鮮選壽司

营业中

休息中

話說今日同男友晏晝5點半攞飛，不過就等咗接近兩個鐘頭。都算啦，見住嗰肥姐姐reception叫號同帶位都係同一個人做，喂，大佬！繁忙時段搵人帶位好冇？仲要明明叫號A(1-2位)飛都冇客應座，理應繼續叫A，但無端端去叫B飛，之後肥姐姐又搞手續同帶位。來回浪費幾多時間？仲要不停有人出但叫飛就慢到龜咁，好喇，我哋嘗試隊個頭埋窗口望，最埋二人座(1號枱位)空架，仲要之後十五分鐘都仲係空架。好喇咁都未算，我試下埋去reception去望下上一個叫號B飛張飛，想爆粗，B飛人哋6點攞飛嘅已經入咗去，我哋五半仲傻等，雖然我知場內座位有編4人同2人座，分配有所唔同，但時間都差太遠吧。好喇終於入到去，一入到去，馬上_咗一聲，好多空位呀大佬！！！至少5個2人座吧枱同2張卡位枱都空架。出面嘅人就一大堆。一個reception serve 出面一大班客 由叫號、安排座位、帶位、介紹一腳踢，但肥姐姐佢仍然保持笑容仲非常有禮貌，值得一讚。只怪管理層管理不善、人手不足、安排混亂。膳食上都好食，當然唔能夠同壽司郎比，啲壽司飯略為鬆散，但整體壽司都好食，尤其油甘魚同吞拿魚，仲有嗰北海道雪糕。不過壽司喺平板order嘅選擇

飯質感好味過壽司郎。刺身啲新鮮度冇Donki咁鮮。不過，整體性價比比壽司郎高。因為好多壽司選擇都係$12兩件！特別係好多火炙三文魚嘅種類壽司！ 性價比高！會再次光臨希望下次會推出更多優惠以及期間限定！例如鮑魚或龍蝦，甚至可以提供omakase

食物唔錯，熟食選擇少，運作麻麻，有段時間會有切大三文魚表演，最好食😋係雪糕和時令水果。推介食既壽司方面，吞拿魚出色，蟹膏軍糮好食抵食，三文魚子新鮮，三色蝦抵食。環境大坐得好。

$12的呑拿魚壽司，以性價比來講是很抵食，不論肉質及鮮度也很好，但可惜的是有部份想食的都冇貨，在下午嚟食都冇，可想在晚飯時段也沒有很多選擇，希望Donki可以改善一下這個問題

Donki一開張，總係好多人去朝聖，今朝Donki開迴轉壽司鋪，梗係要去湊下熱鬧。可能平日關係，人唔算多，等左20分鐘左右就入得。一黎和牛壽司，都唔錯，入口即溶茶碗蒸，味道普通，裡面無咩配料，無咩特別跟住其他壽司密集送到，最好食都係拖羅同帆立貝，夠晒肥美，其他壽司就中規中矩啦。總括黎講，性價比高，都值得一試。

我friend帶我去食正嘢！荃灣西上蓋海之戀Donki開咗Sen Sen！佢話拍幾個鐘係閒事😱😰我哋兩個人5點到，已經要排20張枱！但係好彩20分鐘就排到！我勁興奮！好耐無食過咁高質嘅迴轉壽司！落單容易！唔使QR code，直接點照片就得！係我用過咗方便嘅點餐系統！豉油都有兩支俾你揀（一鹹一甜，記得揀甜（白色嗰支））！魚生OH MY GOD！超水準！終於明白點解要等咁耐！因為真係平靚正！Toro係滑到牛油咁，好多魚生我係完全夾唔住！味道一流！湯同雪糕個份量好大！我哋見到係嘩一聲！極力推薦俾大家！5點好去落飛仔啦！

開業第一天睇左剪彩同劏魚😎大約1030拎飛1400入得食物質素唔錯，壽司飯好味醬油有兩款，都幾特別除左厚切吞拿魚大拖羅完全唔抵食兼唔好食大拖羅有根，好難食後來叫左碟中拖羅好食喔除了厚切大拖羅其他都唔錯由其是帶子壽司好抵食，一直追加蟹柳/蝦天婦羅壽司好好味和牛壽司好薄都好食😋食夠500蚊有環保袋送🥸整體不錯，除了厚切大拖羅唔抵食、唔好食。重覆3次有舉手問職員，換舊冰既厚切大拖羅😭大小一樣同樣價錢，叫3拼有埋中拖同赤身🙈

