鮮道樂 (已結業)

😍😍女女考完試，佢話要食放題，近日聽見元朗街坊話喺西菁街開咗間放題，質素十分高，所以就決定帶阿女去開心一下，好彩一早已book 位，去到見到有人walk in 已經full 了😓放題價錢唔算平，$488/成人，$188/小童但勝在食物質素高，值回票價一坐低就會自動送上食物，因為佢包咗一系列既前菜，食完就可以再叫其他食物塊拖羅好肥美，成口脂肪😜牡丹蝦又超大隻，仲好新鮮燒蟹蓋糕岩石燒肉眼/黑毛豬呢個自助燒好好食架，平時午餐要成一百蚊架👍🏻蟹肉鮑魚釜飯，似韓式石頭鍋飯，鮑魚好大隻😍阿女至愛～～牛肉稻庭烏冬，好少食放題會比咁大碗烏冬👏🏻重點推薦~~燒鱈魚乾，好似食緊薯片咁脆，完全停唔到口燒正宗銀鱈魚，出面好多地方都係用仿鱈魚，呢度係真鱈魚，味道完全不同架芒果杯朱古力窩夫飲品都好好味（提子好味d😜）仲有好多美食架，仲有一人可以叫一次人像咖啡，只要你即時影張相比佢地，就可以即刻做啦，可惜我唔飲咖啡，又無理由浪費食物，所以無叫😭

黎開元朗呢個美食天堂，揸車見到大大紅燈籠嘅日式居酒屋。餐單好似報紙咁，簡單清楚。原來係間新開餐廳，餐廳裝潢漂亮，座位尚寬敞。食物品種繁多，所以入去試試。原價要$688/人，而家試業就$488/人。Hoegaarden max 奇異果，媽媽話原來啤酒配奇異果，味道好夾味道唔酸，飲落清新。我就叫左日本提子汽水，味道好似芬達提子汁。頭盤真心讚， 大拖羅看似多筋，但入口即溶， 好似食雪花牛咁滑。 生蠔超級新鮮，有海水味之餘重有metal味，唔落檸檬都得! 松葉蟹腳新鮮冇雪味，蟹肉鮮甜多汁（ 一拆蟹噴到成身蟹肉） 除咗波士頓龍蝦之外仲可以揀牡丹蝦或活赤貝刺身， 我哋剛好樣樣試齊， 我覺得活赤貝最好味。拖羅非常滑口由於冇咗青口，餐廳補上當當蜆，用清蒸方式保留鮮味，其實我覺得食蜆重開心!其實未食放題，已經好滿足。重有個斧飯先叫完成。係個現煮鮑魚飯，新鮮滾熱辣。不過唔知點解，好澀眼。。。岩石燒有兩款安格斯肉眼扒同埋黑毛豬扒。 兩款肉類紋理分明，脂肪分佈平均，超美! 除著滋滋油香，用岩燒方式排去多餘油份，鼻仔搶住先吃（好香啊），入口牛肉味濃郁，黑毛豬咬落甘香，肉質Q彈濃郁! 唔點醬汁好Juicy。本人覺

原先已經呢兩日“孖寶“ 喺公司附近都係食 “日本定食“， 諗住週末放假應該會食第二啲嘢 ，點知行過附近，家姐見到有新嘢開市，想試。 吓！噢~賣葛！！！原來又係日本嘢 但係佢想試，咁“孖寶“咪陪佢試囉 ，其實打開餐牌的而且確係有啲悶， 咁呢個唔關餐廳事。係自己嘅問題。 但係食落又ok喎 叉燒家姐讚都讚不絕口，我就冇食實際唔知道lu， 不過我試咗啖“馬騮倫“嘅豬軟骨拉麵一啖仔，湯底，拉麵，豬軟骨都ok喎，不過我試小小不作準， 湯底唔係太鹹味道用我嘅口味，我覺得息中囉， 豬軟骨都諗心得嚟唔會一pat pat， 拉麵口感煙韌度都夾到我。我自己嗰碗海老海膽 蟹子丼都ok，海膽未係鮮甜， 蟹子都冇驚喜而家一般香港食都ok，但係都未夠甜 ， 海路就冇乜驚喜可能呢輪真係食得太多囉 ，但係算不過不失， 而且服務態度，一班年青人都幾nice，金毛仔都幾靚仔，妹妹們都好可愛，賣嘢上枱嘅四眼仔都好可愛，我本來好想試人像咖啡， 不過我驚夜晚瞓唔著， 所以留返下次先啦🤭

