鮮選壽司 (已結業)

岩岩新開張都試過一次，對比同區嘅壽司郎而言，佢選擇較少，部分魚生亦唔太新鮮，好明白點解成日唔洗等位，所以一直冇encore。今次行過見到佢推午市套餐，就俾多次機會佢啦，$58再加一，有個魚生飯、細烏冬同沙律，以依個價錢，仲要依個地段黎講，真係相當划算。角切魚生飯：魚生同飯比例令人有少少驚喜，可以大啖大啖咁「爬」三文魚，感覺爽皮。腐皮烏冬亦都唔錯，半塊腐皮唔會過甜，湯底亦鹹淡適中。仲有個細沙律，蕃茄仔同生菜口感亦新鮮。