工作日lunch 只需要排隊20分鐘左右每碟壽司12-37蚊不等 好抵食飯團濃郁醋味 好香 粒粒分明 夠彈牙！比普通壽司店的米好吃🍣吞拿魚3味只需要37蚊雖然有少少筋 不過唔太影響口感畢竟價錢擺在這裡 我覺得性價比已經很高！最驚喜的是炙燒裙邊配了紫蘇完美解膩 也增加了不一樣的風味👍👍

聽聞荃灣"鮮選"是DONKI全球首間迴轉壽司店。襯新開幕試試。店位於Donki food court 後面. 沿路有指示。輪候百多個位大概等了40分鐘. 等候區內有幾張長凳作休息。由於鮮選全店屬C區 (－般只接受掃安心出行 )。員工服務態度很好, 有耐性，有禮貌。食物就... 最深刻是: 厚切拖羅來了"雙層"拖羅. 以為嚟錯，服務員查迪原來厚切賣哂. 以"雙層"拖羅替代. 吃日本菜首次遇到這處理手法。另外，發現uni "照騙"但食物上又非－無可取. 壽司的飯帶鮮味與－般醋味有別。另外, 三色吞拿魚CP值算高。

今日排企鵝排左2個半鐘，成功吃到！我們選了最好吃藍鰭吞拿魚赤身 ～ 彈牙有少少筋藍鮨吞拿魚拼盤 ～ 3件比較抵食，每款1件藍鰭吞拿魚大拖羅 ～ 37元有點貴 但滿足到想食好d心態原條海鰻壽司，超級長很滿足生八爪魚壽司 ～ 煙韌有咬口，口感特別三文魚子壽司，粒粒脹卜卜好大粒赤貝壽司，鮮甜爽口不錯！火炙明太子三文魚，好香好滑，辣辣地好喜歡！燒汁帶子，甜甜地不錯！納豆壽司好特別，甘甘地原味！碎上納豆蓉火炙油甘魚壽司 ～ 油甘魚幾厚，火炙過特別滑溜！

第一日開張遇上生日🎂壽司🍣壽司d醋比較特別，但味道搶了魚生的鮮味藍旗吞拿魚中拖羅性價比高，值得一試。不過魚卵珍味太咸，但對喜歡味濃的人可以接受最後有師傅live手切藍旗吞拿魚加分

DONKI最近係香港開設咗全球第一間迴轉壽司專門店「鮮選壽司」，一直都好想去朝聖下，但新開幕一定係people mountain people sea，免不了要等成幾個鐘，所以都係望而卻步！ 但估唔到前幾日男朋友嚟接我收工，佢預先拎定咗飛，我收工一去到就可以入得，完全唔需要等~真係認真抵讚！超叻仔！ 由於我個人唔食得生冷嘢，但又想全面介紹「鮮選壽司」嘅嘢食畀大家做個參考，所以以下嘅食評交畀男朋友~ 🧡藍鰭吞拿魚拼盤（$37）食齊3味新鮮、肥美、優質嘅吞拿魚壽司先收依個價，無理由唔叫~ 🧡日本產池魚（$12）唔錯，魚味都幾香，值得一試！ 🧡北寄貝（$12）🧡螺片（$12）正正常常，價錢相宜！ 🧡蝦三味（甘蝦、蝦、赤蝦）（$17）蝦三味都喺抵玩嘅，蝦同赤蝦都夠味同質感好！ 🧡火灸芝士蝦（$12）味道不錯，價格合理！ 🧡火灸香草蝦（$12）香草味濃，蝦肉優質，CP值高！ 🧡牛油果沙律醬蝦（$12）味道夾，口感佳，推介！ 🧡蟹味噌（$12）鮮味十足，入口超重蟹味，必點推介！ 🧡火灸照燒沙律醬三文魚（$12）🧡火灸明太子沙律醬三文魚（$12）不過不失，合理水準！ 🧡芝士鰻魚（$27）芝