星期天是打工仔的重點休息日，難得不用開機加班，不忘爭取真正寧靜又屬於自己的時間。來元朗閑逛，原來這裡已發展得飛快，人口繁多，各色各樣的食肆餐廳開到成行成市。這家日式餐廳非常新，門口掛著正式試業的字樣，還提供非常吸引的優惠價，誠意十足，一定要支持創業者。店員細心安排位置，每個客人椅子下都放了一個籃子還客人放手袋及隨行物件。餐牌以號外出場，創意滿分。日式放題，包括一系列的主菜，非常豐富。龍蝦大又味道鮮甜，魚生刺身生蠔非常新鮮。熟食也很吸引。大海貝肥美可口，新鮮彈牙。不用到日本也品嚐得到燒肉的日本風情，無論黑毛豬或是安格斯肉眼扒也香口美味得不能用筆墨形容。生熟度由自己決定，雪花牛啖啖惹味。油甘魚，元貝刺身，鹽燒雞翼。京燒銀雪魚，炭燒鰻魚，枝豆。美味的鮑魚飯。芒果忌廉脆脆。烏龍茶。 沒茶雪糕配窩夫。由於食物多到食唔晒，好多美味的菜式也沒有點，整體服務食物質素都很高，希望他們試業成功 ，繼續努力提供優質的餐飲服務給香港朋友。

相約好友一起探另一個好友的出世兩個星期B仔，探完之後兩個人便搜尋一下元朗有什麼美食，在好友家附近看見有一間日本料理好像不錯於是便去看看餐牌，餐廳有兩種選擇有放題形式或者散點都有的。開業優惠 $588放題任食5.5小時，而且餐牌上的食物都可以任點的相當吸引，兩人就選擇了吃放題。坐底之後侍應向我們講解了放題即送頭盤，頭盤已經很豐富，有大吞拿魚腩刺身，三文魚刺身，法國生蠔，松葉蟹腳，籠仔蒸法國藍青口，蟹味噌原隻鮑魚釜飯。。。。等等，真是CP值很高的一間餐廳真是喜出望外。刺身送到上枱時，急不及待要試試了，第一口咬落去已經感覺到很新鮮，在口腔的鮮味停留著好回味。籠仔蒸法國藍青口清清地好鮮甜。味噌甲羅燒（燒松葉蟹蓋）， 蟹膏份量豐富鮮甜美味很creamy滑不留口。正！鹽燒雞中翼串燒燒得好惹味，雞翼上的鹽味已經好好食。冰鎮溫室蜜糖苦瓜苦瓜很爽口，味道帶甘，配上蜜糖後有點甘甘地甜甜地的味道，很特別。蟹味噌原隻鮑魚釜飯釜飯上枱時還有漏沙計時器，原來是漏沙計時器漏完便可以吃了。釜飯裏除了飯和鮑魚，和冬菇還有味噌一起煲。 然後撈起之後所有材料都入了味，鮑魚口感軟腍，整體不錯。一邊吃一邊飲日本梅子果酒，很有日

