鱻魚湯料理專門店 (已結業)

一日之計在於晨，返工前在office 樓下的food court 繼續試另外一間的早餐。不過今次味道就一般，但相對便宜 23元抵玩指數1/5)雞扒微酸，湯底，雞蛋冇一特別，奶茶的茶味尚算濃郁。

中午時間係依個類似food court 既場所入面，既其中一間鮮魚湯食左碗米線。環境就不多說了，幾昏暗，感覺較不乾淨，但最要命的是訊號接受得好差。但依個唔關啲鋪頭事。依間鮮魚湯中午都幾多野食，有原條紅鯛等，我就簡單食左個魚湯米線，揀左魚蛋同豬扒兩樣餸，其實以40價錢在這一區都算幾貴。碗米線方面，湯係幾鮮，但真係唔多有味，唔夠咸。豬扒都算大塊，幾好食。當中最好食既係個兩粒方形既魚蛋，超超超級彈牙，咬落去係好清楚聽到好爽既索一聲，而且好有魚味。但可惜得兩粒，真係有啲唔夠喉。

由於近十多二十年香港的勞工短缺加上租金物價騰貴影響下，令到原來首屈一指的製造業一直走下坡及大量工廈長期空置。靈活的商人更趁機改變工廈用途，將空置的單位改建成為食堂。但基於衛生和消防條例所限，這些工廈食肆表面上都只能作為工人食堂之用，絕對不能展示任何招牌或廣告標語向外宣傳，所以如非熟人推薦，相信大家即使在工廈經過也難以發現這些食肆的存在。今天介紹這家隱秘食堂，位於荔枝角青山道的工廈地下，只要穿過紅色門口直進，便會發現過千呎的美食廣場，現在已有八間食肆在營業之中。這家鱻魚湯料理專門店以純正鮮魚熬湯製成，含豐富蛋白質、鈣質、骨膠原、維他命等。由於附近都是工業區，晚上和假日人流稀疏，所以美食廣場平日只做午市和下午茶，晚市6pm-12pm只供應火鍋（星期日休息）。這裡最特別之處除了可以到中央櫃檯點菜付錢外也可以到埸內設置的兩部自動售票機進行，非常先進，讓我回憶起在日本旅行時的體驗 原條黃花魚配鮮魚湯底米線 HK$50 (附送奶茶或咖啡)