-🦄SEN SEN SUSHI @sensensushihk-萬眾期待嘅鮮選壽司終於開張喇今日係開張第四日 唔知道大家食咗未呢-我呢啲心急人士 琴日已經朝聖咗一次不過 我短期內都未必會再訪 因為團火已熄滅正所謂 有爸的孩子像個寶 我爸負責排隊拎飛琴日佢大約係朝早10點到埗 1030前拎到飛當時拎到C區第24張 最後12點左右入座成個過程我諗等咗兩個鍾左右 比想像中快食鮮選壽司只接受用安心出行 唔比填紙仔呢個都係我哋去到先知道嘅事 就要即場下載-基本上我哋無拎過迴轉帶嘅壽司 只係用Ipad落單送壽司嚟嘅速度好慢 慢過壽司郎好多等極都未送到過嚟 唔多唔少都有啲唔耐煩-👨🏻: 我爸食的 👩🏻: 我妹食的 👱🏻‍♀️: 我食的以下食評出自於佢哋嘅個人感受 不代表本人立場而我妹只係識講ok啦一般啦呢啲字眼 好抱歉😮‍💨-👨🏻藍鰭吞拿魚拼盤 Hkd37▪️Rating🌕🌕🌕🌑🌑以37蚊呢個價錢有3件嚟講 都算抵食嘅除返開都只係差唔多12蚊1件 好似唔應該挑剔賣相唔錯 好明顯分得出赤身 中拖羅同埋大拖羅大拖羅望落啲花紋同埋油光都靚靚囝囝咁不過赤身略嫌佢有少少腥味 大拖羅又唔夠肥-👱🏻‍♀️我心諗 你好似食

第一次黎，開業無耐（開左幾日），咁話哂都donki，一於黎試下喇。首先聲明，本人係冇收錢的，但係呢到話寫篇食評就有碟三文魚送，可能我個人比較c奶，所以咪有呢篇食評。再次聲明我絕對非打手（亦唔需要咁做，你估donki比好多錢我咩），而且我係有讚有彈的，唔係盲撐（睇落去就明）。第一，等位系統值得一讚，唔係好似壽司郎咁一次過攞哂啲飛，個系統自己派幾十張又停下，防止啲人攞左飛唔食，值得一讚（但都等左個半鐘）（今日係星期一下晝）。食材方面較壽司郎略勝一籌（特別是三文魚，拖羅），特別個隻washibi都幾好（有隻普通washibi)，但飯就真係太散，一夾點豉油即散，好似要扒飯咁。回轉帶啲牌好亂（個牌係三文魚但後面擺碟蝦），跟住成條帶都冇咩野食，主要都係點餐。衛生服務都ok正正常常,係有陣時個場坐唔滿，唔知係咪初期唔夠人有關。但見到有唔少日本人係到管理，真係匠人精神。整體來說質素不錯，但要改善的地方都真係唔少，食完過幾日上網都見到啲人有唔少不滿，希望之後會做番好啲。個人黎講呢，都應該會再黎嘅，我諗。寫篇食評都寫左500字。完。

🍣鮮選壽司 SEN SEN SUSHI (海之戀店)🎏適逢鮮選壽司10月20-28日係內部試業，加上朋友係Donki既職員，當然要去食啦！仲食左2次咁多添（有折又唔洗排呀嘛）！而佢10月29日已經正式開張左啦！😎-食左好多野～小心，以下係長文啊😂-鮮選壽司係以迴轉壽司為主。佢位於係荃灣Donki入邊，只要穿過Donki，行去Food Court果度，就有指示牌指示，非常容易搵到！我地2次都大概7點前到，都係唔需要等位，直接入座！✨👍🏻 入座時，有職員會帶位，其後會介紹兩款醬油，分別係甜醬油同埋刺身醬油。第1次好好彩係坐到卡位，原來枱既正中間會有個暗格，可以用黎收埋筷子同酸薑，呢個設計幾好喎！另外，枱上面都會有綠茶樽，同細木匙羹仔比我地𢳂綠茶粉。而第2次我地就坐左係Bar枱，原來Bar枱櫈底下面，係有藤籃，比人放隨身物品，呢個設計非常窩心。向後一望，原來卡位都有位比人放袋架！勁貼心！不過Bar枱上面就無酸薑啦，要問職員拎。 我地去左2日，所以都食得比較多：火炙明太子沙律醬三文魚 ($12)明太子味唔算特出，不過尚算香口藍鰭吞拿魚中拖羅 ($27)賣相有一點點深紅色，而且切出黎形狀唔完整。