趁新開可以優惠價平100蚊，即刻同老公 走去捧下場， 呢度嘅放題 有番咁上下水準而且食材仲好高質添， 加上我都幾鍾意飲酒佢哋可以紅白酒sake梅酒hoegaarden生啤任飲， 哂啱我心意頭round 每人限送一個 海鮮拼盤， 龍蝦半隻，長腳蟹，生蠔 ，拖羅同三文魚，正呀😍蟹甲羅燒係用蟹膏加蟹肉 撈埋一齊 製作而成架， 在放喺米餅上麵食， 啲蟹膏味 湧到上 鼻青口都唔錯， 煙煙靭靭 幾口感安格斯肉眼扒，鮮道樂黑毛豬，一人選一份， 放喺石鍋飯店煎泥食， 睇到都流曬口水最後就係個鮑魚飯，大大隻， 要食埋飯焦呀， 食完佢地限量嘅食物品之後，都已經飽飽地🤭🤭鰻魚串同牛舌又肥又厚又大件，送下酒，其實咁食真係食得非常痛快銀雪魚煎完之後啲魚油出哂泥，好甘香， 雖然成口魚油但係心理上覺得好健康😂😂最後梗係留番個肚食 甜品，一人選一款，咁至完美🤭個芒果 杯啲果肉夠晒豐富， 推介哦

近日元朗區好hit的放題店，不過我食量唔多，所以想來試試午餐質素如何~ 裝潢幾和風，而且樓底夠高，空間感十足. 午市定食可免費追加紫菜珍珠飯、味噌湯，還免加一服務費. 山葵燒安格斯肉眼扒定食 ($118) 漬物是涼拌苦瓜，味道帶酸，個人不太喜歡. 如果是拌上蜜糖的苦瓜更好吃. 味噌湯不會過鹹，內有健康的昆布，喜歡的更可以添飲. 安格斯肉眼扒煎得剛剛好，肉質嫩滑，配上辣辣的山葵，以及鹹香的紫菜珍珠飯，令我胃口大開. 原條燒喜之次定食 ($178) 一直都喜歡吃魚的我，見到定食竟然有原條燒喜之次，當然要試試這店的水準. 外皮香脆的kinki，魚肉相當嫩滑且富油脂，用來配飯已經很美味. 午市定食都很有水準，晚市放題都應該不俗，可惜我食量不多，要不然也想試試放題呢!元朗西菁街23號富達廣場地下G25-28號舖 24431228 98186529 (Whatsapp)

之前上網見到facebook啲人瘋狂介紹呢間新開既日式放題， 焦點係可以食足五個半鐘和主打高質食材，睇完覺得幾吸引，就即刻打去預訂左二個位。 門口有兩盞大燈籠，真係夠曬霸氣， 唔使講一睇就知道係食日式野啦。雨傘掛在天花板幾有特色， 顏色花紋都比較精美細緻。 地方大和比較舒適闊落， 晚飯時段人山人海，建議大家食前要預先預約呀。頭盤每人一份松葉蟹，生蠔，牡丹蝦，魚生和吞拿魚腩。 松葉蟹肉多鮮甜，生蠔好creamy， 牡丹蝦非常爽甜， 魚生和吞拿魚腩夠晒肥美。味噌甲羅燒其實即係燒松葉蟹膏蓋， 蟹味濃郁，蟹膏份量多，再配少量蟹肉，十分惹味。蟹膏連埋米通一齊食，又變咗另一番風味， 感覺冇咁漏。呢度特別地可以食埋石頭燒， 我就揀咗安格斯肉眼扒黎燒， 牛肉肥瘦比例適中，顏色鮮豔， 食落口非常有口感。籠仔蒸法國活藍青口用個木盒來清蒸， 感覺新奇新鮮，青口比較鮮嫩， 無腥味之餘仲一粒沙都無。火焰三點盛當中有火焰三文魚，飛彈牛和鮮帶子。 呢個組合幾特別，侍應送到埋嚟會用火槍燒一燒個碟底部從而著火， 令到壽司可以保溫和增加新鮮感。呢度竟然有得食三文魚子壽司和雞泡魚乾， 平時單點都唔平，呢度仲可以任食， 食多

今晚收工行過元朗西菁街 見到有間新開日式餐廳決定對自己好啲 拉埋友人一齊開餐餐廳有散叫同放題 放題仲要係5個鐘個隻 勁！我地㨂左放題 先黎頭盤吞拿魚腩+三文魚+生蠔+松葉蟹腳三文魚同吞拿魚厚切 好鮮 吞拿魚更加入口即溶法國生蠔同松葉蟹腳有海水味 我重㨂左龍蝦入口彈牙而且好鮮甜另外重有岩石燒安格斯 肉質嫩滑 牛味濃我地味噌甲羅燒同珍寶黃金蠔 一人一樣甲羅燒簡直係今晚重點 蟹膏味濃 好正芝士燒蠔都唔失色 十分惹味 淨係食晒呢啲野 已經值回票價 重未計自選個啲喎蒲燒鰻魚串同燒羊架 燒牛舌 都好好食最尾勁飽之下都要叫啲甜品完美下

