鮮選壽司 (已結業)

仲记得，”鲜选寿司”一出𠮶阵系几震撼。作为Donki附属寿司店，好多KOL一开始将佢捧到上天，例如Wasabi系如何新鲜。冇几耐，一下子就跌落凡间，大量网民认为鲜选名不符实，甚至比争鲜还要差。当黄埔店都完全唔使排队，生意好差，我就知呢个系时机了。同寿司郎一样用pad落单同用火车上菜，呢度嘅质素唔算差，最少好过元气。好多寿司组合都唔贵，35元4旧一set，好抵叫。寿司饭系啡色，即系用红醋做，比较浓味。鱼生水准平均，唔会大惊喜，但一啲都唔失礼。有时食嘢，就系唔想排队。排队店，一样有机会中伏。不如抱住中立态度帮衬，话唔定可以发掘到好多宝藏。…查看更多

想食寿司但唔想排队，每次都会嚟黄埔鲜选寿司！嚟到可以直入0等待。我个人觉得黄埔的鲜选系好食过荃湾个间，所以系唔想排队的情况下，黄埔鲜选系个好选择！今朝食左早餐饱饱地，问一问得知今日假期都仲有午市早餐，所以就少少地叫左个寿司午市套餐。我叫左6件寿司套餐，包左一个细腐皮乌冬及小沙律。6件寿司都唔会畀啲hea 野你，有赤贝，三文鱼，大虾，吞拿鱼蓉及玉子。寿司食材新鲜，寿司饭同寿司郎有少少唔同，系醋饭。最惊喜系佢啲鱼生系大块过啲饭好多，非常有诚意。乌冬弹牙，腐皮够甜。沙律就普通野。呢个餐68蚊+1 都算抵食。男朋友叫左9件寿司套餐，多左油甘鱼，吞拿鱼，鱿鱼及萤光鱿鱼。同样系配一碗腐皮乌冬，咁样先$98+1, 同样抵食！…查看更多

今日系红磡行开街，口痕想食寿司就入嚟DONKI集团嘅鲜选寿司食几粒寿司😋😋我第一次食感觉店舖好干净，但员工应该就比较少，所以冇乜人都要等一等啲员工过嚟服务可以现场即刻买一盒新鲜刺身鱼生一齐放喺枱食，叫咗几点寿司属于正常唔太差，但你话系咪好出色又不是🤣但以佢嘅价钱选择来讲种类其实唔多，但佢嘅质素似日本平价嘅回转寿司不过黄埔分店座位都真系几舒服，同埋你可以喺Donki超市购物到行到攰就过嚟坐吓休息食吓寿司🤣…查看更多

:)岩岩新开张都试过一次，对比同区嘅寿司郎而言，佢选择较少，部分鱼生亦唔太新鲜，好明白点解成日唔洗等位，所以一直冇encore。今次行过见到佢推午市套餐，就俾多次机会佢啦，$58再加一，有个鱼生饭、细乌冬同沙律，以依个价钱，仲要依个地段黎讲，真系相当划算。角切鱼生饭：鱼生同饭比例令人有少少惊喜，可以大啖大啖咁「爬」三文鱼，感觉爽皮。腐皮乌冬亦都唔错，半块腐皮唔会过甜，汤底亦咸淡适中。仲有个细沙律，蕃茄仔同生菜口感亦新鲜。…查看更多

⭐️食物选择比寿司郎少好多，但依间就唔洗等位。⛩️环境日系日本风为主，卡位阔落坐得舒适，回转位系无寿司。用平板点餐，但平板速度比较慢，同每四样就要叫先比较麻烦。推荐食[👍🏻蓝鳍吞拿鱼拼盘$48]有齐晒赤身、中拖、大拖件件都正好满足！[👍🏻日本帆立贝2件 $22]系北海道产，好大粒好鲜甜。[👌🏻三文鱼2件 $15]起码好食过寿司郎既三文鱼。不推荐食[👎🏻赤贝2件 $22]赤贝呈现淡黑色，第一次上枱仲要一件大一件无咗一半，叫过从上先正常大细。[👎🏻山葵八瓜鱼2件 $12]无wasabi味，好失望。💁🏻‍♀️服务每枱都无热水机，每次加水都要禁钟叫服务员，好似饮茶咁。…查看更多