鮮餸便當 (已結業)

當天因工作錯過了午飯時間，下午茶隨意到富多來商場找餐廳，看到這間餐廳餐單也不錯，款式吸引，而且同一價錢也有前菜、主菜、選配紅米或白米，以及可以選擇湯或飲品或甜品，於是就選擇到內進食。雖然是下午茶時間，內裡只有10-12人座位等等，陸續也有不少客入到訪。而我當天就選擇了日式咖哩吉列豬扒及花膠靚湯的！前菜是雞絲粉皮，粉皮很滑，而且配合醬汁也很好吃，在天氣炎熱之下吃這道前菜感覺很開胃呢！而日式咖哩吉列豬扒，吃用時，吉列豬扒不會分離，炸皮是緊貼豬扒的，而且炸得香脆，沒有多餘的油膩或油益味道！咖哩汁也很開胃，如果薯仔多一點就較好，因為我較愛吃咖哩的薯仔配菜！飯粒軟綿（感覺有點像糉的味道，嘻嘻），而且加入櫻花蝦，令每口飯更加開胃！下次我再選擇轉紅米試試看！花膠雞湯很濃郁及足料，午飯飲一口湯也是不錯呀！覺得這便盒非常好吃，於是我結帳前再加 $10多點腰果露（單點好像是 $2X 港幣，但我點了套餐，可以用優惠價加$10選購），腰果露夠熱又香，而且非常足料，不是用水混合出來的，這裡報告完真的想再喝一次！

我地10個女仔搞Party, 第一次幫襯~心態係幫襯小店, 味道同服務態度都好有驚喜!!!我地叫左7款食物：日式拼盆：吉列炸蝦，一口吉列豬扒，黑糖绿茶蕨餅，配粒粒果仁沙律醬香芒蝦醋鮮果沙律法式紅酒燴梨卡邦尼海鮮扁麵花雕無骨醉雞翼+香草蜜糖燒雞翼燒雞牛油果沙律三文治香葱芥茉煎鹿兒島和牛當中我最中意係"法式紅酒燴梨"&"燒雞牛油果沙律三文治"!!! "法式紅酒燴梨"無好濃既酒味, 但D汁教得好好~而"燒雞牛油果沙律三文治"就好juice, 牛油果超好味!安師父都好好人, 我地Budget有限, 安師父都俾我地叫1磅, 或者2款食物合併為1盤! 而送貨有個小插曲, 就係送貨員係送倭過程將"法式紅酒燴梨"D汁漏左少少出黎, 之後安師父當晚打電話俾我, 問下食物有無咩問題~其實都係漏左少少汁, 可以理解丫!服務態度一流!

我地一行五人，都試左佢地好幾個餐，個個都唔錯，有牛有魚有雞㨂，好食又抵食（太抵！咁既價錢去邊度搵）地點方面好近奧海城，都算方便幾十蚊一個餐，晚飯喎，仲有真係燉既花膠湯，實在太驚喜（因為飲得出唔係味精味）有個開胃前菜，其實個餐已經夠飽但又忍唔住想食埋個甜品，個梨都非常值得試，雖然地方細細，食得好味開心就無乜所謂啦強烈推介腰果露，我唔係愛好者都覺得好好食好香好有心，因為一食就知係自家制唔係合成粉開水個的，有心既食店買少見少

餐廳打無味精旗號，$50 以下已經有套餐（前菜、主食、飯同埋飲品），非常健康又抵食。地點位處新九龍廣場對面，都算易搵，不過餐廳唔大，所以座位少，十幾人已經滿座。今日我揀左食紅酒燴牛腩，剛巧有鹹檸檬，所以加$5要左鹹檸七。前菜今日係拍黃瓜，都幾開胃。主菜牛腩好正，又腍又入味，而且份量足，舊舊肉，椰菜紅蘿蔔西芹甜味融入醬汁，鮮甜美味，味道濃而不鹹，我俾滿分！飯可選白米或糙米，供客人多一個選擇。下次再試其他餐～

家住附近，見裝修不變但餐牌改了，應該是轉手了。第二次光顧覺得要讚一下！估計是老闆的廚師非常親切有禮，食材簡單但有心思兼好味道。雖然店真的很小（約10幾個位），但每天都有豬牛雞魚可選，跟前菜、飲品或湯、配紅米飯白飯菜飯（視乎餸菜配搭），食得出用心煮，係可以日日食嘅飯餐，都只係48-68/位。出街食飯都見時常剩飯剩餸剩配菜例水，但呢度個個都食晒仲聽到有客同廚師講“好味呀”！有心做嘅食物係食得出嘅，以後會多多支持有溫暖感嘅小店！

食物好味、款式多、價錢合理！朋友新居入伙午餐到會，今次嘗試鮮餸便當，初初以為未必肯到會去香港區，最後他們服務一流，到會準時到達，食物仲夠熱，味道大家都讚不絶口👍🏻！食得出大㕑用心去做每一款菜，我特别欣賞红棗桂圆梨，正！👍🏻

老闆好親切，食物質素好好，個啤梨好食到連食3個，咖哩魚旦又吾太辣，小朋友好岩食又鐘意，甜品樣樣都好味，種類亦多，就連炒飯，意粉都整得好好，吾會隨便交貨，總結食物及服務態度都一流。會再幫襯，贊👍🏻

屋企有老人家生日，揀左呢間新開張既飯館，由大廚發板，有驚喜。花膠燉湯夠火喉，唔苙口，炸子雞外脆內滑，我地一圍人，要求要兩隻龍蝦，大廚都算闊佬，訂左兩隻大龍蝦，上湯夾埋伊面點都無得輸，條魚好新鮮，蒸得啱啱好。其實最驚喜係菜名唔起眼既香芋炆扣肉，炆得啱啱好，肉滑入味，芋頭夠粉，送飯一流，估唔到咁普通既材料都整到咁好食，好考大廚功夫。甜品收尾，桂圓梨甜而不膩，雖然肚飽都忍唔住要塞落肚，我地全家都好滿意，一定會再幫襯。

屋企人黎個開心派對，食物堅好味😍😍😍😍😍😍😍😍 吾該8位吖😂餐前小食：日式吉列蝦及黑糖蕨餅1.慢煮三文魚皮凍配山葵青汁2.法式龍蝦湯3.慢煮羊架/牛肉眼扒配薄荷芥末汁拌法式炒雜菜4.蟹皇忌廉天使麵5.慢煮紅棗桂圓梨6.自家制芝士蛋糕