅朋友一定要早d去食，刺身非常新鮮，好快就會售罄！
全店採用木系裝修，餐廳分為兩層，地下果層門口有一級，只要帶一塊斜板就可以入去，而上面果一層就要行樓梯，我當晚去到已經九成滿，呢間餐廳係用QR code落單，入面款式選擇非常多，有刺身、原隻魚刺身、壽司、拉麵等，連兒童餐都有，成間餐廳每位店員都忙到嘔，忙到連錯處都無，好掂好專業！
1.日本直送大拖羅（3切）$128（9.5/10）
呢個日本直送大拖羅簡直係我至愛，入口即溶就唔洗講，嫩粉紅色好新鮮，油脂就爆哂燈，每一舊都係厚切，超級正！必食之選！
2.油甘魚刺身（4切）$58（9/10）
呢個油甘魚刺身食落好新鮮，油脂好肥美，每一舊都係厚切！
3.劍魚腩刺身（4切）$58（9/10）
呢個劍魚腩刺身肉質細緻，口感好彈牙，每一舊都係厚切！
4.挪威三文魚刺身（4切）$48（8.5/10）
唔知係唔係食咗大拖羅先，其他刺身都扣哂分，呢度三文魚刺身係比較厚切，味道算鮮甜！
5.三文魚壽司（2件）$18（9/10）
呢個三文魚壽司個三文魚刺身算厚切肥美，味道算鮮甜！
6.吉列炸蝦壽司（2件）$24（8/10）
呢個吉列炸蝦壽司炸得唔夠脆，蝦肉彈牙，蝦唔係大蝦，係幼細蝦，都算鮮甜！
7.北海道生帶子壽司（2件）$36（8/10）
呢個北海道生帶子壽司個生帶子夠新鮮，味道鮮甜彈牙，每舊帶子都好大隻！
8.油甘魚壽司（2件）$30（9/10）
呢個油甘魚壽司個油甘魚刺身食落好新鮮，油脂好肥美，油脂落哂落壽司飯度非常好食！
9.北海道海膽軍艦（1件）$58（9/10）
呢個北海道海膽軍艦十分鮮甜唔腥，不過海膽味停留口腔唔耐，紫菜唔算好脆！
10.地獄海鮮拉麵$88（9/10）
呢個地獄海鮮拉麵辣辣地，拉麵係幼麵，麵質彈牙爽口，海鮮份量都好多，入面有扇貝、蟹柳、大蝦、青口、紫菜同溏心蛋等，足夠兩人一齊食，價錢又親民，好抵食呀！
2人總共價錢$600，有加一服務費！
個人口味總評分：8.8/10
地址：元朗教育路68號兆豐樓地下7號舖
张贴