見呢間最近新開好多人討論..又好評如潮撞岩平日放假..前日就即刻book黎試下1入到去好有居酒屋感覺不過今次係專誠去試下佢個放題..之前睇到網友係度點左生啤hoegaarden奇異果味..1坐低就點黎試下..原來真係有300ml試飲size(細細杯岩晒我)杯野甜甜地..但仲有d啤酒味我個人就好中意不過bf就唔多buy頭盤d 2選1同bf 每人揀1款黎share試下我對生蝦敏感..所以揀左活赤貝同龍蝦小妹比較中意赤貝多d..好鮮甜大拖羅好好彩食到入口即溶..仲要好少筋岩石燒d牛肉好香肉味..黑毛豬好似係腩肉..My favourite個釜飯我地煮得岩岩好..仲有飯焦脆脆地不過淡左dd鮑魚竟然唔韌仲要幫我地除左內臓ar..gd!👍🏻本身話有藍青口,,不過好似無貨(心諗仲好..我唔中意食青口)轉左做大蜆..好鮮甜食完頭盤都飽左1半..終於到放題時間點左炸天婦羅蝦..網友話必食ge海膽手卷..牛脷串燒..帶子刺身..火炙壽司..溫室苦瓜絲(?)最驚喜係天婦羅蝦..佢唔係1般放題果d厚粉蝦bb..好重蝦味,粉又唔厚😍正!海膽手卷我都幾欣賞..海膽夠大粒同好鮮甜我好怕食到d有陣唔知係5係木板怪味g

早幾天朋友在「鮮道樂日本料理」吃過放題之後，一直對它讚不絕口，所以我和母親大人都頓時心動了，所以我們亦二話不説便到此用膳。餐廳門外掛滿了燈籠，看上去特別有氣氛又吸引，日式情懷十分濃郁! 而餐廳內裏的裝潢同樣吸引，裝潢都是走日式風情，同時掛了不少日式子傘以作裝飾，相當吸睛!日本提子汽水未評論他們的食物之前，真的要先評論他們的飲品。想不到他們無酒精飲品是任飲之外，就連日本酒如菊正宗清酒和日本梅子果酒、法國紅酒、藍妹生啤、朝日啤酒、Soneerby Apple Cider、Hoegarder生啤和Hoegarder Max奇異果都是任飲的，喜歡喝酒的，只要多喝幾杯也差不多回本了。不過我們都不是十分喜愛酒精飲品，所以點了日本提子汽水來嚐一嚐。其實我們對這汽水沒有十分大的期望，但喝過它之後卻有喜出望外的感覺。日本提子汽水夠冰凍之餘，提子味香甜濃郁，尤如在吃提子糖一樣，味道討好，感覺又清新!御．頭盤 (刺身拼盤) - 波士頓龍蝦 (半隻); 活赤貝刺身 (一本)先上的頭盤是刺身拼盤，刺身拼盤包括大吞拿魚腩刺身、三文魚刺身、法國生蠔和松葉蟹腳，另外我們可以選波士頓龍蝦、牡丹蝦刺身或活赤貝刺身一款，愛

見到門面同佢既頭條就比佢吸引咗，好一間元朗日式高質放題新場，仲可食足五個鐘，拼得起👍只係揀佢個頭盤已好開心，樣樣矜貴，點揀都覺得好值。仲係每人一set, 真係勁滿足。呢個係其中既珍寶黃金蠔，食完面層既芝士蠔之後仲有海水味，真係好味到不得了!嘩，個大吞拿魚腩係堅㗎，肯定冇渣，味到再鮮d就更好! 松葉蟹腳都好鮮甜，唔洗自己拆殼，非常貼心 藍青口味道獨特，鮮味加煮法，食到唔停口?😋😋仲有咩，開心煎嘢食嘞，一黎就係好正既安格斯肉眼扒同黑毛豬，兩款都薄薄的、嫩嫩的、煮完好有肉汁，味道都好好!🤗🤗另外值得推介既串物係鰻魚，鰻魚汁嘢味得黎唔會蓋過鰻魚既鮮，我哋都encore咗，如果唔係咁多美味選擇，相信會繼續encore😉仲有仲有，燒羊扒正，三文魚魚鮫唔好錯過，好好味，好肥美! 而西京燒銀雪魚都非常好味，全部魚都煎得個皮脆脆，肉質嫩嫩😋😋寿司同手卷呢d大路嘢都係優質，睇吓D相，一個字-“鮮”。手卷既紫菜係脆㗎😉食到飽如想有d麵氣，不防叫個拉麵，因為有大小之分，叫個細的唔會浪費食物，而且湯底好香濃，麵質都好好!👍甜品必食👉🏻😍😍😍貓山王炸彈日式紅豆蓉燒年糕😋😋😋快D把握個開業優惠呀！

今天乘巴士回家中呀仔致電來，「老豆今晚請你去食日本放題賀你生日好唔好?」，唔駛思考即刻幾個好答佢..原來糸帶我去正在試業的鮮道樂日本放題開始先來個一次御頭盤，法國生蠔及大吞拿魚非常新鮮，肥美這個岩石燒安格斯肉眼扒和黑毛豬扒，細細片一口一件肥瘦均勻回味無窮！要特別介紹這兩款小食，冰鎮溫室蜜糖苦瓜及甘酢番茄，凍凍地丶酸酸地丶苦苦地使人開胃D繼續放題至於大甜蝦和赤蝦剌身，供應不斷！又大隻又新鲜⋯⋯至於其他手卷丶天婦羅都熱辣辣上枱，只嫌串燒牛舌燒得太乾另外如放題每4位即送燒喜知次魚一條，不過燒得不夠乾身，有點可惜！最特別是每位放題顧客可叫一杯人像咖啡，所以有D平時不喝咖啡的客人都叫番一杯⋯(都幾像樣)總括來講雖然價錢比較偏高，但食材尚算新鮮，而且品質和一般日本餐廳差不多，加上用餐時間最長五個半小時，可以傾吓計，慢慢食，好像去了日本餐廳用膳一樣！所以這處是(非一般的日本放題餐廳)，值得一試.....

一間高質素既放題除左食物要新鮮之外，環境要食得舒服都非常重要，係元朗既呢間”鮮道樂”足足俾5.5小時你食，絕對可以好好去享受。由於剛試業既關係，而家可以用$488就食到佢既放題。“鮮道樂”呢間餐廳既食物質素都可以話對得住呢個價錢，雖然係放題 但食物完全唔會草草了事。😋頭盤首先黎左個拼盤，有生蠔 蟹腳 刺身同埋我揀左既龍蝦，黎到既賣相已經好吸引 仲要樣樣都係非常厚肉同鮮甜 老實講呢到既食物種類就唔算話係太多既，但要有既都有，呢到另外一個吸引既地方就係佢既飲品除左有一般既可樂阿 雪碧之外，竟然連日本既汽水，啤酒 紅酒 梅酒都係任飲🤤試左一個hoegaarden max奇異果，啤酒味唔算濃 帶啲生果既甜味 非常易入口，女仔都可以飲。食完個頭盤，店員就會上一個岩石燒爐 準備食第燒肉，我order左一份安格斯肉眼扒同黑毛豬排，兩者比較我會鐘意黑毛豬多少少 因為肉質好爽口 有少少食豬頸肉咁樣既感覺 同脂肪比例好好，肉眼扒相對就無咁特別。燒肉過後，就輪到食釜飯啦，今舖真係生米都煮成熟飯啦 哈哈，職員會俾一個漏斗你 當漏斗漏完之後就意味住個飯已經可以食啦，個飯都幾香 好淋身 飽魚就係爽既 所以兩者配合